Dagur - 30.11.1991, Qupperneq 2

2 - DAGUR - Laugardagur 30. nóvember 1991
í DAGS-LJÓSINU
Frá Blönduvirkjun. Umrætt starfmannahús er í miðjunni. Salernin í húsinu eru 33 taisins og
sturtuklefarnir 25.
Risavaxið glæsilegt starfsmannahús við Blönduvirkjun Mbúið:
Enginn salemisskortur í „Hótel Blöndu“
l»aö hefur víst ekki farið
framhjá neinum að fyrir stuttu
síðan var fyrsta aflvél Blöndu-
virkjunar sett af stað með
pompi og pragt. Að vonum
mættu forsvarsmenn Lands-
virkjunar og aðrir tignir gestir
til leiks og gott ef ekki einnig
heill karlakór úr höfuðborg-
inni. Þarna var um að ræða
vígslu sjálfrar virkjunarinnar.
En þar efra er miklu meira en
eitt stykki virkjun. Þar er líka
hús fyrir starfsmenn, sem
óhætt er að segja að eigi lítið
skylt við fjallakofa. Sumir
myndu eflaust segja að byggt
hafi verið hótelígildi yfir starfs-
menn virkjunarinnar.
Að undanförnu hafa aðalverk-
taki og undirverktakar við bygg-
ingu starfsmannahúsanna
tveggja, þ.e. íbúðarhúss fyrir
Guðmund Hagalín, stöðvar-
stjóra, og starfsmannahússins,
þar sem fastir starfsmenn virkj-
unarinnar auk sumarstarfsmanna
hafa aðsetur, verið að leggja síð-
ustu hönd á lokafrágang þeirra.
Guðmundur og fjölskylda hans
flytur reyndar um helgina upp í
Blönduvirkjun. Hann er eini
starfsmaður Landsvirkjunar við
virkjunina, sem er gert að búa á
virkjunarsvæðinu. Aðrir fastir
starfsmenn á svæðinu, þrettán að
tölu, munu ekki hafa þar fasta
búsetu, en hafa aðgang að her-
bergjum og annarri aðstöðu í
starfsmannahúsinu.
Stærð hússins er
2335 fermetrar
Ekki er ofsögum sagt að umrætt
starfsmannahús sé veglegt í alla
staði. Lítum fyrst á stærð þess.
Flatarmál hússins er alls 2335
fermetrar, sem skiptist svo:
Kjallari 534 fermetrar, fyrsta hæð
705 fermetrar, önnur hæð 700
fermetrar og þriðja hæð 396 fer-
metrar. Brúttórúmmál hússins er
7297 rúmmetrar.
Á neðstu hæð eru geymslur,
þvottaherbergi, sorpgeymsla,
loftræstirými og fleira. Þar eru
líka sex stórir bílskúrar, þar af er
einn þeirra ætlaður fyrir vöru-
aðkomu.
Á fyrstu hæðinni er 120 fer-
metra matsalur, 50 fermetra
eldhús, geymslur fyrir mat,
brytaherbergi og 43 fermetra
gestastofa. Ekki má síðan gleyma
aðstöðu fyrir líkamsrækt, sem
mörg hótel í háum gæðaflokki
státa ekki af. Nefna má 23 fer-
metra þrekþjálfunarherbergi,
aðstöðu fyrir sólbekk, tæplega 60
fermetra tómstundaherbergi og
gufubað. Þá er ónefnd ríflega 30
fermetra setustofa með arni.
Önnur hæðin er fyrst og fremst
svefnherbergisálma. Þar eru 24
Eldhúsið er rúmt og gott eins og góðu hóteli sæmir og eldhústæki og -búnaður er að sjálfsögðu í hæsta gæðaflokki.
Líkamsræktaraðstaðan er ekki af verri endanum. Úr búningsherbergi og
fjær er gufubað.
Hringstiginn í húsinu er ekkert
venjulegur og handriðið er sérsmíð-
að og geysilega vandað. Það kostaði
líka nokkrar millljónir króna.
herbergi, misjafnlega stór. Þau
stærstu eru tæplega 20 fermetrar,
en þau minnstu um 11 fermetrar
að stærð. Eitt þessara herbergja
er hluti af lítilli gestaíbúð.
Einungis stöðvarstjóri
hefur fasta búsetu
í Blönduvirkjun
Fastir starfsmenn Landsvirkjunar
í Blönduvirkjun, aðrir en stöðv-
arstjóri, hafa þarna hver sitt her-
bergi. Hins vegar hafa þeir ekki
fasta búsetu á virkjunarsvæðinu,
eins og áður sagði, og t.d. hefur
Landsvirkjun fest kaup á fjórum
húsum á Blönduósi fyrir jafn-
marga fasta starfsmenn við virkj-
unina sem þeir eru að flytja inn
í þessa dagana. Samkvæmt upp-
lýsingum Landsvirkjunar er enn
ófrágengið með hvaða skilmálum
starfsmennirnir fá afnot af húsun-
um, en væntanlega verði um að
ræða hliðstæða skilmála og gilda
gangvart starfsmönnum sem
leigja hús af Landsvirkjun við
Kröflu, Sog og Búrfell.
