Dagur - 13.04.1996, Blaðsíða 12

12 - DAGUR - Laugardagur 13. apríl 1996
Ahugi fyrir handverki hefur stúruukist hér á landi á síðustu árum. Myndin er frá Handverkssýningu á Hrafnagili sem Iðnþróunarfélag Eyjafjarðar stóð fyrir.
Mynd: JÓH
Vaxandi áhugi á hand
verki um allt land
Á íslandi hefur verið til hand-
verksfólk eins lengi og menn
muna. Á síðustu árum hefur
áhugi á handverki þó aukist til
muna og vítt og breitt um landið
hafa sprottið upp handverks-
hópar. Handverksfólkið er orðið
sýnilegra en áður og þeir munir
sem framleiddir eru ekki lengur
faldir inni á heimilum. Með
auknum áhuga urðu þær raddir
sterkari meðal handverksfólks
að þörf væri á einhverskonar
yfirstjórn eða heildarsamtökum
í landinu. Sumarið 1993 ákvað
forsætisráðuneytið að leggja
fram 20 miiljónir til eflingar
heimilisiðnaðar og í framhaldi
af því var Handverki, reynslu-
verkefni til þriggja ára, hrundið
af stað í byrjun árs 1994. Nú er
liðið vel á þriðja ár verkefnisins
og þeir sem hafa komið nálægt
framkvæmdinni segja árangur
greinilega merkjanlegan.
„Sýningar á handverki hafa
verið haldnar og einnig hand-
verkskeppni. Jafnframt hefur ver-
ið fjallað um handverk bæði í
blöðum og sjónvarpi og allt gerir
þetta að verkum að viðhorfið er að
breytast. Nú virðist handverk vera
komið í tísku,“ segir Guðrún
Hadda Bjarnadóttir, sem er tengi-
liður Handverks, reynsluverkefn-
is, á Norðurlandi.
Guðrún Hadda segir að þó
handverk hafi alltaf verið stundað
sé framleiðslan nú sýnilegri en áð-
ur. Fyrir tíu árum þótti ekki fínt að
vera í heimilisiðnaði og hann var
talinn vera eitthvað sem húsmæð-
ur gerðu til að spara; ekki að það
væri neitt merkilegt sem þær voru
að gera. „En nú þarf ekki að
skammast sín lengur því hugarfarið
hefur breyst,“ segir Guðrún Hadda.
Handverksiðnaður kortlagður
Markmið reynsluverkefnisins
Handverk er að efla handverks-
iðnað í landinu og liðsinna þeim
einstaklingum og fyrirtækjum sem
starfa að handverki, heimilis- og
listiðnaði. Hlutverk tengiliða er
fyrst og fremst að stuðla að sam-
starfi á milli aðila í handverksiðn-
aði hver á sínu svæði. „Mitt aðal
verkefni hefur verið að finna fólk
sem er að vinna í handverki, sér-
staklega þá sem hafa áhuga á að
selja. Það má segja að tengiliðirnir
hafi verið að kortleggja hand-
verksiðnað í landinu,“ segir Guð-
rún Hadda. I framtíðinni er ætlun-
in að setja allar þessar upplýsingar
inn í gangabanka og gætu þá bæði
hönnuðir, handverksfólk og fyrir-
tæki sem hafa hráefni til sölu leit-
að að upplýsingum í þessum
banka.
Guðrún Hadda segir áhuga á
handverki á Norðurlandi vera
nokkuð misjafnan eftir stöðum. I
Þingeyjarsýslum sé handverks-
hópur sem kallar sig „Konur milli
heiða“ og þar hafí gengið nokkuð
vel. Handverkshópurinn Bardúsa
sé starfandi á Hvammstanga og
þar sé starfsemin einnig nokkuð
blómleg. „En þar sem er mikil at-
vinna í fiski er handverk eiginlega
ekkert stundað. Þetta byggist því
mikið á atvinnuástandi á hverjum
stað. Um hundrað konur eru t.d. í
samtökunum „Konur milli heiða“
en þar er mikið atvinnuleysi. í
Eyjafirði er áhugi á handverki
ekki eins mikill en þó er hann ein-
hver.“ AI
Guðrún Hadda Bjarnadóttir er
tengiliður á Norðurlandi fyrir
reynsluverkefnið Handverk.
MATARKRÓKUR_____________________
Uppskriftir úr eldhúsi Dóru
Réttirnir sem Dóra Gunnarsdóttir
býður lesendum Matarkróks upp á
koma úr ýmsum áttum. Fyllta gœsin
er t.d. uppskrift frá tengdamömmu
hennar. „Þetta er mjög vinsœl upp-
skrift í ættinni, “ segir Dára.
