Dagur - 09.09.1988, Blaðsíða 7
„Loft er læviblandið“
Það sem ber hæst í fréttum í dag
er glíma ríkisstjórnarinnar við
efnahagsvandann, gjaldþrot nokk-
urra stórfyrirtækja og síðast en
ekki síst dugnaður og æðruleysi
Ólafsfirðinga sem hafa unnið af
ótrúlegum dugnaði við hreinsun
kaupstaðarins eftir náttúruham-
farirnar þar undanfarið.
Ólafsfirðingar skila miklum
auð í þjóðarbúið með fiskvinnslu
sinni og sjósókn bæði með togur-
um og bátum, því hlýtur Viðlaga-
sjóður að bæta þeim það efna-
hagslega tjón sem þeir hafa orðið
fyrir. Þetta minnir okkur á að við
vitum aldrei hvar eða hvenær
náttúruhamfarir geta skollið á,
hér á landi voru. Eldgosið í
Heimaey forðum gerði ekki boð
á undan sér, en þar var sama
Guðsmildin yfir, að engir mann-
skaðar urðu.
í DV 2. september er sagt að
gjaldþrot vofi yfir mörgum sveit-
arfélögum og þar séu útgerðar-
kaupstaðirnir verst settir. Á for-
síðu blaðsins stendur nánast með
stríðsfréttaletri að Davíð Oddsson
segi að nú sé komið að úrslita-
stund ríkisstjórnarinnar, að
framtíð hennar ráðist á tveimur
til þremur næstu vikum. Það hef-
ur oft verið sagt áður um þessa
ríkisstjórn að hún væri að
splundrast en hún virðist harla
lífseig. Víst er loft læviblandað
og það er eins og enginn vilji tjá
sig að fullu um hvort niðurfærslu-
leiðin sem þegar er hafin með
verðstöðvun ásamt tilheyrandi
aðgerðum, til að fylgja henni
eftir, sé fær. Óvissuþættirnir eru
svo margir að þetta er eins og
mjög flókin staða á taflborði og
ef sú líking er notuð gæti stjórnin
óneitanlega orðið „patt“.
Ef sú yrði raunin er þó alltaf
fyrir hendi gamla bragðið, að
fella gengið með miklum hraða
og þá svo mikið að það bjargi
fiskvinnslunni í bili. Henni hlýtur
að þurfa að bjarga fljótt, því eins
og Steingrímur sagði á dögunum,
versta kjaraskerðing sem við gæt-
um orðið fyrir er atvinnuleysi og
hjá því yrði varla komist ef
útgerðin stoppast fyrir alvöru.
Þjóðhagsstofnun spáir l,5-2ja
milljarða fjárlagahalla á þessu ári
en fjármálaráðherra heldur fast
við að hallinn verði ekki nema
700 milljónir. Hvað sem því líður
er ekki að sjá að almenningur búi
við sult né seyru í öllu hallæristal-
inu, hinu er ekki að leyna að í
heiminum öllum er ástandið
uggvænlegt og sums staðar er spáð
að milljónir manna muni látast af
matarskorti t.a.m. í Bangladesh,
Súdan og víðar.
Fyrir rúmum hundrað árum
þegar íslendingar bjuggu flestir í
moldarkofum skall hver plágan
af annarri yfir ísland. Hver hefur
ekki heyrt um Skaftárelda og
afleiðingar þeirra? í heimildum
frá nóvember 1783 segir: Dapur-
legar horfur við vetrarkomu:
Heyfengur lítill og illur, bjargar-
leysi á heimilum og fiskilaust við
sjóinn. Síðan segir: Sjaldan eða
aldrei hefur fólk á íslandi horft til
vetrarins með slíkri ógn og skelf-
ingu sem nú. í desember sama ár:
Fjársöfnun hafin í Höfn, sam-
skotabaukar hafðir við kirkjudyr
tvo sunnudaga í röð. Svo í apríl
1784: Allt kvikt lostið kröm og
kvöl: Fólk og fénaður hrynur nið-
ur eins og hráviði um gervallt
landið. Einhverjum finnst þetta
kannski full langsótt til saman-
burðar við kjör manna nú. Ég
held hins vegar að okkur sé hollt
að minnast þessara atburða og
njóta þess að lifa meðan við höf-
um það þó þetta gott og höfum
þessa peninga til ráðstöfunar.
