Dagur - 01.03.1990, Blaðsíða 7

ferðamál-
Vilhelm Ágústsson.
pantað af venjulegum fólksbíl-
um. „Hins vegar höfum við haft
til leigu húsbíla sem eru geysilega
vinsælir og bókast fyrst upp. Fólk
sleppur við gistikostnað því það
getur sofið í bílnum en við erum
alltaf í vandræðum með að eiga
nóg af þessum bílum.“
Aðspurður um hvort útlend-
ingar væru passasamir á aurana
sína í ferðalögum, sagði Vilhelm
þá alltaf hafa verið mun sparsam-
ari en íslendinga. „Nú er komið
að því að íslendingar þurfa að
spara eins og þeir og hætta að
haga sér eins og höfðingjar.“
Húsbflar eru vinsælir hjá Bílaleigu Akureyrar og eru fljótt pantaðir upp.
Vilhelm Ágústsson Bilaleigu Akureyrar:
Húsbflamir
bókast fyrst upp
„Þetta lítur ágætlega út fyrir
sumarið en línur munu þó
skýrast nánar á næstunni,“
sagði Vilhelm Ágústsson hjá
Bílaleigu Akureyrar um horf-
urnar næsta sumar. „Það er
ekki minna pantað núna en
verið hefur á sama tíma áður,
en pantanir byrja yfirleitt ekki
að streyma inn fyrr en í mars
eða apríl þegar fólk byrjar að
ákveða sumarfríin sín.“
Vilhelm segir að svokallaðir _
„Landrover-túrar“ séu einna
vinsælastir hjá þeim. „Þetta eru
u.þ.b. 2ja til 3ja vikna ferðalög
lítilla hópa, c.a. 15-16 manna á
tveimur jeppabifreiðum með all-
an útilegubúnað í kerrum og á
toppi bílanna. Ferðirnar eru
óskaplega vinsælar því fólki leið-
ist nefnilega að ferðast í stórum
hópum. Allar þessar ferðir eru
þegar upp pantaðar hjá okkur
næsta sumar, en við sjáum um
að útvega allt sem til þarf og
stundum bílstjóra líka.“
Vilhelm sagði að einstaklingar
og fjölskyldur væru síður búnar
að ákveða sumarfríið á þessum
tíma og því hefur minna verið
Fimmtudagur 1. mars 1990 - DAGUR - 7
ferðamál
Helena Dejak hjá Nonna:
Mjög ánægð og
þarf ekki að kvarta
„Það er svo mikið að gera hjá
mér nú við undirbúning að ég
sé ekki fram úr þessu,“ sagði
Helena Dejak hjá Ferðaskrif-
stofunni Nonna. „Horfurnar
eru mjög góðar, ég á von á
a.m.k. átta hópum frá Þýska-
landi, Frakklandi, Júgóslavíu
og e.t.v. Austurríki.
Helena segir hópana stoppa að
jafnaði í tvo daga á Akureyri en
tímann notar hún til að sýna
þeim það markverðasta í ná-
grenni Akureyrar. „Það er t.d.
farið í Hrísey og Akureyri er
skoðuð en hóparnir gista á
sumarhótelinu að Þelamörk sem
við rekum sjálf eða á Hótel
Norðurlandi. „Ef allur undirbún-
ingur tekst og bókanir standast
get ég verið mjög ánægð og þarf
ekki að kvarta.“
Helena segist vera mjög bjart-
sýn vegna ferða Saga-reisen beint
til Akureyrar. Ferðamenn úr
þeim hópum mun njóta þjónustu
Ferðaskrifstofunnar Nonna að
einhverju leyti, þó svissneska
ferðaskrifstofan sjái að miklu
leyti um undirbúning sjálf.
Helena segir að sér finnist gott
að nota veturinn jafnt og þétt til
að undirbúa komu erlendu ferða-
mannanna til landsins. „Það er
ekki gott að lenda í kapphlaupi
við tímann þegar sumarið nálgast
því maður verður að vera mjög
vel undirbúinn. Skipulagning
þarf að vera góð svo ferðamenn
Helena Dejak.
fái traust á vinnubrögðum ferða-
skrifstofunnar. Það eru allt of
margir sem auglýsa eitthvað sem
þeir geta ekki staðið við. Það
gengur ekki! Allt sem auglýst er
verður að standast, en það er
eina leiðin til að byggja traustan
grunn fyrir framtíðina.
Ég hef verið að einblína á
hvernig hægt er að fá ferðamenn-
ina til að stoppa lengur hjá
okkur. Þeir þyrftu að vera hér í
a.m.k. þrjá til fimm daga. Það er
svo margt hægt að gera hérna að
ég sé enga ástæðu fyrir því hvers
vegna fólk vill bara stoppa í
Reykjavík.“
Kynning á safiiaðarheimili Akureyrarkirkju á suimudag
Varla hefur það farið framhjá neinum íbúa Akur-
eyrar að glæsilegt safnaðarheimili við Akureyrar-
kirkju er komið langt í byggingu. Seint á síðasta
ári var hluti þess opnaður til notkunar, m.a. skrif-
stofuaðstaða fyrir sóknarprestana, lítill samkomu-
salur og fundarherbergi. Bygging þessi er mikið
átak fyrir Akureyrarsókn, og er nú leitað eftir fjár-
stuðningi vegna hennar. Sóknarnefnd kirkjunnar
leitar eftir framlögum frá einstaklingum, fyrirtækj-
um og stofnunum til að unnt sé að ljúka öllum
framkvæmdum við safnaðarheimilið fyrir 50 ára
afmæli Akureyrarkirkju í haust.
