Dagur - 17.03.1993, Blaðsíða 4

4 - DAGUR - Miðvikudagur 17. mars 1993
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavík vs. 96-41585, tax 96-42285),
JÓHANN ÓLAFUR HALLDÓRSSON,
ÓLIG. JÓHANNSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauóárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SlMFAX: 96-27639
Stefiian mótuð
í umhverfismálum
Á tímum vaxandi mengunar og umhverfisslysa
af ýmsum toga er mönnum smám saman að
verða ljóst að skeytingarleysi um verndun
umhverfisins getur haft alvarlegar afleiðingar í
för með sér. íslendingar hafa allt of lengi sýnt
umhverfismálum hálfgert tómlæti. Ef til vill staf-
ar þetta andvaraleysi okkar af þeim misskilningi
að mengun sé svo til óþekkt fyrirbrigði hér á
landi og fyrst og fremst vandamál annarra
þjóða. En við erum smám saman að vakna upp
við vondan draum. Að vísu er það rétt að hér á
landi er mengun minni en í mörgum öðrum
löndum en ástæðan er fyrst og fremst sú að
landið er stórt og þjóðin fámenn.
ísland er enn sem komið er víðsfjarri því að
vera fyrirmyndarríki á sviði umhverfisverndar.
Við íslendingar erum almennt fremur fáfróðir
um umhverfisvernd og í raun mörgum árum á
eftir öðrum þjóðum Evrópu á því sviði. Það segir
sína sögu um stöðu mála hér að einungis þrjú ár
eru liðin frá því frumvarp um stofnun sérstaks
ráðuneytis umhverfismála varð að lögum á
Alþingi. Bágt ástand frárennslis- og sorphirðu-
mála talar einnig sínu máli um stöðu okkar á
sviði umhverfisverndar - og ekki síður sú stað-
reynd að hér á landi er endurvinnsla sorps lítið
sem ekkert stunduð.
Ljóst er að ríkisvaldið og sveitarstjórnir hafa
ekki staðið sig sem skyldi í að móta stefnuna,
setja strangari reglur og fylgja þeim eftir. Það er
því engan veginn sanngjarnt að skella skuldinni
á almenning þegar rætt er um slæma stöðu
umhverfismála. Það er til dæmis borin von að
hver og einn taki það upp hjá sjálfum sér að
flokka sorp í heimahúsum í þeim tilgangi að
draga úr umhverfismengun. Frumkvæðið verður
að koma frá stjórnvöldum. Það er því ánægju-
legt að ríkisstjórnin hefur nú samþykkt að láta
gera ítarlega framkvæmdaáætlun sem taki til
helstu þátta þessa víðfeðma og mikilvæga mála-
flokks. Áætlunin á að ná allt til aldamóta og á
gerð hennar að vera lokið um mitt næsta ár.
Markmiðið er að taka ýmsa þætti, er snúa að
umhverfisvernd, mun fastari tökum en nú er
gert og hvetja alla aðilja í þjóðfélaginu til dáða á
því sviði.
Þetta eru afar ánægjuleg tíðindi, því orð eru til
alls fyrst. Við þurfum svo sannarlega að reka af
okkur slyðruorðið. Ef við ætlum að gera ísland
að fyrirmyndarlandi á sviði umhverfisverndar
verðum við að láta hendur standa fram úr
ermum. Markviss stefnumótun stjórnvalda til
langs tíma er stórt skref í rétta átt. BB.
Lesendahornið______________
Níu tillögur
- um hvernig beri að standa að málefnum atvinnulausra á Akureyri
Sá sem þetta ritar er einn af þeim
fjölmörgu sem nú eru atvinnu-
lausir á Akureyri. Ég er ekki sátt-
ur við hvernig haldið er á málefn-
um atvinnulausra í bænum og vil
því koma eftirfarandi tillögum á
framfæri hér í blaðinu.
1. Atvinnuleysingjar á Akur-
eyri ættu að standa að stofnun
sjálfshjálparsamtaka innan sinna
raða og kjósa nefnd í því skyni.
2. Gefa ætti atvinnulausum
tækifæri til að taka hæfileikapróf
(á ensku vocational guidance
test) en þannig mætti komast að
raun um hvernig atvinna hæfði
best hverjum og einum.
