Dagur - 19.11.1992, Blaðsíða 16

Láttu okkur dekra við þig ímat og drykk.
Akureyri, fimmtudagur 19. nóvember 1992
VEÐRIÐ
Spáö er hæglætisveðri á land-
inu í dag og má reikna með
frostlitlu með ströndinni en inn
til landsins má búast við tals-;
verðu frosti. Spá Veðurstofu
fslands fyrir Norðurland er í
þessa veruna, spáð sunnan
golu eða breytilegri vindátt,
skýjuðu veðri en að mestu
úrkomulausu.
Heilbrigðisráðuneytið í gær:
Sighvati aflientar
mótmælaundirskriftir
vegna Kristnesspítala
Anna Guðmundsdóttir og
Kolfínna Gerður Pálsdóttir
afhentu í gær Sighvati Björg-
vinssyni, heilbrigðisráðherra,
undirskriftalista vegna málefna
Kristnesspítala. Listana
afhentu þær fyrir hönd Kven-
félagsins Iðunnar í Eyjafjarð-
arsveit, sem stóð fyrir undir-
skriftasöfnuninni, en tæplega
1200 manns skrifuðu á listana.
Yfirskrift undirskriftalistanna
er svohljóðandi: „Við undirrituð
mótmælum eindregið skerðingu á
starfsemi Kristnesspítala, hvort
heldur þjónustu við aldraða eða
að dregið verði úr uppbyggingu
og starfsemi endurhæfingardeild-
ar.“
Safnað var undirskriftum í
Eyjafjarðarsveit, Svalbarðs-
strönd, Ólafsfirði, Hrísey og
Árskógsströnd, en listar lágu
einnig frammi á Dalvík.
í tilkynningu frá kvenfélaginu
Iðunni segir að megn óánægja
ríki í héraðinu með fyrirhugaða
skerðingu á starfsemi Kristnes-
spítala. Verði starfrækslu endur-
hæfingardeildar, þeirrar einu
utan höfuðborgarsvæðisins, hætt
yrði um öfuga byggðastefnu að
ræða. Með flutningi deildarinnar
á höfuðborgarsvæðið yrði sjúkl-
ingum af Norðurlandi gert erfið-
ara fyrir að njóta þjónustunnar,
hún yrði dýrari fyrir þjóðfélagið,
sé allt reiknað. Auk hcldur skap-
ist neyðarástand í málefnum
öldrunarþjónustunnar verði hjúkr-
unardeild spítalans lögð niður.
Framtíð Kristnesspítala er enn
í fullkominni óvissu en svokölluð
Kristnesnefnd, sem gerir tillögur
um framtíð spítalans, kom saman
í gær og mun funda í dag og á
morgun í Reykjavík. JÓH
Kolfínna Gerður Pálsdóttir og Anna Guðmundsdóttir héldu fyrir hönd
kvenfélagsins Iðunnar í Eyjafjarðarsveit tU Reykjavíkur í gærmorgun til að
afhenda heilbrigðisráðherra undirskriftalista vegna málefna Kristnesspítala.
MyndrRobyn
Listagilið á Akureyri:
„Bæjarráð er að fara yfir stöðu
framkvæmda og viðbótarfjárþörf
- segir Sigurður J. Sigurðsson, formaður bæjarráðs
Bæjarráðsmenn og nefndar-
menn menningarmálanefndar
Akureyrar voru á ferð um
Grófargil (Listagil) á Akureyri
sl. þriðjudag, til að kynna sér
framkvæmdir í gilinu sem og
þá listastarfsemi sem þar er
hafín. Bæjarráð vinnur nú að
fjárhagsáætlun næsta árs og
fyrir liggur beiðni frá menn-
ingarmálanefnd um fjárveit-
ingu vegna sýningaraðstöðu íl
Mjólkursamlaginu og frá Gil-
| félaginu vegna frágangs á sam-
l eiginlegu rými og gestavinnu-
stofu.
Guðmundur Ármann Sigur-
jónsson, formaður Gilfélagsins,
; segir að þeir félagar í Gilfélaginu
j leggi ríka áherslu á að fram-
kvæmdum við sameiginlegt rými
í suðurhúsum Listagils ljúki á
árinu 1993. „Við kynntum bæjar-
ráðsmönnum og menningarmála-
nefndinni það fjáröfiunarátak
sem listamenn standa að vegna
Landslagskeppnin á Akureyri:
„Geri mér ekki vonir um að viima“
„Þetta er tæplega tveggja ára
gamalt lag sem ég átti á tölvu-
diski niður í skúffu. Upphaf-
lega var lagið rólegt, en við
útsettum það upp á nýtt með
hraðari takti,“ sagði Akureyr-
ingurinn Trausti Haraldsson, en
hann og Jón Andri Sigurðar-
son eru höfundar lagsins „Til
botns“, sem er eitt af tíu lögum
í úrslitum Landslagskeppninn-
ar 1992 í Sjallanum annað
kvöld. Texti lagsins er eftir
Odd Þorkelsson.
Trausti sagðist lítið hafa feng-
ist við Iagasmíðar, „eiginlega má
segja að ég hafi byrjað af viti í
þessu fyrir einu og hálfu ári
síðan. En Jón Andri hefur dútlað
lengur í þessu,“ sagði Trausti.
„Nei, ég geri mér ekki vonir
um að vinna keppnina,“ sagði
Trausti og hló. „Ég geri mér frek-
ar vonir um að lagið verði útnefnt
athyglisverðasta lag keppninn-
ar,“ bætti hann við.
