Dagur - 03.01.1990, Blaðsíða 13

Miðvikudagur 3. janúar 1990 - DAGUR - 13
Minning
Sigurgeir Bjami Jóhannsson
Fæddur 20. október 1891 - Dáinn 10. júlí 1970
Anna Guðrún Guðmundsdóttir
Fædd 22. ágúst 1897 - Dáin 17. desember 1989
Nú þegar amma mín er látin þá
koma endurminningarnar upp í
hugann ein af annarri. t>á verður
mér einnig hugsað til afa sem lést
fyrir nítján árum og vil ég því
minnast þeirra beggja hér á eftir í
örfáum orðum.
Afi minn, Sigurgeir Bjarni Jó-
hannsson, sonur hjónanna Krist-
ínar Bjarnadóttur og Jóhanns
Indriðasonar var fæddur að Birn-
ingsstöðum í Ljósavatnsskarði
20. október 1891. Að Arnstapa
fluttist hann fjögurra ára að aldri
og átti þar heima þar til hann lést
árið 1970.
Amma mín, Anna Guðrún
Guðmundsdóttir, var fædd að
Kúfustöðum í Svartárdal, Aust-
ur-Húnavatnssýslu, dóttir hjón-
anna Guðríðar Einarsdóttur og
Guðmundar Guðmundssonar.
Hún fluttist síðan að Leifsstöðum
í sömu sveit með foreldrum sín-
um og átti heima þar til átta ára
aldurs er faðir hennar lést, þá
fluttist hún að Hálsi í Fnjóskadal
til prestshjónanna Ásmundar
Gíslasonar og Önnu konu hans
þar sem hún var alin upp frá þeim
tíma.
Það var á Hálsi sem þau kynnt-
ust afi og amma, þegar afi var þar
vinnumaður. í hjónaband gengu
þau 6. febrúar 1918 og hófu þá
búskap á Arnstapa þar sem
amma átti heima þar til tvö síð-
ustu árin að hún var til heimilis
hjá Ernu dóttur sinni á Hríshóli í
Eyjafirði.
Afi og amma eignuðust sjö
börn, Guðmund Kristján kvænt-
an Ingibjörgu Jóhannsdóttur,
þau búa í Klauf í Eyjafirði, Jó-
hann Kristinn kvæntan Pálínu
Hannesdóttur, þau búa á Sauðár-
króki, Halldór sem kvæntist Her-
dísi Þorgrímsdóttur, en hann lést
árið 1968, þau bjuggu á Arnstapa
þar sem Herdís býr enn ásamt
syni þeirra Þorgeiri, Sigrúnu sem
giftist Ingvari Þorsteini Vil-
hjálmssyni, en hann lést 1988,
þau bjuggu í Reykjavík þar sem
Sigrún býr enn, Sigurveigu Bryn-
hildi gifta Páli Jónssyni, þau búa
á Akureyri, Guðríði Kristjönu
gifta Skúla Sigurðssyni, þau búa
á Stórutjörnum og Ernu gifta
Hreini Kristjánssyni, þau búa á
Hríshóli í Eyjafirði, en eins og
áður hefur komið fram þá dvaldi
amma hjá þeim tvö síðustu ár ævi
sinnar. Áfkomendur afa og
ömmu eru nú orðnir áttatíu.
Á Arnstapa bjuggu afi og
amma alla sinn búskap og síðar
ásamt pabba og mömmu á meðan
þau lifðu.
Heim í Arnstapa komu barna-
börnin oft að heimsækja þau afa
og ömmu og dvöldu þar um
lengri og skemmri tíma, lengst
Bjarni bóndi á Rifkelsstöðum
sem var þar í níu sumur og Þór-
dís húsmóðir í Reykjavík í fimm
sumur.
Áfram heimsóttu barnabörnin
ömmu eftir að afi lést og alltaf
varð hún jafn glöð að sjá fólkið
sitt og vildi fylgjast með hvernig
því vegnaði í lífinu.
Það er okkur systkinunum
fimm sem ólumst upp á Arnstapa
ákaflega mikils virði að hafa
fengið að alast upp með afa og
ömmu á heimilinu. Þau eru orðin
allt of fá börnin sem fá að njóta
slíks nú á dögum þó að sem betur
fer sé það enn til á stöku stað.
Já, það er margs að minnast,
allar vísurnar, sögurnar, bænirn-
ar, jurtaheitin, örnefnin, þau
voru óþrjótandi á að miðla okkur
barnabörnunum af fróðleik sín-
um um svo margt.
Þær eru mér dýrmætar minn-
ingarnar um þessi samstilltu hjón
og ég minnist þeirra með virð-
ingu. Blessuð sé minning þeirra.
Anna Sigríður Haildórsdóttir.
Heilbrigðis- og tryggingamálaráðherra:
Skipar nefiid til að endur-
skoða ákvæði áfengislaga
Heilbrigðis- og tryggingamála-
ráðherra, Guðmundur Bjarna-
son, hefur í samráði við dóms- og
kirkjumálaráðherra, Óla Þ. Guð-
bjartsson, Áfengisvarnaráð og
landlækni skipað nefnd, sem
fengið er það hlutverk að endur-
skoða þau ákvæði áfengislaga nr.
