Dagur - 09.12.1992, Side 14

14 - DAGUR - Miðvikudagur 9. desember 1992
Minning
*=jj=» Guðborg Blöndal Guðmundsdóttir
Fædd 7.10.1926 - Dáin 1.12.1992
Það sækir á hugann að skrifa
nokkur orð um þessa konu, Guð-
borgu, oftast kallaða „Bíbí“, því
okkar kynni urðu nokkuð náin.
Guðborg kom til okkar í vist í
Engimýri haustið 1945, þá 19 ára
gömul, en hún var ættuð úr Döl-
um vestra, hjá okkur kynntist
hún manninum sínum, Birni
Brynjólfssyni, góðum dreng. í
Engimýri fæddi hún sitt fyrsta
barn, því þá fæddu konur enn
heima í sveitinni börn sín. Eng-
inn læknir, en ljósmóðirin hún
Anna Sigurjónsdóttir, svilkona
mín, hafði þær bestu ljósmæðra-
hendur sem ég gat hugsað mér,
traust og sterk. Allt gekk þetta
mjög vel, drengur fæddist og við
glöddumst með móðurinni yfir
þessum nýfædda dreng. Dvöl
Bíbíar með drenginn varð að
heilu ári, en þá fluttu þau Bíbí og
Björn með drenginn til Akureyr-
ar og þar hafa þau búið síðan.
Þau eiga fjögur börn talin í
aldursröð: Hörður, Hrafnkell,
Sveinn og Margrét.
Sá tími sem Bíbí var hjá okkur
í Öxnadal var mjög skemmtileg-
ur og samskipti okkar og hennar
mjög góð. Þessi stúlka hafði
eitthvað svo gott í fari sínu, kát
og létt í lund, þá var hún einnig
afar vinnusöm og vann verk sín
af alúð. Hún var traust vinum
sínum og þakklát fyrir það sem
fyrir hana var gert. Sem lítið
dæmi um það get ég nefnt að um
hver jól kom hún til okkar hjón-
anna með smá jólagjöf. Þessi
ræktarsemi lýsir vel hennar innri
manni.
Bíbí var afar vel greind kona
og hafði gaman af að hjálpa
börnum við byrjunarnám. Eg
man svo glöggt þegar dóttir
okkar, Gunnþórunn, þá á sjötta
ári veturinn sem Bíbí var hjá
okkur, hljóp á eftir henni með
bókina sem hún var að læra að
lesa og bað hana að segja sér til,
henni fannst svo gott að læra hjá
Bíbí enda gekk þetta mjög fljótt
og vel að hún yrði læs. Ekki mun
Bíbf heldur hafa kastað höndum
að því að segja sínum börnum til
við námið. Hún vildi að þau
lærðu eitthvað sem yrði þeim
stoð í lífinu, sjálf hefði hún
gjarnan viljað mennta sig þegar
hún var ung, en það gat nú ekki
orðið.
Oft og mörgum sinnum áttum
við eftir að koma til þessara
ágætu hjóna hér á Akureyri, áður
en við fluttum hingað sjálf.
Ævinlega var okkur tekið opnum
örmum þótt óneitanlega hafi oft
verið þröngt í búi fyrstu árin
þeirra í bænum, og lítið um pen-
inga hjá verkafólki, en hagur
Bíbfar og Bjössa fór síðan batn-
andi með árunum.
Börnunum sínum var hún sönn
og mjög góð móðir, og það sagði
mér nágrannakona hennar í Eini-
lundinum að fátítt væri að sjá
hvernig hún kveddi börnin sín
þegar þau hefðu litið inn til
hennar, „hún fylgir þeim út og
þar kveður hún þau svo hlýtt og
innilega í hvert sinn“. Þeim Birni
hefur lukkast vel sambúðin,
henni og börnunum hefur hann
reynst hinn besti heimilisfaðir,
traustur og hlýr. Nú hefur hann
mikið misst og þau öll. Við hjón-
in vottum þeim innilega samúð.
