Dagur - 07.09.1987, Page 3

raot- jofiwutflo-. v _ cmnAn _ o
7. september 1987 - DAGUR - 3
Amtsbókasafnið:
A /
Fækkun utlana
Hjáiparsveit skáta á Akureyri:
Línan sem slitnaði
togþolsþrófuð
og menn geti framfleytt sér
þokkalega af þeim.“
- Hvernig er þetta svæði hér
fallið til loðdýraræktar?
„Pað er óhætt að segja að
svæðið sé vel fallið til loðdýra-
ræktar. Við búum hér við góðar
samgöngur og hér er snjólétt
þannig að sjaldan verða vandræði
með að koma fóðrinu til okkar en
því er ekið til okkar frá Sauðár-
króki. Hitt er meira vandamál að
fóðurverð er of hátt sem kemur
til af mikilli fjárfestingu en með
auknum loðdýrabúskap vonum
við að fóðurverðið lækki.“
- Er fýsilegt að leggja út í loð-
dýrabúskapinn í dag?
„Því miður er ekki nema ein-
staka maður sem vill taka þá
áhættu að leggja út í loðdýrabú-
skap. íslenskir bændur eru búnir
að búa við það kerfi í 40 ár að
ekki hafi þurft að hafa áhyggjur
af offramleiðslu vegna þess að
ríkið hefur tekið ábyrgð á fram-
leiðslunni. Petta eru )dví miklar
breytingar fyrir bændur að þeir
taka nú sjálfir áhætiu á heims-
markaði með sína vöru og ég er
ekki hissa þótt menn séu hikandi
að setja sig í þessa stöðu.
Á hinn bóginn liggur það alveg
ljóst fyrir að um útflutning á
kindakjöti verður ekki að ræða í
náinni framtíð og því verður að
reyna að finna einhverja aðra
útflutningsvöru."
- Hvernig er aðstoð við bænd-
ur sem vilja hefja loðdýrabúskap
háttað?
„Þetta er mikil fjárfesting fyrir
bændur en þar kemur á móti að
fyrirgreiðslan frá hinu opinbera
er mikil. Hún er að mínu mati
orðin viðunandi núna. í fyrsta
lagi eru frekar ríflegar lánveiting-
ar, í öðru lagi styrkveitingar út
frá jarðræktarlögunum, í þriðja
lagi endurgreiðsla á söluskatti af
byggingarefni refaskálanna og í
síðasta lagi hefur framleiðnisjóð-
ur veitt mönnum styrk sem not-
aður er til lífdýrakaupa án þess
að menn fari út í aðrar búhátta-
breytingar. Það eru nokkuð
margir sem fara út í loðdýrabú-
skap sem hliðargrein, bæta loð-
dýrunum við búskap sem fyrir er
á jörðunum og þeir fá yfirleitt
styrk til lífdýrakaupa.
Þegar allt kemur til alls þá er til
þess að gera auðvelt að fara út í
loðdýrabúskapinn en það er þessi
ótrygga uppboðssala sem fælir
menn frá. Hitt er að allar spár
benda til þess að það verð sem
fæst fyrir minkaskinnin í dag
muni haldast en spá er alltaf spá.
Það lifir enginn á spádómum ein-
um saman,“ segir Gísli að lokum.
JÓH
Bridgemót
á Hótel Örk
Hótel Örk í Hveragerði, í sam-
yinnu við Briddssamband
íslands og Briddsfélag Þor-
lákshafnar, gengst fyrir opnu
stórmóti helgina 3.-4. október
nk.
Mörg glæsileg verðlaun eru í
boði, m.a. utanlandsferðir fyrir
þrjú efstu pörin.
Keppnisgjald, með gistingu og
morgunverði, er aðeins kr. 3600
pr. keppanda en kr. 1600 án gist-
ingar.
Búast má við góðri þátttöku í
þessu fyrsta stórmóti á nýhöfnu
starfsári briddsfólks. Skráning er
hjá BSÍ (Ólafi) eða beint við
Hótel Örk (gisting).
Einnig gefur Gunnar Óskars-
son í Þorlákshöfn allar upplýsing-
ar. Ólafur Lárusson annast
stjórnun en Vigfús Pálsson tölvu-
útreikning. Þeim er koma lengra
að er sérstaklega bent á samning
BSÍ við Flugleiðir varðandi af-
slátt frá almennu fargjaldi.
„Ég hef ekki tekið saman nein-
ar tölur yfir útlán það sem af er
þessu ári en ég hef grun um að
það hafi dregið eitthvað úr
þeim,“ sagði Lárus Zophon-
íasson hjá Amtsbókasafninu á
Akureyri er hann var spurður
hvort samdráttar hefði gætt í
útlánum safnsins á þessu ári.
Á árinu 1986 lánaði Amts-
bókasafnið út rúmlega 118 þús-
und bindi, en það var 7300 bind-
um færra en á árinu 1985. 1984
höfðu útlán hins vegar rokið upp,
fóru yfir 140 þúsund. Kom þetta
nokkuð á óvart á sínum tíma og
sagðist Lárus ekki kunna neinar
skýringar á þessari miklu aukn-
ingu það árið. Síðan hafa útlán
dregist saman og er allt útlit fyrir
svo sé einnig í ár. Má búast við
að samdrátturinn sé um 1000
bindi á mánuði. En hver er
skýringin?
