Dagur - 30.11.1991, Page 4

4 - DAGUR - Laugardagur 30. nóvember 1991
ÚTGEFANDI: DAGSPRENT HF.
SKRIFSTOFUR: STRANDGATA31, PÓSTHÓLF 58, AKUREYRI,
SÍMI: 96-24222 • SÍMFAX: 96-27639
ÁSKRIFT KR. 1100 Á MÁNUÐI • LAUSASÖLUVERÐ KR. 100
GRUNNVERÐ DÁLKSENTIMNETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
UMSJÓNARMAUR HELGARBLAÐS: STEFÁN SÆMUNDSSON
BLAÐAMENN: INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON, SKÚLI BJÖRN GUNNARS-
SON (Sauöárkróki vs. 95-35960), STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Davíð Oddsson
Á yfirstandandi ári hefur Davíð
Oddssyni verið treyst fyrir tveimur
mjög veigamiklum embættum.
Stærsti stjórnmálaflokkur þjóðar-
innar kaus hann sem formann
flokks síns í mars síðastliðnum og í
kjölfar alþingiskosninganna varð
Davíð síðan forsætisráðherra í við-
reisnarstjórn Sjálfstæðisflokks og
Alþýðuflokks. Margir bundu vafa-
laust miklar vonir við að Davíð
myndi standa sig með prýði í þess-
um embættum. Þær vonir hafa að
mestu brugðist til þessa. Svo virð-
ist sem hann valdi hvorugu embætt-
inu.
Deilurnar í Sjálfstæðisflokknum
magnast dag frá degi. Innan
flokksins þrífast ólíkar stefnur og
straumar. Þar má finna marga og
öfluga þrýstihópa sem greinir á um
leiðir að settu marki en kjósa engu
að síður að sækja fram í einni fylk-
ingu undir merki Sjálfstæðisflokks-
ins. Á liðnum árum hefur stundum
komið fram klofningur í flokknum
en sættir hafa jafnan tekist á ný -
um síðir, að minnsta kosti á yfir-
borðinu. Þó kraumar ávallt undir
niðri og ekki þarf mikið til að upp
úr sjóði. Þess vegna þarf formaður
Sjálfstæðisflokksins hverju sinni að
vera maður umburðarlyndis, sátta
og stjórnkænsku. Davíð hefur sýnt
að þeim kostum er hann ekki
gæddur.
Á skömmum tíma hefur Davíð
Oddssyni tekist að „stuða" nokkra
þingmenn flokks síns með þeim
hætti að vandséð er að grói um
heilt á ný. Svo mikið er víst að
Davíð hefur ekki stuðlað að aukinni
sátt og samlyndi innan Sjálfstæðis-
flokksins frá því hann settist í
formannssætið. Til dæmis virðist
hann vinna að því þessa dagana að
kljúfa svokallaðan Albertsarm frá
flokknum á ný, eftir skamma
endurfundi.
Forsætisráðherrann Davíð Odds-
son hefur einnig valdið ómældum
vonbrigðum - öllum nema and-
stæðingum sínum. Hann hefur
skerpt andstæðurnar milli dreifbýl-
is og þéttbýlis með óvarlegum og
fljótfærnislegum yfirlýsingum.
Honum hefur algerlega mistekist
að koma á lágmarkssamvinnu við
stjórnarandstöðuna á Alþingi, með
þeim afleiðingum að þar ríkir hálf-
gert öngþveiti. Eðlilegur starfsfrið-
ur hefur ekki skapast, því tími
þingmanna fer að mestu í orða-
skak og deilur. Af þeim sökum
dregst afgreiðsla mála úr hömlu.
Sjálfur hefur forsætisráðherra líkt
Alþingi við málfundafélag í gagn-
fræðaskóla. Slík samlíking af hálfu
forsætisráðherra er síst til þess
fallin að lægja öldurnar. Alvarleg-
ast er þó að ríkisstjórn Davíðs
Oddssonar hefur skapað óvissu í
atvinnulífinu með óþarfa seinlæti
við að ákveða og tilkynna í hverju
fyrirhugaðar efnahagsaðgerðir
verða fólgnar. Þar má eflaust að
einhverju leyti kenna slælegri
verkstjórn um.
Sjálfstæðismenn um land allt eru
óðum að átta sig á þeirri staðreynd
að reynsluleysi Davíðs Oddssonar í
landsmálapólitíkinni hefur reynst
dýrkeypt. Davíð sjálfur er eflaust
að átta sig á því að verklag hans úr
borgarst j órnarflokki Sj álf stæðis-
flokksins leggst illa í suma flokks-
bræður hans í þingflokki Sjálf-
stæðisflokksins.
Síðast en ekki síst er ljóst að
Davíð Oddsson kemst ekki upp
með að beita sömu vinnubrögðum
inni á Alþingi og hann gerði í borg-
arstjórn. Eða, svo gripið sé til sam-
líkingar í anda núverandi forsætis-
ráðherra: Á Alþingi er mikil
áhersla lögð á flutning kórverka og
þess vegna eiga einleikarar ekki
alltaf upp á pallborðið þar. BB.
ÖÐRUVÍSI MÉR ÁÐUR BRÁ
Stefán Sæmundsson
Ropar á íjöllum riúpugrey
og rytir svín í stíu
Jólin eru að bresta á um næstu helgi og ég er ekki enn
búinn að fara í innkaupaferð til útlanda, jólakortin
óskrifuð og allt í hassi. Rjúpan á fjöllum, svínið hrín-
andi í stíunni og hangiketið nýlega hætt að jarma.
