Dagur - 19.02.1992, Blaðsíða 5

Miðvikudagur 19. febrúar 1992 - DAGUR - 5
Samráðsskortur Braga
Bragi V. Bergmann, ritari og
nefndarmaður í íþrótta- og tóm-
stundaráði skrifaði í síðustu viku
ítarlegar greinar um það sem
hann kallar „Án minnsta sam-
ráðs“. Þar fjallar ritari nefndar-
innar um nokkur atriði er lúta að
íþrótta- og æskulýðsmálum og
finnst bæjarstjórn hafa lítilsvirt
nefndina með ákvörðunum sín-
um og vinnubrögðum.
Full ástæða er til að fara yfir
þau atriði sem greinahöfundur
setur fram, enda er þar um veru-
lega útúrsnúninga að ræða og
reynt að kasta rýrð á þá miklu og
öflugu starfsemi sem fram fer hér
á Akureyri, bæði á vegum sveit-
arfélagsins sjálfs og hinna frjálsu
félagasamtaka, í samvinnu við
bæjaryfirvöld.
Fátt getur skýrt þessa óánægju
ritarans annað en sú staðreynd að
lítil samstaða virðist ríkja milli
hans og hins fulltrúa Framsókn-
arflokksins (Þórarins Sveinsson-
ar) í íþrótta- og tómstundaráði,
en Þ.S. hefur stutt allar þær
ákvarðanir sem gerðar hafa verið
af hálfu bæjarstjórnar í íþrótta-
og æskulýsmálum á þessu kjör-
tímabili.
Samningarnir við
íþróttafélögin
Á síðasta kjörtímabili var gerður
samningur milli ÍBA og Akureyr-
arbæjar, sem markaði tímamót í
sögu íþrótta- og tómstundamála
á Akureyri. Gerður var ramma-
samningur er kvað á um ákveðin
framlög bæjarins til þeirra félaga
sem standa að uppbyggingu á
sviði íþrótta- og tómstundamála.
Þar er mörkuð sú stefna bæjar-
yfirvalda að hvetja íþróttafélögin
til uppbyggingar á sínum félags-
svæðum með samningsbundinni
þátttöku sveitarfélagsins í við-
komandi framkvæmd.
Ákvörðun þessi er tekin í
framhaldi af breyttri verkaskipan
ríkis og sveitarfélaga, þar sem
bygging grunnskóla og íþrótta-
mannvirkja er færð til sveitar-
félaganna og þeim ætlaðir tekju-
stofnar til að standa undir slíkum
verkefnum. í framhaldi af þeim
rammasamningi sem gerður var
voru síðan gerðir samningar við
fjögur íþróttafélög í bænum, eins
og B.B. skýrir frá. Þrír þessara
samninga voru gerðir vegna verk-
efna sem þegar voru hafin, en
vegna erfiðrar fjárhagsstöðu
þeirra félaga á þessum tímamót-
um var slíkt talið óhjákvæmi-
legt.
Þetta voru Golfklúbbur Akur-
eyrar, Skautafélag Akureyrar og
íþróttafélagið Þór. Fjórði samn-
ingurinn var síðan gerður við
Akureyri:
Fjallahjóli
stolið og annað
skilið eftir
Skúli Árnason, Þverholti 7 Akur-
eyri, hafði samband við blaðið og
sagði að sl. miðvikudagskvöld,
12. febrúar, hefði einhver stolið
góðu fjallahjóli sonar hans, sem
stóð bak við heimili hans, og ann-
að kvenreiðhjól skilið eftir í
staðinn. Skúli segist hafa haft
samband við lögregluna, en enn
sem komið er hafi enginn haft
samband við hana sem sakni
kvenreiðhjólsins. Skúli biður alla
þá sem kynnu að vita eitthvað um
þetta mál, bæði stolna fjallahjól-
ið og kvenreiðhjólið sem skilið
var eftir, að hafa samband við
hann í síma 25557.
Knattspyrnufélag Akureyrar um
byggingu nýs íþróttahúss. Með
gerð þessara samninga var stigið
mikið framfaraskref í málefnum
allra þessara félaga. Það var ætíð
ljóst að greiðslur til þeirra þriggja
sem fyrst voru nefnd voru
greiðslur vegna skuldbindinga
sem þau félögu voru þegar búin
að gera en áttu eftir að greiða.
Slíkt hafði að sjálfsögðu í för
með sér skerðingu á fjárveiting-
um til nýrra verka.
Ákvörðunin um samning
við KA
Samningur sá sem gerður var við
Knattspyrnufélag Akureyrar
varð því fyrsti samningurinn sem
gerður var um nýbyggingu íþrótta-
mannvirkis eftir að rammasamn-
ingur við Í.B.A. var gerður.
