Dagur - 09.07.1996, Blaðsíða 6

6 - DAGUR - Þriðjudagur 9. júlí 1996
Tíu veltur og hörð
keppni um titlana
Norðlenskir ökumenn riðu ekki
feitum hesti frá torfærumóti, sem
haldið var í Jósepsdal skammt frá
Reykjavík á laugardaginn. ís-
landsmeistarinn í flokki sérútbú-
inna jeppa, Haraldur Pétursson,
vann eftir mikla keppni við Sigurð
Axelsson og Gísla G. Jónsson,
sem urðu að sætta sig við silfur og
brons. Rafn A. Guðjónsson vann
sinn fyrsta sigur í flokki götu-
jeppa.
Einar Gunnlaugsson verður að
taka til hendinni eftir hræðilega
frammistöðu í mótinu í Jósepsdal.
Hann villtist í þriðju þraut, skoð-
Lokastaðan
í Jósepsdal
Sérútbúnir jeppar Stig
1. Haraldur Pétursson 1230
2. Sigurður Axelsson 1190
3. Gísli G. Jónsson 1180
4. Hörður Sigurðsson 895
5. Ásgeir Allansson 890
6. Þór Þormar 830
7. Einar Gunnlaugsson 700
Götujeppar Stig
1. Rafn Á. Guðjónsson 1060
2. Gunnar P. Pétursson 990
3. Sigurður Þ. Jónsson 845
4. Gunnar Guðmundsson 720
5. Rögnvaldur Ragnarsson 430
aði hana ekki nægilega vel. Hann
var síðan mjög óheppinn í fjórðu
þraut, ók á illkleift barð, fyrstur
manna. Barðið breyttist í greið-
færa leið, þegar nokkur bílhlöss af
sandi hrundu úr barðinu. Tapaði
Einar mörgum stigum á keppi-
nautana við þetta brölt og skapið
var ekki sem best. Hann velti síð-
an í næstu þraut á eftir og augna-
brúnimar hafa ekki sést jafn þung-
ar á nokkrum keppanda í torfær-
unni á þessu ári. Núna verður Ein-
ar að vinna næstu tvö inót, ætli
hann sér titilinn.
Haraldur stendur best að vígi
með tvo sigra á meðan Einar hefur
ekki unnið neitt. Sigurður hefur
komið sterkur til sögunnar í und-
anförnum mótum og var nærri því
að vinna um helgina, eftir að hafa
náð bestum árangri í tveim síðustu
þrautunum. Gísli kærði dóma sem
gefnir voru fyrir lokaþrautina,
taldi Harald hafa ekið viljandi út
úr braut, en dómarar og dómnefnd
voru ekki á sama máli. Gunnar
Egilsson átti fyrir keppnina ágæta
möguleika á titlinum, en náði sér
ekki á strik og varð aðeins í 11.
sæti. Titilslagurinn verður því lík-
legast milli Haraldar með 53 stig,
Gísla með 48 stig, Sigurðar með
42 stig og Einars með 41 stig, í
flokki sérútbúinna jeppa. Það skil-
ur enn minna á milli keppenda í
flokki sérútbúinna götujeppa. Sig-
urður Þ. Jónsson er með 52 stig,
Gunnar Pálmi Pétursson 50, Rafn
A. Guðjónsson 48 og Gunnar
Guðmundsson 43.
Allt fór í handaskol
„Þetta brambolt fór illa í geðið á
mér. Ég byrjaði vel, en síðan fór
allt í handaskol. Ég ruglaðist í
þriðju þraut, hafði skoðað þrautina
og taldi hana einfalda, en varð á í
messunni. Það var hryllilegt að
uppgötva þessi mistök, vitandi af
titilslagnum," sagði Einar Gunn-
laugsson. „Ég tapaði enn meira í
næstu þraut og svo þegar ég velti
var mér öllum lokið. Ég var gífur-
lega reiður sjálfum mér, mátti vart
mæla fyrir að klikka svona. Braut-
imar voru alls ekki nógu vel hugs-
aðar og það svekkti mig enn
meira. Ég var með loftpúða að
framan, en þrautimar voru þannig
að það reyndi lítið á þessa fjöðrun.
Ég ætla að setja samskonar búnað
að aftan og slæst af fullri hörku
það sem eftir er. Ég læt þetta ólán
ekki ergja mig mikið lengur, þó
það hafi soðið á mér í keppninni,“
sagði Einar.
Enn vélarvandræði
„Ég virðist ekki ætla að sleppa
vandræðalaust frá þessu keppnis-
tímabili og átti ekki von á að
standa í sífelldum bilunum með
nýkeyptar græjur, jeppa og keppn-
isvél að utan. Ég þurfti að böðlast
á skiptingunni, til að fá hana til að
Þór Þormar, sem búsettur er á Akureyri, velti eins og margir aðrir. Hann sýndi góða aksturstækni í mörgum þraut-
um.
Viðar Sigþórsson fór geyst, þar sem hann náði einhverju afli út úr vélinni,
en komst ekki bilanalaust frá keppninni frekar en á fyrri mótum ársins.
Einar Gunnlaugsson komst lítið áleiðis í keppni á laugardaginn, villtist og
velti. Beið lægri hlut fyrir sex öðrum ökumönnum.
virka á milli gíra, sem olli því að
ég missti einbeitinguna á köflum.
Það vantaði afl eftir að nítróbún-
aður bilaði fyrir keppni og ég ætla
að henda honum og fá mér nýjan.
Ég verð að fara að ná verðlauna-
sæti, það er ekki seinna vænna, þó
ég sé byrjandi,“ sagði Viðar Sig-
þórsson.
Spilað á bensíngjöfina
„Núna er ég kominn með góða til-
finningu fyrir jeppanum og lét því
allt flakka í síðustu þrautinni, sem
lyfti mér upp í annað sætið. Það er
hins vegar vandamál að ég verð
alltaf að halda vélinni í 4000
snúningum svo drifbúnaðurinn
virki almennilega, það krefst mik-
illar spilamennsku á bensíngjöfina
í miðjum þrautum, gerir mér erfitt
urn vik,“ sagði Sigurður Axelsson.
Barist til þrautar
„Persónulega fannst mér Haraldur
fara út úr lokaþrautinni og kærði
því til dómnefndar, en það var
ekki tekið til greina. Það veltu all-
ir helstu ökumennimir og þraut-
irnar voru alltof glæfralegar marg-
ar hverjar. Ég verð bara að standa
mig í næstu mótum, en Einar var
geysilega óheþpinn í þriðju þraut.
Tapar miklu í titilslagnum á okkur
Harald. Það gæti reynst dýr-
keypt,“ sagði Gísli G. Jónsson.
Heilladísin dugði
„Heilladísin á grillinu dugði til
sigurs. Keppnin var mjög tvísýn
og mótin sem eftir eru verða erfið.
Stýrið í jeppanum hefur gjörbreyst
eftir að ég breytti framhásingunni,
nú stýrir hann miklu betur. Það
kemur örugglega að góðum notum
í næsta móti, á Akranesi. Þar hef-
ur mér gengið brösuglega síðustu
ár, en verð að snúa því mér í vil,
að sjálfsögðu með aðstoð heilla-
dísarinnar minnar," sagði Harald-
ur Pétursson.