Þessi ríkisstjórn eins og aðrar
þarf aðhald og sterka stjórnar-
andstöðu, og það þarf engan að
undra að launafólk sé ekki ginn-
keypt fyrir því að laun þess séu
lækkuð eftir að hafa barist fyrir
þeim um langt skeið, oft á tíðum
með verkföllum og öðrum neyð-
arúrræðum.
Auðunn
Blöndal
skrifar
Það er eins með verkföll og ann-
að að það eru til margar hliðar á
þeim. Það var 27/6 1945 að frétt
barst frá Kaldaðarnesi: Verkfall
á drykkjumannahæli. í fyrradag
lögðu vistmenn á drykkjumanna-
hælinu hér niður vinnu. Þeir hafa
að undanförnu verið að rífa
bragga. Hefur þeim verið greitt
fyrir vinnuna á Dagsbrúnartaxta,
en frá kaupinu dreginn fæðiskostn-
aður þeirra. Nú neita þeir að
vinna, nema þeir fái Dagsbrúnar-
taxta og ókeypis fæði að auki.
Húsnæðið er ókeypis. Verkfallið
var algert. Vistmenn neituðu að
sækja vatn til matargerðar handa
sjálfum sér. Þetta var rúmum
mánuði eftir friðardaginn (8.
maí) og líklega hafa menn verið
bjartsýnir eftir að hildarleiknum
var lokið. Það er nú saga út af
fyrir sig hvernig íslendingar
högnuðust á styrjöldinni meðan
borgir margra annarra þjóða
voru í rúst að meira eða minna
leyti.
Hvað er framundan spyrja svo
menn í dag. Ekki vitum við það
en kjarkur og trú munu fleyta okk-
ur yfir þessa erfiðleika sem við
stöndum frammi fyrir. Það er
boðið upp á rándýrar skemmtan-
ir í dag og nú hlakka margir til
komu bjórsins eins og menn
gerðu þegar áfengisbanninu var
aflétt 29. ágúst 1934. En það er
svipað með skemmtanirnar og
fæðið, hið einfalda og óbrotna er
það sem menn síst offylla sig á.
A.B.
Fólk er ekki ginnkeypt fyrir því að laun þess séu lækkuð, segir greinarhöfundur ni.a
saer isdmsíqoe .6 - flUÐAQ - 6
9. september 1988 - DAGUR - 7
Glæsilegur
blómamarkaður
íVín
hefst í dag
Fullt hús af blómum og verðið hreint
ótrúlegt.
Nú er tækifæri að endurnýja og bæta við.
Blóm af öllum stærðum fyrir heimili og
fyrirtæki.
Það er notalegt að njóta veitinga í Vín
eftir slík reyfarakaup.
Vín Opið allt árið.
Dansleikur
laugardagskvöld 10. september
Gautar frá Siglufirði
frá Siglufirði
leika fyrir dansi
Mætið tímanlega síðast var uppselt kl. 23.30
Matseðill
Hörpuskel og humar á teini kr. 750,-
Blandaðir sjávarréttir
í smjördeigsformi kr. 640.-
★
Rjómabætt spergilsúpa kr. 380,-
Humarsúpa með hvítlauksbrauði kr. 470.-
★
Pönnusteikt heilagfiski
með vínþrúgusósu kr. 1.040.-
★
Kryddlegið lambalæri
með rósapiparsósu kr. 1.380.-
Aligrísalundir með hnetum
og Grand Marniersósu kr. 1.570.-
Hreindýrasteik með perum
og bláberjasósu 2.550.-
★
Whiskyísterta á karamellugrunni kr. 420.-
Borðapantanir í síma 22200