Dagur - 04.05.1996, Side 4

4 - DAGUR - Laugardagur 4. maí 1996
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 462 4222
SÍMFAX: 462 7639 • SÍMFAX AUGLÝSINGADEILDAR: 462 2087
ÁSKRIFT M. VSK. KR. 1600 Á MÁNUÐI • LAUSASÖLUVERÐ M. VSK. KR. 150
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN: AUÐUR INGÓLFSDÓTTIR,
GEIR A. GUÐSTEINSSON, HALLDÓR ARINBJARNARSON,
SIGURÐUR BOGI SÆVARSSON, FROSTI EIÐSSON (íþróttir),
BLAÐAM. HÚSAVÍK - SÍMI Á SKRIFST. 464 1585, FAX 464 2285. HS. BLM. 464 3521
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRtMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Ríkisfyrirtækin
undir kastljós
Á dögunum kynnti nefnd um viðurkenningu til
ríkisstofnana niðurstöðu af starfi sínu og veitti
Kvennaskólanum í Reykjavík viðurkenningu
fyrir að vera í fremstu röð hvað varðar þjón-
ustu, hagræðingu í rekstri og nýjungar í starf-
seminni. Þetta framtak er tímabært, sérstak-
lega í því ljósi hversu gríðarlegu verkefni menn
standa frammi fyrir í baráttunni við ríkishall-
ann. Þó það verði ekki einungis gert með bætt-
um rekstri ríkisfyrirtækja og stofnana þá skiptir
engu að síður miklu máli hvernig þar er haldið
á spilununum.
Fólkið er ríkið og það gerir því réttilega kröfu
um að rekstur ríkisfyrirtækja sé í lagi. Það verð-
ur að viðurkennast að hugsunarháttur margra
hefur um alltof langan tíma verið sá að þegar
greiðandi brúsans er ríkissjóður þá megi horfa
öðruvísi á málin en almennt er gert í atvinnulíf-
inu. Sama fólk kvartar jafnvel undan skattbyrð-
inni, sem vissulega er alltof há en henni verður
ekki létt meðan ríkissjóður er í bullandi vanda
og rekstur ríkisfyrirtækja í óefni. Þess vegna er
mikilvægt að ríkisfyrirtækin séu sett undir
kastljós og þau verðlaunuð sem standa sig vel
en að sama skapi þarf á hverjum tíma að grípa
í taumana þegar farið er út fyrir rammann.
En þetta snýr ekki einvörðungu að meðferð
fjármuna ríkisfyrirtækjanna heldur og ekki síð-
ur að þróun þeirra og umbótum. Ríkisfyrirtækin
þurfa ekki síður en önnur að aðlagast umhverf-
inu á hverjum tíma og þróast því vísasti vegur-
inn að óhagkvæmum og dýrum ríkisrekstri eru
staðnaðar stofnanir. Þetta eiga ríkisstofnanirn-
ar sammerkt með fyrirtækjum á hinum al-
menna markaði. Það er ekkert óeðlilegt við að
gerðar séu stífar kröfur á hagkvæman rekstur
ríkisfyrirtækja og það á þeim að vera keppkefli
að ná árangri sem eftir er tekið. Hversu sterkir
sem einkavæðingarvindar verða þá mun aldrei
fara hjá því að á vegum ríkisins séu stofnanir
og fyrirtæki sem þurfa að sýna árangur og hag-
kvæman rekstur. Það verður alltaf eitt skref af
mörgum í átt að ásættanlegum ríkisrekstri.
I UPPAHALDI
„Nota mikið off-takkann á sjónvarpinu“
- segir Hólmar Svansson, deildarstjóri innkaupadeildar SH
ðalfundur
Sölumiðstöðv-
ar hraðfrysti-
húsanna var
haldinn á Ak-
ureyri í hyrjun
vikunnar og notuðu margir
af fundarmönnum tœkifœrið
til að heimsœkja skrifstofur
SH á Akureyri, sem settar
voru áfót á síðastliðnu ári.
Einn afþeim sem hófu störf
lijá SH á Akureyri var
Hólmar Svansson, deildar-
stjóri innkaupadeildar.
Hann er borinn og harn-
fœddur Akureyringur,
menntaður rekstrarverk-
fræðingur frá Bandaríkjun-
um og starfaði á markaðs-
deild KEA eftir nám og síð-
an sem framkvœmdastjóri
Flutningamiðstöðvar Norð-
urlands áður en hann hóf
störfhjá SH ífyrra. Hólmar
er í uppáhaldi í dag.