„Maður lætur sér detta í hug
mikil fjölgun fjölmiðla. Fjölgun
útvarpsstöðva, sjónvarpsstöðva
og tilkoma myndbanda hljóta að
gera það að verkum að tóm-
stundir fólks dreifast á fleira en
bóklestur. Þetta er auðvitað
ósannað mál en mér finnst þetta
sennilegt. En þó að útlánin hafi
dregist saman þá eru þau gríð-
armikil ennþá og ég er ekki
smeykur um að þetta tákni að
fólk sé að hætta að lesa. Bókin
stendur áreiðanlega fyrir sínu,“
sagði Lárus Zophoníasson. JHB
Nokkur umræða hefur verið
vegna slyssins sem varð, þegar
Hjálparsveit skáta sýndi bjarg-
sig á afmælishátíð Akureyrar-
bæjar. Meðal annars hefur
verið rætt um línuna sem slitn-
aði og vangaveltur þar um ver-
ið ýmsar. Samkvæmt heimild-
um Dags, eru klifur og sig tvær
ólíkar aðgerðir. Klifurlínur
hafa fallstaðal sem talinn er í
fjölda falla t.d. 12 föll, og mun
eftir það teygja fara úr línunni.
Siglínur eru af annarri gerð og
er þá miðað við þann þunga
sem þær bera.
Degi hefur borist yfirlýsing frá
Hjálparsveit skáta á Akureyri og
fer hún hér:
Þann „29/8“ varð það hörmu-
lega siys, þegar nokkrir félagar
sveitarinnar voru að síga á
húsvegg í sýningarskyni, að einn
félagi okkar hrapaði niður og
slasaðist þegar lína sem notuð
var slitnaði.
Línan sem notuð var hefur
ekki viðurkenndan staðal sem
klifurlína. En hún hefur nú verið
togþolsprófuð hjá Iðntæknistofn-
un íslands. Samkvæmt heimild-
um frá stofnuninni slitnaði línan
við 8,4 kg/N (sem er ca. 800 kg).
Umrædd lína hefur margoft verið
notuð við sig á æfingum. Rekja
má orsakir slyssins til þess að lín-
an skarst í sundur á veggbrún,
skömmu eftir að sigmaður lagði
af stað niður. Þau mistök urðu
við undirbúning að láðst hafði að
láta teppi á veggbrúnina undir
línuna. Telja má fullvíst að þetta
sé höfuðorsök slyssins. Tilviljun
ein réði því hver notaði hverja
línu.
Þar sem æfingar og störf þeirra
er starfa í Hjálparsveit skáta á
Akureyri eru oft unnin við erfið
og hættuleg skilyrði, hefur ávallt
verið reynt að hafa tryggingamál
í sem bestu lagi. Fljálparsveit
skáta á Akureyri mun ganga ríkt
eftir því að félagi okkar fái allar
þær bætur sem hægt er. Að öðru
leyti mun Hjálparsveitin veita
alla þá aðstoð sem hún getur.
Slys þetta hlýtur óhjákvæmi-
lega að krefjast vandlegrar
endurskoðunar á öryggismálum í
starfi sveitarinnar. Bæði hvað
varðar útbúnað, þjálfun og
öryggisreglur á vettvangi.
Stjórn Hjálparsveitar skáta
Akureyri lýsir yfir fullri ábyrgð
sinni á þessu hörmulega slysi“.
VG
Með einu bréfi bjóðast
þér 6 tækifæri
til að láftai peningana
vinna fyrir þig.
Einfalt og öruggt.
9-11,4% vextir umfram verðbólgu.
Á síðasta ári stofnaði Iðnaðarbankinn Verðbréfamarkað
Iðnaðarbankans hf. til að geta boðið viðskiptavinum
sínum jafngóða þjónustu í verðbréfaviðskiptum og í
bankaviðskiptum. Nútímaþjónustu sem er í senn
áreiöanleg, ánægjuleg og þægileg.
Kjörorð Verðbréfamarkaðsins er að gera verðbréfavið-
skiptin einföld og örugg. Sem dæmi má nefna Verð-
bréfareikninginn en hann er sérstaklega hentugur þeim
sem búsettir eru után Reykjavíkur. Til að fá upplýsingar
um hvernig við hjálpum fólki við að ávaxta peninga þarf
ekki annað en að fylla út meðfylgjandi miða og póst-
senda hann til okkar. Við munum svara án tafar. Sýnið
fyrirhyggju og látið okkar fólk um að ávaxta peningana.
Vextirnir á traustum skuldabréfum eru nú 9-11,4% um-
fram verðbólgu en það hefur jafngilt um 32-33% árs-
vöxtumfrááramótum. Hjáokkureruverðbréfaviðskiptin
einföld og örugg.
Vinsamlegast sendið upplýsingar um þau atriði sem merkt er við.
□ Verðbréfareikningur
□ Eftirlaunasjóðir einkaaðila
□ Sjóðsbréf 1 og Sjóðsbréf 2
□ Skammtímaskuldabréf Iðnaðarbankans
□ Skuldabréf Glitnis hf.
□ Mánaðarfréttir Verðbréfamarkaðs
Iðnaðarbankans
Heimili
Sendist til Verðbréfamarkaðs Iðnaðarbankans hf„ Ármúla 7,108 Reykjavfk.
Síminn er 91-68-10-40.
1
Verðbréfamarkaður
Iðnaðarbankans hf.