Dagur - 19.06.1990, Síða 2

2 - DAGUR - Þriðjudagur 19. júní 1990
Álver í Dysnesi eða á Árskógssandi?
fréttir
„Afstaða Ma Amameshrepps aldrei verið könnuð“
Ummæli Sigurðar P. Sig-
mundssonar, framkvæmda-
stjóra Iðnþróunarfélags
Eyjafjarðar, í Degi um
afstöðu heimamanna í Arn-
arneshreppi til álvers í Dys-
nesi, hafa vakið mikil við-
brögð í hreppnum. Tveir
bændur höfðu samband við
Dag og vilja koma því á fram-
færi að mikil óánægja ríki
meðal margra íbúanna vegna
málsmeðferðar fram til þessa
um hugsanlegt álver í Dysnesi
og fleira sem tengist því.
Eiríkur Sigfússon, oddviti
Glæsibæjarhrepps, sagði í við-
tali við Dag fyrr í mánuðinum
að Árskógssandur væri heppi-
legri staður fyrir álver en
Dysnes. Sigurður P. Sigmunds-
son svaraði athugasemdum Eir-
íkis í blaðinu 12. júní.
Bændurnir Þórður Þórðar-
son, Hvammi, og Þorlákur
Aðalsteinsson, Baldursheimi,
segja að mikið sé rætt um þessi
mál í hreppnum. ..Afstaöa íbú-
anna með og móti álveri liefur
aldrei verið könnuð, en ákveðn-
ir menn láta í það skína að mikil
og almenn samstaða sé í Arn-
arneshreppi um ágæti þess að fá
álver þangað, Hitt er sanni nær,
þetta er vægast sagt umdeilt.
Sömu menn tala í niðrandi tón
um búskap í hreppnum, til
stuðnings álverinu.
Við bendum einnig á nokkur
atriði sem okkur og mörgum
öðrum hreppsbúum finnast
gagnrýniverð, í fyrsta lagi
ummæli Sigurðar P. Sigmunds-
sonar. í viðtali Dags við Sigurð
koma fram undarlegar fullyrð-
ingar sem við viljum fá svör við.
Hann segir að á fundi með íbú-
um Arnarneshrepps hafi mikill
meirihluti verið fylgjandi álveri
við Dysnes. Við héldum að fyrr-
nefndur fundur hefði verið upp-
lýsingafundur þar sem fulltrúi
iðnaðarráðuneytisins hefði
kynnt málið, og ekki var spurt
um skoöanir manna með eða
móti. Spurning okkar er því sú
hvernig Sigurður gat séð að
mikill meirihluti fundarmanna
væri fylgjandi álveri í Dysnesi?
Við erum þess fullvissir að að-
eins um fimmti hluti fundar-
manna hafi tekið til máls, og
tæplega lýsti nokkur þeirra
afstöðu sinni heldur leituðu þeir
eftir upplýsingum.
Önnur spurning tengist þeirri
yfirlýsingu Sigurðar að tveir
menn hefðu lýst yfir andstöðu
við álverið. Hverjir voru þessir
menn? Einnig væri fróðlegt að
fá því svarað hverjir hefðu lýst
yfir stuðningi við málið að hans
mati á fundinum.
Varðandi fundarboðunina og
hvernig staðið var að fundinum
finnst okkur margt athugavert.
í fyrsta lagi var fundurinn boð-
aður með innan við eins sól-
arhrings fyrirvara. Engar nýjar
upplýsingar komu fram þar, og
því hefði eins vel mátt halda
fund þennan á öðrum tíma.
Tímasetningin, að hafa fund um
miðjan sauðburðinn, var óhent-
ug fyrir marga. Auk þess var
fundurinn haldinn sama dag og
stóri álfundurinn í Sjallanum á
Akureyri, og gerði þetta tvennt
að verkum að færri komust
tímanlega á síðari fundinn, ekki
síst mjólkurframleiðendur.
Fundarstjórn var lítil sem
engin, og spillti það honum
mjög.
Sú mikla samstaða sem á að
vera innan hreppsins um álverið
er ekki fyrir hendi. Um afstöðu
íbúanna virðist okkur að margir
þeir sem stunda landbúnað séu
frekar andvígir staðsetningu
álvers í Dysnesi.