Trausti sagði að þátttaka í úr-
slitum Landslagskeppninnar væri
þeim félögum mikilvægur stuðn-
ingur til frekari afreka á þessu
sviði. „Fólk tekur frekar mark á
okkur þegar búið er að gefa út
efni eftir okkur.“
Sigrún Sif Jóelsdóttir, 17
ára nemandi við Menntaskólann
á Akureyri, syngur lag þeirra
félaga. Hver er ástæðan fyrir því
að þeir fengu óreynda söngkonu í
þetta erfiða verkefni? „Við áttum
kost á „stærri nöfnum", en við
ákváðum að óþekkt söngkona
myndi syngja lagið og við sjáum
ekki eftir því.“
Allan daginn í gær stóðu yfir
æfingar í Sjallanum á lögunum
tíu, sem keppa til úrslita annað
kvöld. Æfingar halda áfram í dag
og í fyrramálið verður „general-
prufa.“ óþh
framkvæmdanna. Desembervak-
an verður mikill menningarvið-
burður og á að gefa okkur eina
milljón hið minnsta til fram-
kvæmda. Okkur hafa borist að
gjöf um 80 listaverk frá myndlist-
armönnum um allt land, verk
sem verða til sölu í desember. í
raun væru það hálfgerð svik við
þessa velgerðarmenn menningar
á Akureyri ef dráttur yrði á fram-
kvæmdum,11 segir Guðmundur
Ármann.
„Af ferð okkar um Listagil er
ljóst að þeir myndlistarmenn sem
þar hafa hafið störf vinna af
alvöru og hugmyndaauðgi.
Bæjarráð er nú að fara yfir stöðu
framkvæmda í gilinu og áætlanir
um viðbótarfjárþörf vegna hús-
næðis sunnan götunnar. Jafn-
framt erum við að kynna okkur
nýjar kostnaðaráætlanir við
fyrstu aðgerðir norðan götunnar
og óskir menningarmálanefndar
um ráðningu á starfsmanni til að
veita vísi að listasafni forstöðu.
Ekkert af þessu er tekið inn á
fjárhagsáætlun við fyrri umræðu,
en verður tekið upp milli
umræðna. Málið snýst bæði um
nýja stöðuheimild og fjárveiting-
ar í gjaldfærða og eignfærða fjár-
festingu,“ segir Sigurður J. Sig-
urðsson, formaður bæjarráðs
Akureyrar. ój
Húsavík:
Tilboð bárust
Þessi mynd var tekin áður en lag þeirra félaga var æft í gær í Sjallanum. Frá
vinstri Elvý Hreinsdóttir, sem syngur bakraddir, Trausti Haraldsson, Jón
Arnar Sigurðarson og söngkonan Sigrún Sif Jóelsdóttir. Mynd: Robyn.
í Kjarabót
„Það komu tilboð,“ sagði
Orlygur Hnefíll Jónsson, hdl.,
skiptastjóri í þrotabúi mat-
vöruverslunarinnar Kjarabótar
hf. á Húsavík. Tilboðsfrestur i
eignir búsins rann út í gær.
„Það verður verkefni næstu
daga að skoða þetta mál,“ sagði
Örlygur. Hann vildi ekki greina
frá fjölda eða eðli tilboðanna sem
honum bárust en sagði að málin
ættu að skýrast fljótlega. IM
Skipagatal4 -Sími27100
J
Blönduós:
Fyrirhugað að
stækka húsnæði
Særúnar hf.
- til að bæta aðstöðu
starfsfólks
Rækjuvinnslan Særún hf. á
Blönduósi hefur fengið leyfi til
að byggja við húsnæðið. Kári
Snorrason, framkvæmdastjóri
Særúnar, segir að um sé að
ræða bætta aðstöðu starfs-
fólks, en óvíst sé hvenær ráðist
verði í framkvæmdirnar.
„Við eigum von á betri sölu
með því að aðlagast kröfum mark-
aðarins," sagði Snorri Kárason
verkstjóri hjá Særúnu.
Með því á hann við kröfur um
aðstöðu starfsfólks. Um er að
ræða stækkun núverandi húsnæð-
is um 120 fermetra. Skrifstofur
vera færðar til og þannig verður
hægt að loka vinnsluna betur af
fyrir umferð. Kaffistofan verður
einnig færð til á aðra hæð hússins
eins og skrifstofur og mun það
auka rýmið á neðri hæðinni. Með
stækkuninni verður bætt við bún-
ingsklefa og fleira er tengist
aðstöðu starfsfólksins.
Að sögn Kára er kostnaðurinn
um 11 milljónir og teikningar eru
tilbúnar. Hann kvaðst þó ekki
geta sagt til um hvort eða hvenær
yrði ráðist í framkvæmdir, það
færi m.a. eftir því hvenær þeir
hefðu kjark í það.
„Það gengur ekki vel núna,
það er svo lágt verð, pundið er
lélegt. Við ætlum að doka aðeins
við,“ sagði Kári að lokum. sþ
Verslanir á Akureyri:
Opnimartími
í desember
- utan hefðbundins
opnunartíma
Á stjórnarfundi í Kaupmanna-
félagi Akureyrar í vikunni var
ákveðinn opnunartími versl-
ana á Akureyri í desember,
utan venjulegs opnunartíma.
Breytingin frá hefðbundnum
opnunartíma tekur gildi strax 5.
desember en hún er annars þessi:
Laugardagur 5. des. kl. 10.00-16.00
Laugardagur 12. des. kl. 10.00-18.00
Laugardagur 19. des. kl. 10.00-22.00
Miðvikudagur 23. des. kl. 9.00-23.00
Fimmtudagur 24. des. kl. 9.00-12.00
Þá stendur til að hafa opið
sunnudaginn 20. desember en
stjórn Kaupmannafélagsins ætlar
að kanna hug félagsmanna til
þess áður en endanleg ákvörðun
verður tekin. -KK