Dagur - 23.09.1995, Page 12

12 - DAGUR - Laugardagur 23. september 1995
I VINNUNNI HJÁ LAUFEYJU JÓNSDÓTTUR
Alltaf þótt gaman að vinna í frystihúsinu
Laufey Jónsdóttir hefur unnið
hjá Fiskiðjusamlagi Húsavíkur í
tæp tuttugu ár eða síðan um
áramótin 1975-6, með nokkrum
hléum þó. Hún er sérhæfður
fiskvinnslumaður en í rúmlega
tvö ár hefur hún starfað sem að-
stoðargæðastjóri.
Starfsvið Laufeyjar er að sjá
um eftirlit sem felst í að fylgjast
með vörunni frá því hún kemur í
hús og þangað til hún er komin í
frost. „Ég þarf að taka hitaprufur,
vigtarprufur og tékka á því hvort
varan fullnægi þeim kröfum sem
gerðar eru. Ég fylli sjálfsagt út ein
10-20 eyðublöð á dag,“ segir
Laufey og hlær við.
En hvernig skyldi dæmigerður
vinnudagur ganga fyrir sig hjá
Laufeyju?
„Ég byrja á morgnana að tékka
á því hvort allt sé í lagi. Ég þarf
t.d. að taka hitaprufu og klórprufu.
Síðan fer ég að athuga ýmislegt
eins og hvort bitamir séu rétt
skornir og annað slíkt. Þetta er
eins konar rútína. Þegar vinnslu
lýkur þarf ég að ganga frá öllum
pappírum, reikna út hvernig dag-
urinn hafi komið út og hver galla-
staðan sé. Ef mikið er af göllum
þarf ég að tala við fólkið sem er
að vinna og biðja það um að passa
sig á að gera þetta rétt. Það fer
svolítið eftir hvað við erum að
gera hverju sinni hvemig dagurinn
líður.“
Fjölskylduvænt starf
- Hverjir eru helstu kostimir við
þessa vinnu?

Laufey Jónsdóttir vinnur sem aðstoðargæðastjóri hjá Fiskiðjusamlagi Húsavíkur.
„Ég er nú svo skrýtin að mér
hefur alltaf fundist gaman að
vinna hér í frystihúsinu. Kosturinn
við að vinna hér er kannski sá að
þó bömin séu lasin eða ef ég þarf
að sinna einkamálum, þarf ég ekki
endilega að fá einhvern fyrir mig.
Að því leyti er þetta fjölskyldu-
vænt starf og maður er ekki eins
bundinn eins og í þjónustugrein-
unum til dæmis.“
- Hvað með gallana?
Milli 70 og 80 manns vinna í
Fiskiðjusamlaginu og segir Lauf-
ey að vinnuandinn geti verið
nokkuð misjafn. Starfið hjá þeim
sem vinni bara í snyrtingu geti
verið einhæft en hjá henni sé aðal
gallinn við starfið sá að stundum
hafi hún áhyggjur af að geta ekki
séð fyrir öllu. „Ég Þarf t.d. að
passa upp á að þrif séu í lagi og
fleira. En starfsfólk tekur mér
yfirleitt afskaplega vel ef ég er
eitthvað að finna að, enda getur
auðvitað öllum yfirsést. Það er
samt svolítið stressandi ef mikið
er af göllum og ég þarf að fara
margar ferðir og kvarta og hlutirn-
ir lagast samt ekki. Andinn í hús-
inu verður líka leiðinlegur ef gall-
arnir eru allt of margir."
Ekki unnið eftir fímm
- Hvemig er vinnutíminn í frysti-
húsinu?
„Við byrjum klukkan sex tvo
daga í viku en annars er unnið frá
átta til fimm. A álagstímum eins
og á vorin eða í aflahrotum er
unnið meira og getur verið þannig
að unnið sé frá sex á morgnana til
fimm á daginn alla virka daga og
einnig frá sex til tólf á laugardög-
um. En við vinnum yfirleitt ekki
eftir fimm heldur byrjum frekar
sex á morgnana.“
- Hvað með launin?
„Laun fiskvinnslufólks eru
náttúrulega léleg en bónusinn lyft-
ir þeim upp. Hann er hinsvegar
sveiflukenndur. Ég er komin á
föst laun í þessu gæðastjórastarfi
sem ég er í núna þannig að ég hef
aðeins betri, eða alla vega tryggari
laun. Þær sem eru í snyrtingunni
geta farið upp í sömu laun ef vel
gengur með bónusinn," segir
Laufey og bætir við að hæsti
mögulegi taxti hjá fiskvinnslufólki
sem búið sé að starfa í 10 ár sé
312 krónur á tímann. Þar við bæt-
ist síðan bónusinn sem sé sveiflu-
kenndur en meðaltalið á síðasta
ári var í kringum 170 krónur á
tírnann að hana minnir.
Laufey segir að mikill kurr sé í
fólki út af hækkunum alþingis-
manna, sérstaklega vegna 40 þús-
und krónanna sem eru skattfrjáls-
ar. „Fólki hér finnst þessi hækkun
fyrir neðan allar hellur eins og ég
held að fólki í þjóðfélaginu finnist
reyndar almennt.“ AI
MATARKRÓKUR
Réttir frá Englandi og Danmörku
Vilborg ásamt strákunum sínum Ægi og Ara.
