Dagur - 10.09.1988, Síða 20

Snvrtivörur í úrvali - Okkar merki - Snyrtivörur í úrvali
Stakfclliö við bryggju á Akureyri. Fjær er Björgúlfur togari Dalvíkinga. Mynd: kk
Báðir togarar Útgerðarfélags
Norður-Þingeyinga bilaðir
- Vélin í Súlnafellinu úrbrædd og niðurfærslugír í Stakfellinu bilaður í Qórða skipti
Skagafjörður:
Ekið á
hross á
Vatnsskarði
Ekiö var á hross viö bæinn
Valagerði á Vatnsskarði sl.
fímmtudagskvöld. Bifreiðin
sem ók á hrossið skemmdist
tölvuvert, en ökumaður hlaut
lítilsháttar meiðsli. Hrossið var
aflífað á staðnum.
Petta gerðist um 10 leytið um
kvöldið og var verið að reka
hrossið yfir veginn, sem var 15
vetra gamall heimilishestur frá
Valagerði. -bjb
Dalvík:
Lionessur
selja
plastpoka
Lionessur á Dalvík munu ganga í
öll hús á Dalvík og einnig fara á
bæi í Svarfaðardal á mánudag og
þriðjudag. Konurnar ætla að
bjóða plastpoka til heimilisnota
til sölu en slíkir pokar eru t.d.
hentugir þessa dagana við slátur-
gerð. Allur ágóði af sölu plast-
pokanna rennur til líknarmála.
Þetta er í fyrsta sinn sem Lioness-
ur á Dalvík fara í slíka söluher-
ferð til styrktar líknarmálum, en
klúbbur þeirra var stofnaður í
fyrra. EHB
Báðir togarar Útgerðarfélags
Norður Þingeyinga, Stakfell
og Súlnafell, liggja bundnir við
bryggju vegna bilunar. Aðal-
vélin í Súlnafellinu bræddi úr
sér fyrr í sumar og niðurfærslu-
gír í Stakfellinu bilaði fyrir
viku, er skipið var að leggja af
stað í veiðiferð.
Súlnafellið er í viðgerð í Hafn-
arfirði, þar sem skipt er um aðal-
vél og er reiknað með að skipið
verði tilbúið til veiða um næstu
mánaðamót. Stakfellið er í við-
gerð á Akureyri og er ljóst að
skipið kemst ekki til veiða á ný
fyrr en í fyrsta lagi eftir viku til
tíu daga.
Þetta mun vera í fjórða sinn
sem niðurfærslugírinn fyrir rafal-
inn í Stakfellinu bilar, síðast fyrir
um 18 mánuðum. Ekki hefur tek-
ist að fá legur í stað þeirra sem
fóru í gírnum en verið er að leita
þeirra víða í Evrópu.
„Þetta er hreinlega ekki nógu
góð lausn mála og þessi bilun er
fæðingargalli. Nú það verður gert
við gírinn eins og áður en ég held
að það sé kominn tími til þess að
fá þarna varanlega lausn,“ sagði
Sigurður Friðriksson skipstjóri á
Stakfellinu í samtali við blaðið.
Aðspurður um kvótastöðu
togarans, sagði Sigurður að hún
væri léleg. „Við fengum þriggja
vikna stopp vegna bilunar fyrr í
sumar og svo aftur núna. Það er
ástæðan fyrir því að við erum ekki
búnir með kvótann. Við eigum
engan þorskkvóta eftir, nema þá
sem hægt væri að breyta þannig
og við erum búnir með karfa-
kvótann. Við eigum aftur á móti
180 tonna ýsakvóta eftir og 300
tonn af grálúðu. Þannig að við
erum langt komnir og eigum
kannski eftir tvo til þrjá túra,“
sagði Sigurður einnig.
Súlnafellið á eftir nokkuð af
kvóta sínum og til greina kemur
að Stakfellið, sem frystir aflann
um borð, fái eitthvað af honum.
