Dagur - 14.09.1988, Blaðsíða 4

4-tóedR-Wí?sepfömb^Í98é
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 800 Á MÁNUÐI
LAUSASÖLUVERÐ 70 KR.
GRUNNVERÐ DÁLKSENTIMETRA 530 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉSPÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, BJÖRN JÓHANN BJÖRNSSON
(Sauðárkróki vs. 95-5960), EGILL H. BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavlk vs. 41585),
JÓHANN ÓLAFUR HALLDÓRSSON,
KRISTJÁN KRISTJÁNSSON (íþróttir), MARGRÉT ÞÓRA ÞÓRSDÓTTIR,
STEFÁN SÆMUNDSSON, VILBORG GUNNARSDÓTTIR,
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Dánardægrið
skammt undan?
„Því miður er þetta ekkert nema millifærsla, sem
ég hélt að menn hefðu afskrifað í kringum 1960.
Það er ekki samstaða um niðurfærsluna en ég er
sannfærður um, eftir að hafa lesið tillögurnar, að
niðurfærsla er eina færa leiðin, eða a.m.k. sú leið
sem vert er að reyna. Sjálfstæðisflokkurinn hefur
nú hafnað þeirri leið og mér finnst satt að segja
svo sorglegt að horfa á þessar tillögur að ég á varla
orð.“ Þannig komst Steingrímur Hermannsson,
utanríkisráðherra og formaður Framsóknarflokks-
ins að orði í viðtali við Dag í gær, um tillögur Þor-
steins Pálssonar forsætisráðherra um aðgerðir í
efnahagsmálum.
Þessi ummæli utanríkisráðherra lýsa vel stöðu
mála innan ríkisstjórnarinnar nú. Þorsteinn Páls-
son hefur fyrir hönd sjálfstæðismanna hafnað
niðurfærsluleiðinni, sem þó virtist langvænlegust
til árangurs í baráttunni við efnahagsvandann.
Með því gerði hann í einu vetfangi margra daga
starf svokallaðrar ráðgjafanefndar ríkisstjórnarinn-
ar að engu. í kjölfarið fylgdu óheppilegar yfirlýs-
ingar forsætisráðherra um hókus-pókus-aðferðir
samstarfsflokkanna, svo sem frægt er orðið. Til að
bæta gráu ofan á svart sló hann síðan fram ósönn-
um fullyrðingum um óheilindi samstarfsflokkanna
og stjórnarmyndunarviðræður þeirra og Alþýðu-
bandalags á bak við tjöldin. Þessar yfirlýsingar
urðu til þess að dýpka enn þann ágreining sem ríkt
hefur innan ríkisstjórnarinnar. Vafasamt er að sá
ágreiningur verði jafnaður úr þessu.
Nú er beðið eftir því að alþýðuflokksmenn og
framsóknarmenn segi álit sitt á nýjustu tillögum
forsætisráðherra um aðgerðir í efnahagsmálum.
Draga verður mjög í efa að þær tillögur hljóti
hljómgrunn meðal samstarfsflokkanna. Tillögur
forsætisráðherra gera ráð fyrir gengisfellingu og
frystingu launa í hálft ár. Þær gera hins vegar ekki
ráð fyrir lækkun vaxta og verðlags með lagasetn-
ingu, heldur einungis að strangs aðhalds verði
gætt í þeim efnum. Tillögur forsætisráðherra gera
sem sagt ráð fyrir að laun haldist óbreytt á sama
tíma og engin trygging er fyrir því að verðlag hald-
ist óbreytt né heldur að vextir og fjármagnskostn-
aður lækki. Slíkum tillögum hljóta samstarfsflokkar
Sjálfstæðisflokksins að hafna. Verkalýðshreyfingin
hefur þegar hafnað þeim og það mun almenningur
einnig gera.
Grundvallarskilyrðið fyrir því að fyrirhugaðar
efnahagsaðgerðir beri árangur, er að um þær ríki
breið samstaða. Tillögur forsætisráðherra uppfylla
ekki þau skilyrði og koma því vart til greina. Fram-
tíð ríkisstjórnarinnar er því óvissari en nokkru sinni
fyrr. Örlög hennar ráðast örugglega á næstu dög-
um og æ fleiri hallast nú að því að dánardægrið sé
skammt undan. BB.