82/1969, með síðari breytingum,
sem snerta áfengisvarnir, og lög
nr. 39/1964, um meðferð ölvaðra
manna og drykkjusjúkra, með
það fyrir augum að steypa
ákvæðum þessara laga saman í
ein lög, áfengisvarnalög. Er
nefndinni ætlað að hafa samráð
við þá aðila er vinna að áfeng-
isvörnum, s.s. Áfengisvarnaráð,
áfengisdeild ríkisspítalanna og
Samþand áhugamanna um áfeng-
isvandamálið.
I nefndinni eiga sæti:
Ingimar Sigurðsson, skrifstofu-
stjóri, formaður, Hrafn Pálsson,
deildarstjóri, ritari, Níels Árni
Lund, deildarstjóri, Sigmundur
Sigfússon, geðlæknir, tilnefndur
af landlækni, Ólafur Haukur
Árnason, áfengisvarnaráðunaut-
ur, tilnefndur af Áfengisvarna-
ráði og Jón Oddsson, hrl., til-
nefndur af dóms- og kirkjumála-
ráðherra.
Nefndinni er ætlað að Ijúka
störfum á þessu ári.
Menntamálaráðuneytið:
Ákveðið að stoftia „Almenna
skrifstofu“ í ráðuneytinu
Knúti Hallssyni, ráðuneytisstjóra
menntamálaráðuneytisins, hefur
verið veitt orlof frá starfi um eins
árs skeið frá 1. janúar 1990. í
fjarveru Knúts mun Árni Gunn-
arsson, skrifstofustjóri háskóla-
og menningarmálaskrifstofu ráðu-
neytisins, gegna starfi ráðuneyt-
isstjóra, en Stefán Stefánsson,
deildarsérfræðingur, mun gegna
starfi skrifstofustjóra háskóla- og
menningarmálaskrifstofu.
Undanfarið hefur verið unnið
að athugun á skipulagi ráðuneyt-
isins og í framhaldi af því hefur
verið ákveðið að stofna skrifstofu
í ráðuneytinu er nefnist „almenn
skrifstofa“ og fjalli um rekstur
ráðuneytisins og sameiginlega
þjónustu.
Staða skrifstofustjóra almennu
skrifstofunnar verður auglýst laus
til umsóknar á næstunni.
Frekari skipulagsbreytingar
eru til athugunar og verður greint
frá þeim síðar.
VERKMENNTASKÓLINN
Á AKUREYRI
Innritun
í öldungadeild
hefst miðvikudaginn 3. janúar og stendur til
fimmtudags 11. janúar.
Skrifstofan er opin kl. 8.00-16.00 alla virka daga, en
verður opin aukalega kl. 16.00-19.00 mánudaginn
8. janúar og verður deildarstjóri þá til viðtals. Náms-
gjald er kr. 8.500 og greiðist við innritun.
Kennsla hefst í öldungadeild mánudaginn
15. janúar.
Skólameistari.
Auglýsing frá menntamálaráðuneytinu:
Lausar stöður
við framhaldsskóla
Við Fjölbrautaskóla Suðurlands, Selfossi
vantar kennar til að kenna eftirtaldar greinar:
Ferðamálagreinar (hlutastarf) og uppeldis- og
sálarfræði (hlutastarf).
Þá vantar námsráðgjafa í hlutastarf og bóka-
safnsfræðing í % hluta starfs.
Nánari upplýsingar veitir skólameistari. Umsókn-
ir ásamt upplýsingum um menntun og fyrri störf
sendist menntamálaráðuneytinu, Hverfisgötu 4,
150 Reykjavík, fyrir 5. janúar n.k.
Menntamálaráðuneytið.
L LANDSVIRKJUN
TILKYNNING
FRA LANDSVIRKJUN
Frá og með 1. janúar 1990 verða tekin í notkun ný
símanúmer á skrifstofu Landsvirkjunar götu 30. Glerár-
Samband viö allar deildir frá skiptiboröi frá kl. 8.00-
16.00. Símanúmer 11000 Telefax 11011 4 línur
Eftir kl. 16.00 Skrifstofa 11000
Stjórnstöð Glerárgata 30 11002
Varastöö Rangárvöllum 11003
Varastöö Oddeyri 11003
FRAMSÓKNARMENN
AKUREYRl
Skoðanakönnun
framsóknarmanna á Akureyri
Ákveðið hefur verið að fram fari skoðanakönn-
un meðal flokksbundinna framsóknarmanna á
Akureyri, til að fá fram hverja þeir vilja sjá í 6
efstu sætum framboðslista flokksins í komandi
bæjarstjórnarkosningum í maí í vor.
Kosið verður á skrifstofu Framsóknarflokksins, Hafnarstræti
90, Akureyri, sem hér segir:
Föstudaginn 5. janúar kl. 16-22.
Laugardaginn 6. janúar kl. 10-16.
Félagar í framsóknarfélögunum á Akureyri eru eindregið
hvattir til að taka þátt í könnuninni og hafa með því áhrif á val
efstu manna á framboðslistanum.
Uppstillingarnefnd.