Dagur - 16.12.1988, Blaðsíða 9

bœkur
Tvær bækur
um Depil
Hjá Bókaforlagi Odds Björns-
sonar á Akureyri eru komnar út
tvær nýjar bækur fyrir yngstu les-
endurna. Paö eru bækurnar Dep-
ill fer í útilegu og Depill fer í
sjúkravitjun.
Bækur Eric Hill um hundinn
Depil hafa verið mjög vinsælar
meðal yngstu kynslóðarinnar,
„enda prýddar litskrúðugum
myndum og skýrum texta, og því
auðveldar fyrir börn sem byrjuð
eru að lesa og þá ekki síður fyrir
foreldra til að íesa fyrir börnin á
góðum samverustundum,“ eins
og segir í kynningu frá Bókafor-
laginu.
í hvorri bók segir frá ævintýr-
um Depils og vinanna Tomma,
Helgu og Stebba. Bækurnar eru í
sterku bandi og með hörðum
spjöldum.
(ÍIIIMIMHH IIIKklK K)KkllSSO\
Hestar »s; imimilíl'
i Austur-Sknftafellssijslii
I

Jódynur
- Hestar og mannlíf í
A.-Skaftafellssýslu
Bókaforlag Odds Björnssonar á
Akureyri hefur sent frá sér bók-
ina Jódynur, hestar og mannlíf í
A ustur-Skaftafellssýslu.
í kynningu frá útgefanda segir
m.a.: „Austur-Skaftafellssýsla er
um margt sérstætt byggðarlag.
Einangrun þess áður fyrr stafaði
af sérstaklega erfiðum samgöng-
um. Þeir sem tókust ferð á
hendur, í kaupstað eða til ann-
arra sveita, urðu að ríða straum-
hörð vatnsföll eða eyðisanda á
leiðum sínum. Hesturinn var því
einn mikilvægasti þáttur í búskap
Austur-Skaftafellssýslu. Milli
hans og fólksins þar myndaðist
þess vegna náið samband."
í þessari bók, sem er fyrra
bindi af ritverkinu Jódynur, er
efnið að mestu leyti frá fyrri hluta
20. aldar. Egill Jónsson á Selja-
völlum skrifar um ræktun hrossa
á þeim tímum, ættir þeirra og
erfðir og um Hrossaræktarfélag
Hornfirðinga. Þorsteinn
Jóhannsson á Svínafelli skrifar
um hrossakyn í Öræfum og
Anders Hansen um samofin
örlög Hornafjarðarhrossa og
Gunnars Bjarnasonar.
Ferðalög yfir ár og vötn, í
byggð og óbyggð, brúarsmíði og
flutningar skipbrotsmanna til
Reykjavíkur á hestum var hluti
af daglegu lífi þar í héraði. Frá
þessu segja 13 höfundar í þessu
fyrra bindi Jódyns og varpar frá-
sögn þeirra ljósi á þær miklu
mannraunir sem þessi ferðalög
höfðu oft í för með sér.
Nuimur og
hermenn
Komin er út hjá Iðunni bókin
Nunnur og hermenn, en hún er
eftir Iris Murdoch, sem er meðal
þekktustu og virtustu rithöfunda
Breta á þessari öld. Hún hefur
auk fjölda skáldsagna skrifað
bæði leikrit og heimspekirit og
hlotið ýmis bókmenntaverðlaun
fyrir verk sín. Nunnur og her-
menn er fyrsta bók hennar sem
kemur í íslenskri þýðingu.
