Dagur - 19.05.1990, Blaðsíða 10

10 - DAGUR - Laugardagur 19. maí 1990
Þórólfur Gíslason tók við kaupfélagsstjórastöðu við Kaupfélag
Skagfírðinga árið 1988. Það ár gekk rekstur rekstur fyrirtæksins
illa og verulegulegir fjármunir töpuðust. Haft var á orði að Kaup-
félag Skagfírðinga væri svo gott sem á hausnum. Yið uppgjör eftir
seinasta ár kveður við annan tón. Fyrirtækið skilaði verulegum
hagnaði og bætti rekstur sinn á flestum sviðum. Þórólfur hafði
gengt kaupfélagsstjórastöðu á Þórshöfn, við þeirri stöðu tók hann
tuttugu og fjögura ára gamall. Frá Þórshöfn kom hann til Sauðár-
króks ásamt konu sinni Andreu Dögg Björnsdóttur. Til að spjalla
um stöðu Kaupfélags Skagfírðinga í nútíð og framtíð heimsótti
Dagur Þórólf á skrifstofu hans í hinum nýbyggðu og glæsilegu
höfuðstöðvum Kaupfélags Skagfírðinga.
Þórólfur er fæddur og uppalinn á Reyðar-
firði. Faðir hans var Gísli Þórólfsson
útgerðarmaður, ættaður frá Reyðarfirði og
móðir hans Þuríður Briem ættuð úr Breið-
dal. Faðir hans rak síldarsöltunarstöð á
Reyðarfirði á þeim árum sem síldarævintýr-
ið stóð sem hæst við Austfirði.
„Ég byrjaði ungur að vinna í fyrirtæki
föður míns, ég held að ég hafi verið tíu eða
ellefu ára gamall. Á þessum árum var mikið
líf í bænum. Aðkomufólk þyrptist að á ver-
tíðartímanum og setti mikinn svip á bæjar-
lífið. Síldarárin eru mér sérstaklega eftir-
minnilegur tími.“
Frá Reyðarfirði lá leiðin í Samvinnuskól-
ann í Bifröst í Borgarfirði. - Var samvinnu-
hugsjónin farin að heilla Þórólf Gíslason?
„Ég get nú ekki sagt það. Kaupfélag Hér-
aðsbúa var þá orðið mjög öflugt. Starfsemi
þess var á mjög mörgum sviðum og fólk
vissi að atvinnumöguleikar voru helst hjá
því fyrirtæki. Ég verð nú að viðurkenna að
samvinnuhugsjónin var ekki orðin sterk á
þessum árum, en hún kom seinna."
Þórólfur stundaði nám í Bifröst í tvo vet-
ur frá 1972 til 1974. Bifrastarárin eru honum
minnisstæð og greinilegt að hann á margar
góðar minningar frá Samvinnuskólanum.
„Ég er á þeirri skoðun að þær áherslur
sem Samvinnuskólinn leggur á félagslíf og
mikilvægi félagsþroskans sé mjög jákvætt.
Heimavistarlífið er sérstætt og ég held að
öllum.sé hollt að kynnast því. Félagslífið var
mjög mikið og öflugt. Ég álít að sú reynsla
sem menn fá við störf að félagsmálum nýtist
þeim vel síðar. Frá Bifröst fór ég í fram-
haldsdeild Samvinnuskólans í Reykjavík og
lauk þaðan stúdentsprófi.“
Kaupfélagsstjóri
tuttugu og fjögurra ára gamall
Árið 1976 tekur Þórólfur við kaupfélags-
stjórastöðu á Þórshöfn, tuttugu og fjögurra
ára gamall.
- Voru ekki talsverð viðbrigði fyrir
nýbakaðan stúdent að taka við stjórn á
stóru fyrirtæki?
„Vissulega voru það mikil viðbrigði. Ég
hafði samt fengið nokkra innsýn í rekstur
fyrirtækis þegar ég starfaði hjá föður
mínum, þó það væri á öðru sviði. Þórshafn-
arbúar eru ágætis fólk og ég fékk góðan
tíma til að setja mig inn í rekstur fyrirtækis-
ins. En vissulega voru viðbrigðin mikil.“
Þau ár sem Þórólfur gegndi kaupfélags-
stjórastöðu á Þórshöfn, jók kaupfélagið
verulega umsvif sín. Reist var bifreiða- og
vélsverkstæði sem hefur þjónustusvæði fyrir
Þórshöfn og nærsveitir. Kaupfélagið setti á
stofn trésmíðaverkstæði og starfsemi í bygg-
ingariðnaði. Frá Þórshöfn lá leiðin til Sauð-
árkróks.
