Dagur - 15.02.1990, Blaðsíða 4

4 - DAGUR - Fimmtudagur 15. febrúar 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRfMANN FRÍMANNSSON
DREIFINGARSTJÓRI:
HAFDfS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Kvennaframboð á Akur-
eyri er tímaskekkja
Línur eru farnar að skýrast vegna bæjarstjórnar-
kosninganna á Akureyri í vor. Framsóknarmenn
hafa fyrstir stjórnmálasamtaka lagt fram framboðs-
lista og hefur það vakið athygli hve mikið jafnræði
er með konum og körlum á listanum, miklu meira
jafnræði en oft áður. Trúlegt er að listar annarra
flokka muni draga dám af lista framsóknarmanna
hvað þetta varðar og konur muni því skipa veglegri
sess en nokkru sinni fyrr á listum gömlu flokkanna
í komandi bæjarstjórnarkosningum.
Þetta kemur þeim ekki á óvart, sem fylgst hafa
með bæjarstjórnarmálum á Akureyri undanfarin ár.
í síðustu bæjarstjórnarkosningum voru fjórar konur
kosnar í bæjarstjórn Akureyrar, þær Úlfhildur Rögn-
valdsdóttir, B-lista; Bergljót Rafnar, D-lista; Sigríð-
ur Stefánsdóttir, G-lista og Áslaug Einarsdóttir,
A-lista. Sem sagt ein kona frá hverjum flokki. Konur
voru einnig kosnar varabæjarfulltrúar og á a.m.k.
einum bæjarstjórnarfundi á yfirstandandi kjörtíma-
bili hafa konur verið í meirihluta í bæjarstjórn Akur-
eyrar, þ.e. sex konur af ellefu bæjarfulltrúum.
Einnig hefur það gerst oftar en einu sinni að fimm
kvenbæjarfulltrúar hafa setið fundi í bæjarstjórn-
inni og þannig verið í naumum minnihluta.
Þetta er rifjað upp hér vegna þess að talsmenn
Kvennalistans á Akureyri hafa lýst því yfir að konur
hyggist bjóða fram sérstakan lista í komandi bæjar-
stjórnarkosningum á Akureyri. Kvennalistinn bauð
fram í fyrsta sinn á Akureyri árið 1982. Þá var um
nýtt stjórnmálaafl að ræða, sem fékk verulegt fylgi
og tvo bæjarfulltrúa kjörna. Fjórum árum síðar sáu
konurnar ekki ástæðu til þess að bjóða fram sér-
stakan lista á Akureyri og túlkuðu flestir það svo að
þær teldu sig hafa náð tilætluðum árangri, þ.e. að
bæta hlut kvenna í bæjarstjórn Akureyrar. Ofan-
greindar tölur staðfesta að það markmið náðist.
Staðreyndin er sú að með sérstöku framboði 1982
náðu konur miklum árangri í átt til jafnræðis í fjöl-
mörgum sveitarfélögum og óvíða hefur áhrifa fram-
boðs þeirra gætt meira en einmitt á Akureyri.
Ákvörðun um sérstakt framboð Kvennalistans á
Akureyri nú kemur því verulega á óvart og er í
hróplegri mótsögn við það sem þær hafa áður sagt.
Kvennalistakonur hafa nú setið á Alþingi tæp tvö
kjörtímabil og hefur mörgum þótt sem þær skorti
það áræði sem þarf til að taka eindregna afstöðu í
veigamiklum málum. í því sambandi nægir að
minna á að þær hafa ítrekað færst undan þátttöku í
ríkisstjórnarsamstarfi, þótt eftir henni hafi verið
leitað. Hvernig sem á málið er litið virðist það því
hrein tímaskekkja að Kvennalistinn sjái ástæðu til
að bjóða fram sérstakan lista til bæjarstjórnarkosn-
inganna á Akureyri í vor. Flest bendir einmitt til
þess að meira jafnræði verði með konum og körlum
á framboðslistum þar í bæ nú en nokkru sinni fyrr.
