Dagur - 06.11.1990, Síða 2

2 - DAGUR - Þriðjudagur 6. nóvember 1990
Sauðárkrókur:
Tafirvið
hafhardýpkim
- viðbót við verkið
Grafskipið Reynir, sem unnið
hefur við að dýpka og iaga
höfnina á Sauðárkróki undan-
farnar vikur, er nú farið að
nálgast verklok.
Ýmislegt hefur tafið verkið hjá
Reyni. eins og veöur og bilanir,
en verkið hefur dreifst á mun
fleiri vikur en ráð var fyrir gert.
Eftir er að grafa sérstakan
skurð í hafnarbotninn og síðan
bættist við dýpkun norðan Syðra
plans eftir að verkið hófst og er
þar um að ræða 3500 rúmmetra.
Búið er að dýpka það mikið innst
við hafnarbakkann að eitt legu-
rými bætist við. Ekki er búið að
sannprófa þaö, en vonir standa til
að það nægi til að eitt skip komist
fyrir til viðbótar. SBG
.... . ■ ■
Tæplega hundrað konur af öllu landinu sóttu landsfund Kvennalistans á Hrafnagili um helgina. Konurnar létu vel
af öllum aðbúnaði í skólanum og kváðu hann vera vel fallinn til slíkra fundarhalda. Mynd: jóh
Landsfundur Kvennalistans á Hrafnagili í Eyjafirði um helgina:
„Auðvitað viljum við komast í ríkisstjórn“
- segir Elín Stephensen, kvennalistakona á Akureyri
Kvennalistinn sækist eftir þátt-
töku í ríkisstjórn. Hins vegar
skiptir Kvennalistinn ekki á
grundvallarstefnumiðum sín-
um fyrir ráðherrastóla. Þetta
kemur m.a. fram í ályktun
landsfundar Kvennalistans á
Hrafnagili um helgina. Álykt-
unin er birt á bls. 14 í dag.
„Með þessu viljum við taka af
allan vafa um áhuga Kvennalist-
ans á þátttöku í ríkisstjórn. Auð-
vitað viljum við komast í ríkis-
stjórn. Til þess erum við í pólitík.
En við viljum ekki gera það hvað
sem það kostar,“ sagði Elín
Stephensen, kvennalistakona á
Akureyri.
Á fundinum samþykkti
Kvennalistinn að óhjákvæmilegt
væri að vextir á lánum frá Bygg-
ingarsjóði ríkisins verði hækkað-
ir. Þetta er rökstutt með því að
öðruvísi verði sjóðnum ekki
bjargað frá gjaldþroti. Vextir eru
3,5% í dag, en myndu hækka í
um 5%, nái þessi tillaga Kvenna-
listans fram að ganga. Lagt er til
Aukaþing Alþýðu-
sambands Norðurlands:
Vaxtahækkun
íslandsbanka
mótmælt
Á aukaþingi Alþýðusambands
Norðurlands, sem haldið var
nú um helgina á Akureyri, var
samþykkt ályktun þar sem
mótmælt er harðlega þeirri
vaxtahækkun sem tók gildi hjá
íslandsbanka nú um mánaöa-
mótin „og nemur allt að 16%
hækkun þeirra vaxta sem áður
og voru að flestra dómi nógu
háir,“ eins og segir í ályktun-
inni.
í ályktuninni segir ennfremur:
„Alveg sérstaklega harmar
þingið, að það skuli vera sá
banki, sem verkalýðssamtökin
eiga aðild að, sem nú ríður á vað-
ið með ótímabærri vaxtahækkun.
Ánægjulegra hefði verið, að ein-
mitt sá banki reyndist öðrum
bönkum íhaldssamari, þegar um
vaxtahækkanir er að ræða,“ segir
í ályktun aukaþingsins. JOH
að þessi hækkun taki gildi frá 1.
janúar nk. og verði afturvirk á
lán frá árinu 1984.
„Við viljum frekar hækka vext-
ina, heldur en að ríkið fari að
ausa milljörðum í Byggingarsjóð-
inn. í raun er hér lögð til sam-
ræming á vöxtum. Gömlu lánin
báru 3,5% vexti, en fólki sem
tekur lán í dag er gert að greiða
5% vexti. Hitt er svo annað mál
að við myndum ekki taka þessa
leið fram yfir aðra hagstæðari
leið, því auðvitað vill enginn
þurfa að hækka vexti. Við erum
að horfa til framtíðar. Okkur
þykir nóg að borga skuldir þeirra
sem tóku óverðtryggðu lánin og
við viljum ekki afhenda börnun-
um okkar sambærilegan skulda-
pakka í framtíðinni. Byggingar-
sjóður ríkisins er nánast gjald-
þrota og við viljum forða því
gjaldþroti ef það er mögulegt,"
sagði Elín.
