Dagur - 04.05.1996, Síða 2

2 - DAGUR - Laugardagur 4. maí 1996
FRÉTTIR
Draumurinn að hér rísi
miðstöð matvælaiðnaðar
- segir forseti bæjarstjórnar Akureyrar
„Við Eyfirðingar höfum mátt
reyna það böl sem atvinnuleysið
er, þó svo það kallist ekki mikið
á þann mælikvarða sem aðrar
þjóðir búa við. En atvinnuleysi
er ekki með öllu illt því það hef-
ur ýtt undir leit okkar að nýjum
tækifærum til eflingar atvinnu-
lífí svæðisins. Draumur okkar er
að hér megi rísa miðstöð mat-
vælaiðnaðar á íslandi,“ sagði
Sigfríður Þorsteinsdóttir, forseti
bæjarstjórnar Akureyrar, þegar
hún setti í gærmorgun ráðstefnu
á Hótel KEA um matvælaiðnað
í Eyjafirði.
Um 100 manns sóttu ráðstefn-
una sem atvinnumálanefnd Akur-
eyrarbæjar stóð fyrir. Guðmundur
Stefánsson, formaður nefndarinn-
ar, sagði hugsunina með þessu
framtaki þá að vekja athygli á
Eyjafjarðarsvæðinu sem matvæla-
framleiðslusvæði og hvetja aðila í
þessari grein til dáða. Hin góða
þátttaka f ráðstefnunni sýni að
víða sé áhugi á þessu máli. Hann
var ráðstefnustjóri ásamt Gylfa
Þór Magnússyni, framkvæmda-
stjóra markaðsdeildar SH.
Ráðstefnan skiptist í fjóra meg-
in liði: Staða matvælaiðnaðar,
Eyjafjörður sem matvælasvæði,
erlendar fjárfestingar og markað-
urinn og framleiðsluumhverfi-úr-
ræði. Alls fluttu 13 fyrirlesarar er-
indi á ráðstefnunni, bæði aðilar úr
atvinnulífinu og frá ýmsum opin-
berum stofnunum.
Nánar verður fjallað um ráð-
stefnuna í Degi eftir helgina. HA
Slippstöðin hf.:
Tuttugu umsóknir um
fimm lærlingapláss
Slippstöðinni hf. á Akureyri bár-
ust liðlega 20 umsóknir um nám
í vélvirkjun, stálskipasmíði og
rennismíði, en fyrirtækið aug-
lýsti nýlega eftir lærlingum. Ól-
afur Sverrisson, yfirverkstjóri,
segir að ráðnir verði fímm lær-
lingar; tveir í stálsmiði, tveir í
vélvirkjun og einn í rennismíði.
Ólafur segir að miðað við sömu
verkefnastöðu verði áfram ráðnir
lærlingar til Slippstöðvarinnar hf.
Hvort það verði í haust eða vorið
1997 mótist af aðstæðum. Síðast
voru teknir inn tveir lærlingar unt
síðustu áramót án undanfarandi
auglýsingar og þrír fyrr í vetur, en
þeir sem þá voru teknir inn sóttu
um í fyrra en komust ekki þá að.
Auk þessa hafa tveir rafsuðulær-
lingar nýlega hafið störf. Unnið
hefur verið í Slippstöðinni hf. alla
laugardaga frá því í októbermán-
uði sl. og verður að miklu leyti í
sumar, stöðinni verður ekki lokað
í sumar vegna sumarleyfa starfs-
manna og hefur ekki verið undan-
farin suntur. Það var gert meðan
skipasmíðar voru uppistaða verk-
efna. GG
A laugardaginn 4. maí
syngur Lillukórinn, kvennakór
V.- Húnavatnssýslu
fyrir gesti Blómaskálans.
Sunnudagur 5. maí
Gunnar Tryggvason leikur ljúfa tónlist
Greta Berg teiknar andlitsmyndir
frá kl. 17-20 báða dagana.
Blómaskálinn
góður staður sem gleymist seint.