Barnaskólinn á Svalbarðseyri gegnir margvíslegum hlutverkum. Yfir sumarmánuðina er þar starfandi leikskóli. Eins
og nafnið bendir til er þar skólahald yfir veturinn, en að auki þjónar barnaskólinn sem félagsheimili. Mynd: tlv
Barnaskólinn á Svalbarðseyri:
Krakkarnir gera
sjálfir námsáætlanir
Gunnar Gíslason skólastjóri ásamt nýstárlegu hengi fyrir verðlaunapeninga.
Mynd: TLV
í fámennum skólum verður oft
að kenna saman nokkrum
árgöngum. Þetta kann kannski
að hljóma nýstárlega fyrir
sumum en svona er þetta nú
samt. í barnaskólanum á Sval-
barðseyri er 4., 5. og 6. bekk
kennt saman. Skólastjóri þar
er Gunnar Gíslason og sagði
hann þetta fyrirkomulag ekki
reynast illa. „Þetta þýðir samt
meiri vinnu fyrir kennarann en
þar sem fáir eru í hverjum ár-
gangi er ekki annað hægt,“
sagði hann.
í skólanum verða um 40
nemendur í 0.-6. bekk næsta
vetur. Þegar komið er að 7. bekk
þurfa krakkarnir síðan að fara í
Hrafnagilsskóla og þá í heima-
vist.
Tveir þeirra fjögurra kennara
sem koma til með að kenna við
skólann í vetur eru réttindalaus-
ir. „Þetta er sama starfslið og sl.
vetur. Það var auglýst eftir rétt-
indafólki en enginn sótti um.“
Segja má að skólinn sé ekki
hefðbundinn því reynt er að hafa
töluvert mikið af sjálfstæðum
verkefnum fyrir nemendurna.
„Skólinn er hálfopinn,“ sagði
Gunnar. „Krakkarnir þurfa að
áætla sig sjálf fyrir eina viku í
senn og þurfa síðan að standast
þá áætlun. Þau eru auðvitað löt
stundum eins og aðrir og þá áætla
þau bara minna á sig en taka síð-
an meira seinna. Þetta getur ver-
ið gott ef þau eru t.d. að æfa fyrir
íþróttamót eða eitthvað slíkt, þá
missa þau ekki úr heldur hafa
tækifæri á að vinna sig upp.“
Hann sagði ekki erfiðara að
kenna í fámennum skóla en
öðrum. Hann fyndi t.d. miklu
meira fyrir samheldni. „Hérna er
enginn skilinn útundan af því að
hann er bara 7 ára,“ sagði
Gunnar.
Greinilegt er að skólastjóri og
kennarar skólans vilja gera hann
vistlegan og líflegan því fiskabúr
er í einni stofunni og fuglabúr í
annarri. Samfelldur skóladagur er
einnig og tvisvar í viku er hætt
um hádegi og þá tekið til við
ýmiss konar félagsstarf. Gunnar
sagði skákáhuga vera mikinn í
skólanum og þá einstaklinga sem
tækju þátt í þeirri íþrótt vera
nokkuð sterka á norðlenskan
mælikvarða.
Verið er að byggja íþróttahús
við skólann og í því húsi verða
tvær kennslustofur. „Það skortir
fjármagn í bygginguna og þess
vegna þrífa krakkarnir skólann
sjálf. Með því spara þau það fé
sem annars yrði borgað fyrir
þrifnað og leggja það að hluta til
í íþróttahúsið og að hluta í ferða-
sjóð. Einnig hafa þau keypt upp-
stoppaða fugla til nota við nátt-
úrufræðikennslu og ýmislegt
fleira," sagði Gunnar.
íþróttahús vantar tilfinnanlega
því öll íþróttakennsla við skólann
hefúr farið fram á Akureyri. í
fyrravetur sá kennari þaðan um
kennsluna en ekki er vitað hvern-
ig málið verður leyst í vetur.
Húsnæði barnaskólans er einn-
ig notað sem félagsheimili og
sagði Gunnar að einu sinni til
tvisvar á ári væri allt hreinsað út og
haldið þorrablót eða aðrar sam-
komur. Á sumrin er síðan starf--
ræktur leikskóli í húsnæðinu og
því er ekki annað hægt að segja
en skólinn sé með líflegri húsum.
KR