Dagur - 25.10.1995, Síða 1

78. árg.
Akureyri, miðvikudagur 25. október 1995
205. töiubiað
Skandia
Lifandi samkeppni
W - lœgri iðgjöld
Geislagötu 12 • Sími 461 2222
Samband sveitarfélaga á
Norðurlandi vestra:
Stofnað verði
embætti skóla-
fulltrúa og þrjár
skólaskrifstofur
INorðurlandskjördæmi vestra,
líkt og víðast annarsstaðar, er
komin á fullan skrið vinna til
undirbúnings á flutningi grunn-
skólans frá ríki til sveitarfélaga.
Að undanförnu hefur Samband
sveitarfélaga á Norðurlandi
vestra staðið fyrir fundum í
kjördæminu þar sem þessi mál
eru til umræðu. Hugmyndin er
að stofna embætti skólafulltrúa,
sem þjóni öllu kjördæminu og
einnig verði settar á fót þrjár
skólaskrifstofur, sem starfi sjálf-
stætt og lúti ekki sameiginlegri
yfirstjórn.
„Við höfum verið að ræða
möguleika á samstarfi allra sveit-
arfélagana á Norðurlandi vestra
og þar er hugmyndin um svokall-
aðan skólafulltrúa. Við höfum sett
þriggja manna nefnd í að
kortleggja verksvið þessa skóla-
fulltrúa og hugmyndin frá SSNV
er að hann verði staðsettur á
Blönduósi. Skólafulltrúinn verði
einhvers konar endurútgáfa af
fræðslustjóra og með svipað verk-
svið, hugsi fyrst og fremst um
heildar skipulagið og haldi hlutun-
um saman,“ sagði Björn Sigur-
björnsson, formaður Sambands
sveitarfélaga á Norðurlandi vestra.
Hann segir menn einnig hafa
verið að ræða að jafnframt verði
settar upp þrjár sjálfstæðar skóla-
skrifstofur, eða þjónuststöðvar
fyrir nemendur. Gert sé ráð fyrir
að þær verði á Blönduósi, Sauðár-
króki og Siglufirði. „Við erum að
vona að það náist samstaða um
eina skrifstofu sem þjóni Skaga-
firði og þeim 800 nemendum sem
þar eru, aðra skrifstofu á Blöndu-
ósi sem þjóni þeim 700 nemend-
um sem eru í Húnavatnssýslum og
þriðja skrifstofan verði á Siglu-
firði með 300 nemendur, en Sigl-
firðingar eru þannig landfræðilega
settir að þeir vilja gjaman reyna
að þjónusta sig sjálfir eins og
hægt er.“
Björn segir að þessir þjónustu-
kjarnar gætu á hugsanlega ein-
hvern hátt tengst félagsmálasviði
viðkomandi sveitarfélaga, eins og
l.d. bamavemdarmálum. „Það er
reyndar mjög opið og hefur ekki
verið sérstaklega rætt hvemig sú
tenging gæti orðið. En maður get-
ur vel látið sér detta í hug að þetta
tvennt geti legið einhversstaðar
saman. Rótin að vanda nemenda
sem á í erfiðleikum í skólanum
liggur oft utan skólans, gæti t.d.
legið hjá fjölskyldunni og þama
slær saman tveimur sviðum, fé-
lagsgeira sveitarfélagsins og
skólamálageiranum. Okkur finnst
því eðlilegt að skoða hvort hægt
sé að samnýta eitthvað af þeim
starfskrafti og skrifstofuplássi sem
sveitarfélögin þurfa að reka,“
sagði Björn. HA
Á opnu húsi í Menntasmiðjunni
Eins og komið hefur fram voru í gær 20 ár liðin frá
því að konur héldu kvennafrídaginn hátíðlegan um
allt land. Þessara tímamóta minntust konur á Akur-
eyri í gær, annars vegar með opnu húsi í Mennta-
smiðju kvenna í gær og hins vegar baráttu- og há-
tíðarfundi í Deiglunni í gærkvöld þar sem flutt
voru ávörp og ýmis skemmtiatriði voru í boði. Um
hið talaða orð í Deiglunni í gærkvöld sáu Aðal-
heiður Sigursveinsdóttir, Sigfríður Þorsteinsdóttir,
Guðrún Agnarsdóttir og Auður Hjörleifsdóttir.
Greint verður frá fundinum í Deiglunni í blaðinu á
morgun.
