Dagur - 19.02.1992, Blaðsíða 4

4 - DAGUR - Miðvikudagur 19. febrúar 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Óheft samkeppni og
gjaldþrot fyrirtækja
Tíðar fréttir af gjaldþrotum fyrirtækja og skakkaföll-
um einstaklinga eru sjálfsagt hættar að snerta
almenning. Þetta eru orðnir hversdagslegir atburð-
ir í þjóðlífinu og helst að menn kippi sér upp við
fréttirnar ef háar fjárhæðir eru í spilinu. Málið horfir
hins vegar öðruvísi við þegar stór fyrirtæki í
fámennum byggðarlögum eiga í erfiðleikum og
stefna í gjaldþrot því málið snertir íbúana beint og
þeir óttast um afkomu sína.
Afleiðingar gjaldþrota eru þó hliðstæðar þegar
fyrirtæki í stærri þéttbýlisstöðum eiga í hlut því allt-
af verða einhverjir fyrir fjárhagslegu tjóni. Víxlverk-
unaráhrifin eru oft mikil. Ef einn aðili fer á hausinn
og getur ekki borgað skuldar sínar lendir annar aðili
oft í kröggum og getur ekki staðið í skilum við sinn
viðskiptaaðila og svo framvegis.
í frétt á baksíðu Dags sl. miðvikudag bendir Þór-
arinn Kristjánsson, framkvæmdastjóri Gúmmí-
vinnslunnar hf. á Akureyri, á þá umdeildu þróun að
menn geti athugasemdalaust risið upp úr gjald-
þrota fyrirtæki og stofnað nýtt en kröfuhafar sitja
eftir með sárt ennið. Orðrétt segir framkvæmda-
stjórinn:
„Mér finnst þetta mjög óeðlileg þróun sem er að
eiga sér stað í þjóðfélaginu. Fyrirtæki og einstakl-
ingar geta farið í gjaldþrot, boðið hlutagreiðslu af
höfuðstól án vaxta og kostnaðar og byrjað síðan
daginn eftir með hreint borð.“ Þarna vísar Þórarinn
í bréf frá gjaldþrota viðskiptaaðila þar sem hann
býðst til að greiða honum einn fimmta af höfuðstól
viðskiptaskuldar á tveimur árum og láta þar við
sitja.
Þórarinn gagnrýnir banka og lánastofnanir fyrir
að taka of vel á móti aðilum sem eru að hefja fyrir-
tækjarekstur í greinum sem of margir aðilar eru í
fyrir á markaðinum. „Þeir ættu frekar að stoppa
þetta af. Þessir aðilar fara síðan á hausinn og þá
tapa bæði bankarnir og aðrir kröfuhafar stórum fjár-
hæðum. Til þess að halda þessu gangandi hækka
bankarnir vextina og fyrirtæki hækka verðlag. Hinn
almenni neytandi verður að borga skakkaföllin, “
segir Þórarinn og vill ekki kannast við að þetta sé
hin frjálsa samkeppni í reynd.
Eigendur gamalgróinna verslana á Akureyri hafa
einnig kvartað yfir hliðstæðum atburðum. Þeir
segja að menn geti komið á fót verslunum með
lánsfé og litlum tilkostnaði, og oft af lítilli alvöru, á
markaði sem þegar er mettaður. Eftir snarpa og
skammvinna samkeppni hafa þessir aðilar tekið
töluvert fjármagn út úr rekstrinum og þá setja þeir
verslunina í gjaldþrot og lánadrottnar sitja eftir
með sárt ennið.
Þetta er umhugsunarvert, ekki síst krafan um
ábyrgð lánastofnana. Erfitt getur reynst að opna
umræðu um þetta mál án þess að skammaryrði eins
og haftastefna eða miðstýring komi upp en sé það
rétt hjá Þórarni að frelsið bitni í þessu tilviki á hin-
um almenna neytanda er sjálfsagt að gera kröfu um
að málið verði tekið til athugunar. SS
Tíu ár og tíu dagar:
Öm Ingi sýnir í Hafnarborg
- málverk, skúlptúrar og kvikmyndir á stórri einkasýningu
Örn Ingi býr til „frímerki“ fyrir suðurferðina. Mynd: Goiii
Myndlistarmaðurinn Örn Ingi
er nú að tygja sig til suðurferð-
ar, en hann verður með stóra
sýningu í Hafnarborg dagana
22. febrúar til 8. mars. Þar
mun hann sýna um 50 myndir,
yfir 20 skúlptúra og tvær stutt-
ar kvikmyndir. Sýningin ber
yfírskriftina Tíu ár og tíu dagar
og er eins og nafnið bendir til
yfírlit yfír verk Arnar Inga síð-
asta áratuginn.
