Dagur - 04.05.1996, Page 12

12 - DAGUR - Laugardagur 4. maí 1996
Að ná tökum á tilveruniti
- námsefní fyrir 12-14 ára unglinga
Hanna Dóra Markúsdóttir, kennari við Gagnfræðaskólann á Akureyri, er ánægð með námsefnið „Að ná tökum á til-
verunni“ og telur það eiga fullkomlega rétt á sér. Mynd: ai
/ dag er vímuvarnardagur
Lions en hreyfingin hefur á síð-
ustu árum barist ötullega gegn
vímuefnaneyslu ungs fólks.
Framlag Lionshreyfingarinnar
felst m.a. í námsefninu „Að ná
tökum á tilverunni“, sem er
námsefni í lífsleikni fyrir ungl-
inga á aldrinum 12-14 ára.
Námsefnið er kennt víða um
heim og á Akureyri er það
kennt í tveimur skólum, Barna-
skóla Akureyrar og Gagnfrœða-
skólanum á Akureyri.
„Þetta er námsefni sem á full-
komlega rétt á sér og ég er svolítið
hissa á að hinir skólamir á Akur-
eyri skuli ekki taka þetta upp,“
segir Hanna Dóra Markúsdóttir,
sem er önnur tveggja sem kennir
námsefnið í GA. Hanna Dóra seg-
ir námsefnið byggjast töluvert á
siðfræði, unglingunum sé kennt að
treysta á sjálfa sig og að taka
ábyrgð á eigin gjörðum. „Þetta
felst m.a. í að kenna þeim að láta
ekki segja sér að gera eitthvað
sem þau vilja ekki gera og að játa
engu nema spyrja fyrst spum-
inga,“ segir hún.
Aðeins þeir kennarar sem hafa
farið á sérstök námskeið mega
kenna námsefnið og með kennslu-
gögnum fylgir mjög nákvæmt
skipulag. Hægt er að velja mis-
mundandi líkan en líkanið sem
Hanna Dóra fylgir tekur fjörutíu
kennslustundir og er stysta líkan-
ið. Námsefnið er kennt í 8. bekk
og sækja unglingamir tíma einu
sinni í viku.
Markmið
f kynningarbæklingi Lions kemur
fram að markmið námsefnisins
séu einkum tvö. í fyrsta lagi að
hjálpa ungu fólki til þess að
þroska með sér eiginleika eins og
sjálfsaga, ábyrgðartilfinningu,
góða dómgreind og hæfni til að
samskipta við aðra. I öðru lagi að
hjálpa ungu fólki til að efla tengsl
við fjölskyldu, skóla, jafnaldra og
samfélagið og tileinka sér auk
þess heilbrigðan og vímuefnalaus-
an lífsmáta.
Námsefninu er skipt upp í kafla
og fjallar t.d. einn kaflinn um að
byggja upp sjálfstraust, annar um
tilfinningar, sá þriðji um vináttu,
o.s.frv. Síðasti kaflinn sem nem-
endur í Gagnfræðaskólanum fara
yfir er um vímuefni og er fjallað
um áfengi, tóbak og önnur fíkni-
efni. „Það er margt sem þau vita
ekki. Sumir halda t.d. að það sé í
lagi að drekka áfengi vegna þess
að það renni hvort eð er af manni.
Við reynum að útskýra af hverju
þetta er bannað,“ segir Hanna
Dóra. Hún leggur þó áherslu á að
kaflinn um vímuefnin sé aðeins
einn hluti af námsefninu og ekki
þungamiðja. Krakkarnir séu mjög
forvitin um þessi efni og á tíma-
bili hafi henni fundist að öll sú
umræða sem var í þjóðfélaginu
hafi kveikt í þeim og gert þau for-
vitin í að prófa. „Mér fannst of
mikið sagt um hver áhrifin af
þessum efnum væru, þ.e. hvemig
víman væri, en minna talað um af-
leiðingarnar.“
Foreldrar fylgjast með
Námsefnið virðist höfða ágætlega
til unglinganna og er sett upp á
aðgengilegan og fjölbreyttan hátt.
„Sumt hittir beint í mark en annað
er fjarlægt. Ef þau sjá ekki sjálfa
sig í umfjölluninni finnst þeim oft
að þetta sé bara bull,“ segir Hanna
Dóra og bætir við að gaman geti
verið að fylgjast með krökkunum
þegar þau uppgötvi eitthvað nýtt.
„Þetta fær þau til að hugsa um að
til séu fleiri en ein leið.“
Eitt sem er merkilegt við þetta
námsefni er að ekki aðeins nem-
endur þurfa að læra heima heldur
líka foreldramir því þeir fá sér-
staka foreldrabók sem þeir fá að
eiga. Einnig er haldinn foreldra-
fundur og segir Hanna Dóra að
þeir foreldrar sem hafi mætt hafi
verið mjög áhugasamir og já-
kvæðir en því miður hafi mæting
ekki verið nógu góð. Af 120-130
foreldrum mættu aðeins milli 20
og 30. AI
Starfshópur á vegum Akureyrarbæjar:
Tillögur um varnir
gegn fíkniefnum
Starfshópur sem bæjarstjórn Ak-
ureyrar skipaði hefur skilað tillög-
um sem hafa að markmiði að
vinna gegn áfengis- og fíkniefna-
neyslu ungs fólks. I greinargerð
frá starfshópnum kemur fram að í
tillögunum felist ekki mikið af
nýjungum eða nýbreytni heldur
stuðli þær fremur að því að þétta
og styrkja það vamamet samfé-
lagsins sem þegar er til staðar.