Meðfylgjandi mynd var tekin á opnu húsi í
Menntasmiðju kvenna á Akureyri í gær og eins og
sjá má voru konurnar á fremur þjóðlegum nótum.
óþh/Mynd: BG
Kelduneshreppur:
Oviðkomandi
bonnuð rjupnaveiði
Bróðurpartur landeigenda í
Kelduneshreppi í Norður-
Þingeyjarsýslu, 34 aðilar, hefur
bannað öllum óviðkomandi
rjúpnaveiði á jörðum sínum.
Einnig er bönnuð veiði á Ás-
heiði, afréttarlandi í eigu Keldu-
neshrepps, og sömuleiðis er öll
rjúpnaveiði bönnuð innan þjóð-
garðsins í Jökulsárgljúfrum.
Haraldur Þórarinsson, í Kvist-
ási í Kelduhverfi, segir að þetta sé
víðtækasta rjúpnaveiðibann sem
hann muni eftir á þessum slóðum
og hann orðar það svo að þátttaka
landeigenda hafi farið fram úr
björtustu vonum.
En af hverju skyldu landeig-
endur í Kelduneshreppi banna
óviðkomandi rjúpnaveiði? Harald-
ur svarar því svo til að menn séu
sammála um að lítið sé um rjúpu á
þessum slóðum. Þess vegna hafi
menn orðið sammála því að draga
úr veiðinni eins og kostur er.
óþh
Staða aðstoöarprests verður
auglýst laus til umsóknar
Staða aðstoðarprests í Akureyrarprestakalli verður
fljótlega auglýst laus til umsóknar og að öllu
óbreyttu verður búið að ráða í stöðuna fyrir jól. Um er
að ræða stöðu þá sem sr. Þórhallur Höskuldsson
gegndi, en hann lést 7. október sl. Samkvæmt núgild-
andi lögum eru ekki lengur til tvímenningsprestaköll,
en séu sóknir það stórar að tvo presta þurfi til þjón-
ustu, skal annar þeirra vera sóknarprestur og hinn að-
stoðarprestur. Sr. Birgir Snæbjörnsson verður eftir sem
áður sóknarprestur í Akureyrarprestakalli og aðstoðar-
prestur verður ráðinn við hlið hans. Lögum samkvæmt
er hægt að ráða aðstoðarprest til allt að Ijögurra ára.
Á fundl aðal- og varamanna í sóknamefnd Akureyrar-
kirkju sl. mánudagskvöld var samþykkt að fara þess á leit
við Biskupsstofu að auglýsa stöðu aðstoðarprests. Á fund-
inum var ítarlega rædd sú hugmynd að skipta Akureyrar-
sókn í tvær sóknir og ráða í stöðu sóknarprests, en niður-
staðan var sú að ráða aðstoðarprest. Guðríður Eiríksdóttir,
formaður sóknarnefndar, segir að engu að síður hafi sókn-
arnefnd ákveðið að skipa nefnd sem falið verði að kanna
kosti þess og galla að skipta Akureyrarsókn í tvær sóknir.
Hún nefndi í þessu sambandi að sóknarbörn í Akureyrar-
prestakalli væru á níunda þúsund og í lögum væri ákvæði
þess efnis að sóknum sem telji átta þúsund sóknarbörn
skuli að jafnaði skipt í tvær sóknir. „Við viljum flýta okk-
ur hægt í þessu máli og þess vegna teljum við rétt að
kanna ítarlega kosti þess og galla að skipta sókninni og
hugsanlega landfræðilega skiptingu hennar. Það þarf ótal
margt að skoða í þessu sambandi og engin ástæða til að
flýta sér um of í þessu,“ sagði Guðríður. Hún sagði að ef
til skiptingar sóknarinnar í tvær sóknir komi á næstu ár-
um, sé ekki hugmyndin að Akureyrarkirkja verði sóknar-
kirkja annars safnaðarins og ný kirkja tilheyri hinum.
Þvert á móti sé gert ráð fyrir því að Akureyrarkirkja verði
kirkja beggja safnaða. Slíkt fyrirkomulag er að sögn Guð-
ríðar þekkt hér á landi, til dæmis í Fella- og Hólakirkju í
Reykjavík, en að henni standa tveir söfnuðir.
Guðríður tók fram að íbúar í Grímsey hafi líka um
þetta mál að segja og þeir eigi eftir að fjalla um það.
Sr. Svavar Alfreð Jónsson, héraðsprestur, hefur verið
settur prestur í Akureyrarprestakalli í einn mánuð og mun
þjóna fram í nóvember. óþh