3. Eftir að hafa tekið slík próf
ætti að bjóða fólki upp á t.d. eins
árs námskeið hjá VMA, til
endurhæfingar þessa fólks fyrir
vinnumarkaðinn og gera það bet-
ur fært um að nýta hæfileika sína.
Námskeiðin myndu rúmast innan
annars reglulegs náms skólans.
4. Skylda ætti alla atvinnu-
lausa til að fylla út eyðublað þar
sem fram kæmi menntun hvers
og eins og starfsreynsla. Gefa
ætti fólki tækifæri til að koma
þessum upplýsingum á framfæri
við sjálfshjálparhópinn, sem
nefndur er í fyrsta lið hér að
ofan.
5. Akureyrarbær ætti að út-
vega samtökum atvirinulausra
ókeypis skrifstofuaðstöðu og tæki
til að vinna að málefnum og hug-
myndum sem myndast innan
raða atvinnulausra.
6. Meðal þeirra nokkur
hundruð aðila, sem nú ganga
atvinnulausir á Akureyri, er
margt fólk með dýrmæta reynslu
úr atvinnulífinu og sumt líka með
langskólanám að baki. Hvers
vegna ekki að reyna að nýta
þessa krafta?
7. Akureyrarbær ætti að koma
á fót starfshópi í því skyni að
kanna þær hugmyndir sem kæmu
frá samtökum atvinnulausra í
bænum, eða nota núverandi bæj-
arstofnanir til slíkra kannana.
8. Peim peningum, sem koma
frá bænum og Atvinnuleysis-
tryggingasjóði og varið er til
tímabundinna verkefna fyrir til-
tölulega fáa, væri miklu betur
varið til að mennta/endurmennta
atvinnulaust fólk, og til að finna
hæfileika einstaklinganna, sbr. 2.
lið hér að framan.
9. Besta leiðin til að komast úr
þjóðfélagslegri kreppu er að
lækka tekjuskattinn. í þeim að-
stæðum, sem nú ríkja á íslandi,
er rangt að hækka skatta, eins og
gert hefur verið undanfarin ár.
Með því að lækka skatta getur
fólk velt meiri fjármunum út í
viðskiptalífið, sem þá fer að
dafna á ný. Peningarnir koma
hvort sem er aftur til ríkisins í
virðisaukaskattinum. Rétta leið-
in er að létta skattbyrði einstakl-
inganna, svo þeir geti stofnað til
eigin rekstrar eða sameinast um
ný atvinnutækifæri, t.d. á sam-
vinnugrundvelli.
Bæði stjórnvöld, þ.e. ríkið, og
ekki síður bæjarfélögin, verða að
gera sér grein fyrir að einstakl-
ingarnir búa yfir þekkingu og
reynslu til að skapa ný atvinnu-
tækifæri. Hæfileiki þjóðanna og
verðmæti þeirra felast í hæfni
einstaklinganna sem mynda þær.
Atvinnulaus Akureyringur.
Vegagerð á villigötum?
Undanfarið hafa birst athygl-
isverðar greinar í Degi eftir
Brynjólf Brynjólfsson. Hann
viU kippa ýmsu í þjóðfélaginu í
lag. Síðast 9. mars og er þá í
helgreipum lögmanna. Gott
hjá þér B.B! Haltu áfram í
svipuðum dúr!
En það sem kom mér til að
stinga niður penna var vegurinn
suður. Norðan við Pelamerkur-
skóla eru þrjár krappar beygjur
og ein þeirra er stórhættuleg.
Ekki nóg með það, heldur er lát-
inn halda sér melhóll einn, sem
byrgir allt útsýni framundan.
Þessum hól væri auðvelt að ryðja
burtu á skömmum tíma. En svo-
leiðis „stórframkvæmdir“ rúmast
ekki í heiiabúum þessara ágætu
manna sem bæla stólasetur á
skrifstofum Vegagerðarinnar,
heldur er sjálfsagt að bíða eftir
að þarna verði banaslys. Kannski
veldur fjárskortur.
Greinarhöfundur er nýkominn
úr höfuðborgarreisu. Ég dáðist
mjög að vegunum víðast hvar.
Það hefur orðið stökkbreyting á
vegakerfinu. En hvergi sjást eins
skrýtnar framkvæmdir og í Öxna-
dal. í framanverðum dalnum
(einhver myndi segja innanverð-
um) blasa við sjónum margir
breiðir vegir, flestir malbikaðir,
Torlesin leiðabók
Strætísvagna Akureyrar
Mér hefur ekki gengið neitt allt
of vel að ferðast með strætó eftir
að ég flutti til Akureyrar.
