Dagur - 13.06.1992, Blaðsíða 2

2 - DAGUR - Laugardagur 13. júní 1992
Fréttir
Kópasker:
Fyrsta útiKstaverk
Leifs BreiðQörðs
- reist við Grunnskólann
Listskreytingasjóður ríkisins
hefur úthlutað hálfri milljón til
Öxarfjarðarhrepps til að koma
upp listaverki eftir Leif Breið-
Qörð við Grunnskólann á
Kópaskeri.
Grenivík:
Minnisvarði um
drukknaða sjómenn
Á sjómannadaginn, sunnudag-
inn 14. júní, verður afhjúpaður
minnisvarði um drukknaða
sjómenn, í kirkjugarðinum á
Grenivík.
Minnisvarðinn er gerður af
Jóni Sigurpálssyni, myndlistar-
manni á ísafirði. Það eru tvö
félög á Grenivík sem standa fyrir
gerð minnisvarðans, Kvenfélagið
Hlín og Lionsklúbburinn Þengill,
auk þess hafa borist frjáls fjár-
framlög. -KK
Um er að ræða fyrsta útilista-
verkið sem Leifur Breiðfjörð
vinnur. Verkið verður sett upp
við aðalinngang skólans og verð-
ur unnið að verkinu í sumar.
Verkið mun samanstanda af
nokkrum misstórum steinum,
þeim stærstu allt að tveggja og
hálfs metra háum. Steinarnir
verða að hluta til fengnir á staðn-
um en aðrir aðfluttir, sagaðir til
og lagðir flísum og mósaiki og
varanlegum efnum t.d. málmum.
Einnig verða steyptir steinar í
verkinu, að hluta litaðir og
möguleikar á steyptum glerhnull-
ungum, glærum og lituðum. Litir
verksins verða steinlitir og sterkir
litir.
Ingunn St. Svavarsdóttir, sveit-
arstjóri sagðist vera spennt að sjá
útlitsteikningu af verkinu. Hún
vissi ekki til þess að Listskreyt-
ingasjóður hefði áður veitt fram-
lag til verks í Norður-Þingeyjar-
sýslu. IM
Leikritið Kæra Jelena sýnt
í Samkomuhúsinu á Akureyri
- uppselt var á allar 117 sýningarnar
í Pjóðleikhúsinu í vetur
Hin geysivinsæla sýning; Kæra
Jelena, eftir Ljúdmflu
Razúmovskaju, sem sýnd hef-
ur verið fyrir fullu húsi á Litla
sviði Þjóðleikhússins síðan í
haust er væntanleg til Akur-
eyrar í næstu viku. Alls verða
þrjár sýningar í Samkomuhús-
inu, 19., 20. og 21. júní kl.
20.30.
JÚNÍ
Viö þökkum öllum þeim sem
hafa þegar borgaö heimsenda
happdrættismiöa og minnum hina á
góöan málstaö og glæsilega vlnninga.
STUÐNINGUR YKKAR
ER OKKAR VOPN!
Kæra Jelena hefur verið met-
stykki hjá Þjóðleikhúsinu.
Leikritið var frumsýnt 12. októ-
ber og hefur síðan verið sýnt 117
sinnum og hefur verið uppselt á
allar sýningarnar.
Leikarar eru 5 talsins; Anna
Kristín Arngrímsdóttir sem leik-
ur Jelenu, ásamt Halldóru
Björnsdóttur, Baltasar Kormáki,
Ingvari Sigurðssyni og Hilmari
Jónssyni, sem leika nemendur
hennar. Þau fjögur síðasttöldu
eru meðal yngstu leikara Þjóð-
leikhússins.
Leikstjóri er Þórhallur Sig-
urðsson, leikmynd og búninga
gerir Messíana Tómasdóttir en
um lýsingu sér Ásmundur Karls-
son og Björn B. Guðmundsson.
Forsala á sýningarnar á Akur-
eyri er þegar hafin og fer fram
alla virka daga í Samkömuhúsinu
frá kl. 14-18. -KK
Athugiö: í þetta sinn voru miöar
einungis sendir körlum, á aldrinum
23ja-75 ára, en miöar fást á skrifstofu
happdrættisins i Skógarhliö 8
(s. 621414) og í sölubílnum
á Lækjarlorgi.
