Dagur - 27.10.1990, Page 19

Laugardagur 27. október 1990 - DAGUR - 19
Ljósmyndasamkeppni Dags og Pedromynda
„Var lengi búinn að sigta
upp á þetta myndefiii“
- segir Aðalgeir Ó. Jónsson, verðlaunahafi í flokki landslagsmynda
Guðrún Hjaltadóttir hjá Pedromyndum afhendir Aðalgeiri vcrðlaunin á
hlaðinu á Hólum.
Aðalgeir Ó. Jónsson, bóndi á
Hólum í Saurbæjarhreppi,
hlaut 1. verðlaun í flokki
landslagsmynda. Mynd hans er
sérlega góð með tilliti til lita og
uppbyggingar og gefur gamli
bærinn til hægri henni
skemmtilegan svip. Vélarnar í
forgrunni draga kannski úr
heildaráhrifunum en myndin
þótti bera af í þessum flokki.
Aðalgeir var að vonum ánægð-
ur er hann tók við verðlaunun-
um, forláta Chinon Genesis
myndavél frá Pedromyndum.
Hann var inntur eftir því hvort
hann væri mikill áhugamaður um
ljósmyndun.
„Já, ég hef gaman af því að
taka myndir en ég hef aldrei lært
neitt í ljósmyndun og er enginn
dellukarl. Pegar ég keypti
myndavélina sem ég tók þessa
mynd á var mér ráðlagt að taka
fullkomnari myndavél en ég
þorði það ekki, hélt hún væri of
margbrotin fyrir mig. Svo var ég
nú búinn að hugsa um að festa
kaup á svona vél en þá kemur
hún allt í einu upp í hendurnar á
mér,“ sagði Aðalgeir.
- Pú hefur náð sérlega
skemmtilegum litum í verðlauna-
myndinni. Hvenær er þessi mynd
tekin?
„Já, það er satt, litirnir voru
skrýtnir þennan dag. Ég tók
myndina síðastliðinn vetur, ,13.
desember 1989. Ég var lengi búinn
að sigta upp á þetta myndefni og
eitt sinn á leiðinni út sneri ég við,
sótti myndavélina og kom þessu í
verk. Myndin var því ekki tekin
sérstaklega fyrir keppnina.“
Aðalgeir tók myndina heima
hjá sér á Hólum og beindi vélinni
út Eyjafjörðinn. Tunglið er á
lofti í norðri og segir Aðalgeir að
myndin sé tekin um kl. 10 að
morgni.
- Fannst þér sjálfum þetta
ekki vera góð mynd þegar þú
fékkst hana í hendurnar?
„Jú, mér fannst það strax og
áður en þessi ljósmyndasam-
keppni kom upp var ég búinn að
ákveða að láta stækka hana. Þeg-
ar ég setti myndina í umslag til að
taka þátt í keppninni var ég
meira að segja svo kokhraustur
að segja að þetta væri myndin
sem hlyti verðlaun, en þegar ég
fór að hugsa mig betur um var ég
búinn að gefa þá von upp á
bátinn. Ég vissi að miklu færari
myndasmiðir en ég myndu taka
þátt í keppninni. En tilviljun
,ræður,“ sagði Aðalgeir, lítillátur
að lokum. SS
„Fuglamir eru í uppáhaldi hjá mér“
- segir Ríkarður Ríkarðsson, sigurvegari í flokki lifandi myndefnis
Ríkarður Ríkarðsson tekur hér við verðlaunum sínum í verslun Pedromynda
á Akureyri.
Ríkarður Ríkarðsson, lögreglu-
þjónn á Húsavík, sendi inn
bestu myndina í flokki lifandi
myndefnis að mati dómnefnd-
ar. Myndin sýnir kríu á flugi
yfir gullnu grasi og er hún vel
unnin auk þess sem litirnir eru
skemmtilegir. Krían kemur vel
út og er í góðum fókus og hún
náði að slá út hinar fjölmörgu
manna- og dýramyndir sem
dómnefndin fékk í hendurnar.
Ríkarður skaust til Akureyrar
til að taka við verðlaunum
sínum, Chinon myndavél frá
Pedromyndum, og kvaðst hann
vera mjög ánægður með þessa
viðurkenningu.
- Segðu mér aðeins frá verð-
launamyndinni. Hvenær var hún
tekin og kostaði ekki umstang að
ná henni?
„Myndin er sennilega tekin í
sumar, frekar en í fyrrasumar.
Það tók töluverðan tíma að ná
henni. Ég var að keyra hérna í
nágrenninu og leita að fuglum,
eins og ég geri ævinlega, og sá
kríu á sveimi yfir túni neðan við
bæ sem er skammt sunnan við
sjó. Krían var með eitthvað í
kjaftinum og átti greinilega unga
í nágrenninu. Ég lagði bílnum og
beið. í fyrstu kom krían ekki en
þegar hún var búin að venjast
bílnum birtist hún aftur og ég gaf
mér góðan tíma til að stilla fókus-
inn. Það er töluvert gras á bak
við og myndin því væntanlega
tekin fyrir slátt,“ sagði Ríkarður.
