Dagur - 28.05.1990, Blaðsíða 3

Húsavík:
Framsóknarsigur
Miklar breytingar urðu á fylgi
ilokkanna í bæjarstjórnar-
kosningunum á Húsavík og
vekur þar mesta athygli stór-
sigur Framsóknarflokksins.
Framsóknarmenn unnu aftur
þriðja manninn sem þeir töp-
uðu í kosningunum 1986 og
gott betur því þeir fengu fjóra
menn kjörna. A-listinn tapaði
fylgi, D-listi og G-listi bættu
við sig og börðust um mann,
sem D-listi vann.
Úrslit kosninganna á Húsavík
urðu þessi: A-listi Jafnaðar-
manna fékk 220 atkvæði (15,7%)
og 1 ntann kjörinn, en 1986 fékk
listinn 272 atkvæði (18,8%) og 2
fulltrúa. B-listi Framsóknar-
flokks fékk 537 atkvæði (38,4%)
og 4 menn, en fékk síðast 375
atkvæði (25,9%) og 2 menn. D-
listi Sjálfstæðisflokks fékk 258
atkvæði (18,5%) og 2 menn, en
var með 238 atkvæði (16,4%) og
1 mann. G-listi Alþýðubandalags
og óháðra fékk 383 atkvæði
(27,4%) og 2 menn kjörna, en
var með 378 atkvæði (26,1%) og
3 menn. Þ-listi Víkverja var með
1 mann en bauð ekki fram nú.
Þarna sést að G-listinn tapar
manni þrátt fyrir fylgisaukningu
og var þar um gríðarlega baráttu
við D-listann að ræða. Aðeins
munaði 4 eða 5 atkvæðum á 2.
manni D-lista og 3. manni G-
lista.
Kjörnir bæjarfulltrúar eru: Jón
Ásberg Salomonsson (A), Bjarni
Aðalgeirsson, Lilja Skarphéðins-
dóttir, Sveinbjörn Lund, Stefán
Haraldsson (B), Þorvaldur
Vestmann, Þórður Haraldsson
(D) og Kristján Ásgeirsson, Val-
gerður Gunnarsdóttir (G).
Varamenn eru: Guðrún Krist-
insdóttir (A), Kristrún Sigtryggs-
dóttir, Hafliði Jósteinsson, Þór-
veig Árnadóttir, Egill Olgeirsson
(B), Frímann Sveinsson, Margrét
Hannesdóttir (D) og Hörður
Arnórsson, Aðalsteinn Baldurs-
son (G).
Á kjörskrá voru 1.723.
Atkvæði greiddu 1472, auðir
seðlar 70 og 4 ógildir, kjörsókn
því 86,9% sem er 1% minna en
1986. SS
Mánudagur 28. maí 1990 - DAGUR - 3
Sveitarstjómarkosningarnar 1990 úrslit
Kristján Ásgeirsson, G-lista:
Bættum við
okkur fylgi
„Úrslitin leggjast ekki illa í mig.
Við bættum við okkur frá því
sem áður var, hvað fylgið varðar,
en töpuðum naumlega einum
manni. í rauninni erum við með
þrjá inni, það munar ekki nema
fjórum atkvæðum. Þetta gengur
svona og ekkert við því að segja,
en mér finnst það fyrst og fremst
skipta máli að hafa þetta góða
fylgi. Okkur finnst vissulega
ágætt að vinna á við þessar erfiðu
aðstæður, en við höfðum sérlega
góðan og sterkan mann í þriðja
sætinu. Maður er ekkert farinn
að leiða hugann að meirihluta
eða minnihluta, nú getur maður
aðeins slappað af.“ SS
' Þorvaldur Vestmann Magnússon, D-lista:
Ánægðir með
útkomuna
„Við erum í sjálfu sér ánægðir
með þessa útkomu. Við bætum
þarna við okkur manni og náum
aftur því sent við höfðum 1982-
1986. Heildarúrslitin komu vissu-
lega dálítið á óvart og þegar
menn fara að velta þeim fyrir sér
má sjálfsagt finna einhverjar
skýringar. Eg tel líklegt að þessar
breytingar hafi gerst á tiltölulega
stuttum tíma og jafnvel ekki fyrr
en í síðustu viku, en þessi mikli
sigur framsóknarmanna kemur
mörgum á óvart. Annar maður
okkar stóð tæpt og úrslitin voru
ekki Ijós fyrr en búið var að tclja
utankjörstaðaratkvæði. Þar kom-
um við sterkt út.“ SS
Bjarni Aðalgeirsson, B-lista:
Við erum
hressir
„Við erum hressir, að sjálfsögðu.
Okkar markmið var að tryggja
þriðja manninn sem við höfum
Íengst af átt en misstum síðast, cn
sveiflan til okkar var meiri og við
fundum mikinn meðbyr. Það er
erfitt að spá í ástæður fyrir þess-
ari miklu fylgisaukningu. Alþýðu-
flokkurinn, sem er jafnaðar-
mannaframboð, er eini flokkur-
inn sem tapar verulegu fylgi og
ekki veit ég hvað varð af fylginu
sem Þ-listinn hafði. Við vorum
nálægt þriðja manninum síðast
en förum vel á fimmta manninn
núna. Þetta er auðvitað geysigóð-
ur árangur og eins og ég sagði þá
fundum við góðan byr.“ SS
Jón Ásberg Salomonsson, A-lista:
Lútum vilja
fólksins
„Það leggst náttúrlega ekki vel í
okkur að tapa manni, en allir
verða að lúta vilja fólksins. Úrslit
kosninganna koma mér vissulega
á óvart og þar er stórsigur Fram-
sóknarfiokksins mest áberandi.