Bróðurpartur rýmis á þriðju
hæð fer einnig undir herbergi,
sem eru 8 að tölu. Þessi herbergi
munu vera hugsuð fyrir vinnu-
flokka, sem eru að störfum tíma-
bundið á virkjunarsvæðinu.
Hvað meö kostnaöinn?
En hver er svo kostnaðurinn við
þetta risavaxna starfsmannahús?
Sannast sagna virðist ómögu-
legt að fá uppgefið hjá viðkom-
andi aðilum hver heildarkostnað-
ur verði. Blaðamaður óskaði eftir
upplýsingum um kostnaðarþátt-
inn hjá Landsvirkjun og fékk þær
upplýsingar að samningsfjárhæð
við SH-verktaka á grunnverði í
mars 1990 hafi verið 232,8 millj-
ónir króna (með virðisauka-
skatti, samkvæmt upplýsingum
Landsvirkjunar) sem á verðlagi í
október sl. voru 258,8 milljónir
króna. Þá gaf Landsvirkjun það
upp að bókfærður kostnaður
vegna hússins árið 1990 fram-
reiknað til verðlags um sl. áramót
hafi verið 99,4 milljónir króna.
Bókfærður kostnaður 1991 til
miðs nóvember er hins vegar 145
milljónir króna.
Viðmælendum Dags, sem vel
til þekkja, ber saman um að þess-
ar tölur segi ekki alla söguna og
kostnaður við húsið verði þegar
upp er staðið mun meiri en 260
milljónir króna. Meðal annars er
bent á að í þessari útboðstölu sé
ekki gert ráð fyrir kostnaði við
hönnun og öllu eftirliti við bygg-
inguna. Þarna er óhætt að gera
ráð fyrir nokkrum milljónum.
Rétt er að geta þess að kostnaður
við hönnun fæst ekki uppgefinn,
frekar en svo margir aðrir kostn-
aðarliðir við húsið. Samkvæmt
viðtölum við arkitekta og verk-
fræðinga er algengt að kostnaður
við hönnun slíkra húsa sé á bilinu
5-10% af byggingarkostnaði.
Þarna er því verið að tala um
verulegar upphæðir.
Ekki má svo gleyma því að all-
ur laus búnaður í húsið, þ.m.t.
húsgögn, eldhúsbúnaður og
margt fleira, er ekki inn í útboðs-
tölu SH-verktaka. Þar er einnig
um að ræða verulega háar fjár-
hæðir. Af þeim húsgögnum og
búnaði sem þegar er kominn í
húsið er ljóst að ekki hafi í neinu
verið til sparað. Sama gildir um
eldhúsbúnaðinn.
„Ofbýður þetta bruðl“
„Mér ofbýður þetta bruðl á sama
tíma og þjóðin á að herða sultar-
ólarnar og hún hefur ekki efni á
að festa kaup á björgunarþyrlu,"
sagði einn af þeim mönnum, sem
á undanförnum misserum hafa
unnið að framkvæmdum við
byggingu umrædds starfsmanna-
húss í Blönduvirkjun. Hann seg-
ist ekki vera einn um þá skoðun.
Almennt hafi mönnum sem við
þetta unnu ofboðið peningasóun-
in og „Dallas-stíllinn“ við þessar
framkvæmdir.
Víst er vel vandað til allra
hluta við húsið. Handrið í kring-
um hringstiga í því kostar nokkr-
ar milljónir og segir sína sögu. Þá
segir það meira en mörg orð að f
þessu húsi eru hvorki fleiri né
færri en 33 salerni og 25 sturtu-
klefar. Fyrir utan húsið er heitur
pottur með flottasta búnaði og
ljósabúnaður er ekki af ódýrustu
gerð. Fjöldi flaggstanga við inn-
ganginn er eins og við dágott
hótel á íslenskan mælikvarða,
átta talsins samkvæmt teikning-
um.
Er slíkur íburður
nauðsynlegur?
En svo er það hin hliðin á mál-
inu. Er þörf á því að byggja
starfsmannahús við Blönduvirkj-
un sem er ígildi hótels? Um það
geta menn deilt. En það er
greinilegt á þeim svörum sem
blaðamaður hefur fengið við
spurningum um umrætt hús að
þarna er um viðkvæmt mál að
ræða. Stjórnarmaður í Lands-
virkjun baðst undan því að tjá sig
um málið og sagði vera það langt
um liðið síðan ákvörðun um
byggingu hússins var tekin, að
hann yrði að kynna sér málið bet-
ur áður en hann gæti úttalað sig
um það. Hann sagðist hins vegar
ekki geta borið á móti því að sem
stjórnarmaður bæri hann fulla
ábyrgð á því að svo veglegt hús
hafi verið byggt þar efra. Stjórn-
armaðurinn lagði hins vegar
áherslu á að menn mættu ekki
líta svo á að húsið væri eingöngu
ætlað fyrir þrettán fasta starfs-
menn Landsvirkjunar á virkjun-
arsvæðinu. Húsið nýttist einnig
fyrir vinnuflokka yfir sumarmán-
uðina og til annarra hluta. í sama
streng tók stöðvarstjórinn við
Blönduvirkjun.
Þess má geta að leitað var eftir
samtali við forstjóra Landsvirkj-
unar um þetta mál, en vísað var á
fréttafulltrúa fyrirtækisins. óþh