Dagur - 01.09.1992, Blaðsíða 4

4 - DAGUR - Þriðjudagur 1. september 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25689
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Fíkniefnaneysla
- ört vaxandi vá
Neysla fíkniefna hefur færst mjög í aukana hér á
landi síðustu árin. Þetta má m.a. merkja af fjölmiðl-
um, sem nær daglega flytja fréttir af ýmsum
afbrotum sem tengjast fjármögnun fíkniefna-
neyslu og misheppnuðum tilraunum manna til að
smygla þessum ófögnuði inn í landið. Einnig er
ljóst að neysluvenjur fíkniefnaneytenda eru alltaf
að breytast og meira er um sterkari og hættulegri
fíkniefni á markaðinum en nokkru sinni fyrr. Bein
afleiðing þessa er að afbrot tengd fíkniefnaneyslu
verða tíðari og örvæntingarfyllri. Því til sönnunar
má nefna að ofbeldi á götum úti hefur vaxið hröð-
um skrefum í höfuðborginni síðustu ár og nú er
jafnvel svo komið að ekki er lengur öruggt að vera
á ferli í vissum hverfum Reykjavíkur eftir að
skyggja tekur.
Stjórnvöld hafa oft verið gagnrýnd fyrir að sofa á
verðinum þegar fíkniefnaneysla er annars vegar.
Þau hafa verið gagnrýnd fyrir að veita allt of litlu fé
til forvarnarstarfa og ekki síður fyrir að sjá ekki
nauðsyn þess að efla stórlega eftirlit með innflutn-
ingi og neyslu fíkniefna. Ljóst er að fjárveitingar til
fíkniefnalögreglunnar eru ekki í nokkru samræmi
við þensluna á þessum markaði. Fyrir vikið er lög-
reglan engan veginn í stakk búin til að mæta
auknu álagi. Andvaraleysi stjórnvalda hefur m.a.
þær afleiðingar að „sölumönnum dauðans" fjölgar
stöðugt, eiturlyfjamagn í umferð eykst og neyt-
endum efnanna fjölgar að sama skapi.
Engar tölur eru til um það hversu mikið magn af
fíkniefnum er í umferð hér á landi. Sú regla er þó
stundum notuð að áætla heildarmagnið út frá því
magni sem lögreglan gerir upptækt. Jafnan er
gengið út frá því að 5-10% fíkniefna á markaðinum
komist í hendur lögreglu en 90-95% gangi kaupum
og sölum. Til marks um stóraukna fíkniefnaneyslu
hér á landi má minna á að árið 1989 var lagt hald á
746 grömm af kókaíni, en það er eitt dýrasta og
hættulegasta efnið á markaðinum. í síðustu viku
var hins vegar lagt hald á 1,2 kílógrömm af þessu
sama efni í einu lagi. Nokkrum dögum síðar lagði
lögreglan hald á 3 kílógrömm af hassi og 400
grömm af amfetamíni. Þetta mikla magn segir sína
sögu um það hversu fíkniefnaneysla er orðið stórt
vandamál í íslensku samfélagi.
Heimur fíkniefnanna er harður. í samfélögum
stórþjóðanna er svo komið að fíkniefnaneysla er
talin stærsta og alvarlegasta vandamálið sem við
er að glíma. Vakni stjórnvöld ekki af Þyrni-
rósarsvefni sínum og sporni við fótum, er þess
örugglega skammt að bíða að íslenskt samfélag
standi frammi fyrir hliðstæðum vanda og stórþjóð-
irnar í þessum efnum. BB.
Fréttir
Stofnfundur Sambands sveitarfélaga á Norðurlandi vestra:
„Höggvið á hnútinn
strax í upphafi“
- segir Björn Sigurbjörnsson, formaður SSNV
um staðsetningu samtakanna á Hvammstanga
Síðastliðinn föstudag voru
stofnuð tvenn samtök sveitar-
félaga á Norðurlandi í stað
Fjórðungssambands Norð-
lendinga sem verður Iagt niður
hinn 30. desember nk. Ekki
ríkti fullkominn einhugur á
stofnfundi Sambands sveitar-
félaga á Norðurlandi vestra
(SSNV) því tekist var á um
staðarval. Dagur ræddi við
formann SSNV, Björn Sigur-
björnsson á Sauðárkróki, í
kjölfar stofnfundarins sem
haldinn var á Hvammstanga.
Nýsamþykkt lög SSNV gera
ráð fyrir að heimili og varnarþing
skuli ákveða á stofnfundi. A
stofnfundinum lagði undirbún-
ingsnefndin til að heimili og varn-
arþing samtakanna yrði á Blöndu-
ósi. Upp komu tillögur um að
SSNV yrði valinn staður á
Hvammstanga, Hofsósi og
Varmahlíð og varð að grípa til
leynilegra kosninga.
Kosið var á milli þessara fjög-
urra þéttbýliskjarna og síðan var
gert upp á milli þeirra tveggja
staða sem flest atkvæði fengu.
Þegar upp var staðið fékk
Hvammstangi 18 atkvæði en
Blönduós 14 atkvæði.
