Dagur - 28.12.1991, Page 19

Laugardagur 28. desember 1991 - DAGUR - 19

i

i
Maí:
★ í mánuöinum erg fregnir um
þrengingar í breska poppbrans-
anum áberandi. Meöal annars
verður hið fræga vikutónlistar-
blað Sounds að leggja upp laup-
ana eftir rúmlega tuttugu ára
útgáfu. Þá heyrist einnig af
rekstrarörðugleikum útgáfufyrir-
tækja eins og Rough Trade og
RCA.
★ Endanlega er staðfest að
stórrokkhátíð að erlendri fyrir-
mynd verði haldin í Kaplakrika í
Hafnarfirði í júní með þátttöku
sjö hljómsveita. Er það ekki
ófrægari sveit en Poison, sem á
að vera aðalnúmerið, en meðal
hinna sveitanna sem fram koma
eru ný hljómsveit Bubba og Rún-
ars Júlíussonar GCD og norsk-
íslenska kraftsveitin Artch með
Eirík Hauksson söngvara
innanborðs.
★ Nýja platan með Guns ’n’
Roses, sem útgáfu á var frestað í
apríl vegna brotthvarfs Adlers
trommara og vandræðagangs
hjá Axl Rose söngvara auk þess
sem ákveðið var að endurhljóð-
blanda hana, er nú komin á út-
gáfuáætlun 1. júlí. En ekki verður
um eina tvöfalda plötu að ræða
eins og fyrr var gert ráð fyrir,
heldur tvær tvöfaldar sem bera
nöfnin Use your lllusion 1 og 2.
★ Ný plata með poppkónginum
Michael Jackson er boðið síð-
sumars eða með haustinu. Á hún
að heita Dangerous og er Slash,
gítarleikari Guns ’n’ Roses með-
al annarra sem leggja Jackson
lið á henni.
★ Merkileg útgáfa mánaðarins:
Dans/rokksveitin EMF með frum-
burð sinn Schubert DP, New
Jack city, tónlist úr samnefndri
og umdeildri kvikmynd þar sem
rapparinn lce-T leikur m.a., Good
mother með James, De la soul is
dead með De la soul, Electric
barnyard með The Kentucky
headhunters, Seal með sinn
frumburð, Time, love &
tendernes með Michael Bolton,
Mighty like a rose með Elvis
Costello, Spellbound með Paula
Abdul og Beverley Craven með
sína fyrstu afurð.
★ Stone Roses losna undan
samningi við Silvertone eftir löng
réttarhöld og gera samning við
Geffen útgáfuna.
Júní:
★ Það hörmulega bílslys verður
2. júní að Karl J. Sighvatsson,
fyrrum hljómborðsleikari í
Flowers, Trúbroti og Þursa-
flokknum, lætur lífið.
★ Enn eina ferðina er plötum
Guns ’n’ Roses frestað. Nú
vegna þriggja nýsaminna laga
sem W. Axl Rose krefst að verði
höfð með á plötunum. Rokkhá-
tíðin í Hafnarfirði heppnast að
flestu leyti vel, þrátt fyrir að aðal-
hljómsveitin Poison forfallist
vegna fingurbrots bassaleikar-
ans og að ýmis smávægileg
skakkaföll verði. Hins vegar
dregur fjarvera Poison dilk á eftir
sér og krefjast margir endur-
greiðslu vegna hennar. í kjölfarið
kvikna svo efasemdir erlendis
um að fingurbrot sé ekki það eina
sem hljómsveitin eigi við að
glíma og að jafnvel gætu dagar
hennar senn verið taldir.
★ Átaki íslensks tónlistariðnaðs,
Hinu íslenska tónlistarsumri, er
hleypt formlega í framkvæmd 17.
júní. Þá kemur einmitt út GCD
plata Bubba og Rúnars og síðan
hver platan af annarri. Meðal
útgáfunnar er diskurinn Blue ice,
afrakstur blúsmannanna Jimmy
Dawkins og Chicago Beau
hingað til lands í apríl.
★ Boston rokksveitin Extreame
slær rækilega í gegn og kemst á
toppinn í Bandaríkjunum eð
lagið More than Words. Platan
þeirra Pornograffitti kemst líka
inn á topp 10.
★ Plötur: N.W.A. með Efil4-
zaggin, Skid Row með sína aðra
plötu Slave to the grind, Van Hal-
en með Unlawful carnal
knowledge og Alice Cooper með
Hey stupid.
