Dagur - 01.10.1991, Qupperneq 7

Þriðjudagur 1. október 1991 - DAGUR - 7
Jakob Jónsson orðinn norskur ríkisborgari
Handknattleiksmaðurinn Jakob
Jónsson frá Akureyri gerðist ný-
lega norskur ríkisborgari en
hann leikur sein kunnugt er með
1. deildarliðinu Viking. „Það er
allt í lagi að vera norskur ríkis-
borgari meðan ég er hérna í Nor-
egi. Þetta þýðir þó ekki að ég sé
sestur að hérna, ég kem heim en
spurningin er hvenær maður
drífur í því,“ segir Jakob.
Jakob segir ástæðuna fyrir þessu
fyrst og fremst vera þá að liðið hafi
keypt tvo Rússa fyrir tímabilið en
norsk lið mega aðeins nota tvo út-
lendinga. „Mér fannst í lagi að ger-
ast norskur ríkisborgari því þannig
losnaði maður við óþarfa slagsmál
um stöður í liðinu. Mér finnst ég
vera alveg sami íslendingurinn
þótt ég hafi annan ríkisborgararétt
um stundarsakir enda snýst málið
ekki um það. Þetta breytir í raun-
inni engu nema bara í sambandi
við handboltann,'* sagði Jakob.
Bj'artsýnn fyrir tímabilið
Tímabilið er hafið í Noregi og Vik-
ing hefur farið vel af stað. „Við
erum búnir að spila einn bikarleik,
gegn 2. deildarliði, og unnum
hann. Svo höfum við spilað tvo
deildarleiki og unnið báða. Liðið
er gjörbreytt frá í fyrra, ég er t.d.
eini maðurinn í byrjunarliðinu sem
var með í fyrra. Þá er kominn nýr
þjálfari sem hefur verið að gera
góða hluti. Ég er bjartsýnn fyrir
tímabilið og held að við eigum
góða möguleika á að vera í topp-
baráttunni. Sjálfur held ég að við
eigum raunhæfa möguleika á
þriðja sætinu en staðan skýrist
væntanlega á næstunni. Við spil-
um við miðlungslið í næstu viku
sem við ættum að sigra en síðan
koma tveir mjög erfiðir leikir,
gegn Sandefjord og Runar og eftir
þá sér maður betur hvar við stönd-
um. Stavanger er líka mjög sterkt
en við spilum ekki við þá fyrr en
töluvert er liðið á tímabilið.
Liðið er auðvitað enn að spilast
saman en þetta er allt að koma. Við
vorum mjög heppnir með pró-
gramntið, fengum [rennan bikar-
leik gegn 2. deildarliði og síðan
þrjá frekar létta leiki í deildinni
þannig að við höfum haft tíma til
að slípa þetta aðeins áður en við
förum í sterku liðin."
í norska landsliðið?
Jakob spilaði mikið í vinstra horn-
inu í fyrra en hefur núna spilað
vinstra megin fyrir utan það sem af
er. „Ég kann mjög vel við mig í
þeirri stöðu en finnst líka allt í lagi
að vera í hominu ef bakkarinn er
ekki alveg blindur eins og hann var
í fyrra. Mér finnst ég vera í góðu
formi og mér hefur gengið vel, hef
verið að skora 4-6 mörk í þessurn
leikjum."
en ætlar þó heim aftur
Heyrst hefur að Jakob eigi
möguleika á að komast í norska
landsliðið eftir að hann var norskur
ríkisborgari. Sjálfur segist hann lít-
ið hugsa um það. „Ég hef engar á-
hyggjur af því og það hafði ekkert
með þessa ákvörðun mína að gera.
Það hefur ekkert verið minnst á
þetta við ntig og það er ekkert víst
að ég gæti gefið kost á mér ef til
þess kæmi. Landsliðið tekur mik-
inn tíma í æfingar og mínar að-
stæður leyfa varla slfkt. Þetta er
ekki á dagskránni hjá mér, a.rn.k.
ekki eins og staðan er í dag.“
Kitlar mann
að koma heim
Þetta er þriðja árið í röð sem Jakob
dvelur í Noregi en áður hafði hann
verið þar í tvö ár. Hann segist
kunna vel við sig og það sé gott að
vera handboltamaður í Noregi.