HvaÖa matur er í mestu uppáhaldi
hjá þér?
„Það er helst bragðmikili matur,
sérstaklega mexikóskur."
Hver er þinn uppáhaldsdrykkur?
„Svarar maður þessu á hefðbund-
inn hátt; útflutningsfæra vatnið
okkar.“
Hvaða heimilisstörffinnst þér
skemmtilegust - leiðinlegust?
„Ég hef alltaf sagt að ég sé ágæt-
ur í þessum afleiddu störfum á
heimilinu. Ég vaska upp þegar
allt er orðið fullt í vaskinum en
ég hef kannski ekki mikið frum-
kvæði í að fara að elda þó ég sé
svangur. Ég get því kannski sagt
að ég sé liðtækastur í uppvaskinu
en ætli ég segi ekki að það sé
Hólmar Svansson.
leiðinlegast að skipta á rúmum.“
Stundar þú einhverja markvissa
hreyfingu eða líkamsrœkt?
„Fyrir utan regluleg sjóböð þá
hef ég verið að æfa sund með
Görpunum hér á Akureyri."
Ert þú íeinhverjum klúbbi eða fé-
lagasamtökum?
„Ég er í Round Table og síðan í
veiðfélaginu Mokveiði, sem
raunar veiðir frekar Iítið!“
Hvaðablöð og tímarit kaupir þú?
„Ég kaupi náttúrlega Dag, einnig
Morgunblaðið en í tímaritunum
þá nefni ég Industriai manage-
ment.“
Hvaða bók er á náttborðinu hjá þér?
„Þar er gjarnan bunki sem maður
grípur niður í eftir hvernig liggur
á manni. Ég get ncfnt Serius
Creativity eftir Bono og síðan er
ég með handbók innkaupa-
mannsins sem er doðrantur upp á
einhverjar þúsund síður þannig
að sú bók endist lengi.“
I hvaða stjörnumerki ert þú?
„Ég er baneitraður Sporðdreki.“
Hvaða tónlistarmaður er í mestu
uppálialdi hjá þér?
„Það er Sting.“
Uppáhaldsleikari?
„James Woods.“
Hvað horfir þú helst á í sjónvarpi?
„Ég reyni að vera vandfýsinn á
sjónvarpsefni og nota mikið off-
takkann á tækinu. Helst horfi ég
á góða framhaldsþætti eins og
Bráðavaktina eða X-Files.“
Á hvaða stjórnmálamanni hefurðu
mest álit?
„Þessi var erfið! Ætli ég svari
þessu ekki þannig að ég hafi gam-
an af ýmsum rnjög ólíkum mönn-
um sem allir eiga það sammerkt
að þora að hafa skoðanir og eru
tilbúnir að kasta þeim vel fram.
Ég get þama nefnt menn eins og
Össur Skarphéðinsson, Hannes
Hólmstein og Pétur Blöndal.“
Hver er að þínu mati fegursti staður
á Islandi?
„Segjum Eyrin á Akureyri,“
Hvar vildirðu helst búa efþú þyrftir
að flytja búferlum nú?
„Af stöðum innanlands vildi ég
frekast flytja í Borgarnes en ef
það yrði út fyrir landsteinana þá
yrðu Bandaríkin fyrir valinu."
Efþú ynnir stóra vinninginn í lottó-
inu hvernig myndir þú eyða pening-
unum?
„Ég vann ábyggilega stóra vinn-
inginn í Lottóinu um síðustu
helgi því í ferð okkar feðga í
Míðbæinn keypti sonurinn miða
sem hann týndi þannig ég auglýsi
bara hér með eftir honum.“
Hvernig viltþú helst verja frístund-
um þínum?
„Hvað er það? Ég hef heyrt látið
vel af þessum stundum."
Hvað œtlar þú að gera ífríinu í
sumar?
„Ég er að gæla við að eyða því
sveittur með kúbein í húsinu."
Hvað œtlar þú að gera um helgina?
„Ætli ég verði ekki að hugsa um
kúbeinið í sumar. Néi, annars er
ég með númeráplöturnar af
Vespunni hérna á borðinu og
ætla að setja þær á um helgina og
koma hjólinu á götuna.“ JÓH
BRÉF ÚR BORCINNI
SVANHILDUR VALSDÓTTIR
Ertu ekki að fíflast?