Það hlýtur því að reynast Kvennalistakonum erfitt
að rökstyðja þessa ákvörðun. BB.
Frá undirritun samkomulags um stuðning Rauða krossins við Hcimahlynningu Krabbamcinsfélagsins, talið frá
vinstri: Guðjón Magnússon formaður Rauða kross Islands, Almar Grímsson formaður Krabbameinsfélags Islands
og Arinbjörn Kolbeinsson formaður Reykjavíkurdeildar Rauða kross íslands.
Heimahlynningar Krabbameinsfélagsins:
Þjónustan aukin með
stuðningi Rauða krossins
Starfsemi Heimahlynningar
Krabbaineinsiélagsins hefur
nú verið aukin þannig að veitt
er þjónusta allan sólarhring-
inn. Samkvæmt samkomulagi
sem nýlega var undirritað veit-
ir Rauði krossinn Krabba-
meinsfélaginu fjárhagslegan
stuðning til að þetta sé kleift.
Rauði kross íslands og Reykja-
víkurdeild Rauða kross íslands
ætla að styrkja rekstur Heima-
hlynningar Krabbameinsfélags
íslands til marsloka 1991 en fyrir
þann tíma verður árangur starf-
seminnar metinn og leitað leiða
til að finna þjónustunni farveg til
frambúðar.
Krabbameinsfélagið hóf rekst-
ur Heimahlynningar í kjölfar
söfnunar undir kjörorðinu „bjóð-
arátak gegn krabbameini 1986".
Tveir hjúkrunarfræöingar hafa
sinnt þessari þjónustu en í haust
voru ráðnir tveir hjúkrunar-
fræðingar til viðbótar til að anna
auknum verkefnum og gera þjón-
ustu allan sólarhringinn mögu-
lega. Einnig starfa tveir læknar
við þjónustuna í hlutastarfi.
Tilgangur Heimahlynningar er
að gefa sjúklingum með krabba-
mein á lokastigi kost á því að
dvelja heima eins lengi og þeir
óska og aðstæður leyfa með því
að veita markvissa líknarmeð-
ferð. Byggt er á hugmyndafræði
Hospice-hreyfingarinnar sern
miðar m.a. að því að tryggja lífs-
gæði og sjálfsvirðingu svo lengi
sem unnt er. Þjónustan nær einn-
ig til stuðnings við aðstandendur
sjúklinga.
Iðntæknistofnun:
íslensk fyrirtæki taka þátt í
skjalaskiptum á milli tölva
í undirbúningi er að íslensk fyrir-
tæki taki þátt í svokölluðum
skjalaskiptum á milli tölva.
Islenska strikamerkjanefndin er
þátttakandi í norrænu samstarfi á
þessu sviði og er áætlað að til-
raunasendingar geti hafist í vor.
Reiknað er með að reyna bæði
sendingar á milli landa og innan-
lands. Um þessar mundir er verið
að leita eftir fyrirtækjum sem
taka vilja þátt í slíku samstarfi.
Skjalaskipti á milli tölva (EDI,
Electronic Data Interchange)
verða sífellt algengari í viðskipt-
um á milli fyrirtækja og við opin-
bera aðila víða um heim. Bætt
gagnaflæði bætir samkeppnis-
stöðu fyrirtækja og sparar tíma
við innslátt gagna en talið er að
um 80% af því sem prentað er út
úr tölvum sé slegið inn í aðrar
tölvur. Stöðlun þessara sam-
skipta er langt á veg komin en
hún er forsenda þess að notkun
þessarar tækni verði almenn í
viðskiptum og kemur í veg fyrir
að lokaðar sérlausnir verði ofan
á.
