Dagur - 27.10.1995, Blaðsíða 2
2 - DAGUR - Föstudagur 27. október 1995
FRÉTTIR
Þingeyjarsýslur:
„Mikið brotið,
sligað og slitið"
„Við eigum við krapavandamál
að stríða hérna og höfum skerta
framleiðslu eins og staðan er
núna. Akureyrarlínan er farin í
sundur en áætlað að viðgerð
verði lokið síðdegis,“ sagði
Bjarni Már Júlíusson, stöðvar-
stjóri Laxárvirkjunar, í gærdag.
Mikið hefur verið um að vera
síðustu dægur þegar barist hefur
verið við að halda rafmagni á
byggðum, línur hafa verið að
detta út en ótrúlega vel hefur
tekist að halda straumi á stóru
línunum austur eða vestur því
ein hefur tekið við þegar önnur
hefur bilað í veðurhamnum.
Tekist hefur að halda straum á
Húsavíkurlínunni, en hún hefur
aðeins dottið út. Kópaskerslínan
er í lagi en allt er brotið frá
spennistöðinni svo það er í fyrsta
lagi í dag sem rafmagn kemst á.
Byggðakjamar fá rafmagn frá
varaaflsstöðvum en einhverjir
dagar munu líða þar til búið verð-
ur að lagfæra þær skemmdir sem
orðnar eru.
f Aðaldal var versta ástandið í
Hvömmunum, við Staði og við
Sandsbæi. Flokkur frá Akureyri
var að koma viðgerðarmönnum til
aðstoðar í gær en flokkur frá
Egilsstöðum kom til viðgerða á
Tjörnesi og í Kelduhverfi, þar sem
miklar skemmdir urðu á línum.
„Menn frá Rarik vom allan
miðvikudaginn að reyna að taka
skemmdar línur frá, hringtengja
og bjarga málum á ýmsan hátt,
þrátt fyrir vitlaust veður. Ég held
þeir hafi gert meira en hægt var að
ætlast til. Það hefur eiginlega allt
farið sem farið getur nema Húsav-
íkurlínan,“ sagði Bjami.
„Það er mjög mikið brotið.
Von er til að rafmagn komist á
einhvem hluta á morgun en ein-
hverjir dagar líða þar til rafmagn
kemst á allt saman. Það em
minnsta kosti 50 staurar famir, að-
allega í Aðaldalnum," sagði Helgi
Jónsson hjá Rarik, aðspurður um
ástand rafmagnsmála í Suður-
Þingeyjarsýslu. Eitthvað var
einnig brotið af staurum í Kinn.
„Það er mikið brotið, sligað og
slitið, stauramir dragast upp úr
jörðinni í frostleysinu,“ sagði
Helgi, og átti von á að einhverjir
bæir yrðu rafmagnslausir fram yf-
ir helgi. IM
Utanlandsferð 230 Norðlendinga lengdist vegna veðurs:
Níu rútur í halarófu norður
Halarófa níu rútubíla kom til
Akureyrar í gærkvöld með alls
233 Norðlendinga, sem dvalist
höfðu í Reykjavík síðustu nætur.
Þetta var fólk sem fór á vegum
tveggja ferðaskrifstofa í síðustu
viku utan til Englands og ír-
lands með beinu flugi frá Akur-
eyri, en veður hamlaði að hægt
væri að lenda á Akureyrarflug-
velli í heimleiðinni. Því varð að
lenda í Keflavík og síðustu næt-
ur hefur fólkið dvalist á hótelum
í Reykjavík, þar sem ekki var
fært landleiðina norður vegna
veðurs.
Um tvo hópa er að ræða. Ann-
ars vegar hóp 118 Norðlendinga,
sem vom á vegum Samvinnu-
ferða-Landsýnar í Cork á írlandi
og kom til landsins á þriðjudags-
kvöld. Þá hamlaði veður lendingu
á Akureyrarflugvelli og var lent í
Keflavík. Var dvalist á Hótel Esju
í Reykjavík fram yfir hádegi í
gær, þegar lagt var af stað norður.
