Dagur - 25.11.1995, Page 2

2 - DAGUR - Laugardagur 25. nóvember 1995
FRÉTTIR
Þverrandi líkur á flutningi
Bændasamtakanna út á land
- segir Ari Teitsson, formaður Bændasamtakanna
Möguleikar á flutningi höfuð-
stöðva Bændasamtakanna frá
Bændahöllinni í Reykjavík út á
land voru ræddir á stjórnarfundi
samtakanna fyrr í vikunni. Sem
kunngt er hefur verið rætt um
að flytja Bændasamtökin út á
land, bæði til að vera í „nánari
Kristján Guðmundsson, eða Stjáni,
lét ekki veðrið á sig fá í gærmorgun
og leiddi hjólhestinn sinn um stræti
Akureyrar. Búast má við að um
helgina verði auðveldara fyrir
Stjána og aðra hjólreiðamenn að
hjóla, ef marka má spá Veðurstof-
unnar. Mynd: BC.
Skagafjörður:
Unnið að
stofnun
hafnasamlags
Unnið er um þessar mundir að
stofnun hafnasamlags í Skaga-
flrði, sem ná myndi til hafnanna
á Sauðárkróki, á Hofsósi og í
Haganesvík. „Við erum að vinna
í þessu máli af fullum krafti og
því fyrr sem það gengur í gegn,
því betra,“ sagði Brynjar Páls-
son, formaður hafnarstjórnar á
Sauðárkróki, í samtali við Dag.
Frumkvæði í þessu máli er
komið frá Hofshreppi, það er
Hofsósi. Menn þar óskuðu eftir
viðræðum við Sauðkrækinga um
myndun hafnasamlagsins. A síðari
stigum máls kom höfnin í Haga-
nesvík í Fljótum inn í dæmið en
þaðan eru gerðar út sex til sjö trill-
ur yfir sumartímann. Á Sauðár-
króki er stórskipahöfn og Hofsós-
höfn er fyrir minni fiskibáta.
Brynjar Pálsson sagði að
samgönguráðherra hefði rekið fyr-
ir því áróður að samlög væru
mynduð sem víðast um rekstur
nærliggjandi hafna. „Við erum að
skoða ýmsa þætti í þessu máli, s.s.
hver staða okkar er gagnvart ríkis-
valdinu. En þetta á að ganga í
gegn segi ég. Það eru hagsmunir í
húfi og með þessu hægt að ná
fram sparnaði. Þetta ætti að vera
hið besta mál fyrir okkur Skag-
firðinga,“ sagði Brynjar. -sbs.
Norðurströnd hf.
á Dalvík:
Hyggst
hefja full-
vinnslu ígul-
kerahrogna
Fiskverkunaríyrirtækið Norð-
urströnd hf. á Dalvík hefur
auglýst eftir allt að 20 tonna
bát til leigu til íguikeraveiða á
Eyjaijarðarsvæðinu á vertíð-
inni sem hófst í haust. Norð-
urströnd hf. hefur ekki áður
verið í ígulkeravinnslu og seg-
ir Þorsteinn Aðalsteinsson,
framkvæmdastjóri, að hægt
verði farið af stað en framtíð-
in verði að leiða í Ijós hvort
ígulkeravinnslan kalli á auk-
inn starfsmannafjölda.
ígulkeravinnsla er hafin hjá
ígulkerinu á Akureyri, sem er
til húsa á Gleráreyrum, en
vinnsla er ekki á öðrum stöðum
við Eyjafjörð. Vinnsla KEA við
Sandgerðisbót á Akureyri er
hætt, ennfremur forvinnsla
ígulkera í Ólafsfirði en ætiunin
er að fullvinna ígulkerahrognin
hjá Norðurströnd hf.
Mikið framboð er af fiski til
vinnslu hjá Norðurströnd hf. en
fyrirtækið hefur sérhæft sig í
vinnslu á steinbít og lítils háttar
f öðrum aukfiski. Upphaflega
var Danmörk megin viðskipta-
landið og fer steinbfturinn ým-
ist frosinn eða ferskur með
llugi en viðskiptin hafa í aukn-
um mæli færst til Belgíu og fer
framleiðsian með flugi þangað.
GG
snertingu“ við bændur og eins
þykir húsnæði það sem samtök-
in eru í nú nokkuð dýrt.
Þeir staðir sem nefndir hafa
verið eru Akureyri, Hvanneyri f
Borgarfirði og Selfoss og hafa
bæði bæjarstjórnir Akureyrar og
Selfoss sýnt málinu áhuga og
tilkynnt það bréflega til Bænda-
samtakanna.
Ari Teitsson, formaður Bænda-
samtakanna, segir að á stjómar-
fundinum sl. miðvikudag hafi
ákvörðun um skipulagsmál sam-
takanna verið frestað til desem-
berfundar en líkur á því að flutt
verði úr Bændahöllinni hafi
minnkað.
Mjög litlar líkur eru á að Bænda-
samtök íslands verði flutt til Akur-
eyrar.
„Við höfum látið fara fram at-
hugun á nýtingarmöguleikum
Bændahallarinnar ef við færum úr
henni, en það er ekkert vit í því að
fara úr húsinu nema til komi ein-
hver önnur not, ekki gengur að
láta það standa autt. Nýtingar-
möguleikar Bændahallarinnar em
mun lakari en við áttum von á. Sú
athugun sem tengdist rekstri
hótelsins og þá t.d. stækkun þess
er ekki lokið en kostnaður við að
breyta þessum húsakynnum í
hótel kostar mikið fé. Það eru því
þverrandi líkur á að Bændasam-
tökin fari úr húsinu í byrjun næsta
árs, en málið er enn í skoðun,"
sagði Ari Teitsson.