„Var raunar á leiðinni suður“
Árið 1988 tekur Þórólfur við kaupfélags-
stjórastöðu hjá Kaupfélagi Skagfirðinga
þegar Ólafur Friðriksson lét af starfi kaup-
félagsstjóra og tókvið stjórn verslunardeild-
ar Sambands íslenskra samvinnufélaga.
- Hver voru tildrögin að þú tekur við
kaupfélagsstjórastöðu á Sauðárkróki?
„Ég var búinn að vera nokkrum árum
lengur en ég hafði hugsað mér á Þórshöfn.
Raunar var ég á leiðinni til Reykjavíkur og
hafði ekki hugsað mér að halda áfram í svip-
uðu starfi. Ég vissi að hér var fjölbreytt og
umfangsmikil starfsemi og fyrirtækið var
fast í sessi enda orðið aldargamalt. Þetta
þróaðist þannig að hér losnaði kaupfélags-
stjórastaða. Kaupfélagsstjórar hafa mikið
samband sín á milli og eitt leiddi af öðru
sem varð til þess að ég kom hingað."
„Fyrirtækið þarf að vinna
sem samstæð heild“
Starf æðsta yfirmanns í fyrirtæki sem veltir
rúmum 2800 milljónum á einu ári hlýtur að
vera ábyrgðarmikið og krefjandi. Fyrirtæki
sem hefur jafn mörg járn í eldinum og
Kaupfélag Skagfirðinga er vandfundið.
Fyrirtækið starfar á sviði landbúnaðar, sjáv-
arútvegs, iðnaðar og þjónustu. Kaupfélags-
stjóri verður því að hafa þekkingu á öllum
sviðum atvinnulífs.
„Kaupfélagsstjórar verða að vera. vel
heima í ansi mörgu ef þeir ætla að standa sig
í því sem þeir eru að gera. í minni kaupfé-
lögunum þurfa menn þó að vera enn meira
inn í hlutunum.
Hjá okkur í Kaupfélagi Skagfirðinga er
sérhæfingin meiri. Tveir rekstrarfulltrúar
hafa umsjón með rekstri. Rekstrinum er
skipt í tvö svið, landbúnað og tengda starf-
semi og verslun og iðnað. Yfir hvoru sviði er
einn rekstrarfulltrúi. Hlutverk kaupfélags-
stjóra er að láta hinar ýmsu deildir og þau
svið sem reksturinn nær til, vinna sem eina
samstæða heild.“
Sögðu að við værum að sigla í strand
Á árinu 1989 gekk rekstur Kaupfélags Skag-
firðinga mjög vel. Rekstrarbati varð í flest
öllum deildum fyrirtækisins. Árið á undan,
1988, var verulegur taprekstur og heyrðust
raddir um að kaupfélagið væri að fara á
hausinn. Á seinasta ári batnaði reksturinn
til muna sem fyrr segir.
„Það vill nú verða þannig að þegar illa
gengur heyrast raddir um að við séum að
setja allt og alla á hausinn. Þegar vel gengur
segja sömu raddir að við séum að drepa alla
með einokun á öllum sviðum.
Staðreyndin er sú að kaupfélagið hefur
enga löngun til að kaupa út samkeppnisað-
ila á neinu sviði. Síðan ég hóf störf, hefur
kaupfélagið ekki sóst eftir að kaupa neitt
fyrirtæki hér, þó okkur hafi staðið slíkt til
boða. Okkar stefna hefur verið sú að standa
okkur vel í þeim rekstri sem við stundum,
en vera ekki með rekstur sem við getum
ekki sinnt sem skyldi.
Möguleikarnir mestir
í fiskvinnslunni
Uppstokkun hefur átt sér stað í útgerð og
fiskvinnslu á vegum Kaupfélags Skagfirð-
inga á síðasta ári. Útgerðarfélag Skagfirð-
inga var lagt niður og stofnað Útgerðarfé-
lagið Skagfirðingur hf. Fiskiðja Sauðár-
króks, dótturfyrirtæki Kaupfélags Skagfirð-
inga, er stór hluthafi í nýja útgerðarfélag-
inu. Þróunin er í þá átt að samræma betur
veiðar og vinnslu. Fiskiðjan hóf saltfisk-
vinnslu og jókst afli sem tekinn var til
vinnslu um 900 tonn milli ára.
Rekstur Fiskiðjunar gekk vel á seinasta
ári og skilaði hún hagnaði upp á 1,4 milljón-
ir sem er stökkbreyting frá fyrra ári en þá
var hallinn 36,8 milljónir.