Hinn hópurinn var að koma úr
fimm daga ferð til Newcastle á
Englandi á vegum ferðaskrifstof-
unnar Alís og kom til landsins á
mánudagskvöld. Þá var sömu-
leiðis lent í Keflavík, en ekki fyrir
norðan eins og ráðgert var. Sá
hópur taldi 115 manns og dvaldist
á Hótel Loftleiðum. Laufey Jó-
hannsdóttir, sölustjóri hjá Alís,
sagði að komið hefði til greina að
keyra farþega á vegum síns fyrir-
tækis norður strax aðfaranótt
mánudagsins. Hins vegar hefði
óhugur verið í fólki vegna slyssins
í Hrútafirði og því hefði verið
dokað við með norðurferð. En á
þriðjudag hefði foráttuveður skoll-
ið á og ekki orðið fært fyrr en í
gærdag.
Jafnframt sagði Laufey að
reynt hefði verið að fá þotu frá
Atlanta til að flytja fólkið noður,
en lending þotu hefði ekki reynst
möguleg vegna slæmra brautar-
skilyrða á Akureyri. „Við verðum
að taka veðurfari á íslandi með
skilningi og það gerði fólkið,"
sagði Laufey Jóhannsdóttir. -sbs.
Aöaldalur:
Lögregla
flutti verðandi
móður
Lögreglubíll frá Húsavík var
staddur í Aðaldal í fyrrinótt til
aðstoðar mönnum frá Rarik,
sem voru að glíma við línuvið-
gerðir. Kallað var í bOinn og lög-
reglan beðin að taka með konu í
Aðaldal sem komin var að fæð-
ingu. Það mátti ekki miklu
muna því skömmu eftir að kon-
an var kominn úr lögreglubfln-
um og inn á Sjúkrahúsið á Húsa-
vík fæddist myndarlegur piltur.
Björgunarsveitin Garðar á
Húsavík fór til aðstoðar Rarik-
mönnum í Aðaldal á miðviku-
dagskvöldið. I nógu hefur verið að
snúast hjá lögreglunni við að að-
stoða fólk og í gær var fylgst
grannt með snjóflóðaspýjum í
Fnjóskadal og Dalsmynni. IM
Rekstur Petit
leigður
I tilkynningu sem send var frá
Myndco hf. á Akureyri í gær kem-
ur fram að rekstur Petit hf., sem
varð gjaldþrota á dögunum, hefur
verið leigður Myndco hf. Fram
kemur að reksturinn verður áfram
með sama formi og áður, þ.e. út-
gáfa sjónvarpsdagskrár og prent-
un. Gamlir sem nýir viðskiptavinir
séu því velkomnir.
SKEMMTISTABUB
Föstudagun
í staöinn Videotek
ásamt sjóðheitu diskói.
Tilboð kvöldsins:
Lítill 250,- Stór 350,-
Laugandagun
SO ára afmæli Póns
Sigga og Grétar í stuði
KA-menn og Pórsarar velkomnip á ballið.
Föstudag
og laugandag
Eyjafjörður:
■ jra ■ M gm ••
Kindurifonn
Fjöldi kinda frá nokkruin bæjum í Eyjafjarðarsveit fennti í
áhlaupinu í fyrrinótt. Ekki var vitað í gær um íjölda fjárins, en
leita átti fram í myrkur.
Það var fé frá bæjunum Samkomugerði I, Miklagarði, Gils-
bakka, Kálfagerði og Rauðhúsahólum sem fennti. Almennt hafa
bændur ekki tekið fé sitt inn á þessum tíma hausts og voru eins og
aðrir alveg óviðbúnir áhlaupinu í fyrradag og í -nótt. Bændur á
þessum bæjum leituð fjárins í gær og jafnframt kom björgunarsveit-
in Dalbjörg í Eyjafirði til aðstoðar. Þorsteinn Jónsson, bóndi í Sam-
komugerði I, átti á túnum sínum um 70 kindur. Um miðjan dag í
gær höfðu 30 þeirra fundist, allar lifandi, en hinna var leitað í sköfl-
um, skurðum og við girðingar. „Menn fóru til leitar snemma í
morgun og það verður leitað alveg fram í myrkur,“ sagði Þorsteinn.