Um daginn vorum viþ Heiddi að
koma úr einni af okkar mörgu
helgarheimsóknum í bílaumboð
Jöfurs í Kópavogi. Heidda finnst
ómögulegt að missa af bílasýning-
um þar, en því miður var ekki ver-
ið að sýna Skoda í þetta skiptið,
heldur amerískar drossíur. (Ég
held samt að Heiddi hafi ekki ver-
ið jafn leiður yfir því og ég, hann
gerði eins og næstum allir hinir
karlamir á staðnum, settist í dýr-
ustu bílana og skoðaði af mikilli
list, eins og hann hefði eiginlega
ekkert betra að gera þennan dag-
inn en að snara út fjórum-fimm
milljónum fyrir einum bíl. Senni-
lega...)
Nú, við vorum sem sagt að
keyra yfir Fossvoginn þegar ég
rek augun í blokk, sem mér fannst
eitthvað undarleg. Ég velti þessu
furðulega byggingarlagi fyrir mér
í smá stund, hvort þetta væri ein
blokk með tumi, eða tvær blokkir,
önnur svona há og mjó bak við
hina. Ég ákvað að spyrja Heidda.
Hann horfði á mig eins og ég væri
endanlega búin að tapa mér, og ég
vissi ekki hvað ég hefði nú sagt.
„Ertu að spyrja mig hvort þetta
séu ein blokk eða tvær, Svanhild-
ur,“ sagði hann. Ég jánkaði því og
bjóst við að hann hefði kannski
ekki heyrt spuminguna almenni-
lega, og þess vegna liti hann út
eins og hann (eða ég) væri ekki al-
veg með á nótunum. „Jæja, Svan-
hildur," kom síðan. „Þú ert sem
sagt ekki að fíflast, er það?“ Nei-
nei, sagði ég og var orðin frekar
leið á því hversu dræmt hann tók í
svona einfalda spumingu. „Þetta
er nefnilega Borgarspítalinn,"
sagði Heiddi og hló ofsalega.
Ég skal alveg viðurkenna að ég
er ekki alltaf með á nótunum,
þekki oft ekki fólk sem ég á að
þekkja, og svo framvegis, en ég
held reyndar að það stafi af því að
ég eigi að þekkja of margt fólk, og
þetta séu hreinlega orðin of mörg
K fyrir mig. Það, að þekkja ekki
Borgarspítalann, í návígi, þó ég
hafi keyrt svona átta milljón sinn-
um fram hjá honum og viti ein-
hvers staðar innst inni vel hvaða
bygging þetta er, er því ekki mjög
óvenjulegt þegar ofanrituð á í
hlut, en ég bendi á að utanviðsig-
mennska hefur löngum verið talið
gáfumerki, sbr. alla prófessora-
brandarana. Hvað sem því líður,
getur þó verið svolítið asnalegt að
gera sig að fífli, þó aðrir hafi gam-
an af, og þess vegna þótti mér af-
skaplega gaman að heyra um dag-
inn af svipuðu tilfelli.
Einn vinur hans Heidda er
læknir á sjúkrahúsi skammt frá
Osló, og hefur verið síðan í haust.
í þessum hluta landsins er töluð sú
norska sem flestir þekkja, syngj-
andi sjóaramál (ég heyrði það
nefnilega einu sinni, að syngi-
norskan hefði byrjað hjá sjómönn-
um sem hefðu sungið hljóðin til
að þau yrðu greinilegri og heyrð-
ust lengra, hvað svo sem er til í
því). Þar segir fólk R svipað og
við, bara rrr, en töluvert stór hluti
norsku þjóðarinnar hefur annan
framburð, segir egr, eins og hann
sé gormæltur, og þykir engum
skrýtið.
Eða fáum...
Vinur hans Heidda var að horfa
á sjónvarpið með samstarfsmönn-
um sínum, norskum, þegar svaka
skutla birtist á skjánum og fer að
segja veðurfréttir, á syngjandi
norsku, en með egrum. Islending-
urinn verður verulega hneykslaður
í framan og segir: „Ég skil bara
ekkert í þeim að hleypa henni í
sjónvarpið. Heima á íslandi tökum
við svona fólk alveg sérstaklega
og kennum því að tala!“
Þið getið rétt ímyndað ykkur
undirtektimar, en hvernig var
þetta með heimaalda barnið???