B.B. lætur að því liggja að sá
byggingasamingur hafi verið
gerður á þann hátt að um „geð-
þótta- og skyndiákvörðun“ hafi
verið að ræða. Hvað orðin geð-
þótti og skyndiákvarðanir túlka í
huga fundarritarans er ekki mitt
að segja til um, en hins vegar er
það ljóst að ákvörðun um sam-
starf við Knattspyrnufélag Akur-
eyrar var tekin á grundvelli þeirr-
ar hugsunar, að með slíkum
samningi yrði hér reist nýtt og
glæsilegt íþróttahús, sem nýtast
myndi sem íþróttahús fyrir
nemendur Lundarskóla og til efl-
ingar fyrir vaxandi íþróttastarf-
semi á Akureyri.
Það skal fúslega viðurkennt að
stærð hússins óx mönnum nokk-
uð í augum, en hins vegar voru
rök knattspyrnufélagsins það
sterk að á þau var fallist.
Ákvörðun um byggingu þessa
húss tók ekki mjög langan tíma
og virðist mér að fremur sé fund-
ið að seinagangi í opinbera kerf-
inu en hraðvirkni. Kostnaður við
bygginguna lá hins vegar alveg
fyrir í upphafi og samingurinn
gerður á föstu verðlagi og lá því
áhættan af röngum kostnaðar-
áætlunum á knattspyrnufélaginu.
Akureyrarbær leigir nú þá
tíma í þessu nýja húsi, sem hann
þarf á að halda og er nýting þess
að öðru leyti alfarið mál knatt-
spyrnufélagsins. Nemendur
Lundarskóla búa nú við samfelld-
an skóladag og hefur það mark-
mið því náðst með þessari
aðgerð.
Nýju samningarnir
B.B. gerir, í greinum sínum,
mikið mál úr þeim nýju saming-
um sem gerðir hafa verið við
Knattspyrnufélag Akureyrar og
íþróttafélagið Þór. Þar lætur
hann að því liggja að þessir nýju
samingar hafi verið gerðir án þess
að þeim fylgdi stefnumörkun eða
álit íþrótta- og tómstundaráðs.
B.B. er það vonandi ljóst að báð-
ir þessir samningar eru hreint
framhald af því sem áður hafði
verið gert og var einvörðungu
verið að standa við ákvæði fyrri
samninga um búnað í íþróttahús
KA og um verklok í Hamri, húsi
Þórs. Um hvorutveggja er kveðið
á um í fyrri samingum og var því
aðeins tímaspursmál hvenær frá
slíku yrði gengið. Hér var aðeins
verið að ljúka þeim verkefnum
sem hafin voru og með fullri vit-
und þeirra manna sem tóku sæti í
íþrótta- og tómstundaráði í upp-
hafi þessa kjörtímabils.
Það er hins vegar alveg ljóst að
þessir viðbótarsamningar koma
til með að kalla til sín nokkra
fjármuni á komandi árum, sem
ekki verða notaðir til annars. Það
eru því ekki miklar líkur á því að
nýir samingar verði gerðir á
þessu kjörtímabili. Það var alla
tíð ljóst að Knattspyrnufélag
Akureyrar myndi kosta kapps
um að nýta hús sitt sem best og
að Iþrótta- og tómstundaráð yrði
að laga rekstur annarra mann-
virkja að breyttum aðstæðum.
Framkvæmdaáætlunin
B.B. lætur að því liggja, í grein-
um sínum, að þriggja ára áætlun
Bæjarsjóðs hafi orðið ómerkt
plagg um leið og gengið var til
samninga við Knattspyrnufélag
Akureyrar. Hvernig hann kemst
að þessari niðurstöðu er mér
óskiljanlegt.
Bæjarstjórn gekk frá þriggja
ára áætlun sinni á sl. ári og var
þar ákveðið að verja ákveðnum
fjármunum til íþrótta- og
æskulýðsmála á framangreindu
tímabili. Þar var ákveðið að verja
kr. 157 millj. til þessa málaflokks
á næstu þrem árum. Ekkert hefur
breyst varðandi þá ákvörðun og
verður við hana staðið, svo fram-
arlega að forsendur um tekjur
sveitarfélagsins standast.
í fjárhagsáætlun yfirstandandi
árs eru áætlaðar kr. 29 millj. til
framkvæmda á sviði íþrótta- og
tómstundamála. Það er ívið
minna en við gerðum ráð fyrir.