Jarðgöng milli Ólafsfjarðar og Siglufjarðar:
Myndu styrkja
byggð við Eyjafjörð
- að mati Halldórs Blöndal, samgönguráðherra
Jarðgöng milli Ólafsíjarðar og
Siglufjarðar um Héðinsfjörð
myndu styrkja mjög alla byggð á
Eyjafjarðarsvæðinu, segir Hall-
dór Blöndal, samgönguráðherra.
Þetta kom fram í máli hans á
opnum fundi um ferðamál, sem
Framsóknarflokkurinn hélt á
Hótel KEA sl. þriðjudagskvöld.
Fjölmörg mál voru reifuð á fund-
inum, bæði hvað varðar
samgöngur og ferðamál, enda eru
það samofnir málaflokkar, eins
og einn fundarmanna benti á.
Kristján Möller, forseti bæjar-
stjórar Siglufjarðar, reifaði hug-
myndir um jarðgöng milli áður-
nefndra kaupstaða og sagði að
göng myndu mjög styrkja byggð
og athafnalíf á Siglufirði. Einnig
benti Kristján á að ferðamanna-
straumur til Siglufjarðar hafi auk-
ist mikið síðustu árin - ekki síst
vegna hátíðarinnar Sfldarævintýr-
ið. í fyrra hafi komið til Siglu-
fjarðar álíka margir ferðamenn og
síðustu tíu árin þar á undan.
„Það er nauðsynlegt að kanna
allar forsendur fyrir jarðgangagerð
um Héðinsfjörð, þvf á það hefur
verið bent að vegur yfir Lágheiði
yrði tæpast heilsársvegur. Ef
Siglufjörður myndi tengjast Eyja-
fjarðarsvæðinu myndi það styrkja
bæði þann kaupstað og áðumefnt
svæði í heild sinni og í þeim efn-
um hangir margt á spýtunni," seg-
ir Halldór Blöndal samgönguráð-
herra. -sbs.
Bygging 2. áfanga íþróttahúss á Sauðárkróki:
Trésmiðjan Borg hf.
með lægsta tilboðið
Tilboð voru opnuð sl. fímmtu-
dag í annan áfanga íþrótta-
húss á Sauðárkróki, en um er
að ræða íþróttasal, búnings-
álmu og forsal, alls 1.076 m2.
Húsið skal afhendast fullbúið
eigi síðar en 5. september
1997.
Fjögur tilboð bárust í verkið
og var það lægsta frá Trésmiðj-
unni Borg hf. á Sauðárkróki að
upphæð krónur 108.813.924,
sem er 89,5% af kostnaðaráætl-
un. Önnur tilboð voru frá Djúp-
ósi sf. á Sauðárkróki kr.
112.024.235, sem er 92,1% af
kostnaðaráætlun; frávikstilboð
frá Djúpósi sf. að upphæð kr.
109.509.910, sem er 90%, og
frá Friðriki Jónssyni ehf. á
Sauðárkróki að upphæð kr.
109.122.283, sem er 89,7% af
kostnaðaráætlun. Kostnaðar-
áætlun, unnin af verkfræðistof-
unni Stoð sf. á Sauðárkróki,
hljóðaði upp á kr. 121.630.000.
Gengið verður til samninga við
verktaka í næslu viku. GG
Plöntusala hafín
Mynd: -sbs.
Stormöllen og
Den Norske Bank
tryggja eldi
laxins og sölu
Héraðsdómur Reykjavíkur stað-
festi 30. apríl sl. kröfu skipta-
stjóra þrotabús Miklalax í Fljót-
um á kaupsamningi norska fyrir-
tækisins NFO-Gruppen á stöð-
inni að upphæð 25 milljónir
króna en stöðin varð gjaldþrota á
árinu 1994. Útborgun var 5 millj-
ónir króna og átti afgangurinn að
greiðast með skuldabréfi til
Byggðastofnunar sem eignaðist
stöðina eftir nauðungaruppboð.