„Já, þetta er úttekt á síðast-
liðnum áratug. Helmingur verk-
anna á sýningunni eru verk sem
hafa verið sýnd áður en hinn
helmingurinn er frá síðasta ári og
glæný verk, sem ég hef verið að
leggja lokahönd á,“ sagði Örn
Ingi.
Hann sagðist vera mjög
ánægður með að hafa komist inn
í Hafnarborg því biðtíminn væri
tvö ár, auk þess sem ekki fengju
allir þar inni sem vildu.
„Allt það nýja sem ég bæti við
núna er upplifun af þeirri gleði
sem ég hef verið að bjástra við
með öðru fólki, eins og til dæmis
hátíðarhöldin á Hvammstanga og
Hólmavík og fleira skemmtilegt.
Þetta er upplifun en ekki tilbún-
ingur.
Ég vil halda því fram að ég hafi
gjörbreyst sem myndlistarmaður
eftir að hafa átt kost á að vinna
með fólki út um allt land og einn-
ig á námskeiðunum sem ég hef
haldið. Það að hafa fylgst með
smásigrum hjá þessu fólki hefur
hvatt mig sjálfan til dáða,“ sagði
Örn Ingi.
Hann verður með afar fjöl-
breytt verk á sýningunni í Hafn-
arborg, af öllum stærðum og
gerðum og af nýju verkunum má
nefna frímerkjaseríuna sem mál-
uð er á tré.
„Ég hef aldrei lagt meiri vinnu
í verkin en núna og hefur hún þó
oft verið ærin. Ég er með stóra
seríu, hálfgerða frímerkjasýn-
ingu. Það sem fer á frímerki
endurspeglar yfirleitt merkilega
atburði í þjóðfélaginu og þarna
sá ég möguleika á að vera með
öðruvísi myndefni.“
- Og þú ætlar líka að sýna
kvikmyndir.
„Já, ég er með tvær kvikmynd-
ir sem voru unnar í Samveri og sá
Þórarinn Ágústsson um tækni-
lega hlið málsins. Kann ég hon-
um bestu þakkir fyrir. Þetta eru
stuttar myndir. Fyrri myndin
heitir Óður um haust. Hún gerist
á Akureyri í fallegum haustlitum.
Aðalleikarinn er Ingvar Þor-
valdsson, listmálari, sem er gam-
all leikhúsrefur frá Húsavík. Svo
skemmtilega vill til að hann mun
sýna vatnslitamyndir í kaffistof-
unni í Hafnarborg á sama tíma
og ég verð með mína sýningu.
Ingvar leikur mann í gönguferð
sem hittir ýmsa á förnum vegi,
aðallega börn og unglinga.
Hin myndin fjallar um nætur-
vakt í orkuveri. Þar er í aðalhlut-
verki Arnhildur Árnadóttir, dótt-
ir Árna Vals Viggóssonar. í
orkuverinu á ótiltekið ævintýri
sér stað, því sá sem er einn með
draumum sínum og hefur
umhverfið á valdi sínu getur látið
ýmislegt gerast.“
Sýning Arnar Inga í Hafnar-
borg verður opnuð laugardaginn
22. febrúar kl. 14. Hún verður
opin alla daga nema þriðjudaga
fram til 8. mars.
„Ég hlakka mikið til og held að
ég sé bara með gott mál í hönd-
unum. Ég legg mikið undir og
bíð spenntur eftir viðbrögðun-
um. Það má segja að þetta sé
fyrsta verulega stóra einkasýning
Akureyrings og ég verð mjög sæll
ef ég sé Akureyringa ganga inn í
salinn. Þá fæ ég góða heimavall-
artilfinningu," sagði Örn Ingi.