Mynd: AI
Vilborg Oddsdóttir er með uppskriftir
í Matarkróknum í dag. Vilborg býr á
Akureyri og vinnur sem félagsráð-
gjafi á Svœðisskrifstofu fatlaðra. Hún
á þrjú börn; 17 ára steipu sem heitir
Tinna, Ægi, sem er þriggja ára, og
11 mánaða snáða sem heitir Ari. Þeir
Ægir og Ari eru með mömmu sinni á
myndinni.
Uppskriftirnar hennar Vilborgar
eru allar frá Danmörku neina
Beikon- og baunapottrétturinn sem er
frá Englandi en maðurinn hennar er
enskur. Vilborg segir að þetta séu
réttir sem hún geri gjarnan þegar
gestir komi í heimsókn enda taka þeir
nokkurn tíma. Pottrétturinn þarf t.d.
að vera 2 tíma og 20 mínútur í ofni.
Nœsti kokkur í Matarkróknum
verður Vincet Newman sem er Eng-
lendingur en hefur búið á Akureyri í
fjölda ára. „Hann gefur mér oft góð-
ar ráðleggingar í sambandi við enska
matargerð og býr til mjög góðan
mat, “ segir Vilborg.
Frönsklaukbaka
Deig:
3‘A dl hveiti
100 g smjög eða smjörlíki
1 eggjarauða
3 msk. kalt vatn
Fylling:
5 stórir laukar
2 msk. smjör
3 egg
50 g rifinn ostur (líka gott að nota
parmesan)
pipar, salt og muskat
Deig: Smjöri og hveiti blandað
saman. Eggjarauðu og köldu vatni
bætt út í. Deigið er hnoðað og lagt til
hliðar á köldum stað í eina klukku-
stund. Deigið er síðan flatt út og sett í
tertuform. Passið að deigið nái vel
yfir kantana á forminu.
Fylling: Laukurinn saxaður smátt
og steiktur í smjöri í 10 mínútur. At-
hugið að ekki má hafa mikinn hita
því laukurinn má ekki verða brúnn.
Blandið eggjum, osti og kryddi sam-
an við laukinn og heilið í formið.
Bakið í ofni á 200 °C í 40 mínútur og
hafið ristina neðarlega í ofninum.
Heitt sveppapaté
Fyrir 4-6
1 dl hrísgrjón
'/ kg sveppir (brytja gróft)
3 meðalstórir laukar (fínt saxaðir)
1 hvítlauksrif (fínt saxað)
50 g hasselhnetuflögur
1 tsk. timjan
50 g smjör
2egg
Vt rjómi
2 tsk. gróft salt
pipar
Sjóðið hrísgrjónin eftir leiðbein-
ingum á pakka. Kælið þau. Blandið
sveppum, lauk, hvítlauk, hasselhnet-
um og timjan kryddi saman. Steikt
upp úr smjöri (ath! þarf að skipta í
tvo hluta og steikja í sitt hvoru lagi).
Hellið í skál og blandið hrísgrjónum í
ásamt eggjum, rjóma, salti og pipar.
Hrærið vel saman. Sett í smurt eld-
fast mót og bakað í 60 mínútur á
175°C.
Borið fram með salati og brauði.
Er einnig mjög gott kalt.
Beikon- og bauna-pottréttur
2 msk. olía
450 g beikon (skorið í bita)
3 laukar (fínt saxaðir)
2 hvítlauksrif (fínt söxuð)
1 rauð paprika (skorin í bita)
1 dós nýrnabaunir (kidney)
1 dós niðursoðnir tómatar
1 tsk. oregano
Kjúklingakraftur leystur upp í 4,5 dl
afvatni
salt, pipar, steinselja
Beikonið steikt í olíu og sett í eld-
fast mót. Laukurinn, hvítlaukurinn og
paprikan steikt og sett í mótið ásamt
baunum, tómötum, kjúklingakrafti og
oregano. Salti og pipar bætt útí. Sett í
200°C heitan ofn f 20 mínútur. Þá er
hitinn lækkaður í 150°C og rétturinn
bakaður áfram í 2 tíma. Steinselju
stráð yfir áður en borið er fram.
Borðað með hrísgrjónuin og
brauði.
Ath! Má nota nýrnabaunir sem
hafa legið í bleyti yfir nótt í stað
baunadósa.
Toska eplakaka
Eftirréttur
Deig:
250 g hveiti
225 g smjör eða smjörlíki
2-3 msk. kalt vatn
4-5 epli
Glassúr:
100 g smjör
75 g sykur
2 msk. hveiti
60 g hnetur eða saltlmetur
Hveiti og smjöri blandað saman
og vatni bætt við. Deigið hnoðað og
látið í kæli í 'á tíma. Flatt út og sett í
form. Skerið 4-5 epli í sneiðar eða
báta og raðið á deigið.
Setjið hveiti, sykur, smjör og
hnetur í pott og látið suðu koma upp.
Glassúmum hellt yfir eplin. Bakað í
45 mfnútur við 200°C.
Berið fram með sýrðum rjóma.
AI