Ég hef til dæmis misst af fjór-
um vögnum. Þeim fyrsta vegna
þess að ég var að reyna að finna
út hvenær vagninn kæmi, þeim
næsta vegna þess að honum var
flýtt um 10 mínútur og þeim
þriðja vegna þess að honum var
flýtt um 13 mínútur. Þá ákvað ég
að labba af stað og þá keyrði sá
fjórði fram hjá mér.
Nú hef ég gert lista, sem ég er
fljótari að lesa en leiðabókina.
Þar sem ég hef heyrt að ég sé
ekki sú eina, sem er lengi að lesa
leiðabókina, býð ég öðrum afnot
af þessum þó ófullkomna lista
yfir áætlaða komutíma strætis-
vagnanna að Sunnuhlíð.
Vandamálið er að ég skil ekki
alveg hina svonefndu „appelsínu-
gulu leið“ samkvæmt leiðabók-
inni. Þar stendur: „Ekið frá Þór-
unnarstræti á klukkustundarfresti
mánudaga til föstudaga, frá kl.
7.40-10.40 og 18.40-23.40. í ferð
kl. 12.40 er ekki ekið um Odd-
eyri í bakaleið." (!)
Með von uin betri leiðabók,
Hadda.
klst. mín.
6 47.
7 15. 39.
8 05. 39.
9 05. 25.
10 05. 25.
11 05. 20., 25., 52.
12 20. 25., 42.
13 07. 25., 52.
14 20. 25., 52.
15 20. 25., 52.
16 20. 25., 52.
17 20. 25., 52.
18 20. 25.
19 05. 25.
20 05. 25.
21 05. 25.
22 05. 25.
23 05., 25.
24 05., 25.
Áætlaður anna að „leiðabók“ komutími Sunnuhlíð, bréfritara. strætisvagn- samkvæmt
hlið við hlið. Þá eru ótaldar allar
brýrnar, sem una sér vel í félags-
skap stallsystra sinna, því fjöldi
brúa er á ánum með fárra metra
millibili. Ég ann Öxndælingum
alls hins besta, en hvaða tilgangi
þjóna allir þessir vegir og allar
þessar brýr, sem eru að fylla dal-
inn fagra, sem eitt sinn var ort
um „Þar sem háir hólar". í dag
mætti segja „Þar sem breiðir veg-
ir hálfan dalinn fylla" o.s.frv. Nú
eru allt í einu til nógir peningar.
Mér virðist að í framkvæmdum
þessum hafi gætt ótrúlegrar
skammsýni. Vegur er byggður á
snarvitlausum stað. Eftir 2-3 ár er
hann talinn óviðunandi og nýr
byggður. Brýr eru byggðar, stjóm-
laust, og standa nú eins og hrá-
viði út um alla sanda. Aldrei er
hugsað lengra en til næsta árs. Er
þetta að fara vel með fé skatt-i
borgara ísienska ríkisins? Spyr sá
sem ekki veit. Hvenær skyldu
opnast augu vegagerðarmanna til
að sjá lengra en niður fyrir nafl-
ann á sjálfum sér?
101024-2109
Hver orti?
Hér með er óskað eftir upplýs-
ingum um hvaða skáld orti
ljóðið, sem endar á eftirfarandi
línum:
Hér verð ég við heiminn sáttur,
hjartað slær í þakkargjörð,
þar sem góðra guða máttur
gekk á land við Eyjafjörð.
Hvað heitir ljóðið og hvernig er
það í heild?
Með fyrirfram þökk fyrir
svörin, sem ég bið lesendur að
senda mér bréflega eða símleiðis,
Guðmundur Benediktsson frá
Breiðabóli, nú Hörg Sval-
barðseyri, sími 96-25217.
Pennaviiiir óskast
Ég er 23 ára að aldri, nemandi í
félagsfræði og landafræði við
Parísarháskóla. Heillaður er ég
af íslandi og óska því eftir penna-
vini á Akureyri, helst konu á
aldrinum 18 til 30 ára, sem getur
frætt mig um daglegt líf á landinu
í norðri.
Alain Lutic,
6 Rue René Sahors,
92170 Banves,
France