GG
Stefán Jónasson í Bókabúð Jónasar um reglur í bóksölu:
Gengur ekki aö menn
geti sest að veisluborð-
inu í einn mánuð
en vilji ekkert af þessu vita hina 11 mánuðina
Fyrr í haust samþykkti Sam-
keppnisráð nýjar viðskiptaregl-
ur útgefenda og bóksala um að
bækur verði seldar á sama verði
um land allt, verði sem útgef-
endur ákveða en verslun er
heimilt að veita að hámarki 15%
afslátt. Ástæða reglnanna er það
ástand sem skapaðist í fyrra
þegar stórmarkaðir náðu til sín
verulegum hluta af sölunni með
því að bjóða aðeins upp á sölu-
hæstu bækurnar og veita af
þeim verulegan afslátt.
Stefán Jónasson, í Bókabúð
Jónasar á Akureyri, sagði reglur
sem þessar lengi hafa gilt hér á
landi og þetta væri ekkert öðruvísi
en í öðrum löndum þar sem út-
söluverð er ákveðið að útgefend-
um. „Það sem á að reyna að
stoppa er að menn geti sest að
veisluborði og selt bækur á kostn-
aðarverði til þess eins að fá aug-
lýsingu og ná fólki í búðina. Þakið
var sett á 15% afslátt frá útsölu-
verði því menn viðurkenna það al-
mennt að þegar komið er niður
fyrir það þá eru menn komnir r
einhverjar annarlegar aðgerðir,
sem kannski miða helst að því að
komast í fréttir og fá auglýsingu,"
sagði Stefán.
Hann sagði ljóst að með sama
áframhaldi og í fyrra myndi nú-
verandi dreifingarkerfi á bókum
hrynja og menn yrðu þá að finna
eitthvað annað. „Það gengur varla
að hafa bækur bara á boðstólnum
rétt fyrir jólin og vilja svo ekkert
af þessu vita í 11 mánuði. Útgef-
endur sætta sig ekki við það held-
ur. Hvað sem hver segir þá eru
ekki bækur í þessum stórmörkuð-
um nema rétt fyrir jólin, að undan-
skyldum kannski „pokketbókum"
og slíku. Ef bókabúðir væru gerð-
ar upp eftir 11 mánuði væri út-
koman ekki glæsileg. Menn bjarga
sér á desembersölunni, sem gefur
kannski 30-40% af ársveltunni,“
sagði Stefán. HA
Sláturhús Kaupfélags Skagfirðinga:
300 hross á Japansmarkað
Verkfæri, slípivörur,
heimilistæki
5 ára ábyrgð
Alltaf heitt á könnunni
Verið velkomin
Ávallt
hagstæð kaup
FURUVOLLUM 1i - 1ÍMI 462 7878
Hjá Kaupfélagi Skagfirðinga
hefur á þessu ári verið slátrað
um 300 fullorðnum hrossum og
kjöt þeirra selt á Japansmarkað.
Agætt skilaverð til bænda hefur
fengist fyrir kjötið, að sögn Vé-
steins Vésteinssonar, eða 122 kr.
fyrir kílóið.
„Markaðurinn í Japan er nægur
og framboð af hrossum hér í
Skagfirði er mikið. Menn vilja
létta á sinni miklu hrossaeign,"
sagði Vésteinn. Hrossunum er
slátrað á Sauðárkróki en kjötið
síðan unnið hjá kjötvinnslu Slátur-
félags Suðurlands á Selfossi. Það
eru lærin og hryggurinn af hross-
unum sem seld eru til Japans, en
þetta nefna menn gjarna pístólu-
kjöt. -sbs.
Eyvindur Vopni á Vopnafirði:
Karfa landað í gáma
Frystitogarinn Brettingur NS-
50, sem er í eigu Tanga hf. á
Vopnafirði, hefur verið á karfa-
og grálúðuveiðum fyrir sunnan
og suðaustan landið en afla-
brögð verið fremur treg, en
minna virðist orðið um karfa
austur í Rósagarðinum og einnig
minna um grálúðu í köntunum.
ísfisktogarinn Eyvindur Vopni
NS-70 er á karfaveiðum fyrir
sunnan land og landar hann í
gáma í Vestmannaeyjum til út-
flutnings til Þýskalands.
Næg vinna hefur verið í frysti-
húsi Tanga hf„ en þar sem afli
togaranna kemur ekki til vinnslu
hefur að undanfömu verið unninn
Rússafiskur hjá frystihúsinu. Síð-
ast var landað Rússafiski á
Vopnafirði 11. nóvember sl„ og
voru það 150 tonn. Loðnuverk-
smiðjan Lón hf. hefur tekið á móti
liðlega 5 þúsund tonnum af loðnu
til bræðslu og einnig nokkm af
síld. Loðnan heldur sig hins vegar
það vestarlega að ekki eru líkur á
löndun nema hún færi sig austur
með Norðurlandi. Nú er bræla á
miðunum norður af Strandagrunni
og mörg loðnuskipanna í höfn.
GG