Dagur - 11.06.1994, Blaðsíða 4
4 - DAGUR - Laugardagur 11. júní 1994
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SlMI: 96-24222 • SÍMFAX: 96-27639
ÁSKRIFT M. VSK. KR. 1400 Á MÁNUÐI • WUSASÖLUVERÐ M. VSK. KR. 125
GRUNNVERÐ DÁLKSENTIMETRA 765 KR.
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
FRÉTTASTJÓRI: KRISTJÁN KRISTJÁNSSON
UMSJÓNARMAÐUR HELGARBLAÐS: STEFÁN SÆMUNDSSON
AÐRIR BLAÐAMENN: GEIR A. GUÐSTEINSSON,
HALLDÓR ARINBJARNARSON.(lþróttir),
INGIBJÖRG MAGNÚSDÓTTIR (Húsavlk vs. 96-41585, fax 9642285),
STEFÁN SÆMUNDSSON, ÞÓRÐUR INGIMARSSON.
LJÓSMVNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRl'MANN FRÍMANNSSON
DREIFINGARSTJÓRI: HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
„Heilsusprenging“
áíslandi
Á síðustu árum hefur orðið „ heilsusprenging “ á ís-
landi. Fólk hugsar æ meira um útivist og holla
hreyfingu og líkamsræktarstöðvarnar eru yfirfullar
árið um kring. Landinn hefur tekið líkamsræktina
með trompi eins og annað sem hann tekur sér fyrir
hendur.
Hlaup hafa átt vaxandi vinsældum að fagna og
nægir þar að nefna Reykjavíkurmaraþon, Krabba-
meinshlaup, Landsbankahlaup og Akureyrarmara-
þon. Að hlaupa er vitaskuld mjög góð hreyfing en
hinu má ekki gleyma að gangan er ekkert síður
heppileg.
Danskur læknir skrifaði skemmtilega grein í
danskt tímarit á sl. ári um gildi þess að ganga.
Greinin er birt í lauslegri þýðingu í Félagstíðindum
Starfsmannafélags ríkisstofnana.
Danski læknirinn bendir á að við það að ganga
rösklega 1 km brenni viðkomandi jafnmörgum hita-
einingum og sá sem hleypur þessa vegalengd.
Hann segir að besti árangurinn náist með nokkuð
hraðri göngu eða 6-7 km á klukkustund. „Það hefur
verið mælt að maður sem er 70 kg að þyngd og
gengur rösklega í 45 mín í einu fjórum sinnum í
viku, losar sig við 8 kg á ári. Þetta er því mjög heil-
brigð aðferð við að létta sig þar sem fituvefir hverfa
smátt og smátt og breytast í vöðva,“ segir læknir-
inn í grein sinni.
Það er staðreynd að þegar fólk kemst upp á lagið
með reglulega hreyfingu, hvort sem hún felst í því
að ganga, hjóla, synda, spila golf, hlaupa eða gera
eitthvað annað, þá verður hún að ástríðu sem erfitt
er að vera án. Hún verður ómissandi hluti hins dag-
lega amsturs. Spurningin er einungis sú að drífa sig
af stað.
Svo aftur sé vitnað til orða danska læknisins:
„Eins og öll hreyfing hefur ganga góð áhrif á sálar-
lífið. Þegar gengið er úti í fersku lofti, þá losnar
maður við deyfð, innbirgða reiði, áhyggjur og
streitu ásamt höfuðverk sem hún veldur. “ í þessum
orðum felst mikill sannleikur. Væri ekki upplagt að
sleppa því að fara á bílnum í vinnuna í sumar og
nota þess í stað tvo jafnfljóta?
í UPPÁHALDI
Ingibjörg Ólafsdóttir, knattspyrnukona:
Landsleíldr í sumarfrunu
nattspyrnu- og
handknatt-
leikskonan
Ingibjörg Ól-
afsdóttir frá
Akureyri œtl-
ar að þessu sinni að upplýsa
lesendur Dags um ýmislegt
sem hún heldur uppá. Ingi-
björg hefur um árabil vakið
athygli fyrir frammistöðu
sína á íþróttavellinum og
ekki eru mörg ár síðan eitt
af stœrstu íþróttafélögum
landsins sá ástœðu til að
kcera hana fyrir að spila
með strákunum.