Vissulega getum við tekið
undir með oddvita Glæsibæjar-
hrepps. Sú mikla samstaða sem
sumir vilja meina að sé um álver
í Dysnesi er alls ekki fyrir hendi
í hreppunum kringum Akur-
eyri,“ segja Þorlákur og
Þórður. EHB
99
Páll Hersteinsson, veiðistjóri:
Minknum fjölgar enn
- gotið heppnaðist vel“
Refaveiðar á Islandi voru í
lægð í byrjun áttunda áratug-
arins, að sögn Páls Hersteins-
sonar, veiðimálastjóra, en þá
var mjög lítið um ref um allt
land. Síðan hefur honum fjölg-
að mikið alveg til þessa dags.
Minkur var í lágmarki 1983,
en síðan fór honum fjölgandi
til 1987, en þá veiddust yfir
6000 dýr. „Ég hef þá trú að
honum fjölgi enn á þessu vori
því vorið var gott um ailt land
og því hefur gotið heppnast
vel,“ sagði Páll veiðistjóri.
„Lítið er að segja um veiðar
minks og refs á þessu vori.
Veðurfar hefur verið gott um allt
land og þess má vænta að got hjá
minknum hafi tekist vel og því
verður mikið um mink í sumar.
Refaskyttur hófu veiðar viku af
júní og liggja nú á grenjum.
Ástand stofnanna er svipað nú
þ.e. afar eðlilegt, ef svo má
segja,“ sagði Páll.
Tölur um veiðina í fyrra eru
ekki fyrirliggjandi, en 1988 var
legið á 333 grenjum og 1030 full-
orðin dýr vegin. 1382 yrðlingar
voru drepnir og 5649 minkar
voru veiddir.
Embætti veiðistjóra ræktar
sérstaka veiðihunda. „Sumir
myndu segja að sú ræktun væri
ekki hávísindaleg, en við leitumst
við að ná góðum og heppilegum
einstaklingum til veiðanna. Þetta
er ekki sérstakt hundakyn, við
leggjum meiri áherslu á eiginleik-
ana en útlitið. Þessu var ekki
haldið hreinu á sínum tíma og
því þykir ekki ástæða til þess nú.
Við höfum augastað á að ná
heppilegum hundum frá údönd-
um til ræktunar þegar einangrun-
arstöðin í Hrísey kemst í gagnið
og fá þá hæfari og betri hunda,
þó svo að bestu hundarnir okkar
nú séu mjög góðir," sagði Páll
veiðistjóri að lokum. ój
Hofsósingum að fjölga
- og atvinnuástandið þokkalegt
Atvinnuástand á Hofsósi er
svipað og annars staðar. Þó
voru, að sögn Björns Níelsson-
ar sveitarstjóra, heldur færri á
Sautjándinn á Sauðárkróki
Allt fór vel fram 17. júní í
Skagafirði og að sögn lögregl-
unnar á Sauðárkróki var þetta
mjög róleg liclgi enda lítiö um
dansleiki nema á sunnudags-
kvöldið, en þá voru bara ungl-
ingadansleikir sem lauk um
tólfleytið.
Á Sauðárkróki var allt með
hefðbundnu sniði og var hátíðar-
dagskráin á íþróttavellinum þar
sem ýmislegt var gert til skemmt-
unar. M.a. lék lúðrasveit nokkur
lög og yngra og eldra árið í 4.
flokki stráka í knattspyrnu reyndi
með sér í alls kyns þrautum.
Fjallkona dagsins var föngulegur
nýstúdent, Arnheiður Njálsdóttir.
Mesta athygli í dagskránni vöktu
þó tvær ungar stúlkur sem
brugðu sér í gervi Sigríðar Bein-
teinsdóttir og Grétars Örvarsson-
ar. Þær dönsuðu og sungu með
Eurovisionlaginu, Eitt lag enn, af
mikilli innlifun og fengu fyrir
ákaft lof áhorfenda. Krakkarnir
úr leikskólanum Furukoti komu
„Við afhentum Valgarði Iialdvinssyni, starfandi bæjarstjóra, mótmælaskjal
undirritað af íbúum Glerárhverfis, en þar fóru fremstir í flokki „Morgun-
sundhanarnir“ en þeir stunda sund sér tii heilsubótar á morgnana í sundlaug-
inni í GIerárhverfi,“ sagði Kristján Kristjánsson, fréttastjóri. „Við óttumst
þann ósið bæjaryfirvalda að fullgera ekki mannvirki og ráðast í þess stað í
nýja framkvæmd. AHt umhverfi sundlaugarinnar í Glerárhverfi er ófrágeng-
ið og til skammar og fælir frá. Aðstöðu alla verður að bæta þ.e. heita potta
vantar, sólbaðsaðstöðu og fleira. Óþolandi er, þegar mannvirki eru opnuð
formlega ófullgerð, að ekki skuli haldið áfram og þau fullgerð. Á þetta vilj-
um við benda og sendum með bréfinu tólf myndir í lit máli okkar til
stuðnings,“ sagði Kristján. Á myndinni afhendir Kagnar Sverrisson „yfir-
morgunsundhani“ Valgarði Baldvinssyni mótmælaskjalið. Mynd: kl
líka fram og sungu með foreldr-
um sínum nokkur lög. Hátíðar-
ræðuna flutti Sigríður Friðjóns-
dóttir og kom í henni inn á bæði
umhverfis- og kvennabaráttumál.