Ásta Sigurðardóttir, bæjarfull-
trúi, er í forsvari fyrir starfshópinn
og segir hún að tillögurnar hafi
þegar verið lagðar fyrir bæjarráð
og sé ráðið samþykkt þeim. Til-
lögumar eru eftirfarandi:
1.
Að Akureyrarbær vinni að
framgangi þeirra tillagna sem
stjóm S.I.S. lagði fram á fulltrúa-
fundi sínum 8. mars síðastliðinn.
2.
Að bæjarstjóm Akureyrar leggi
til við lögreglustjóra bæjarins og
dómsmálaráðuneytið að stöðugildi
við Rannsóknarlögregluna á Ak-
ureyri verði fimm og þar með
verði einum rannsóknarlögreglu-
manni gert kleift að sinna
eingöngu fíkniefnamálum. Bæjar-
stjómin skal einnig stuðla að því
eftir mætti að rannsóknarlögreglan
fái afnot af nauðsynlegum tækja-
búnaði til rannsókna á fíkniefna-
málurn.
3.
Að hlutverk og starfshættir
áfengisvarnanefndar verði endur-
skoðað með það fyrir augum að
nefndin hafi yfirumsjón með for-
varnarstarfi gegn ávana- og fíkni-
efnum sem unnið er í bæjarfélag-
inu. Nefndin sjái um að samhæfa
það forvamarstarf sem unnið er af
frjálsum félagasamtökum, stofn-
unum bæjarins og á vegum ríkis-
ins til að tryggja besta mögulegan
árangur.
4.
Að samstarf félagsmálastofn-
unar, lögreglu, skólayfirvalda,
heilsugæslu og frjálsra félagasam-
taka sem að þessum málaflokki
vinna verði aukið og reglulegum
samráðsfundum þessara aðila
komið á.
5.
Að árlegt fræðslu- og forvam-
arátak verði tryggt í efstu bekkjum
grunnskólans. Nauðsynlegt er að
átakið nái jafnframt til foreldra og
þess starfsfólks sem hefur með
börn og ungmenni að gera.
6.
Að bæta aðgengi bama, ung-
menna og fullorðinna að upplýs-
ingum, ráðgjöf og stuðningi í
sambandi við persónulega og fé-
lagslega örðugleika annars vegar
og uppeldismál hins vegar.
7.
Að lögð sé áhersla á jákvæða
umræðu um áhugamál og störf
unglinga. í stuðningi bæjarins til
félagsstarfs sé lögð áhersla á þá
þætti sem ná til fjöldans og gildi
leiksins verði metið umfram ár-
angur einstaklinga.
8.
Að endurskipulagningu tóm-
stundarstarfs á vegum Akureyrar-
bæjar verði flýtt. Sumarvinna ung-
linga á vegum Akureyrarbæjar
verði endurskipulögð með áherslu
á fræðslu og aukna lífsleikni.
9.
Að stutt verði sérstaklega við
það forvamar- og fræðslustarf
innan skólanna sem unnið er að
fmmkvæði nemenda og foreldra.
10.
Að skipulega verði unnið að
því að allir nemendur grunnskól-
ans fái kennslu í námsefninu „Að
ná tökum á tilverunni" eða öðru
sambærilegu efni í samræmi við
aldur og þroska.
11.
Að yfirvöld tryggi að hundur til
fíkniefnaleitar sé til staðar á Norð-
urlandi.
Frá ælingu fyrir tonlcikana.
Bama- og unglingakór Akureyrar-
kirkju og bama- og unglingakór
Selfosskirkju halda sameiginlega
tónleika í Akureyrarkirkju klukk-
an 18:00 á morgun, sunnudag.
Aðgangur er ókeypis.
Stjómandi Selfosskórsins er
Glúmur Gylfason, sem jafnframt
er organisti Selfosskirkju, en
Hólmfrfður Benediktsdóttir stjórn-
ar ungmennunum í kór Akureyrar-
kirkju. „Efnisskráin er mjög fjöl-
breytt. Bæði erum við með lög
kirjulegs eðlis, negrasálma og
einnig venjuleg hressileg lög.
Kóramir syngja bæði í sitt hvoru
lagi og einnig saman,“ sagði
Hólmfríður um dagskrá tónleik-
anna.
Hólmfríður er gamalreyndur
Mynd: BG
kórstjómandi, stjómar m.a.
Kvennakórnum Lissý og kór
Framhaldsskólans á Húsavík, og
hefur stjómað ótal kórum í gegn-
um árin. Hún segir að mjög ólíkt
sé að stjórna barnakór, kór sem
eingöngu er skipaður fullorðnum
eða t.d. framhaldsskólakór. „Mun-
urinn felst m.a. í því að ég æfi allt
öðruvísi með bömum. Þau hafa
ekki þrek til að æfa nema í hæsta
lagi í klukkutíma í einu. Aftur á
móti get ég látið konurnar hamast
í 2-3 tíma. Hljómurinn er líka allt
öðruvísi í barnakórum, unglinga-
kórum og kvennakórum. Þetta er
þrennt ólíkt. En það er mjög gam-
an og lærdómsríkt að geta unnið
með marga kóra og byggja upp
mismundandi hljóm í hverjum
kór,“ segir Hólmfríður. AI
Barna- og unglingakórar
frá Akureyri og Selfossi:
Sameiginlegir
tónleikar