Dagur - 22.07.1992, Blaðsíða 11

Miðvikudagur 22. júlí 1992 - DAGUR - 11
ÍÞRÓTTIR
Mjólkurbikarinn, KA-Fram 2:1
Frábær leikur KA-manna
- eru komnir í undanúrslit í bikarnum
KA-menn gerðu sér lítið fyrir
og unnu Frammara í 8-liða úr-
slitum Mjólkurbikarkeppninn-
ar í gærkvöld, 2:1. Sigurinn var
verðskuldaður og lék liðið
mjög vel í síðari hálfleik. Jó-
hann Arnarson og Páll Gísla-
son skoruðu mörk KA. Jón E.
Ragnarsson skoraði fyrir
Fram.
„Þetta var alveg frábært. Við
spiluðum ekki vel í fyrri hálfleik
en rifum okkur upp í leikhléi og
spiluðum mjög vel í þeim síðari,"
sagði Gunnar Gíslason, sem fór
meiddur útaf í leikhléi. Gunnar
sagði að sigurinn hefði verið
mjög sanngjarn. „Þeir áttu ekki
möguleika í seinni hálfleik og það
var gaman að Jóhann skyldi
skora, kom nýr inn í liðið.“
Pétur Ormslev, þjálfari Fram,
var að vonum mjög svekktur eftir
leikinn og treysti sér ekki til þess
að tala við blaðamann.
Leikurinn var vægast sagt til-
þrifalítill í fyrri hálfleik. Fátt
annað gerðist en það að Jón E.
Ragnarsson kom gestunum yfir
eftir 19 mínútna leik.
Það var allt annað KA-lið sem
kom inná í síðari hálfleikinn.
Liðið spilaði mjög vel og var í
raun aldrei spurning um hvorum
megin sigurinn lenti eftir að Jó-
hann Arnarson, nýliðinn í KA-
liðinu, skoraði jöfnunarmarkið á
68. mínútu leiksins. Bjarni Jóns-
son sendi þá boltann inn fyrir
vörn Fram. Hann fór í varnar-
mann og þaðan til Jóhanns sem
tók hann með sér og renndi
snyrtilega framhjá Birki Kristins-
syni, markverði. Fyrsta mark
Jóhanns fyrir KA og mun hann
líklega muna það lengi.
KA-menn voru mun meira
með boltann í síðari hálfleiknum
og fengu nokkur ágæt færi til þess
að skora. Það var fyrst og fremst
Gunnar Már Másson, sem var
aðgangsharður upp við markið
en var klaufi að ná ekki að skora.
Sigurmarkið kom á 79. mínútu
og var nokkuð sérstakt. Framar-
ar voru með boltann á miðjum
vellinum en Halldór Kristinsson
komst inn í sendingu og sendi aft-
ur á Hauk í markinu. Haukur
þurfti að koma út úr teignum til
þess að taka við boltanum og
sparkaði viðstöðulaust fram
miðjuna. Gunnar Már Másson
stökk upp og fleytti • boltanum
fram á Pál Gíslason sem tók hann
með sér og skoraði glæsilegt
mark framhjá Birki í markinu,
stöngin inn.
KA-liðið var langt frá sínu
besta í fyrri hálfleik en lék allt
mjög vel í þeim seinni. Ekki
verður á neinn hallað þótt Stein-
grímur Birgisson verði talinn
besti maður liðsins. Hann átti
hreint skínandi leik.
Aðrir leikir í bikarnum fóru:
KA-menn höfðu ríka ástæðu til þess að fagna í gærkvöld. Myndir: Goiii
Knattspyrna, 2. flokkur:
KA vann Fylki
- vonin eykst um sæti í A-riðli
Annar flokkur KA gerði góða
ferð til Reykjavíkur um síð-
ustu helgi. Liðið lék þá við
Fylki og vann öruggan sigur,
1:3.
„Leikurinn var mjög jafn fram-
an af og reyndar allan fyrri hálf-
leikinn. Við skoruðum þó öll
okkar mörk fyrir hlé. Ég er mjög
ánægður með strákana. Þetta
hefur gengið mjög vel en það er
nóg eftir af mótinu og margt get-
ur enn gerst,“ sagði Hinrik Þór-
hallsson, þjálfari KA.
Heimamenn byrjuðu á því að
skora þegar 5 mínútur voru liðn-
ar af leiknum en KA jafnaði
fljótlega. Síðan komu tvö mörk
KA-manna á stuttum kafla fyrir
leikhlé. Staðan var 1:3 þegar
gengið var til búningsherbergja í
leikhléi.
Síðari hálfleikurinn var alger-
lega í eign KA-manna og í raun
mun ójafnari en sá fyrri. Mönn-
um voru þó mislagðir fætur og
tókst ekki að skora fleiri mörk
þrátt fyrir ótal marktækifæri.
Mörk KA gerðu þeir Sigurður
Ólason, Brynjólfur Sveinsson og
ívar Bjarklind. SV
ÍA-Víkingur 3:2, Fylkir-KR 2:1
og Valur- FH 2:1.