Júlí:
★ fslenskar plötur hrúgast á
markaðinn m.a. Klikkað með
Síðan skein sól, safnplöturnar
Bandalög 4 og Úr ýmsum áttum
og Ný dönsk með Kirsuber.
★ Ágætis útitónleikar eru haldnir
í göngugötunni á Akureyri um
miðjan mánuðinn með hljóm-
sveitunum Kredit, Exit, Baphó-
met, Norðanpiltum og Svörtu
köggunum m.a.
★ Allt fer í bál og brand á tón-
leikum Guns ’n' Roses í St. Louis
eftir að Axl Rose stekkur út í
áhorfendaskarann í miðju kafi til
að stoppa af Ijósmyndara við
verk sitt. Margir meiðast og millj-
óna tjón er unnið. Á hinn bóginn
virðist nú öruggt að plötur G ’n’ R
komi út kringum 18. ágúst.
★ Breska pressan heldur ekki
vatni yfir lagi hljómsveitarinnar
Manic street preachers, Stay
beautiful. Líkja sumir sveitinni við
Sex Pistols.
★ Forvitnilegar plötur: Some
peoples live með Bette Midler,
Into the great wide open með
Tom Petty and the Heartbreak-
ers, Este Mundo með Gypsy
Kings og platan með tónlistinni úr
mynd Kevin Costner, Robin
Hood.
★ Lag Bryan Adams úr Robin
Hood myndinni, (Everything I do)
I do it for you, fer á toppinn í
Bretlandi 20. júlí.
Ágúst:
★ Útgáfa Guns ’n’ Roses platn-
anna frestast enn, en nú á ekkert
að geta komið í veg fyrir að þær
komi út um miðjan september.
★ Metallica sendir frá sér sína
nýjustu afurö þann 12. Fær grip-
urinn hvarvetna gríðargóðar við-
tökur og fer t.a.m. beint á toppinn
bæði í Bretlandi og Bandaríkjun-
um.
★ Frönsk rokkveisla er boðuð í
september með þátttöku Aminu,
Les Satellites, Babylon fighters
o.fl.
★ Stórtónleikar boðaðir meö
Skid Row í Laugardalshöll 6. og
7. september.
★ Donningtonrokkhátíðin 1991,
með þátttöku Black Crowes,
Queensryche, Mötley Crue, Met-
allica og AC/DC, reynist vera sú
best heppnaða frá upphafi.
★ Góðar plötur: Tin Machine 2
með samnefndri sveit, Roll the
bones með Rush, Stranger in the
town með Richie Sambora,
Every good boy deserves Fudge
með Mudhoney og All for one
með Screaming jets.
September:
★ Vel heppnaðir tónleikar með
Point Blank, Sálinni hans Jóns
míns og Todmobile haldnir í
1929 á Akureyri þann þriðja.
Friðrik og félagar í Point Blank
stela þar senunni að mestu.
★ Fjórir piltungar kveða sér
hljóðs undir nafninu Limbo og
senda frá sér ágæta plötu sem
kallast Fyrstu sporin (Traðkað í
margtroðinni slóð).
★ David Bowie er ákærður af
einum aðdáenda sínum vegna
heyrnartaps sem hann telur að
hafi orðið hjá honum á tónleikum
Bowies á síðasta ári. Krefst „að-
dáandinn" 250 milljóna íslenskra
kr. í skaðabætur.
★ Skid Row gera stormandi
lukku á tvennum tónleikum í
Laugardalshöll 6. og 7. Segjast
þeir sem sáu vart hafa upplifað
annað eins og þessa tónleika.
* Hins vegar er Skid Row sett í
bann til tónleikahalds á Bretlandi
vegna „ósiðlegrar framkomu" að
mati yfirvalda þar á tónleikum
sem hljómsveitin hélt með Guns
’n’ Roses á Wembley, viku fyrir
tónleikana á íslandi.
★ Af mörgum athyglisverðum
plötum mánaðarins má nefna:
Use your illusion 1 og 2 með
Guns ’n' Roses, Ceremony með
The Cult, Blood, sugar, sex,
majik með Red hotchilli peppers,
Nevermind með Nirvana, Shad-
ow king með samnefndri hljóm-
sveit (með fyrrum söngvara For-
eigner Lou Gramm í fararbroddi),
Trompe le monde með Pixies,
Catfish rising með Jethro Tull,
Hymn to the silence með Van
Morrison, Blow up með The
Smithereens, Don’t try this at
home með Billy Bragg, Guarant-
ed með Level 42, No place like
home með Big Country, Mr.