Grunnur þessara staðla er
EDIFACT staðall Sameinuðu
þjóðanna (ISO 9735) en unnið er
að því að staðla uppbyggingu
ýmissa viðskiptaboða, til dæmis
pöntun og reikning, þannig að
unnt sé að senda þau beint á milli
tölva. Unnið er að stöðlun á ýms-
um sviðum viðskiptalífsins, til
dæmis í verslun, flutningum og
bankastarfsemi.
Norrænu nefndirnar uni bætt
verklag í viðskiptum, svokallaðar
PRO nefndir, hafa tekið þátt í
þessari stöðlun og á sama tíma
hafa strikamerkjanefndir í EAN
(International Article Number-
ing) unnið að útbreiðslu EDI inn-
an verslunargeirans. Svokallaður
EANCOM staðall er árangur
þessarar vinnu en hann er undir-
niengi (sub set) úr EDIFACT
staðlinum. í EAN eru nú 45
lönd, þar á meðal ísland, og hafa
um 120.000 fyrirtæki gerst aðilar
að strikamerkjakerfi EAN en
það kerfi tryggir að engar tvær
tölvur hvar sem er í heiminum fái
sama strikamerki.
Til þess að tryggja að Norður-
löndin verði samstiga í notkun
þessarar nýju tækni og hafi áhrif
á framvindu hennar hafa strika-
merkjanefndir Norðurlandanna
og PRO nefndirnar tekið sig sam-
an og komið af stað samnorrænu
verkefni á þessu sviði sem nefnist
EDINOR. Verkefnið er kostað
af Norrænu ráðherranefndinni og
nefndum hvers lands. Megin
markmið verkefnisins er að
stuðla að notkun milli fyrirtækja
og aðstoða við undirbúning slíkra
samskipta. Einnig hefur verið í
EDINOR unnið að samnorrænni
þýðingu staðlanna og í undirbún-
ingi er útgáfa handbókar.
Nú þegar hafa nokkrir íslensk-
ir aðilar lýst sig reiðubúna að fara
út í tilraunasendingar og fylgjast
með stöðlunarvinnunni. Pátttaka
í verkefninu er fyrirtækjunum að
kostnaðarlausu en þau bera sjálf
kostnað sem fellur til við send-
ingarnar. Fyrirtækin fá aðgang að
ýmsum upplýsingum og reynslu
annarra fyrirtækja á Norðurlönd-
unum auk aðstoðar við undirbún-
ing sendinganna.
Enn er tækifæri til að taka þátt
í verkefninu og eru þeir sem
áhuga hafa beðnir um að hafa
samband við Óskar B. Hauksson
hjá Iðntæknistofnun (í síma
687000) sem veitir nánari upplýs-
ingar um verkefnið.
Þorparar og aðrir góðir Akureyringar
- Vangaveltur vegna byggingar nýrrar slökkvistöðvar
Látum staðsetningu nýrrar
slökkvistöðvar koma okkur við
og óskum eftir því að fá öll spilin
á borðið sem varða staðarvalið.
Til hvers er slökkvilið og
sjúkrabílar?
Á ekki fyrst og fremst að hugsa
um öryggi allra bæjarbúa varð-
andi staðarvalið?
Eiga reykvískir staðlar að
gilda?
Ég hef verið haldinn þeirri
meinloku að halda að slökkvilið
og sjúkrabílar væru öryggisatriði
sem fyrst og fremst væri hugsað
fyrir íbúa Akureyrar og bæri að
haga staðsetningu þessara aðila
þannig að þeir þjónuðu öllum
Akureyringum sem best.
Mér finnst þetta það mikilvægt
mál að bæjarbúar eigi skilyrðis-
lausan rétt á að fá að vita um
hvað málið snýst, á hvaða stigi
það er, hvaða staðir koma til
greina og skoðanir helstu hags-
munaaðila.
Ég vil hér með skora á dag-
blaðið Dag að hafa frumkvæði að
því að upplýsa okkur Akureyr-
inga betur um þetta mál.
Guðmundur Sigurbjörnsson,
2205493999
íbúi í Glerárhverfi.