Ingibjörg leikur hand-
bolta með KA á veturna en
fótbolta með ÍBA á sumrin.
Hún er í lykilhlutverki hjá
meistaraflokki ÍBA um
þessar mundir og hefur ver-
ið iðin við að skora í sumar.
Hún er einnig í landsliði
kvenna U-16 ára en Norð-
urlandamót í þessum ald-
ursflokki fer einmitt fram á
Norðurlandi síðar í mánuð-
inum.
Hvað gerirðu helst í frístundum?
„Hvað dettur þér helst í hug?
Ætli það séu ekki íþróttimar."
Hvaða matur er í mestu uppálialdi
hjá þér?
„Eg heid rnikið upp á pasta“.
Ingibjörg Ólafsdóttir.
Uppáhaldsdrykkur?
„Frissi fríski“.
Ertu hamhleypa til allra verka á
heimilinu?
„Þcgar ég cr_ hcima er ég
nokkuó duglcg. Eg vinn frá níu
til hálf sjö og fer þá á æfingu.
Þaó er því ílest búið þegar ég
kem heim.“
Er heilsusamlegt líferni ofarlega á
baugi hjá þér?
„Já, af skiljanlegum Istæó-
um.“
Hvaða blöð og tímarit kaupir þú?
„Ég kaupi engin blöð sjálf en
mamma og pabbi kaupa DV.“
Hvaða bók erá náitborðinu hjá þér?
„Engin.“
Hvaða hljómsveit/tónlistarmaður er
í mestu uppáhaldi hjá þér?
„Eigum vió ckki bara að scgja
Bubbi Mortcns.“
Uppáhaldsíþróttamaður?
„Þcssi er nokkuð crfið. Ætli
það sé ekki Baggio í ítölsku
knattspymunni.“
Hvað horfir þú mest á ísjónvarpi?
„íþróttir."
A hvaða stjórnmálamanni hefurðu
mest álit?
„Ingibjörgu Sólrúnu nöfnu
minni."
Hvará landinu vildirðu helst búa ef
þú þyrftir að flytja búferlum nú?
„Ég mundi velja Breiðdalinn
en þar fæddist ég.“
Hvaða hlut eða fasteign langarþig
mest til að eignast um þessar mund-
ir?
„Eg vildi gjaman eignast bíl
fyrir næsta ár þcgar ég fæ bíl-
prófið."
Hvernig cetlar þú að verja sumar-
leyflnu?
„Það cr spurning hvort ég fæ
eitthvert sumarfrí. Vikuna sem
ég tck frí er ég að spila mcð
landsliöinu og því verður líklega
lítið um frí.“
Hvað œtlarðu að gera um helgina?
„Það er óráðið. Hugsanlega
verður landsliðsæfing en annars
ætla ég bara að slappa af og sofa
út.“ HA
DANMERKURPISTI LL
ÁSÚEIR PÁLL JÚLÍUSSON
Leíkið á óttann.J
Undanfarnar vikur hafa fjölmiölar
í Danmörku verið uppfullir af bar-
áttu stjórnmálamanna um sæti á
Evrópuþinginu. Gengið var að
kjörborðinu 9. júní en úrslita er
ekki að vænta fyrr en eftir heigina.
Með nýafstaðnar kosningar til
bæjar- og sveitarstjóma á íslandi í
huga hefur verið fróðlegt að
fylgjast með kosningabaráttu
danskra frambjóðenda til Evrópu-
þings. Þó stærðarhlutföllin séu
mismunandi er margt líkt með
skyldum.
Danir eiga sína fulltrúa á þing-
inu eins og önnur aðildarríki, þó
þingmenn Dana séu nokkuð færri
en þingmenn hinna stærri þjóða.
Enda finnst mörgum að Danir séu
komnir í það hlutverk sem íslend-
ingar töldu sig í fyrr á öldum: Fá-
ir, fátækir og smáir. Miðað við að
Evrópuþingmenn eru tæpleg 600,
virðist slagkraftur Dana með 16
menn næsta lítill. Hart er barist
um þessi 16 sæti, enda fylgja
þingmennskunni ýmis fríóindi og
vegsauki - svo ekki sé minnst á
völd fyrir þann stjórnmálaflokk
sem vinnur sætin.