í kynningu útgefanda á efni
bókarinnar segir: „Nunnur og
hermenn er saga sem lætur engan
lesanda ósnortinn. Hún er spenn-
andi og falleg ástarsaga en jafn-
framt átakamikið skáldverk. Þeg-
ar sagan hefst liggur Guy Open-
shaw og bíður dauðans. Ættingj-
ar og vinir safnast að banabeði
hans og vilja hughreysta Gert-
rude, eiginkonu hans. Áður en
Guy deyr biður hann Gertrude
að giftast aftur þegar liann er
horfinn. í sömu mund birtist
Anne, gömul vinkona Gertrude,
fyrrverandi nunna sem snúið hef-
ur baki við klausturlífinu. Þær
endurnýja vináttuböndin og
reyna að taka upp þráðinn þar
sem hann slitnaði er Anne gekk í
klaustur. Einn heimilisvinanna,
sem kallaður er Greifinn, er ást-
fanginn af Gertrude. Hann er
pólskur að ætt og lifir alla harm-
sögu Póllands í martröðum
sínum. Þar er hann hermaðurinn
sem tapaði frelsisstríði föður-
landsins. Annar heimilisvinur er
Tim Reede, misheppnaður mál-
ari í stormasamri sambúð með
listakonu. Fyrir tilviljun eru Tim
og Gertrude samtíða í sumarhúsi
í Frakklandi og þau verða ást-
fangin. Þar með er þó víðs fjarri
að sagan sé sögð og hamingjan
tryggð.“
Sigurður G. Tómasson þýddi
bókina.
Súú Asxjtowt ot Svm ffcráqvisi
Saoan
tmségm
ÞooUnnn frt lUíuri þýtUt
Sagan um sögu
- eftir Sun Axelsson og
Sven Nordqvist
Iðunn hefur gefið út barnabók
eftir Sun Axelsson, skemmtilega
myndskreytta af Sven Nordqvist,
sem er íslenskum börnum að
góðu kunnur fyrir bækur sínar,
Pönnukökutertan, Hænsnaþjóf-
urinn og Veiðiferðin.
Þetta er hlý og falleg saga um
vináttu og nærgætni. Þetta er sag-
an um hana Soffíu litlu sem býr
rétt utan við borgina með pabba
og mömmu og fjórum systkinum.
Það er stundum ntikið að gera á
stóru heimili og þá getur verið
býsna gott að hafa einhvern til að
heimsækja. Það finnst Soffíu að
minnsta kosti.
Og Anna frænka er nú ekkert
venjuleg. Hún á alltaf eitthvert
góðgæti - en hún líka ýmislegt
annað í pokahorninu sem Soffía
kann að meta og til eru gjafir sem
glatast aldrei.
Þorsteinn frá Hamri þýddi
bókina.
í flæðaimálinu
Iðunn hefur gefið út nýja bók eft-
ir Njörð P. Njarðvík og nefnist
hún / flæðarmálinu.
í flæðarmálinu er æskusaga þar
sem segir frá uppvaxtarárum
drengs í sjávarplássi. Bókin er
byggð upp á nokkrum þáttum og
lesa má hvern þeirra sem sjálf-
stæða frásögn, en þættirnir tengj-
ast þó innbyrðis og skapa heil-
steypta mynd af aðalsögupersón-
unni, drengnum, og því umhverfi
sem hann lifir og hrærist í.
En j kynningu forlagsins segir
svo: „í fáguðum og drátthreinum
svipmyndum kynnumst við því
hvernig hann vaknar til vitundar
um sjálfan sig og umhverfið.
Fjörðurinn er sá ytri veruleiki
sem markar sögusviðið og í
bókarlok þegar drengurinn
hverfur á braut verður fjörðurinn
innri veruleiki hans, hluti af hon-
um sjálfum. Þannig eru þessir
þættir ritaðir í senn úr fjarlægð
og innan frá, eins og gerist um
góðar minningabækur. Undir
kyrrlátu yfirborði frásagnarinnar
vakir næm tilfinning og ýmsar
persónur sem hér bregður fyrir
verða lesanda minnisstæðar. í
eftirmála segir höfundur að hann
láti sér „detta í hug að einhverjir
ísfirðingar þykist kannast við
suma atburði og ef til vill ein-
hverjar sögupersónur líka. Hins
vegar er svo frjálslega með efnið
farið á stundum að ekki er
skynsamlegt að líta á bókina sem
sjálfsævisögulega nema að litlu
leyti.“
Sáð í sandinn
Bókaútgáfa Menningarsjóðs hef-
ur gefið út smásagnasafnið Sáð í
sandinn eftir Agnar Þórðarson í
tilefni af sjötugsafmæli hans í
fyrra. Flytur það níu sögur, og
hafa þrjár þeirra ekki birst áður.