Þrátt fyrir þessar bilanir togaranna
hefur vinna haldist í frystihúsinu
á Þórshöfn, þó hjólin snúist
kannski heldur hægar um þessar
mundir. -KK
Akureyrarbær:
Skert svigrúm
tíl framkvæmda
- segir Sigurður Jóhannesson bæjarfulltrúi
Sérkennilegur rafmagnsreikningur:
Milljón í endurgreiðslu
Sigurður Jóhannesson, bæjar-
fulltrúi, lýsti því yfír á síðasta
fundi Bæjarstjórnar Akureyr-
ar að hann hefði miklar
áhyggjur af því hvernig fjár-
hagsafkomu bæjarins væri
komið. Ljóst væri að bærinn
hefði skert stórlega svigrúm
sitt til framkvæmda næstu
árin.
„Ég lýsi yfir verulegum áhyggj-
Sigurður Jóhannesson.
um af því hvernig fjármál bæjar-
ins í heild standa,“ sagði Sigurð-
ur. „Þetta er alvarlegt mál, ekki
eingöngu á þessu ári heldur er
búið að binda mestallt fram-
kvæmdafjármagn bæjarins næstu
árin. Þessi slæma fjárhagsstaða
bæjarfélagsins kemur þannig
fram að sífellt er verið að leita
með logandi ljósi að einhverjum
fjármunum eða eignum í eigu
bæjarins sem hægt er að selja.
Rætt er um að selja hlutabréf
bæjarins í arðsömum fyrirtækjum
því peninga vantar í kassann."
Sigurður sagði í þessu sambandi
að sjónarmið sitt væri að ekki
kæmi til greina að selja hlutabréf
bæjarins í Oddeyri hf. ef pening-
arnir væru látnir renna beint í
rekstur Akureyrarbæjar. Slíkum
fjármunum þyrfti að finna stað í
nýjum atvinnurekstri, ef á annað
borð væri æskilegt að losa þá.
Sigurður vakti einnig máls á
því að fjárhagsáætlun dvalar-
heimilanna fyrir yfirstandandi ár
væri ennþá óafgreidd og ósam-
þykkt. Nauðsyn bæri til að ganga
sem fyrst frá henni. EHB
Það hljóp heldur betur á
snærið hjá Gísla Bergssyni á
Akureyri þegar hann opnaði
eitt af þessum alræmdu
gluggaumslögum. Þetta var
frá Rafmagnsveitunni og þeg-
ar Gísli hugðist kíkja á skuld
sína við stofnunina kom i Ijós
að hann ætti inni rúmlega
eina milljón króna. Nákvæm-
lega 1.095.452 krónur skyldu
koma til endurgreiðslu.
„Ég sá strax að þetta gat ekki
staðist," sagði Gísli og bætti því
við að þetta hefði ekki komið
sér á óvart. „Ég hef undirbúið
mig svo vel fyrir lífið að ég læt
ekkert koma mér á óvart. Komi
eitthvað upp á þá á að leysa
málin. Þetta mál leysi ég með
því að innramma reikninginn,"
sagði hann.
Hann þvertók fyrir að hvarfl-
að hefði að sér að fá peningana
greidda út, sagðist vera heiðar-
legur ungur maður og slíkt
hefði aldrei komið til greina.
Hjá Rafmagnsveitu Akureyr-
ar fengum við þær skýringar að
um mannleg mistök hefði verið
að ræða. Slegið hefði verið
rangt inn á tölvu, en vegna
fámennis á skrifstofu hefði
skekkjan farið fram hjá starfs-
fólki og reikningurinn sendur
út. Starfsmaður á rafmagnsveit-
unni sagði að fordæmi væru fyr-
ir reikningum sem þessum, en
skekkjurnar kæmu fljótlega í
ljós. mþþ
Gísli með reikninginn góða.
Mynd: GB