SS
Leikklúbburinn Saga:
Tíu litlir negrastrákar
- fimmtánda starfsár leikklúbbsins
Leikklúbburinn Saga á Akur-
eyri frumsýnir á morgun,
fímmtudaginn 20. febrúar,
leikritið „Tíu litlir negrastrák-
ar“ eftir Agöthu Christie í
Dynheimum kl. 20.30. Leik-
stjóri er Felix Bergsson og alls
taka átján þátt í sýningunni.
Leikklúbburinn Saga var stofn-
aður árið 1976 af Sögu Jónsdótt-
ur og Þóri Steingrímssyni. Leik-
klúbburinn hefur síðan þá sett
upp eina sýningu á hverju ári að
einu undanskildu.
Árið 1982 hóf LS samstarf við
danska leikklúbbinn Ragnarrock
þegar Saga fór til Danmerkur með
sýninguna „Önnu Lísu“. Ári
seinna kom Ragnarrock til Akur-
eyrar með sýningu og upp úr því
var efnt til samnorræns leikrits,
Fenris, sem ferðast var með um
Norðurlönd 1985. í framhaldi
kom Fenris II sem einnig var far-
ið með um Norðurlöndin árið
1989 og ári seinna til Síberíu þar
sem leikhópurinn Stúdía bættist í
hópinn. Nú er Fenris III í bígerð
og stefnt að leikferð árið 1994. Á
milli Fenrisferðanna var farið til
Þýskalands með sýninguna
„Grænjaxla".
í ár er 15. leikár Leikklúbbsins
Sögu og í tilefni þess verður sér-
stök afmælissýning á „Tíu litlum
negrastrákum" laugardaginn 22.
febrúar kl. 16 í Dynheimum. Öll-
um gömlum og nýjum Sögufélög-
um er boðið á sýninguna og í
veitingar á eftir. Þar verður nán-
ari dagskrá kynnt.
(Fréttatilkynning).
Lesendahornið
Þarf einhver að deyja...?
Á mótum Þórunnarstrætis og
Hrafnagilsstrætis hafa á undan-
förnum árum orðið allt of mörg
umferðarslys. Til að sporna við
þeim var sett stöðvunarskylda á
Hrafnagilsstræti, en hún hefur
því miður ekki gegnt sínu hlut-
verki sem skyldi. Á veturna þeg-
ar snjór er mikill og háir ruðning-
ar beggja vegna Þórunnarstrætis
er ekkert útsýni, hvorki til hægri
né vinstri, fyrr en bílarnir eru
komnir langt út á gatnamótin.
Flestir sem fara eftir Þórunnar-
stræti aka allt of hratt miðað við
aðstæður og hafa umferðareyjar
engu um það breytt. Margir sem
aka eftir Hrafnagilsstræti virða
ekki stöðvunarskylduna og í
hálku eru þessi gatnamót stór-
varasöm.
Þessu mætti bæta úr og fækka
slysum umtalsvert með því að
setja upp umferðarljós, eins og
eru á öllum öðrum fjölförnum
gatnamótum í bænum.
Á hverjum morgni og í hádeg-
inu á fjöldi fólks leið um þessi
gatnamót, aðallega börn á leið í
skólann (Barnaskóla Akureyrar)
og nemendur í Gagnfræða-
skólanum, Menntaskólanum og
Verkmenntaskólanum. Þar af
leiðir að umferð er þarna mikil;
nógu mikil til að réttlæta upp-
setningu umferðarljósa. Það, að
skapa öryggi í umferðinni bæði
fyrir börn og fullorðna, hlýtur að
hafa forgang fram yfir öll Listagil
eða bókasöfn bæjarins. Það er
ekki rétt leið til sparnaðar að
horfa aðgerðarlaus upp á hvert
umferðarslysið af öðru.
Nú nýlega varð ég vitni að slysi
á einmitt þessum gatnamótum.
Af því tilefni vil ég skora á bæjar-
yfirvöld að axla ábyrgð sína og
bæta umferðaröryggi á þessum
fjölförnu gatnamótum með því
að setja upp umferðarljós. Eða
þarf einhver að deyja til að eitt-
hvað verði gert í málinu?
í von um úrbætur hið fyrsta.
Elín Eydís Friðriksdóttir,
menntaskólanemandi.