Lucky með John Lee Hooker,
Waking up the neighbours með
Bryan Adams, On every street
með Dire Straits og Live með
Happy Mondays.
★ GCD heldur loks tónleika á
Akureyri þann 27. ásamt Stjórn-
inni, eftir langa mæðu. Biðin
reynist því miður ekki vera þess
virði.
★ Shane MacGowan söngvara
The Pogues er sparkað úr hljóm-
sveitinni vegna langvarandi
vandræðagangs.
Október:
★ íslensk útgáfa hefst af fullum
krafti. Meðal titla í mánuðinum
eru: Egill Ólafsson með Tifa, tifa,
Yfir hæðina með Rúnari Þór,
Jörð með Geira Sæm, Eldfuglinn
með Karli Örvars o.fl.
★ Þrælgóðir dauðarokkstónleik-
ar haldnir í 1929 á Akureyri þann
10. Um það bil 200 manns mættir
til að sjá Baphómet, Exit og
Skurk „fremja dauðaseiðinn” og
skemmta sér dável.
★ Rob Tyner fyrrum söngvari
MC5 bætist í hóp hinna mörgu
poppstjarna sem létust á árinu
1991. Hjartaslag varð honum að
fjörtjóni.
★ Fyrsta afurð U2 í þrjú ár lítur
dagsins Ijós þann 21. Það er
smáskífulagið The fly.
★ Þótt Guns ’n’ Roses hafi loks-
ins komið frá sér nýju plötunum
sínum tveimur í september, þá
er ekki þar með sagt að öll vand-
ræði séu úti. Líklegt er nefnilega
að gítarleikarinn Izzy Stradlin
segi skilið við sveitina a.m.k. þar
til tveggja ára tónleikaheimsreisu
lýkur. Eru tveir taldir líklegir sem
eftirmenn Stradlins; Dave
Navaro úr Jane’s Addiction og
Mick Cocks fyrrum gítarleikari í
áströlsku sveitinni Rose Tattoo.
★ Tvær breskar rokksveitir,
frægar frá fornu fari, hafa verið
endurreistar, UFO og Diamond
Head.
★ Betri plötur mánaðarins: Neil
Young og Crazy Horse með tón-
leikaplötuna Weld, Fish með
Eternal exile, Ramones með
Loco live, Prince með Diamonds
and pearls, Erasure með
Chorus, Europe með Prisoners
in paradise og D.A.D. með
Riskin’ it all.
Nóvember:
★ Fín finnsk sending í formi
hljómsveitarinnar 22 pistepirkko
kemur til Akureyrar. Góður rómur
er gerður að leik hennar.
* Meðal annars í íslenskri
útgáfu mánaðarins: Sálin hans
Jóns míns, Eyjólfur Kristjánsson,
Sléttuúlfar, Savannatríóið og
Todmobile.
★ Freddy Mercury deyr af völd-
um alnæmis þann 24., aðeins
degi eftir að hann hefur tilkynnt
að hann sé sýktur.
* Eric Carr trommuleikari Kiss
deyr einnig þennan sama dag úr
krabbameini.
★ Merkar plötur mánaðarins:
Achtung baby með U2, Danger-
ous með Michael Jackson,
Death certificate með lce cube
og Live baby live með INXS.
Desember:
★ Enn hræringar í herbúðum
Guns ’n’ Roses. Sögur uppi um
að Matt Sorum trommuleikari sé
að hætta og að allt sé á huldu
með eftirmann hans.
★ Öll met eru slegin í plötusölu
fyrir jólin. Nemur salan tugum
þúsunda platna (eða öllu heldur
geisladiska) og heildartölur fyrir
allt árið í íslenskri útgáfu hljóma
upp á nær 200 þúsund seld ein-
tök.
★ Aflýsa verður tónleikum Bry-
an Adams í Laugardalshöll þann
17. vegna bilunar í rafkerfi hallar-
innar.
★ Sögusagnir ganga fjöllunum
hærra í Bandaríkjunum um að
Madonna sé nýjasta tilfellið í
hópi fræga fólksins sem sýkst
hafi af alnæmi. Því neitar stjarn-
an harðlega.