Danskir pólitíkusar hafa reynt
málefnalega umræðu um mál sem
varða þátttöku þeirra í Efnahags-
bandalaginu. Það kom þó fljótt í
ljós að almenningur virtist missa
áhugann á umræðunni í takt við
að hún varð málefnaleg. Eins og
haft var eftir 18 ára pilti sem tek-
inn var tali í sjónvarpsfréttum:
„Ég horfði á umræðuþáttinn en
hann var svo hundleiðinlegur að
ég man ekki um hvað var rætt“.
Allir misstu áhugann og stjórn-
skörungarnir það sem þeir lifa af -
áheyrendurna.
Til þess að ná eyrum almenn-
ings hefur verið iðkaður af kappi
sá leikur sem mögum stjórnmála-
mönnum virðist tamastur. Að
vekja ótta kjósenda við að ef nið-
urstöður kosninganna verða ckki
einmitt þeim í vil verði allt verra
en það er núna. Sjaldan eða aldrei
hefur verið leikið jafn ötullega á
besta aóstoðarmann atkvæðaveið-
arans - óttann - en fyrir þessar
kosningar. „Hugsaðu þér bara
hvemig ástandið væri ef...? Hvað
heldurðu að gerist með atvinnuna
þína ef...?“
Ottinn við aö missa völd til
Evrópuþingsins er helsta vopn
andstæðinga að aðild Dana að
EBE en óttinn við að heltast úr
lestinni, missa ítök og völd er lif-
andi og góð grýla í herbúðum
EBE-sinna.
En allir leika þeir á ótta al-
mennings viö óskiljanlegt bákn,
sem sumir segja að enginn ráói
við, og aðrir segja að vinni eins og
hugur manns ef Danir halda sig að
eldinum og reyna ekki að draga
sig í hlé frá evrópska taflinu.
Andstæðingar EBE hafa það
alveg á hreinu að Evrópuþingið er
ekki starfi sínu vaxið. Þingið er
tákngerfingur staðnaðs skrifræðis,
spilling og sóun fjármuna ríður
húsum, ekkert tiilit er tekið til ein-
staklinga, þingmenn og stjórnend-
ur eru ekki í neinum tengslum við
umbjóðendur sína og stjórna án
tillits til vilja og óska Evrópubúa
o.s.frv.
A sama hátt hafa stuðnings-
menn EBE í Danmörku það á
hreinu að Danmörk væri sennilega
á barmi gjaldþrots ef ekki kæmi
aðild að bandalaginu, lífskjör
væru engan veginn sambærileg
við það sem gengur og gerist í
dag. Atvinnuleysi væri enn meira
en það er í dag (og er þó mikið
fyrir) og danskur landbúnaður
heyrói sögunni til ef ekki kæmu til
milljarða niðurgreiðslur frá EBE.
Þegar ofan á þessa rökfærslu
stjórnmálamanna bætist að kosn-
ingafundir þeirra eru kryddaðir
með töframönnum sem koma og
sýna listir sínar, teygjuhoppi,
karaokesöng, hestakerruferðum og
öórum uppákomum spyr maður
sig: Hvernig á venjulegt fólk að fá
haldbærar og sannferóugar upp-
lýsingar um ástand og horfur í
Evrópumálum, þegar umræðan er
ekki málefnalegri en þetta?
Hvernig sem á það er litió, er
gengið til lýðræðislegra kosninga.
En upplýsingarnar til kjósenda
byggjast á grýlum sem ekki er vit-
aó hvort eru til og skrípaleikjum
til aó lokka fólk til að hlusta á
draugasögur um eigin kosti og
galla andstæðinganna.
Helsti styrkur lýðræðisins ligg-
ur einmitt í hugtakinu. A kjördcgi
er síóasta kjörtímabil gert upp,
dómurinn fellur og sigurvegarar
kosninga standa með pálmann í
höndunum. Almenningur ræður
hver ræður. í því liggur styrkur
lýðræðisins. Versti óvinur þess og
jafnframt helsti andstæóingur lýö-
ræðisins er einmitt sigurvopn sér-
hvers pólitíkusar sem ekki á sér
aðra bandamenn en óttann. í því
liggur helsti veikleiki lýðræðisins.
Og það á jafnvel við um kosn-
ingar til Evrópuþings og kosning-
ar til bæja- og sveitastjórna á Is-
landi.