Á landsfundinum var sam-
þykkt að leggja niður svokallaða
útskiptareglu, þ.e. að kjörnum
fulltrúum á Alþingi og í sveitar-
stjórnum verður eftirleiðis ekki
skipt út á miðju kjörtímabili,
nema brýna nauðsyn beri til.
Hins vegar var ákveðið að hafa
óbreytt ákvæði um átta ára há-
markssetu á þingi og í sveitar-
stjórnum.
Elín sagðist ekki telja að
áherslur Kvennalistans væru að
breytast. „Við erum að reyna að
skerpa myndina, og móta skýrari
stefnu um það sem við viljum.
Grunnurinn er áfram sá sami.
Við erum í kvenfrelsisbaráttu og
það breytist ekki." óþh
íslandskynning í Japan:
Helstu útflutningsafurðir
íslendinga kynntar
- Japansmarkaður flórði mikilvægasti markaður íslendinga
íslandskynning verður haldin í
Japan dagana 14. til 20.
nóvember næstkomandi.
Tilefni kynningarinnar er ferð
forseta Islands, frú Vigdísar
Finnbogadóttur, til Tókíó
vegna krýningar Japanskeis-
ara. Af íslands hálfu taka 36
fyrirtæki og stofnanir þátt í
sýningunni.
Fyrirtækin 36 taka þátt í sýn-
ingunni með einum eða öðrum
hætti en hún er þátttakendum að
mestu að kostnaðarlausu, þar
sem japanskir aðilar annast alla
kynningu og útvega aðstöðu fyrir
vörukynninguna. Gert er ráð fyr-
ir að nokkrir tugir þúsunda skoði
sýninguna en einnig er gert ráð
fyrir umtalsverðri umfjöllum fjöl-
miðla unt ísland og íslandskynn-
inguna. Að sögn Ingjalds Hanni-
balssonar, framkvæmdastjóra
Útflutningsráðs íslands mun
Útflutningsráð halda hádeg-
isverðarboð fyrir helstu við-
skiptavini íslenskra fyrirtækja
þann 14. nóvember og verður
forseti íslands heiðursgestur í
hádegisverðinum. Sama dag
verður verður sýning á íslenskum
fatnaði í menningarmiðstöð
Tókíó-samsteypunnar með þátt-
töku Lindu Pétursdóttur, fyrrum
ungfrú Heimur. Meðal þeirra
fyrirtækja sent kynna fatnað á
tískusýningunni verður Álafoss
hf.
Forseti íslands niun síðan opna
íslandssýninguna 15. nóvember í
viðurvist fjölmiðlamanna og ann-
arra gesta. Á sýningunni verða
kynntar helstu útflutningsafurðir
íslendinga, meðal annars sjávar-
afurðir, fatnaður og drykkjarvör-
ur. Einnig verður ísland kynnt
sem ferðamannaland og er Bláa
lónið meðal annars sérstakur sýn-
ingaraðili í því sambandi. Þá
verða íslenskar bókmenntir
kynntar ásamt íslenskri tónlist og
kvikmynd Þráins Bertelssonar,
Nýtt líf, sýnd í tengslum við
íslandssýninguna. Þá verður
einnig vígt íslandshús, sem byggt
hefur verið í Japan, en það er
nákvæm eftirlíking af Höfða,
húsi Reykjavíkurborgar.
í fréttatilkynningu frá Útflutn-
ingsráði íslands segir að atburður
sem þessi sé kærkomið tækifæri
fyrir íslenska útflytjendur og
íslenska ferðaþjónustu að kynna
sig í Japan. Útflutningur til Jap-
ans hefur vaxið mikið að undan-
förnu og er Japansmarkaður nú
fjórði mikilvægasti markaður fyr-
ir útflutningsvörur íslendinga.