Ástæða þess er B.B. og öðrum
kunn, en hún er hrein afleiðing
aðgerða stjórnvalda um skatt-
heimtu á sveitarfélögin, sem
mætt var með samdrætti í fram-
kvæmdum. Framkvæmdir á árinu
1992 verða þær að bekkir verða
keyptir í íþróttahöllina á þessu
ári - lokið verður framkvæmdum
við sundlaug í Glerárhverfi og
stefnan mörkuð varðandi fram-
kvæmdir við endurbætur við
Sundlaug Akureyrar. Af því má
sjá að haldið er við þá stefnu-
mörkun sem íþrótta- og tóm-
stundaráð setti fram og frá henni
hefur ekkert verið vikið.
*
Iþróttaskemman
Næst skal vikið að sjónarmiðum
B.B. varðandi íþróttaskemmuna.
Undirritaður hefur ef til vill
nokkra sérstöðu í því máli, þar
sem ég lýsti því yfir við ákvörð-
unartöku mína varðandi bygg-
ingu íþróttahúss Knattspyrnu-
félags Ákureyrar að leggja ætti
íþróttaskemmuna af þegar þetta
nýja hús risi. Að vísu var sú hug-
mynd tengd því að byggja lítinn
írþóttasal við Oddeyrarskóla til
að nemendur þar gætu fengið
íþróttakennslu.
Það sem breytt hefur þessari
afstöðu minni á þann veg að ég
vil nú kanna hvort slíkt sé mögu-
legt án þess að ákvörðun um
byggingu íþróttasalar við Odd-
eyrarskóla sé því tengd, er van-
nýting annarra íþróttahúsa að
deginum til. Ástæða lélegrar
nýtingar má meðal annars finna í
minni notkun framhaldsskólanna
á þeim húsum, en það er þáttur í
rekstrarsparnaði. Þetta hefur
leitt til þess að tekjur standa ekki
undir rekstri. Margar stundir
standa þessi hús auð og ekki er
hægt að sinna viðhaldi og endur-
bótum sem skyldi.
Við fyrstu sýn virðist því til-
tölulega auðvelt að laga þennan
rekstur og með hagræðingu ætti
líka að vera hægt að koma stærst-
um hluta þeirra aðila, sem nú
nota Skemmuna, í aðra sali, þó
ekki sé notuð hugmynd B.B. um
að færa kvöldtíma fram á daginn.
Þetta myndi þó hafa þann ókost í
för með sér að aka þyrfti nemend-
um Oddeyrarskóla í íþrótta-
kennslu, en ætti hins vegar ekki
að koma í veg fyrir samfelldan
skóladag. Mál þetta er nú í
athugun og verður að taka
ákvörðun fyrir vorið, svo hægt sé
að skipuleggja næsta skólaár með
hiiðsjón af þeim breytingum, ef
af verður.
Það verður hins vegar að telj-
Sigurður J. Sigurðsson.
ast merkileg niðurstaða hjá B.B.,
í sínum greinarskrifum, að finna
því allt til foráttu að þetta mál sé
skoðað á sama tíma og hann fjarg-
viðrast út af offjárfestingum í
íþróttamannvirkjum. Mönnum
verður hins vegar að vera það
ljóst að það er ekki sífellt hægt að
ætlast til þess að bætt sé við nýjum
rekstrareiningum án nýrra tekna
eða aukinnar skattheimtu og að
endurskoðun á rekstri einstakra
þátta í starfsemi bæjarins er
nauðsynleg.
íþrótta- og tómstundaráð fylg-
ist nú náið með nýtingu íþrótta-
húsanna og verður sú athugun
vonandi til þess að hægt verði að
skerpa línurnar í þessu máli fyrir
vorið.
Leiktækjastofurnar
Það næsta sem B.B. gerir að
umtalsefni í grein sinni eru
breyttar reglur um leiktækjastof-
ur. Um það á hvern hátt staðið
hefur verið að rekstri þeirra á
undanförnum árum og hversu vel
eigendur þeirra liafi verið upp-
lýstir um réttindi sín og skyldur
er ekki ástæða til að fjölyrða, en
um hinn þátt málsins sem snýr að
ákvörðun bæjarstjórnar, þrátt
fyrir umsagnir einstakra nefnda
og ráða, ætla ég aðeins að fjalla.
Nefndir og ráð bæjarins geta
varla litið á það sem lítilsvirðingu
þó bæjarstjórn komist að annarri
niðurstöðu, en þeirri sem nefndir
setja fram. Þau sjónarmið sem
réðu því að samþykkja breyttan
opnunartíma voru einfaldlega
þau að leikreglur almennra við-
skipta ættu að gilda um þessa
staði jafnt sem aðra og opnunar-
tími sem takmarkaður væri við
svo þröng mörk sem voru í gildi
væri vart raunhæf framkvæmd í
dag. Þegar B.B. vitnar til þeirra
reglna sem settar voru 1983 þá
minnist hann ef til vill þeirra tak-
markana sem voru á opnunar-
tíma verslana, lúgusölu, lokunar
á sjoppum kl. 20.00 og annarra
skyldra takmarkana sem í gildi
voru. Þeim takmörkunum hafði
Framsóknarflokkurinn fengið að
ráða, meðan hann var og hét.