VINNINGAR:
1. MITSUBISHI PAJERO
þrennra dyra, V6, bensín.
Verðmæti 2.400.000 kr.
2.-3. VWGOLFGL
Verðmæti 1.300.000 kr.
4.-53. VÖRUR EÐA FERÐIR
fyrir 130.000 kr.
54.-103. VÖRUREÐA FERÐIR
fyrir 80.000 kr.
HVER KEYPTUR MIÐI
EFLIR SÓKN OG VÖRN
GEGN KRABBAMEINI!
Krabbameinsfélagið
50 ára
Þrettán fermingarsystkini af tuttugu
og einu sem fermdust frá Húsavík-
urkirkju fyrir 50 árum komu saman
á Húsavík um hvíiasunnuhelgina. Á
laugardag hittist hópurinn í kirkj-
unni og hélt síðan í kirkjugarðinn
með blóm á leiði sr. Friðriks A.
Friðrikssonar, sem fermdi þau á sín-
um tíma, og tveggja fermingarsyst-
kina sem í garðinum hvíla. Einnig
fór hópurinn á Sjúkrahúsið á Húsa-
vík að heimsækja fermingarbróður
er þar dvelur.
Á laugardagskvöld snæddu fer-
mingarsystkinin saman kvöldverð á
Hótel Húsavík en á hvítasunnudag
var haldið upp í Mývatnssveit þar
pem hópurinn átti góðan dag. Létu
sunnlendinaganir í hópnum af því
að mikil viðbrigði væru að komast í
blíðviðrið fyrir norðan. Mynd: im
Hér sjást fyrstuverðlaunahafarnir í uppskriftasamkeppni KEA. Frá vinstri: Ragnheiður Kristjánsdóttir, Guðný
Sölvadóttir og Erla Ásmundsdóttir. Mynd: Goiii
Matargerð er list:
Úrslit í uppskriftasajnkeppni KEA
Á fimmtudag voru afhent verð-
laun í uppskriftasamkeppni
Kaupfélags Eyfirðinga á Akur-
eyri. Verðlaun voru afhent í
þremur flokkum sem tengjast
framleiðsluvörum Brauðgerð-
ar, Kjötiðnaðarstöðvar og
Smjörlíkisgerðar - hver í sín-
um flokki. Tilgangur samkepp-
ninnar var að auka fjölbreytni í
uppskriftakortum sem fylgt
hafa framleiðsluvörum KEÁ
síðan um jól og er lögð sérstök
áhersla á að matargerð sé list.
Sú nýbreytni að láta upp-
skriftakort fylgja vörunum hefur
mælst vel fyrir hjá viðskiptavin-
um og nú verða listauppskriftir
verðlaunahafa látnar fylgja með
framleiðsluvörunum í kaupbæti.
Að sögn Maríu Chr. Pálsdóttur
hjá markaðsdeild KEA var við-
skiptavinum um allan Eyjafjörð
boðin þátttaka í samkeppninni
og komu uppskriftir frá öllum
útibúum KEA. „Við framlengd-
um skilafrestinn um viku og það
skilaði sér því þátttaka var ágæt.
Nöfnum þátttakenda var haldið
leyndum og þess vegna var það
hrein tilviljun að tvær konur
fengu tvenn verðlaun,“ sagði
María í samtali við Dag. Einnig
voru mæðgur frá Siglufirði á
meðal verðlaunahafa og sat
kvenþjóðin ein að verðlaunum.
í flokki Kjötiðnaðarstöðvar
sigraði Erla Ásmundsdóttir,
Akureyri, með „Sænsk pylsa og
pasta“. í öðru sæti varð Sigrún
Magnúsdóttir, Akureyri, með
„Lambagúllash með vínberjum
og gráðaosti" og í þriðja sæti
hafnaði Una Sigurliðadóttir,
Akureyri, með „Gratíneraðar
lambakótelettur með sveppum
og papriku“.
í flokki Smjörlíkisgerðar bar
Guðný Sölvadóttir, Siglufirði,
sigur úr býtum og nefndist sigur-
uppskriftin „Salthnetusmákök-
ur“. Dóttir hennar, Ása Guðrún
Sverrisdóttir, varð í öðru sæti
með „Hrískúlumarens" og
„Súkkulaðibitakökur“ Ragnheið-
ar Kristjánsdóttur, Akureyri,
urðu í þriðja sæti.