Dóra er Akureyringur og vinnur á
skrifstofunni hjá Varma hf. Maðurinn
hennar heitir Guðmundur Jónasson
og eiga þau þrjú börn. Elst er dóttir-
in Gunnur, sem er 17 ára, en synirnir
heita Jónas og Guðlaugur og eru 11
og 9 ára. Þeir eru báðir á myndinni
með mömmu sinni. Dóra skorar á
mágkonu sína, Maríu Jóhannsdóttur,
í nœsta Matarkrók og að tveimur vik-
um liðnum fáum við að sjá hvaða
uppskriftum María lumar á.
Matarmikil fiskisúpa
300-400 g humar í skel
400 g ýsa (roð- og beinlaus)
7 dl mysa
5 dl vatn
1 tsk. salt
150 g sellery
100 g blaðlaukur
4 stk. gulrœtur
1 meðalstór laukur
100 g smjör
1/ tsk. karrý
3 msk. hveiti
Z tsk. Season All
2 fiskiteningar
Z l rjómi
3 eggjarauður
200 g rœkjur
200 g hörpuskelftskur
1. Hreinsið humarinn úr skelinni
og sjóðið hann ásamt ýsunni í vatn-
inu, mysunni og saltinu í 8-10 mínút-
ur. Steikið humarskelina á pönnu í
helmingnum af smjörinu og sjóðið
upp með fiskisoðinu í 15-20 mínútur.
2. Brytjið grænmetið smátt og
mýkið í afganginum af smjörinu í 5-
10 mínútur. Látið karrý út í og síðan
hveiti og bakið upp með sigtuðu
fiskisoðinu. Bragðbætið með fiski-
teningum og Season All. Látið
rjómann út í og hitið í suðu. Takið
pottinn því næst af hellunni. Pískið
eggjarauðumar í skál og jafnið hægt
út í súpuna. Setjið pottinn aftur á
helluna en passið að súpan sjóði ekki.
Bætið öllum fiskinum út í. Berið
fram með volgu smábrauði og smjöri.
Djúpsteiktur humar
500 g humar
deig:
1 msk. lyftiduft
1 bolli hveiti
3 msk. olía
Vt bolli vatn
salt og pipar
Pískað saman, humrinum velt upp
úr deiginu og djúpsteikt.
Sósa:
100 g majones
1 dós sýrður rjómi
2 msk. Sweet Realise
1 dl súrsœt sósa
/ msk. niðursoðnar ferskjur (brytjað-
ar smátt)
Blandið öllu saman og berið fram
með humrinum.
Fyllt gces
1 stk. gœs
Fylling:
5 bollar franskbrauð (niðurbrytjað)
1 stór laukur (smátt skorinn)
3 msk. Poultiy-seasoning (má einnig
nota villibráðarkrydd)
1 tsk. selleiysalt
1 bolli sjóðandi vatn með uppleystum
súputeningi
2-3 msk. smjörlíki
Mýkið laukinn í smjörlíkinu. Bæt-
ið franskbrauðinu og kryddinu út í,
þá sjóðandi vatninu og hrærið vel
saman. Setjið fyllinguna inn í gæsina
og setjið síðan gæsina í ofnpott með
örlitlu vatni (til að fá í sósu). Bakið í
ofni í 2-3 tíma eftir stærð fuglsins.
Gott er að gegnvæta viskastykki í
olíu og breiða yfir gæsina. Hellið
vatninu af og takið viskastykkið af
þegar u.þ.b. 20 mínútur eru eftir af
steikingartíma og brúnið gæsina.
Berið fram með brúnuðum kart-
öflum, grænum baunum og rauðkáli.
Kaka með apríkósukremi
1 pakki engiferkökur eða piparkökur
(200 g)
75 g smjör
Fylling:
1 dós niðursoðnar apríkósur
1 stórt epli
/1 rjómi
3 blöð matarlím
Myljið engiferkökumar og hrærið
sarnan við brætt smjör. Setjið á fat
með háum börmum, þrýstið vel í
botninn og út í hliðamar. Flysjið epl-
ið og sjóðið í graut í hálfum bolla af
apríkósusafanum. Leggið matarlíms-
blöðin í bleyti í kalt vatn í 10 mínútur
og leysið þau síðan upp í volgum
eplagrautnum og hrærið vel. Látið
kólna. Takið því næst frá tvær aprí-
kósur til skrauts, kremjið afganginn
og blandið sáman við eplagrautinn.
Þeytið rjómann og setjið saman við
þegar grauturinn er farinn að stífna.
Smyrjið kreminu á botninn og skreyt-
ið með þeyttum rjóma og apr/kósu-
sneiðum. AI
Dóra Gunnarsdóttir ásamt sununi sínum, Jónasi og Guðlaugi. Mynd: BG