Guð blessi minninguna um hana
Bíbí okkar.
Margrét H. Lúthersdóttir.
Hve það smáa og fínlega er oft
mikils virði. Skiptir kannski
mestu máli í lífsins amstri. Nú á
jólaföstunni rennur upp fyrir
manni hversu mikilvægur kunn-
ingsskapur okkar Bíbíar Blöndal
var. Aðfangadagur jóla var okk-
ar dagur.
Ég kynntist Bíbí sem nágranna
og móður kærs vinnufélaga míns
þegar ég flutti til Akureyrar fyrir
fimm árum. Viðmótið var hlýlegt
og það var gott að heimsækja
hana. Ekki svo að skilja að við
værum inni á gafli hjá hvort öðru
allan ársins hring. Öðru nær.
Nema á aðfangadag - eftir há-
degið. Þá mætti minn maður í
Einilundinn ásamt tveimur dætr-
um sínum og drakk kaffi með
Bíbí. Og við gáfum okkur góðan
tíma. í mínum huga komu jólin
þarna heima hjá Bíbí.
Aðfangadagur nálgast og hvað
gera bændur þá? Minningin yljar
og víst verður Bíbí ofarlega í
huga þegar jólin ganga í garð.
Blessuð sé minning Guðborgar
Blöndal. Kristján.
Nýjar bækur
Alltaf til
í slaginn
- lífssigling skipstjórans
Sigurðar Porsteinssonar
- Friðrik Erlingsson skráði
Út er komin hjá Vöku-Helgafelli
ævisaga Sigurðar Þorsteinssonar
skipstjóra sem nefnist Alltaf til í'
slaginn. Sigurður hefur lifað við-
burðaríku lífi og siglt um öll heims-
ins höf í hálfa öld. Hann hóf feril
sinn aðeins þrettán ára sem háseti á
togara en hefur verið sjómaður og
farmaður síðan. Hann sat fastur í ís
í viku norður í ballarhafi á Hafem-
inum og vakti allan tímann með
þeim afleiðingum að hann fraus
fastur við brúargluggann; hann
sigldi upp Amazonfljótið á Hvíta-
nesinu á vegum frönsku stjórnarinn-
ar; fór á Sæbjörginni með fjölskyld-
una í hnattsiglingu árið 1969 til að
kynnast henni nánar; kom um borð
í farþegaskip í leit að málningu en
var ráðinn á staðnum sem skipstjóri
í hálft ár; Sigurður keypti nánast af
rælni rannsóknaskipið E.T. sem
kom hingað til lands á haustdögum;
hann var leiðangursstjóri fjömtíu
pólskra togara fyrir norðaustan
Síberíu í fyrra; fór leynilegra erinda
bandaríska hersins til austurhluta
Þýskalands...
Alltaftil í slaginn er 186 blaðsíður
að lengd.
íslensk bók-
menntasaga
Út er komin hjá Máli og menningu
1. bindi íslenskrar bókmenntasögu.
Ritstjóri er Vésteinn Ólason, próf-
essor við Háskóla íslands, en
höfundar þessa bindis auk hans eru
Sverrir Tómasson, fræðimaður við
Stofnun Árna Magnússonar og
Guðrún Nordal, sendikennari við
University College í London.
I þessu 1. bindi er fjallað um upp-
haf menningar og bókmennta í
landinu, um kveðskap fram til 1300,
eddukvæði, dróttkvæði og kristileg
trúarkvæði; um mikinn hluta lausa-
málsverka frá sama skeiði og þó ívið
lengur; veraldlega sagnaritun, trúar-
legar bókmenntir, vísindi og fræði. í
samfelldu máli og lifandi er sagt frá
verkum og skáldum þessa tíma, og
hvort tveggja tengt samfélagi okkar
og sögu og menningarsambandi við
aðrar þjóðir. Höfundar hafa ekki
aðeins leitast við að draga saman
mikinn fróðleik og styðjast hvar-
vetna við nýjustu rannsóknir, held-
ur líka sett efnið fram á aðgengileg-
an hátt.
