Dagur - 07.10.1988, Blaðsíða 8
8 - DAGUR - 7. október 1988
spurning vikunnar
Guðlaug Þorsteinsdóttir:
Ég hef ekki ákveðið það ennþá.
Við erum að stofna leikskóla í
Reykjadal og það er mitt aðal-
áhugamál eins og er. Ég ætla
aö vinna við leikskólann frá 1 -5
á daginn og bara hafa það gott
á kvöldin.
Þorgeir Magnússon:
Ég ætla að lesa góðar bækur
og horfa á sjónvarpiö. íþróttir
stunda ég ekki, frekast að ég
fari í gönguferðir. Hugsanlega
skreppur maður eitthvað út fyrir
landsteinana í vetrarfrí.
Erna Sigurðardóttir:
Ég hef engar tómstundir.
Jónas Egilsson:
Að sjálfsögðu ætla ég að eyða
mestu af tómstundum mínum í
að leika mér við hestana. Svo
eru félagsmál og fleira sem ég
hef áhuga fyrir og að vera
heima hjá mér í rólegheitum.
Guðmundur Hermannsson:
Ég býst við að ég verði bara í
hljómsveitinni sem ekki er búiö
að skíra ennþá, við verðum fjór-
ir saman sem vorum líka í
hljómsveit í fyrravetur. Ég býst
við að við spilum popp og eyð-
um öllum frítíma í þetta.
Hvað ætlar þú að gera
í tómstundum í vetur?
(Spurt á Húsavík)
Glaumur og gleði á Grenivík:
Grýtubakkahreppur eign■
ast Jyrsta vimbmnn
Grýtubakkahreppur hefur eignast sinn fyrsta vinabæ, sem er Stryn í Noregi. í síöustu viku
kom stór hópur í heimsókn í Grýtubakkahreppinn og léku menn við hvurn sinn fingur í
tilefni af Norömannaheimsókninni. Hópurinn taldi um fimmtíu manns og skipaði samkór
frá Stryn stærsta hluta hans. Auk samkórsins voru í hópnum oddviti og sveitarstjóri Stryn
auk fleiri ráðamanna og einnig höfðu blaðamenn norskir slegist með í förina.
Tekið var á móti hópnum að
Skarði, sem er fyrirmyndarbýli
hið mesta og húsráðendur þau
Hjördís Sigurbjörnsdóttir og
Skírnir Jónsson biðu gestanna er
blaðamenn bar þar að garði.
Borð voru hlaðin veitingum að
íslenskum sið, kleinum og flat-
brauði með hangikjöti ásamt
ýmsu öðru góðgæti úr eldhúsi
Hjördísar. Tóku Norðmenn
hraustlega til matar síns, enda
nýkomnir úr skoðunarferð um
Mývatnssveit.
Þegar menn höfðu nært sig að
Skarði var haldið að Laufási. Þar
skoðaði hópurinn kirkjuna undir
leiðsögn séra Bolla Gústavssonar
og að skoðunarferð lokinni var
farið til Grenivíkur. Um kvöldið
voru haldnir tónleikar í gamla
barnaskólanum þar sem söngur
hljómaði úr norskum jafnt sem
íslenskum börkum, en ásamt
Samkór Stryn hélt Kirkjukór
Grenivíkurkirkju einnig tón-
leika. Tónleikarnir voru vel sóttir
og þóttust takast einkar vel.
Hallur á Heiði
og harmonikan þanin
Að afloknum tónleikum var
haldið í „efra,“ eins og það heitir
á grenvísku, en það er nýi barna-
skólinn, sem stendur ögn ofan
við þann gamla. Þar var efnt til
samsætis og bornar fram veiting-
ar og er menn voru saddir orðnir
var formlega stofnað til vina-
bæjatengslanna. Tengslin voru
innsigluð með því að menn risu
úr sætum og skáluðu í frosnu
íslensku brennivíni.
En dagskránni var ekki lokið.
Skírnir Jónssun á Skarði tekur á móti norsku gestunum.
Gestirnir sem sóttu Grýtubakkahreppinn heim samankomnir á hlaðinu á Skarði. Á myndinni má sjá Guðnýju Sverr-
isdóttur sveitarstjóra, við hlið hennar er Inger Hoff sveitarstjóri í Stryn og Sigríður Sverrisdóttir er henni á hægri
hönd.