ÞI
Alþýðuflokkurinn:
Sex í próíkjörið
Sex tilkynntu þátttöku í próf-
kjöri Alþýöuflokksins í
Norðurlandskjördæmi eystra,
sem haldið verður dagana 24.
og 25. nóvember nk. Fram-
boðsfrestur rann út á hádegi sl.
laugardag.
Þeir sem taka þátt í prófkjör-
inu eru Hreinn Pálsson, bæjar-
lögmaður á Akureyri; Sigbjörn
Gunnarsson, kaupmaður á Akur-
eyri; Pétur Ólason, skólastjóri á
Þórshöfn; Aðalsteinn Hallsson.
félagsmálafulltrúi Sjálfsbjargar í
Reykjavík; Arnór Benónýsson,
Reykjavík og Sigurður Arnórs-
son, framkvæmdastjóri Lindu á
Akureyri. óþh
Akureyri:
Bæjarmála-
punktar
■ Umhverfisstjóri kynnti
bæjarráði nýlega untsókn frá
Skógræktarfélagi Eyfirðinga
til landbúnaðar- og fjármála-
ráðúneytis um þátttöku í
kostnaði við sumarvinnu 16
ára unglinga við skógrækt í
Eyjafirði á árinu 1991.
■ Bygginganefnd hefur óskað
eftir heimild til að auglýsa
byggingalóðir í 2. áfanga
Giljahverfis til umsóknar.
■ Á fundi stjórnar veitustofn-
ana greindu formaður og raf-
veitustjóri frá furidi með for-
svarsmönnum RARIK, þar
sem ræddir voru möguleikar á
stofnun rafveitu Eyjafjaröar-
svæöisins.
■ Atvinnumálanefnd beinir
þvf til Héraðsráðs Eyjafjarðar
og Jðnþröunarfélags Eyja-
fjarðar hf. að beita sér fyrir
þvf að settur verði á fót vinnu-
hópur, er hafi það verkefni að
kanna möguleika á uppbygg-
ingu orkufreks iðnaðar við
Eyjafjörö.
■ Stjórn húsnæðisnefndar
samþykkti á fundi sínum
nýlega að ganga til samninga
við Harald óg Guðlaug hf. um
10 fbúða verksámning við
Vestursíðu 16-18. Á fundinum
lél forstöðumaöur bóka cftir-
farandi: „Forstöðumaður telur
eðlilcgt að keyptar veröi not-
aðar íbúðir, þar sent greiöslu-
mat hefur sýnt að þörf er á
ódýrunt íbúöum.“
B Jafnréttisnefnd ræddi á
fundi sínum nýléga um kyn-
bundnar auglýsingar í fjöl-
miðlum. Þar kom fram að
undanfarið hafa þrjár greinar
laga urn jafna stöðu og jafnan
rctt kvenna og karla frá 1985,
verið brotnar í fjölmiölum á
Akurevri. varðandi starfsaug-
lýsingar. Ákveðiö var að
senda fyrirtækjum og fjölmiöl-
um bréf til að vekja athygli á
þessu og óska eftir að slíkt
endurtaki sig ekki.
■ Bæjarráði hefur borist
erindi frá sóknarnefnd Akur-
eyrarkirkju, þar sem þess er
fariö á leit að bæjarráð veiti
einfalda ábyrgð bæjarsjóðs til
tryggingar láni aö upphæð kr.
7.000.000,- hjá Lífeyrissjóön-
um Sameiningu. Lánstími er 4
ára og er lánsféð ætlað til þess
aö Ijúka viö byggingu safnað-
arheimilisins. Bæjarráö leggur
til að bæjarábyrgðin verði
veitt.
■ Bæjarráði hefur borist bréf
frá Baldri Bragasyni og Braga
Halldórssyni, þar sem þess er
farið á leit að öryrkjar sem eru
mjög hreyfihamlaðir og nota
hjólastóla, spelkur og tvær
hækjur, njóti fasts afsláttar af
fasteignaskatti af eigin íbúð á
sarna hátt og lífeyrisþegar 70
ára eldri. Bæjarráð getur ekki
orðið við erindinu og heldur
sig við þau tekjumörk öryrkja
sem sett hafa verið á þessu ári.
■ Bygginganefnd hefur borist
erindi frá Hagkaupi hf., þar'
sem óskað er eftir að athugað
verði hvort til álita konti að
hliðra Hjalteyrargötu til aust-
urs og stækka bílastæði við
Hagkaup. Málinu var vísað til
skipulagsnefndar og tækni-
deildar.