Hátt á þriðja hundrað mynda er í
bókinni, og hefur Hrafnhildur
Schram listfræðingur annast mynda-
ritstjórn verksins. Auk þess eru í
bókinni ítarlegar skýringar, heim-
ilda- og nafnaskrá.
íslensk bókmenntasaga verður
alls fjögur bindi. Bókin er 625 bls.
og kostar kr. 4.900.
Fjársjóðurinn
í Útsölum
Bókaútgáfan Iðunn hefur gefið út
bókina Fjársjóðurinn í Útsölum eft-
ir Iðunni Steinsdóttur. f kynningu
útgefanda á efni bókarinnar segir:
„Fjársjóðurinn í Útsölum er spenn-
andi ævintýrasaga fyrir börn og
unglinga. Huldar og Björt eru vinir
þótt þau séu ólík. En þegar breyt-
ingar verða í landinu þeirra fellur
skuggi á vináttuna. Aðeins eitt getur
orðið til bjargar: Þau verða að finna
fjársjóðinn...“
Hlín Gunnarsdóttir gerði mynd-
imar í bókinni.
Óðuriim um Evu
Bókaútgáfan Forlagið hefur gefið út
bókina Óðurinn um Evu eftir ítalska
mannfræðinginn Manuelu Dunn
Mascetti. Sr. Hanna María Péturs-
dóttir ritar formála að íslensku
útgáfunni en Guðrún J. Bachmann
þýddi.
í þessari bók er fjallað um hinar
kvenlegu rætur vestrænnar menn-
ingar í því skyni að örva skilning les-
enda á inntaki fornra sagna um
gyðjur og konur.
í kynningu Forlagsins segir: „Sög-
urnar af gyðjunum kenna okkur að
tigna visku, fegurð og styrk hins
kvenlega, í gyðjunum búa eiginleik-
ar sem eiga sér hliðstæður í per-
sónuleika hverrar konu og þannig
verður ferðin um heim gyðjusagn-
anna til þess að dýpka skilning
kvenna á sjálfum sér - til að upp-
götva á ný þá gyðju sem býr í hverri
konu.“
Óðurinn um Evu er 240 bls.,
prýdd tæplega 200 myndum sem
flestar eru í lit. Verð 2.880 kr.
Ódysseifur
Út er komin hjá Máli og menningu
bókin Ódysseifur, I. bindi eftir írska
skáldið James Joyce.
í kynningu frá útgefanda segir
m.a.: „Skáldsagan Ódysseifur
(Ulysses) er án nokkurs vafa fræg-
asta skáldverk 20. aldar. Hún er svo
sérstök í frásagnartækni sinni, lær-
dómi, hispursleysi og útsmoginni
gamansemi, að hún „virkar á
nútímamenn eins og Fjallið eina“
(Halldór Laxness).
Samt gerist ekkert merkilegt: Það
segir frá einum degi í lífi nokkurra
Dyflinnarbúa, nánar tiltekið 16.
júní 1904, frá amstri þeirra, búk-
sorgum, misdjúpum hugsunum og
mismerkum athöfnum. En einhvern
veginn tekst Joyce að flétta saman
örlög þessa „venjulega fólks“ svo úr
hefur orðið ný Hómerskviða um
þann eilífa ferðalang Ódysseif, í
gervi auglýsingasafnarans Leopolds
Blooms, og glímu hans við hinstu
rök mannlegrar tilveru."
Sigurður A. Magnússon þýddi
bókina sem er 391 blaðsíða. Hún
kostar kr. 2.980.
CQA'
Picasso
Út er komin hjá Máli og menningu
listaverkabókin Picasso eftir Dani-
éle Boone. Bókin er gefin út í rit-
röðinni Meistaraverkin.