Þessu tókst að breyta fyrir tilstilli
frjálslyndari afla og er ég viss um
að enginn vildi aftur hverfa til
þess fyrirkomulags. Frá árinu
1983 hefur leiktækjum fjölgað
svo að þau eru nánast til á hverju
heimili í einhverri mynd og víða í
biðsölum og afgreiðslustöðum.
Unglingar sem eiga við erfiðleika
að stríða og nota hvert tækifæri
sem gefst til að yfirgefa skóla sinn
á skólatíma, finna sér athvarf
óháð því hvort þessar leiktækja-
stofur eru opnar lengur eða
skemur. Það er hins vegar ljóst
að leggja þarf ríka áherslu á að
önnur ákvæði, sem snerta þessa
starfsemi svo sem aldurstak-
mörk.
Bæjarstjórn hefur með ákvörð-
un sinni tekið ákvörðun í máli
þessu, sem gengur þvert á vilja
ráðsins, en slíkt er á engan hátt
hægt að setja undir lítilsvirðingu
á starfi viðkomandi ráðgjafa-
nefndar. Á sama tíma og menn
vilja fá að hafa skoðun er eðlilegt
að örðum sé ætlað það líka, óháð
því hvort skoðanir manna fara
saman.
Að lokum
íþrótta- og tómstundaráð hefur
unnið ötullega á þessu kjörtíma-
bili. Þegar ákveðið var að fækka
nefndum á vegum bæjarins m.a.
með því að setja íþróttir og tóm-
stundir undir eina nefnd, voru
menn ekki á eitt sáttir um það
hvernig það myndi ganga. Af
reynslu liðinna mánuða er ljóst
að þetta gengur vel.
Bæði málasviðin hafa fengið
ítarlega umfjöllun og margt kom-
ið til framkvæmda sem til heilla
horfir. fþrótta- og tómstundaráð
gerir miklar kröfur fyrir sinn
málaflokk og þó svo að þeir fái
ekki alla þá fjármuni sem óskað
er eftir er ljóst að margir líta
öfundaraugum þau framlög sem
renna til þessara mála. Formaður
íþrótta- og tómstundaráðs talar
tæpitungulaust við sína yfirmenn
og kemur til skila sjónarmiðum
ráðsins og því má ritari nefndar-
innar ekki blanda saman stefnu
bæjaryfirvalda í þessum mála-
flokki og samstöðuleysi hans og
hins fulltrúa Framsóknarflokks-
ins í ráðinu.
Það er von mín að í þeim
ákvörðunum sem framundan eru
og snúa að áframhaldandi upp-
byggingu á sviði íþrótta- og
æskulýðsmála megi nást góð
samstaða milli ráðsins og bæjar-
stjórnar bæjarbúum til heilla.
Sigurður J. Sigurðsson.
Höfundur er forseti bæjarstjórnar á
Akureyri.
GLERÁRGÖTU 36
SÍMI 11500
Nýttá
söluskrá:
Steinahlíö:
Mjög fallegt raðhús á tveimur
hæðum - 5 herb. Stærð ca
135 fm. Laust í maí.
Dalsgerði:
6 herb. raðhús á tveimur
hæðum samtals ca 150 fm.
Eign í mjög góöu lagi. Laust
eftir samkomulagi.
Langamýri:
Húseign með tveimur íbúð-
um, - annarri 2ja herb. á
jarðhæð, hin 5 herb. ásamt
bílskúr. Eignin er laus eftir
samkomulagi.
Seljahlíð:
Mjög gott 4ra herb. endarað-
hús tæpl. 90 fm. Skipti á rað-
húsi eða einbýli m/bílskúr
koma til greina.
Smárahlíð:
3ja herb. íbúð á 2. hæð ca 83
fm. Eign í góðu lagi. Laus í
júlí. Áhvílandi langtímalán ca
3.0 millj.
MSIÐGNAA M
SKIMSAUSar
N0RDUMANDS11
Glerárgötu 36, 3. hæð Sími 11500
Opið virka daga kl. 14.00-18.30
á öðrum tímum eftir samkomulagi
Sölustjóri:
Pétur Jósefsson
Heimasimi 11485.
Lögmaður:
Benedikt Ólafsson hdl. |í