Þá fennti fé á nokkrum bæjum í Húnavatnssýslu, m.a. í Vestur-
hópi, skv. upplýsingum frá lögreglu á Blönduósi. -sbs
Aðaldalur:
Kýrnar
þyrstar í raf-
magnsleysinu
„Þegar rafmagnslaust er fer bæði hiti af húsinu og vatnið til
okkar. Ég er með tvö lítil börn og það er ekki gott að vera vatns-
laus og án hita í langan tíma undir þeim kringumstæðum. í
morgun var börnunum orðið dálítið kalt þannig að ég ákvað að
drífa mig til foreldra minna á Húsavík,“ sagði Hulda Ragnheið-
ur Árnadóttir frá Hraunkoti í Aðaldal, einum bæjanna sem varð
rafmagnslaus á miðvikudaginn.
Búnaðarsambandið á tvær rafstöðvar sem flakka milli bæja
þannig að hægt sé að mjólka. Hulda sagði að þetta væri ekki fljót-
legt en hefði gengið upp með góðu samkomulagi. „Við búumst við
margra daga rafmagnsleysi svo mér fannst eins gott að drífa mig
strax að heiman. Það eru svo miklar skemmdir á línunum, staurar
brotnir, eða skakkir og skemmdir. Það var engin ástæða til að sitja
heima þegar aðstaða er til að komast í burtu,“ sagði Hulda.
„Kýmar eru þyrstar því þær hafa ekkert að drekka nema á
mjaltatímum. Við náðum að koma inn öllum skepnum áður en
veðrið skall á, nema að geitumar okkar eru einhvers staðar í hraun-
inu,“ sagði Hulda. Hún sagði að allir sem hún hefði heyrt í væm
mjög yfirvegaðir og þætti það sem á Aðaldælingum dyndi ekkert
miðað við það sem um væri að vera á Flateyri. „Miðað við þeirra
böl þætti mér léttvægt þó ég kæmist ekki heim fyrr en í vor,“ sagði
Hulda. IM
Kelduhverfi:
Gasið er
þarfasti
þjónninn
„Við höfum lítinn bensínmótor sem við getum mjólkað með en
að öðru leyti erum við rafmagnslaus. Við vorum líka að tengja
mótorinn inn á frystikisturnar, sem ekki er gott að séu án raf-
magns í marga daga,“ sagði María Pálsdóttir í Vogum í Keldu-
hverfl. Þar er annað af tveimur kúabúum í sveitinni og María
hafði spurnir af að tekist hefði að koma rafmótor í gang til að
mjólka á hinu búinu í fyrrinótt.
„Það er allt flatt sern ég sé, ýmist brotið eða stauramir á hliðinni.
Verið var að gera upp rafmagnslínuna norðan við okkur. Bætt var í
hana staurum en þessir nýju staurar virðast fyrst hafa hallast, síðan
farið á hliðina, dregið aðra með sér og brotið gömlu staurana. Það
er mikið flatt af línum á töngum köflum eftir því sem mér skilst,“
sagði María, aðspurð um ástand rafmagnslína á svæðinu.
„Okkur líður ágætlega, við höfum gas til að elda, lampatýrur og
kerti. Það er frostlaust veður svo það er ekki eins fljótt að kólna í
húsunum. Ég steikti fisk í hádeginu og það er ekkert mál að elda á
gasinu fyrir lítið heimili. Það er sæmilega notalegt í eldhúsinu ef ég
læt loga á gasinu allan daginn. Ég get bakað pönnukökur, eldað og
gert það sem mig langar til,“ sagði María. Hún sagði að mesta
vandamálið væri að halda kulda í frystikistunum og hita á litlum
börnum í sveitinni. IM