Þetta verður gjörsamlega misheppnuð hátíð. Nú, er
iengra í jólin? Jæja, ég er orðinn haugruglaður á öll-
um þessum auglýsingum, jóiasveinarnir eru löngu
komnir til byggða í Reykjavík og klukknahljómur í
útvarpinu. Stelpan syngur um Lúsíur og Gloríur og
konan þvær gardínur. Eg sé stjörnur.
Stressaður? Nei, ekkert að ráði. Ég get samt ekki
neitað því að það er allt að verða vitlaust í kringum
mann. Það er að hefjast æðisgengið kapphlaup og því
lýkur ekki fyrr en að morgni aðfangadags. Hætt er
við að lýsið renni af manni á sprettinum og hugsunin
brenglist áður en yfir lýkur.
Þetta er ekki bara kapphlaup um glingur og mat
heldur líka prófraun í ofurminni. Hvað skyldi gleym-
ast núna? Jólapóstur til útlanda á réttum tíma eða
smákökutegundin Þingeyingar? Kort tii Sissa á Súða-
vík sem ég þekki ekki lengur eða svartir sokkar við
jakkafötin? Æ, við skulum gleyma þessu í bili og
snúa okkur að öðru.
Ósmekklegt rugl og hroðalegt
dómgreindarleysi
Eitthvað var ég að ropa um Þorstein Pálsson í síðasta
pistli mínum. Ég var að benda honum á að skoða
þann möguleika hvort skynsamlegt væri að gefa
„krónískum" stútum undir stýri kost á að fara í
áfengismeðferð frekar en í fangelsi. Þetta væru senni-
lega alkar sem höguðu sér svona og þeir hættu ekkert
að keyra fullir þótt þeir væru sektaðir og fangelsaðir.
Viti menn, það mætti halda að Þorsteinn læsi Dag
gaumgæfilega. f vikunni mátti heyra í fréttum að
hæstvirtur dómsmálaráðherra væri með frumvarp í
undirbúningi í anda þessara hugmynda. Ég heyrði
ekki betur en það ætti að skikka þá sem missa öku-
leyfi ævilangt (3 ár) í meðferð og gefa öðrum stútum
kost á fræðslunámskeiði.
Þótt ég viti reyndar betur þá langar mig að ganga út
frá því að Þorsteinn hafi tekið mark á skrifum mínum
og því vil ég nota tækifærið til að biðja hann að gera
samninga hið snarasta um kaup á björgunarþyrlu og
hlusta ekki á ósmekklegt ruglið í forsætisráðherr-
anum. Það er hneisa hvernig þessi fyrrum húmoristi
og síðar einræðisherra hefur hagað sér undanfarna
mánuði og raunar mjög alvarlegt að þjóðin skuli sitja
uppi með slíkt óbermi. Vissulega hefur Þorsteinn
ekki verið nógu skeleggur í þyrlumálinu og auðvelt
fyrir Inga Björn að beina spjótum sínum að honum
en hann rís þó ekki upp og rótar í sora, eins og Davíð
gerði þegar hann ásakaði Inga Björn um að nota hið
hörmulega sjóslys við Hópsnes til að slá sig til ridd-
ara. Allir vita að Ingi Björn hefur lengi barist fyrir
þessu máli og aðdróttanir forsætisráðherra lýsa
hroðalegu dómgreindarleysi.
Hænur liggja á eggjum og veiðimenn á rjúpum
Ég nenni ekki að æsa mig yfir kolómögulegum þing-
mönnum, jólin eru að nálgast og allir eiga að vera
glaðir og góðir. Lífið gengur sinn vanagang, hænur
liggja á eggjum og veiðimenn á rjúpum. Furðulegt
hvað þessi rýri hænsnfugl, þ.e. rjúpan, veldur miklu
fjaðrafoki er líða tekur að jólum. Neytendur æpa yfir
rjúpnaskorti en veiðimenn eru sakaðir um að safna
birgðum til að pressa upp verðið. Ef satt er væri rétt-
ast fyrir rjúpnaætur að kaupa sér eitthvað annað í
jólamatinn og sjá hvernig skytturnar bregðast við
minnkandi eftirspurn. Ég skil ekki að nokkur fari að
greiða andvirði tveggja kjúklinga á tilboðsverði fyrir
eina rotinpúrulega rjúpu.
Lambið er komið í reykofninn og svínið gaf upp
öndina. íslendingar í Noregi fara í jólaköttinn, segir
Dagur og ekki iýgur hann. Ég er búinn að kaupa
svarta sokka og jólin mega bresta á þess vegna. Fyrst
þarf maður reyndar að fara á jólafund, síðan á litlu-
jólin, þá kemur jólaglögg, svo aftur jóla-eitthvað.
Mammon og Bakkus dansa lambada af mikill
áfergju. Desember er þeirra mánuður.
Kræklóttur af streitu kúrir tölvuþrællinn við skjá-
inn með herðarnar uppi við eyru og hrygginn í keng.
Fiskvinnslukonan hamast sem mest hún má án þess
að líta upp og liðka stífa vöðva. Verkamaðurinn von-
ast eftir bullandi eftirvinnu. Hátíð ljóss og friðar
kemur ekki án fyrirhafnar. Góðar stundir.