NFO-Gruppen greiddi aðeins 2
milljónir króna upp í útborgun og
afhenti aldrei skuldabréfið en
stofnaði fyrirtæki um kaupin,
Nordic Seafarm eða Norræna sjó-
eldið hf. Skiptastjórinn, Kristján
Ólafsson hdl., segir að fóðursal-
inn, Stormöllen, ásamt Den
Norske Bank, hafi átti veð í laxin-
um hjá Norræna sjóeldinu hf. og
þegar fyrirtækið hætti að hafa bol-
magn til að borga fóðrið, rafmagn,
laun o.fl. fór fóðurframleiðandinn
og norski bankinn að gæta sinna
hagsmuna með því að stofna fyrir-
tæki um fiskeldið þann tíma sem
tekur að ala fiskinn í sláturstærð
og koma honum á markað.
Þrotabúið hefur því að nýju
eignast laxeldisstöðina í Mikla-
vatni í Fljótum en formleg yfir-
færsla eigna til Byggðastofnunar
mun væntanlega fara fram á næstu
dögum en Byggðastofnun var lang
stærsti kröfuhafinn í þrotabúið..
Við gjaldþrot námu skuldir um
285 milljónum króna og námu því
skuldir og afskriftir um einurn
milljarði króna. Hlutur Byggða-
stofnunar var þar stærstur, eða lið-
lega 700 milljónir króna. GG
Samherji selur
Jón Vídalín til
Hornafjarðar
Hafsteinn Esjar Stefánsson,
útgerðarmaður á Höfn í
Hornafirði, hefur fest kaup á
Jóni Vídalín ÁR, 450 brúttó-
lesta skipi, af Samherja hf. á
Akureyri. Frá þessu var
greint í Fiskifréttum í gær.
Jón Vídalín ÁR var áður í
eigu Meitilsins í Þorlákshöfn
en Samherji hf. eignaðist skip-
ið nýverið. Fram kemur í
Fiskifréttum að Hafsteinn Esj-
ar hyggst senda skipið á veiðar
í Smuguna í byrjun næsta
mánaðar. óþh
Garðplöntusala Skógræktarfélags
Eyfirðinga í Kjamaskógi hófst í
gær og hefur ekki áður hafist svo
snemma að vori. Að sögn Hall-
gríms Indriðasonar, framkvæmda-
stjóra félagsins, er algengt að
plöntusalan hefjist uppúr ntiðjum
maí og á síðasta ári hófst hún ekki
fyrr en viku af júní. „Nú er frost
farið úr jörðu og hægt að byrja að
gróðursetja. Því er um að gera fyr-
G.V. gröfur sf. voru með lægsta
tilboðið í jarðvegsskipti, lagnir,
hellulögn og götulýsingu í norð-
urhluta miðbæjar Akureyrar,
þ.e. 1. áfanga Geislagötu og bif-
reiðastæðis samkvæmt skipu-
lagi. Tilboðin voru opnuð í gær.
Verklok eru 28. júní nk.
Tilboðið frá G.V. gröfum sf.
hljóðaði upp á krónur 7.120.400,
sem er 101,14% af kostnaðaráætl-
ir skógræktarfólk að nýta þann
dýrmæta vaxtartíma sem vorið og
maímánuður eru,“ sagði Hallgrím-
ur. Hjá Skógræktarfélagi Eyfirð-
inga fást yfir 120 plöntutegundir
og þessi mynd var tekin í gróðrar-
stöð félagsins þegar plöntusalan
var að hefjast. Á myndinni eru
þau Elín Dögg Gunnarsdóttir og
Þröstur Már Pálmason, starfsmenn
félagsins. -sbs
un Tæknideildar Akureyrarbæjar
og Rafveitu, sem var krónur
7.040.000. Halldór Baldursson
bauð krónur 8.317.500, sem er
118,15% af kostnaðaráætlun, og
G. Hjálmarsson hf. krónur
8.993.300, sem er 127,75% af
kostnaðaráætlun. Yfirferð tilboða
er ólokið en að þeim loknum
verður gengið til samninga við
verktaka. GG
Framkvæmdir í norðurhluta miðbæjar Akureyrar:
G.V. gröfur sf. með
lægsta tilboð