Útgefandi kynnir höfund og
bók þannig á kápu:
„Agnar Þórðarson er kunnast-
ur af leikritum og skáldsögum, en
einnig sérstæður smásagnahöf-
undur. Sa'ð í sandinn er fyrsta
bók hans þeirrar gerðar og flytur
níu sögur ritaðar á löngu ára-
skeiði. Bera þær glöggan svip af
leikritum höfundar, segja annars
vegar frá yfirlætislausu hvers-
dagsfólki og hins vegar grátbros-
legum broddborgurum. Agnar
rekur atburðaþræði af hófsemi og
alúð, en varpar gjarnan einkenni-
legri birtu á frásagnarsvið og
sögupersónur. Stundum beitir
hann skopi og ádqilu, einkum
þegar hann túlkar smæð þeirra
sem hreykja sér og þykjast yfir
aðra hafnir, en eru tæpir ef á
reynir."
Sögurnar bera eftirtaldar fyrir-
sagnir: Spáð í veikleika, Bréfið
sem kom of seint, Litla-Blá,
Hjúkrunarkonan góða, Þjófur-
inn, Kata - Mrs. Baden-Smith,
Mikið voðalega á fólkið bágt,
Gróðrarskúr, Aðmírállinn. Sum-
ar þeirra hafa unnið til verðlauna
og verið þýddar á erlend mál.
Sáð í sandinn er 118 bls. að
stærð. Kápu gerði Margrét E.
Laxness.
68{>r -!9tím929b .3r - H'JOAG - 8
16. desember 1988 - DAGUR - 9
VERSL UNARMIÐSTÖÐ
ÞINGEYINGA
SPARIÐ YKKUR SPORIN • HJÁ OKKUR ER ÚRVALIÐ
MATBÆR
Rúmgóð og þægileg matvöruverslun
. . . Úrvals kjötborð, ávaxtaborð,
grænmetistorg. . .
VEFNAÐARVÖRU-
VERSLUN
GARÐAR
Ritföng, skólavörur, leikföng, bús-
áhöld, gjafavörur. . .
BYGGINGA VÖRUR
Efni til nýbygginga, viðhalds, endur-
bóta. Úrval raftækja .. . Hljómflutn-
ingstæki, sjónvörp, hljómplötur,
geisladiskar. . .
Vandaður fatnaður og skór.... Allt
til sauma og á prjónana .... Rúm-
fatnaður, gluggatjöld, handklæði,
snyrtivörur, skartgripir....
SÖLUDEILD
KONDITORI
Ljúffeng brauð og kökur .... Hér
geta menn tyllt sér niður og fengið sér
hressingu og Ijúffengt meðlæti í
þægilegu umhverfi....
NAUSTAGIL
Söluskáli og bensínafgreiðsla. Opið
frameftir á kvöldin .... Ýmsar
nauðsynjar auk gosdrykkja og sæl-
gætis .... Frí afnot af þvottaplani,
ryksugu, olíusugu.... Bensínoggos
af sjálfsölum allan sólarhringinn . . .
(þróttavörur, léttur sportfatnaður. . .
Allt fyrir veiðimanninn . . . . Úr,
tölvur, reiknivélar, Ijósmyndavörur,
framköllunarþjónusta ....
FOSSHÓLL
CLJÚFRABÚ
LAUGAR
REYKJAHLÍÐ
í útibúunum færðu það
sem þarf til daglegra nota
auk ýmiss konar sérvoru.
VÉLADEILD
Allt frá handverkfærum upp í dráttar-
vélar .... Hjólbarðar, rafgeymar,
varahlutir, reiðtygi, öryggisvörur,
alls kyns aukahlutir f bílinn ....
HUGSAÐU UM EIGIN HAG
TIL OKKAR Á TT ÞÚ ERINDI
KAUPFÉLAG ÞINGEYINGA
S 41444
a nyjum
og niðursoðnum
ávöxlum.
Kynnið ykkur verðið
sem er það
hagstœðasta
á félagssvœðinu