Lið KA: Haukur Bragason, Stejngrímur
Birgisson, Halldór Kristinsson, Örn Við-
ar Arnarson, Gunnar Gíslason (Árni
Hermannsson í hléi), Bjarni Jónsson,
Páll Gíslason, Jóhann Arnarson, Ormarr
Öríygsson, Pavel Vandas, Gunnar Már
Másson.
Lið Fram: Birkir Kristinsson, Pétur
Ormslev, Kristinn R. Jónsson, (Guð-
mundur Gíslason á 17. mín.) Kristján
Jónsson, Steinar Guðgeirsson, Jón
Sveinsson (Ásgeir Ásgeirsson 87. mín),
Pétur Arnþórsson, Ingóltur Ingólfsson,
Valdimar Kristófersson, Ríkharður
Daðason, Jón E. Ragnarsson.
Dómari: Stefán Maríuson og dæmdi á
hægaganginum framan af.
Linuverðir: Gunnar Ingvarsson og Mar-
ínó Þorsteinsson.
Jóhann Arnarson spiluöi sinn fyrsta heila leik fyrir KA. Hann skoraði annað mark liðsins í sigurleiknum gegn Fram.
Siglingar:
Jens Gíslason íslandsmeistari
- „aðstaðan til æfinga á Akureyri er alls ekki góð,“ sagði Jens
Nú um helgina var haldið Is-
landsmót í siglingum. íslands-
meistari í drengjaflokki var
Akureyringurinn Jens Gísla-
son, sem keppir á Optimist-
kænu.
„Þetta kom rosalega á óvart og
ég er mjög ánægður. Ég hef litla
reynslu í því að keppa en hef þó
æft í tvö ár,“ sagði Jens þegar
hann var spurður hvernig væri að
vinna svona keppni. „Aðstaðan
til æfinga á Akureyri er mjög
léleg. Það er erfitt að vera með
kerrur og bátarnir eru orðnir úr
sér gengnir. Við höfum bara einn
bát af hverri gerð stærri bátanna
og þ.a.l. er ekki hægt að hafa
keppni á milli tveggja báta. Sum-
ar gerðirnar eru hreinlega ekki til
hér,“ sagði Jens. Að hans sögn er
aðstaðan fyrir sunnan mjög góð.
Þar eru til allar gerðir báta og
fullt af efnilegu fólki sem er að
æfa.
Mótið á Fossvoginum um helg-
ina var nokkuð skemmtilegt að
sögn Jens. Þó var frekar lítill
Jens Gíslason rær ekki til fiskjar en
er engu að síður góður sjómaður.
vindur framan af en síðasta dag-
inn var orðið skaplegt veður.
Keppnin fer þannig fram að fyrst
er siglt í þríhyrning, þrjár baujur,
síðan er s.k. pylsa, tvær baujur,
og að síðustu er siglt beint.
Þessi 14 ára siglingakappi er
staðráðinn í því að halda áfram í
sjómennskunni. SV
Knattspyrna:
Leikur í kvöld
Nokkrir leikir verða á Islands-
mótinu í knattspyrnu í kvöld.
í 2. deild kvenna B verða tveir
leikir. Dalvík og KS mætast á
Dalvík og KA og Leiftur spila á
Akureyri.
í 2. flokki karla verður stór-
leikur í kvöld þegar nágrannarn-
ir, KA og Þór, mætast á KA-
velli.
Siglingar:
íslandsmótið um helgina
- Akureyringar sigursælir
Akureyringar stóöu sig vel á
íslandsmótinu í kænusigling-
um sem haldið var á Fossvogi
nú um helgina. Jens Gíslason,
Nökkva, varð íslandsmeistari á
Optimistkænu í flokki drengja,
Laufey Kristjánsdóttir, Nökkva,
varð önnur í flokki stúlkna. A
Topperkænu varð Guðrún Sig-
urðardóttir, Nökkva, í þriðja
sæti.
Alls voru sigldar fimm umferð-
ir og hófst keppni á föstudag og
var keppt fram á sunnudag.
Keppt var í þremur flokkum:
Optimstkæna, Evrópukæna og
topperkæna. Úrslit efstu kepp-
enda er eftirfarandi.
Optimistkæna, drengir:
1. Jens Gíslason, Nökkva, Ak.
2. Snorri Valdimarsson, Ými, Kóp.
3. Ragnar Þórisson, Ými, Kóp.
Optimistkæna, stúlkur:
1. Sigríður S. Arad., Siglun., Rvík
2. Laufey Krist j ánsdóttir, Nökkva, Ak.
Evrópukæna:
1. Gunnlaugur Jónasson, Ými, Kóp.
2. Guðjón Guðjónsson, Brokey, Rvík
3 Hólmfríður Kristjánsd., Ými, Kóp.
Topperkæna:
1. Magnús Guðmundsson, Ými, Kóp.
2. Friðrik Ottesen, Ými, Kóp.
3. Guðrún Sigurðardóttir, Nökkva, Ak,