„Það er gott að búa héma og hand-
boltinn er þrælgóður þannig að ég
hef ekki yfir neinu að kvarta. En
það kitlar mann auðvitað alltaf að
koma heim og það endar með því.
Það er á stefnuskránni hjá mér að
spila a.m.k. eitt ár enn með KA og
ekki minnkaði áhuginn á því eftir
að nýja íþróttahúsið kom til sög-
unnar. Konan erfarin að tala um að
fara heim næsta sumar og það gæti
alveg farið svo að við drifum okk-
ur,“ sagði Jakob Jónsson.
Jakob Jónsson á fullri ferð þegar hann lék með KA.
Kristinn Björnsson er talinn eiga góða möguleika á að tryggja sér þátttöku-
rétt á næstu ólympíuleikum.
Afreksmannasjóður ÍSÍ:
Fjórir nýir styrkþegar
- Ólafsfirðingurinn Kristinn Björnsson þeirra á meðal
Framkvæmdastjórn ÍSÍ sam-
þykkti fyrir helgi tillögu stjórnar
afreksmannasjóðs ÍSÍ um að
styrkja 11 íþróttamenn frá sept-
ember til desember að báðum
mánuðum meðtöldum. Sjö
íþróttamenn voru styrkþegar frá
áramótum til ágústloka en fjórir
bætast nú við og er Ólafsfirðing-
urinn Kristinn Björnsson meðal
þeirra.
Nýju styrkþegamir eru Kristinn
Bjömsson, skíðamaður frá Ólafs-
firði, Magnús Már Ólafsson, sund-
maður úr Sundfélagi Suðumesja,
Ingibjörg Amardóttir, sundkona úr
Ægi, og Martha Emstsdóttir,
hlaupari úr ÍR. Þessi fjögur fá 40
þúsund kr. styrk á mánuði eins og
Sigurður Matthíasson, spjótkastari
úr UMSE, Ragnheiður Runólfs-
dóttir, sundkona úr ÍA, og Vé-
steinn Hafsteinsson, kringlukastari
úr HSK. 60 þúsund kr. styrk á
mánuði fá Sigurður Einarsson,
spjótkastari úr Ármanni, Bjarni
Friðriksson, júdómaður úr Ár-
manni, Einar Vilhjálmsson, spjót-
kastari úr ÍR, og Pétur Guðmunds-
son, kúluvarpari úr HSK.
Þessir 11 íþróttamenn eiga, að
mati stjómar afreksmannasjóðsins,
allir mikla möguleika á að tryggja
sér þátttökurétt á Ólympíuleikun-
um á næsta ári og eru styrktir þess
vegna.
Einnig var samþykkt að styrkja
HSÍ og KKÍ með 250.000 hvort
samband vegna frammistöðu ung-
lingalandsliða sambandanna en
þau urðu Norðurlandameistarar í
sínum greinum.
FH spáð íslandsmeistaratitli í handknattleik:
KA-mönnum spáð 4. sætinu
FH verður íslandsmeistari í
handknattleik ef spá forráða-
manna, þjálfara og fyrirliða 1.
deildarliðanna gengur eftir. Nið-
urstaðan var kynnt á blaða-
mannafundi í Reykjavík á
sunnudag. KA-menn hafna í 4.
sæti samkvæmt spánni, Breiða-
blik fellur í 2. deild og Grótta og
HK leika um hitt fallsætið.
Niðurstaðan varð þessi:
l.FH 374
2. Víkingur 366
3. Valur 298
4. KA 271
5. Haukar 255
6. Stjarnan 212
7. Selfoss 204
8. ÍBV 202
9. Fram 154
10. Grótta 87
11. HK 77
12. Breiðablik 47
Sl. 18 ár hafa þrjú lið skipst á að
vinna íslandsmeistaratitilinn en
það eru einmitt liðin þrjú sem
skipa efstu sætin í þessari spá.
íslandsmótið í handknattleik
hefst á morgun en þá verður leikin
heil umferð í 1. deild. KA-menn
taka á móti íslandsmeisturum Vals
en aðrir leikir eru Breiðablik-Vík-
ingur, Selfoss-Fram, Grótta-
Stjaman, Haukar-FH og ÍBV-HK.