í flokki Brauðgerðar vann
Ragnheiður einnig til verðlauna
því hún bar sigur úr býtum með
„Dajmkrem". í öðru sæti varð
Sigrún Fjóla Hilmarsdóttir með
„Ananas-ostakrem“ en „Kara-
mellukrem" Erlu Ásmundsdótt-
ur, Reykjavík, hlaut þriðju verð-
laun.
Þótt ekki væri um krem að
ræða eins og gert var ráð fyrir í
brauðgerðarflokki vann „Heit
brauðterta" Unu Sigurliðadóttur,
Akureyri, aukaverðlaun.
Dómnefnd sannreyndi sjálf
uppskriftirnar en í henni sátu:
Stefán Vilhjálmsson, matvæla-
fræðingur hjá Kjötiðnaðarstöð-
inni, sem var formaður; Her-
mann Huijbens, matreiðslu-
meistari; Ingólfur Gíslason,
bakarameistari; Lára Ólafsdóttir,
húsfreyja; Margrét Kristinsdótt-
ir, hússtjórnarkennari og Sig-
mundur Rafn Einarsson, mat-
reiðslumeistari.
Fyrir matarlist þessa voru
veitt listaverðlaun. Listaverkin
fyrir fyrsta og annað sætið voru
unnin sérstaklega fyrir KEA af
þessu tilefni en þau voru, tákn-
rænn skúlptúr eftir Örn Inga, og
grafíkmynd í litum eftir Dröfn
Friðfinnsdóttur. Fyrir þriðja sæt-
ið voru veitt bókaverðlaun - Saga
leiklistar á Akureyri 1860-1992
eftir Harald Sigurðsson og gjafa-
kort fyrir tvo á leiksýningu hjá
L.A. GT
Sauðárkrókur:
Bæjarmála-
pimktar
■ Á fundi bæjarráðs nýlega
var lagt fram bréf frá Lána-
sjóði sveitarfélaga þar sem til-
kynnt er að Sauðárkróksbæ
hafi verið úthlutað láni sam-
tals að upphæð kr. 20.000.000
til framkvæmda og var bæjar-
stjóra falið að hefja lánið.
■ Björn Mikaelsson, yfir-
lögregluþjónn, mætti á fund
bæjarráðs nýlega, til viðræðna
um útivistartíma barna og
unglinga, skemmdarverk í
bænum og önnur sameiginleg
vandamál bæjaryfirvalda og
lögreglu.
■ Á fundi bæjarráðs nýlega,
kom fram að 170 börn hafa
skráð sig í vinnuskólann og er
það veruleg fjölgun frá fyrra
ári. Bæjarráð samþykkti því
að stytta vinnutíma um eina
viku hjá hverjum aldurshópi.
■ Bæjarráð hefur samþykkt
að gjald fyrir garðaþjónustu
vinnuskólans verði óbreytt frá
síðasta sumri.
■ Forsvarsmenn Flugleiða
komu á fund bæjarráðs nýlega
til viðræðna um áætlunarflug
Flugleiða til Sauðárkróks.
Bæjarráðsmenn lýstu mikilli
óánægju með flugáætlun til
Sauðárkróks eins og hún er
nú. Fulltrúar Flugleiða lýstu
því yfir að þeir muni senda
bæjarstjórn tillögur sínar um
úrbætur fyrir 17. júní nk.
■ Eitt tilboð barst í gatna-
gerð; Skógargata - Bjarkastíg-
ur, frá Steypustöð Skagafjarð-
ar og Knúti Aadnegard að
upphæð 7.287.850, sem er um
99% af kostnaðaráætlun en
hún hljóðaði upp á 7.356.000.
Bæjarráð samþykkti að ganga
til samninga við þessa aðila á
grundvelli tilboðs þeirra.
■ Hafnarstjórn hefur borist
erindi frá Samskip hf., þar
sem þess er farið á leit að felld
verði niður hafnsögugjöld
vegna komu flutningaskipa til
hafnarinnar.
■ íþróttaráð hefur samþykkt
að veita Jörundi Guðmunds-
syni leyfi fyrir sirkus á malar-
vellinum 31. júlí og 1. ágúst í
sumar.
Húsavíkurkirkja:
fermingarafmæli