Áður en hátíðardagskráin
hófst var skrúðganga um bæinn
sem var í umsjón Skátafélagsins
Eilífsbúa. í henni voru bæði ung-
ir sem aldnir og þátttaka góð
enda veður eins og best var á
kosið. Fyrir hádegi fjölmenntu
reiðmenn í gegnum bæinn og
leyfðu síðan börnum að sitja
hrossin á malarvellinum og var
þar fjöldi lítilla knapa sem kunni
vel við sig á breiðum bökum.
Um kvöldið voru síðan barna-
og unglingadansleikir í Bifröst
þar sem allt fór fram eins og ætl-
ast var til og ekki bar á öðru en
yngsta kynslóðin kynni vel að
meta það að skreppa svona á
ball. SBG
atvinnuleysisskrá um síðustu
mánaðamót en á sama tíma í
fyrra.
Björn segir jafnframt að sam-
eining hinna þriggja hreppa,
Hofsóshrepps, Hofshrepps og
Fellshrepps, hafi styrkt stöðuna
og í sumar séu ráðgerðar fram-
kvæmdir við höfnina og í vatns-
veitu auk þess sem einhverjar
aðrar smáframkvæmdir verða.
„Atvinnuástandið hér er
þokkalegt og ég hef ekki orðið
var við það að fólk sé farið að
flýja staðinn vegna atvinnuleysis.
Þvert á móti var t.d. ein sex
manna fjölskylda að flytja hingað
og von ér á annarri," sagði Björn
Níelsson, sveitarstjóri á Hofsósi,
þegar Dagur talaði við hann.
SBG
Akureyrarkirkja:
Sænskur sönghópur með
tónleika í kvöld
sænskar og erlendar þjóðvísur,
sálma, gospel og djass. Stjórn-
andi er Roger Karlsson.
Sönghópurinn hefur sungið í
ellefu ár og vísar nafnið Brasc-
hamba til upphafsstafa meðlima
hans. Á tíu ára afmælinu var gef-
in út kassetta er ber heitið „Söng-
ur vonarinnar“. Þetta er í fyrsta
skipti sem sönghópurinn sækir
Island heim. (Fréttatilkynning)
í kvöld kl. 20 heldur sænski
sönghópurinn Braschamba frá
Bengtsfors í Svíþjóð tónleika í
Akureyrarkirkju. Kórinn var
með tónleika í Neskirkju í
Reykjavík og syngur 21. júní í
Norræna húsinu.
í Braschamba er söngfólk á
öllum aldri. Fjölbreytnin ræður
ríkjum á efnisskránni. Meðal
annars syngur sönghópurinn
Garðyrkjufélag Akureyrar:
Fyrirlestur Olafs um ljölær blóm
Garðyrkjumönnum á Norður-
landi gefst kostur á að auka við
þekkingu sína því Garðyrkju-
félag Akureyrar hefur fengið
Ólaf B. Guðmundsson til að
ræða um fjölær blóm.
Ólafur er áhugamönnum að
góðu kunnur og hefur farið víða
og safnað sérstæðum plöntum og
býr yfir mikilli þekkingu um þær.
Fyrirlestur hans verður haldinn í
Galtalæk þriðjudagskvöldið 19.
júní kl. 20.30.
Laugardaginn 23. júní ætla
félagsmenn að gangast fyrir
uppákomu í Lystigarðinum sem
kalla mætti „Jónsblómamessu",
Búið er að safna ýmsum sjaldgæf-
um plöntum, afla upplýsinga um
þær, setja þær í potta og er ætlun-
in að selja þær til ágóða fyrir sjóð
til styrktar bættri hreinlætisað-
stöðu í garðinum.
Margt af því sem þarna verður
í boði er afar erfitt að nálgast og
er fólki bent á að þarna er sjald-
gæft tækifæri.
Einnig verður boðið upp á létt-
ar veitingar og eitthvað fleira
verður reynt að hafa til af-
þreyingar. Við væntum þess að
sem flestir sjái sér fært að koma í
garðinn og styrkja þarft málefni.
(Fréttatilkynning frá Garðyrkjufélagi Akureyr-
ar).