Blaðamaður var fyrir skömmu
staddur í safnaðarheimilinu, og
hitti þá sr. Þórhall Höskuldsson,
sóknarprest, að máli. Þórhallur
segir að eftir guðsþjónustu á
æskulýðsdaginn 4. mars verði
„opið hús“ í safnaðarheimilinu
nýja. Þar mun fólki gefast gott
tækifæri til að skoða húsakynnin
og jafnframt að taka þátt í upp-
byggingarstarfinu.
Kirkjukórinn mun syngja
nokkur lög í nýja salnum, sem
ennþá er ófullbúinn, en mun
gegna veigamiklu hlutverki í
safnaðarstarfinu á ókomnum
árum vegna þeirrar aðstöðu sem
þar er til að halda kaffisamsæti,
erfidrykkjur og veislur í tengslum
við kirkjulegar athafnir. í salnum
munu allt að 200 gestir geta setið
til borðs, en enriþá fleiri rúmast
þar ef borðin eru fjarlægð, eins
og gefur að skilja.
Ohætt er að skora á sóknar-
börnin og aðra þá er áhuga hafa
að kynna sér þá miklu og góðu
aðstöðu, sem safnaðarheimilið
býður upp á. Ætlunin er að ljúka
verkinu fyrir hálfrar aldar afmæli
kirkjunnar hinn 17. nóvember á
þessu ári. Aðstaða prestanna til
viðtala og annarra starfa stór-
batnar, organisti og umsjónarmað-
ur húsnæðisins hafa einnig skrif-
stofur. Þá er 55 fermetra fundar-
salur, lítið fundarherbergi fyrir
átta manns, eldhúsaðstaða,
geymslur fyrir gögn kórsins,
bræðafélagsins, sunnudagaskól-
ans o.s.frv. Hægt er að komast
inn í safnaðarheimilið hvort sem
er úr tengibyggingu við Kapell-
una eða beint gegnum aðaldyrn-
ar, sem eru sunnan kirkjunnar.
í stóra salnum verður ágætis
aðstaða til tónleikahalds, og bíð-
ur margt tónlistarfólk á Akureyri
með eftirvæntingu eftir að salur-
inn verði tilbúinn til notkunar.
Safnaðarheimilinu verður ekki
frekar lýst hér, en sjón er sögu
ríkari.
Viðtalstímar sóknarprestanna
og ný símanúmer hafa verið aug-
lýst í Saínaðarheimilinu. Sr.
Birgir Snæbjörnsson hefur þar
viðtalstíma á þriðjudögum og
fimmtudögum milli kl. 11 og 12,
en sr. Þórhallur Höskuldsson er
með viðtalstíma á sama tíma á
miðvikudögum og föstudögum.

Ýmislegt fleira er að gerast í
kringum Akureyrarkirkju, m.a.
er Sverrir Pálsson, fyrrverandi
skólastjóri, að rita sögu Akureyr-
arkirkju og Akureyrarsóknar frá
fyrstu tíð. Var Sverrir ráðinn til
verksins af sóknarnefndinni.
Stefnt er að því að bókin komi út
fyrir afmælið í nóvember.
Kapella Akureyrarkirkju var
máluð og endurbætt á ýmsan hátt
í fyrra. Sr. Þórhallur segist binda
miklar vonir við að í framtíðinni
verði hún gerð að litlum helgi-
dómi, þar sem betri aðstaða verði
til að hafa hljóðar stundir og
fámennari athafnir, svo sem
fyrirbænaguðsþjónustur.
„Við erurn ákaflega þakklátir.
Vinnuaðstaða okkar prestanna er
gjörbreytt frá því sem áður var,
þegar öll viðtöl og skrifstofustörf
fóru fram á heimilum okkar,"
segir sr. Þórhallur. „Það er ein-
læg von mín að safnaðarheimilið
standi undir nafni og að sóknar-
börnin finni að þar eru þau vel-
komin til hvers kyns uppbyggilegs
starfs og samveru. Ég bind vonir
við að mikið líf verði í þessum
húsakynnum, og að bæði eldri og
yngri muni leggja sitt af mörkum
til að starfið hérna verði sem
blómlegast.
í þessu sambandi vil ég nefna
að með þeirri aðstöðu sem nú
skapast í safnaðarheimilinu gef-
ast t.d. aukin tækifæri til að hafa
„opið hús“ eða reglubundið starf
fyrir elstu sóknarbörnin, árið um
kring,“ sagði sr. Þórhallur að
lokum. EHB