Að sögn Björns Sigurbjörns-
sonar, formanns SSNV, voru
helstu rökin með staðsetningunni
dreifing opinberra stofnana en á
Blönduósi er iðnráðgjafi staðsett-
ur. Aðspurður um hvort ekki
væri eðlilegra að stofnanir
söfnuðust í einum kjarna þannig
að tengsl mynduðust á milli
þeirra sagði Björn: „Þetta varð
niðurstaðan.“
Hin nýju samtökin á Norður-
landi - Eyþing - völdu hins vegar
þann kostinn að velja samtökun-
um stað þar sem formaður á
hverjum tíma væri staðsettur.
„Það var ákveðið að höggva á
hnútinn strax í upphafi og ákveða
staðsetningu Sambands sveitar-
félaga á Norðurlandi vestra,“
sagði Björn Sigurbjörnsson,
aðspurður hvort ekki hefði mátt
forðast hrepparíg með því að
fara að dæmi austanmanna í
Eyþingi.
Aðspurður sagðist Björn Sig-
urbjörnsson ekki hafa áhyggjur
af því að starfsemi SSNV muni
ekki fara vel í gang þótt hann
sem formaður sé staðsettur á
Sauðárkróki en samtökunum
sjálfum hafi verið valinn staður á
Hvammstanga.
Meðal verkefna sem stofn-
fundur SSNV samþykkti að
stjórnin ynni að var „að undirbúa
stefnumótun varðandi samstarfs-
verkefni sveitarfélaganna með
hliðsjón af hugsanlegum breyt-
ingum á samningi um verkaskipt-
ingu ríkis og sveitarfélaga og
sameiningu sveitarfélaga," sem
einnig var mikið rætt um á Fjórð-
ungsþingi.
Lög SSNV gera ráð fyrir að
ráðinn verði framkvæmdastjóri
en að sögn Björns Sigurbjörns-
sonar verður beðið með að ráða
framkvæmdastjóra. „Fyrst um
sinn mun stjórnin sinna störfum
framkvæmdaraðila enda vildum
við ekki flýta okkur um of að
ráða starfsmann. Fyrst er að sjá í
hvaða farveg starfsemin mun
leiðast og síðan verður þörfin fyr-
ir starfsemi athuguð," sagði
Björn Sigurbjörnsson að lokum.
GT
Sameining sveitarfelaga rædd á Fjórðungsþingi:
„Éngin gudrót á lofti“
- sagði Davíð Oddsson forsætisráðherra
Davíð Oddsson forsætisráð-
herra leit við á 34. og síðasta
Fjórðungsþingi sem haldið var
á Hvammstanga um helgina. í
framsöguræðu sinni fjallaði
hann m.a. um mikilvægi EES
fyrir Islendinga, atvinnumál,
byggðamál og sameiningu
sveitarfélaga. Sigríður Stefáns-
dóttir, forseti bæjarstjórnar
Akureyrar, benti ríkisstjórn-
inni á að nóg væri af nefndun-
um - nú þyrfti aðgerðir til að
vinna á vandamálum.
Davíð Oddsson forsætisráð-
herra hélt framsögu á Fjórðungs-
þingi á laugardag og sagði m.a.
að þótt reynslan af byggðastefnu
fyrri ára væri ekki góð héldi hann
að ráðamenn hefðu gert verkin í
góðri trú. Davíð sagði að á örfá-
um árum hefði 30 milljörðum
verið varið í að byggja upp virkj-
anir, fiskeldi og fleira en að það
fé hefði verið skammgóður
vermir. „Nú stöndum við þó jafn-
fætis og við gerðum fyrr í þeim
efnum en eigum eftir að borga
peningana,“ sagði Davíð.
Forsætisráðherra sagði að
naumast væri raunhæft að halda
byggð í því horfi sem hún hefði
verið enda væri það ekki á valdi
stjórnvalda að njörva niður
byggð. Davíð vísaði í Hvítbók
ríkisstjórnarinnar og benti á
að rétt væri að efla ákveðna
kjarna sem vaxtarsvæði lands-
byggðarinnar „þar sem sterk rök
hníga til að fólk muni velja sér
búsetu í framtíðinni."
Davíð sagði að sátt yrði að
ríkja um sameiningu sveitarfé-
laga - það yrði ekki gert með
lagaboði - ella myndi árangurinn
láta á sér standa. „Menn verða að
sjá ávinning af slíku en ríkisvald-
ið á ekki endilega að hafa gulrót
á lofti - það á ekki að vera nauð-
synlegt að kaupa menn til
skynsamlegra verka,“ sagði
Davíð.
Davíð Oddsson forsætisráð-
herra átti stefnumót í höfuðborg-
inni þannig að fundarmenn fengu
ekki tækifæri til að eiga orðastað
við hann nema í takmörkuðum
mæli eftir framsöguræðu hans.
Jón Guðmundsson á Óslandi
náði þó að beina fyrirspurn að
forsætisráðherra áður en hann
þeysti suður: „Mun Davíð Odds-
son forsætisráðherra standa við
samning um verkaskiptingu ríkis
og sveitarfélaga,“ spurði Jón
Guðmundsson og sagði að löggu-
skatturinn svokallaði væri sveit-
arfélögum erfiður í skauti - sér-
staklega þeim hreppum þar sem
lögreglan sæist aldrei nema þegar
hún sækti skemmtanaskattinn.
Davíð Oddsson sagðist ekki
hafa umboð til að segja að löggu-
skatturinn myndi „ganga til
baka“ við gerð næstu fjárlaga en
hann var lagður á sveitarfélög
með 59. grein laga nr. 1 frá 1992
- bandorminum - í tengslum við
fjárlög þessa árs. GT