Pablo Picasso er af mörgum talinn
helsti málari 20. aldar. Hann vakti
ungur athygli fyrir einstæða hæfi-
leika, sem birtast m.a. í áhrifamikl-
um mannlífsmyndum hans frá
„bláa“ tímabilinu svokallaða. Hann
lagði grundvöll að kúbismanum á
fyrsta áratug aldarinnar, mestu
umbyltingu í vestrænni málaralist
síðan endurreisnarmennirnir voru
og hétu.
í bókinni eru 48 litmyndir af verk-
um Picassos. í inngangi um ævi
Picassos, listræna þróun og félags-
legan bakgrunn, er einnig fjöldi
svarthvítra mynda af verkum og
fólki. Aftast í bókinni eru helstu
æviatriði listamannsins rakin í tíma-
röð.
Daniéle Boone er franskur sér-
fræðingur í listasögu.
Mörður Árnason og Árni Óskars-
son þýddu bókina sem er 143 blað-
síður og kostar kr. 2.980.
PICA
Madonna
- án ábyrgðar
Madonna án ábyrgðar heitir ný bók
eftir Christopher Andersen sem
Skjaldborg hefur gefið út.
Þetta er ævisaga hinnar þekktu
söngkonu og leikkonu sem getið
hefur sér orð fyrir hispurslausa
framkomu og neitar að taka tillit til
eins eða neins sem kallast hefð-
bundið, siðlegt eða við hæfi. Bókin
er ekki skrifuð eftir Madonnu
sjálfri, heldur er dregin upp mynd af
henni með lýsingum þess fólks sem
þekkir hana best, ásamt því sem
hún hefur látið hafa eftir sér opin-
berlega við ýmis tækifæri.
f frétt frá útgefanda segir m.a.:
„Það er kannski rétt að taka fram til
að fyrirbyggja hugsanlegan mis-
skilning að í þessari bók er eiginlega
bara ein nektarmynd af söguhetj-
unni. Hér er sem sé ekki á ferðinni
sú nektarmyndabók sem mest hefur
verið í fréttum að undanförnu. Hol-
lenskir hafnarverkamenn stóðu hins
vegar áreiðanlega í þeirri meiningu
þegar þeir rifu upp kassa með þess-
ari bók á hafnarbakkanum. En hér
kynnist lesandinn vel æviferli og
hugsunarhætti þessarar hispurslausu
konu.“
Bókin um Madonnu kostar kr.
2.490.
DALI
Salvador Dali
Út er komin hjá Máli og menningu
listaverkabókin Dali eftir Eric
Shanes. Bókin er gefin út í ritröð-
inni Meistaraverkin.
Salvador Dali á að baki einn lit-
ríkasta listferil aldarinnar. Verk
hans eru bæði mikil að vöxtum og
afar fjölbreytt. f bókinni eru 48 lit-
myndir af verkum Dalis. f inngangi
um ævi Dalis, listræna þróun og
félagslegan bakgrunn, er einnig
fjöldi svarthvítra mynda af verkum
og fólki. Aftast í bókinni eru helstu
æviatriði listamannsins rakin í tíma-
röð.
Eric Shanes er listmálari og gagn-
rýnandi. Hann hefur ritað bækur um
listamenn, flutt fyrirlestra um sögu
nútímalistar á Englandi og í Banda-
ríkjunum og birt greinar um nú-
tímalist í tímaritum.
Ólöf Kr. Pétursdóttir þýddi bók-
ina sem er 141 blaðsíða og kostar
kr. 2.980.
Dansað
við dauðann
Dansað við dauðann heitir nýjasta
bók metsöluhöfundarins Mary
Higgins Clark.
I bókinni auglýsir morðinginn eft-
ir fórnarlömbum í einkamáladálk-
um blaðanna og verður vel ágengt.
Hann auglýsir eftir konum sem hafi
yndi af tónlist og dansi, en dansinn
verður dans við dauðann...
Aðal söguhetjan er ung og falleg
stúlka, Darcy Scott. Og það er ein-
mitt hún sem á að verða næsta fórn-
arlambið.
Skjaldborg gefur bókina út.
Dansað við dauðann kostar kr.
1.990.