- Ertu mikill dellukarl í ljós-
myndun?
„Já, það má eiginlega segja
það að ég sé dellukarl. Ég tek
aðallega myndir af fuglum og
ýmsum hlutum í náttúrunni. Hins
vegar er ég ekkert mikið fyrir það
að taka myndir af fólki, nema þá
gömlu fólki. Fuglarnir eru í
uppáhaldi hjá mér og skúlptúrar í
náttúrunni, eins og ég kýs að
kalla það, og ég er sérstaklega
hrifinn af gaddavír og staurum.“
Ríkarður segist eingöngu taka
litmyndir. Hann einbeitir sér að
einfaldleikanum þegar hann vel-
ur sér form í náttúrunni og hann
hefur líka gaman af því að teikna
einfaldar myndir. Hann sendi all-
margar myndir í ljósmyndasam-
keppnina og það kom honum á
óvart að krían skyldi bera sigur
úr býtum því hann hafði lagt
traust sitt á aðra mynd. Þetta er í
fyrsta sinn sem Ríkarður fær
viðurkenningu á þessum vett-
vangi en hann hefur tvisvar áður
tekið þátt í ljósmyndasam-
keppni.
Fuglar eru ekki auðvelt mynd-
efni en heillandi, að mati
Ríkarðs. Hann á myndir af 70-80
fuglategundum og ein þessara
tegunda færði honum fyrstu verð-
laun í ljósmyndasamkeppni Dags
og Pedromynda. SS
Félag málmiðnaðarmanna
Akureyri
undarboð
Félag málmiönaöarmanna Akureyri heldur félags-
fund, miövikudaginn 31. október kl. 17.00 í Alþýðu-
húsinu.
Fundarefni:
1. Inntaka nýrra félaga.
2. Kjara- og atvinnumál, Örn Friöriksson formaöur
M.S.Í.
3. Skipulagsmál M.S.Í.
4. Eftirmenntunarmál málmiðnaðarmanna, Nicolai
Jónasson.
5. Á aö stofan einn lífeyrissjóð fyrir launþega á
Noröurlandi, Þóra Hjaltadóttir.
6. Önnur mál.
Stjórnin.
Framsóknarfólk á Húsavík
Framvegis verður skrifstofa flokksins í Garöari,
Garöarsbraut 5, opin á laugardagsmorgnum milli kl.
11.00 og 12.00.
Heitt á könnunni.
Lítum inn og ræðum málin!
Framsóknarfélag Húsavíkur.
Röskan og handlaginn
starfskraft vantar til lager- og afgreiðslustarfa.
Ráöningartími er til áramóta.
Upplýsingar leggist inn á afgreiöslu Dags fyrir 1.
nóvember merkt: Röskur.
Atvinna
Óskum eftir að ráða þjón eða aðila með mikla
reynslu í veitingasal okkar um helgar.
Einnig vantar aðstoðarfólk með reynslu, um
helgar og í miðri viku.
Upplagt fyrir skólafólk ekki yngra en 18 ára.
(Herbergi gæti fylgt).
Upplýsingar á staönum föstudaginn 26. október frá
kl. 17.00 til 18.00 og mánudaginn 29. október frá kl.
17.00 til 18.00.
Innilegar þakkir fyrir auðsýnda samúð og vinarhug við andiát
og jarðarför eiginkonu, móður, tengdamóður og ömmu,
ÓLAFAR SIGTRYGGSDÓTTUR,
Grundargerði 6 e, Akureyri.
Sérstakar þakkir til lækna og hjúkrunarfólks á Fjórðungs-
sjúkrahúsinu á Akureyri.
Jóhann Guðmundsson,
Sigurlína Jóhannsdóttir, Jón Bjartmar Hermannsson,
Hólmfriður Jóhannsdóttir, Þórarinn Sveinn Thorlacius,
Þorgerður Ásdís Jóhannsdóttir,
Ólöf María Jóhannsdóttir, Þórður Þórðarson
og barnabörn.
Innilegar þakkir til ykkar allra fyrir auðsýnda samúð og hlýhug
við fráfall og útför elskulegs sonar okkar, unnusta, bróður,
mágs og tengdasonar,
KARLS JAKOBS HINRIKSSONAR,
sem lést af slysförum 13. október s.l.
Guð blessi ykkur.
Svava Karlsdóttir, Hinrik Þórarinsson,
Elín Karitas Bjarnadóttir,
Pálína Hinriksdóttir, Svavar Ásmundsson,
Þórunn H. Sigurðardóttir, Bjarni Bogason.