Eg vil bara óska þeim til ham-
ingju með sigurinn. Við höfðurn
hins vegar gert okkur vonir um
að halda tveimur mönnum, en
kosningar og pólitík snúast um
sigur og tap. Flokkur sem tapar
verður aö hugsa sinn gang áður
en hann fer í meirihlutaviðræð-
ur," sagði Jón Ásberg um fram-
haldið en A-listinn er í meirihluta
með B-og D-lista á Húsavík. SS
Ólafsfjörður:
Sjálfstæðismeim áfram
með hreinan meirihluta
í Ólafsllrði hélt listi Sjálf-
stæðisflokksins meirihluta sín-
um og bætti við sig fylgi frá síð-
ustu bæjarstjórnarkosningum.
H-iistinn hefðu þurft að ná 27
atkvæðum af Sjálfstæðis-
flokknum til að ná meirihlut-
anum en H-listinn fékk að
þessu sinni tveimur atkvæðum
fleira en í kosningunum árið
1986.
í Ólafsfirði voru 816 manns á
kjörskrá og af þeim greiddu 773
atkvæði. Þetta svarar til þess að
94,73% atkvæðisbærra manna
hafi neytt réttar síns. Að sögn
Hreins Bernharðssonar, oddvita
kjörstjórnar í Ólafsfirði, er þetta
mesta kjörsókn í síðustu fernum
kosningum þrátt fyrir að í öll
skiptin hafi hún verið yfir 90%.
Talningu lauk í Ólafsfirði um
kl. 02 í fyrrinótt. Niðurstöður
hennar urðu á þann veg að D-Iisti
Sjálfstæðisflokks fékk 406 atkvæði
(52,52%) og fjóra menn kjörna
sem fyrr. H-listi vinstri manna og
óháðra fékk 354 atkvæði (45,79%)
og þrjá menn kjörna. Auðir. seðl-
ar voru 13.
Samkvæmt niðurstöðu kosn-
inganna nú eru bæjarfulltrúar D-
lista þau Óskar Sigurbjörnsson,
Kristín Trampe, Sigurður
Björnsson og Þorsteinn Ásgeirs-
son. Af H-lista eru kjörnir bæjar-
fulltrúar að þessu sinni þau Björn
Valur Gíslason, Jónína Óskars-
dóttir og Guðbjörn Arngríms-
son.
Varamenn fyrir D-lista eru:
Guðrún Jónsdóttir, Haukur Sig-
urðsson, Anna María Elíasdóttir
og Gunnlaugur J. Magnússon.
Varamenn H-lista eru: Þuríður
Ástvaldsdóttir, Þórhildur Þor-
steinsdóttir og SÍgríður Rut Páls-
dóttir.
Samkvæmt þessum úrslitum
taka þrír nýir fulltrúar sæti í
bæjarstjórn miðað við nýliðið
kjörtímabil en það eru þau Kristín
Trampe af D-lista og Jónína Ósk-
arsdóttir og Guðbjörn Arngríms-
son af H-lista. Úr bæjarstjórn
hverfa þau Birna Friðgeirsdóttir,
fulltrúi D-lista, og Árntann Þórð-
arson og Ágúst Sigurlaugsson,
fulltrúar H-lista. JÓH
Björn Valur Gíslason, H-lista:
Náðum ekkí
settu marki
„Við höldum okkar hlut í bæjar-
stjórninni. Að sjálfsögðu var það
markmið okkar að endurheimta
meirihlutannn en það tókst ekki
þó að mjótt hafi verið á munum.
Við stöndum ekki svekkt upp eft-
ir þessi úrslit en erum kannski
svolítið leið yfir því að ná ekki
þessu setta marki okkar sem heföi
að okkar mati verið farsælla fyrir
okkur.
Vinna okkar heldur samt
áfram. Að vera í minnihluta cr
mikil ábyrgð og hana komum viö
til með að axla næstu fjögur árin
eins og við höfum gert á síðasta
kjörtímabili. Meirihlutanum
verður áfram veitt það aðhald
sem verið hefur af okkar hálfu."
Óskar Þór Sigurbjörnsson D-lista:
Betra en maður
þorði að vona
„Það liggur ágætlega á mönnum.
Við bjuggumst við að þetta yrði
ákaflega naumt, en þetta er ívið
betra en maður þorði að vona.
Árið 1986 munaði 7 atkvæðum
en nú fengum við 52 fleiri
atkvæði en vinstri menn.
Undirstaða þessara úrslita er
síðasta kjörtímabil og það sem
hefur áunnist á því. Þá hefur
fjöldi fólks unnið mjög vel fyrir
þessar kosningar, bæði að útgáfu-
starfsemi og öðru. Þessi úrslit eru
því margra manna verk.
Við lýstum því yfir snemma í
kosningabaráttunni að héldum
við meirihlutanum yrði Bjarni
Kr. Grímsson áfram bæjarstjóri.
Það stendur óhaggað." óþh
©\
Gummivinnslan hf.
Hjólbarðar
Fólksbíladekk
Jeppadekk
Dráttarvéladekk
Vörubíladekk
★
Hjólbarðaskipti.
Frábær aðstaða, og þið
getið fengið ykkur kaffi á
meðan eða á eftir.