Dagur - 12.07.1996, Blaðsíða 3

FRETTIR
Föstudagur 12. júlí 1996- DAGUR-3
■j '

Forráðamenn Sólarfilmu, þeir Þórhallur Birgisson og Birgir Þórhallsson, og Helga Lilja Björnsdóttir og Sigurbjörg
Sverrisdóttir frá Glaðni-Iistsmiðju, fagna samstarfssamningi.
VlÐBRÖGÐ VIÐ Ú.A. MÁLINU
Ásættanlegt miðað
viö aðstæður
- segir Sigurður J. Sigurðsson, oddviti sjálfstæðismanna
Sigurður J. Sigurðsson, oddviti
sjálfstæðismanna í bæjarstjórn
Akureyrar, sagðist nokkuð
sáttur með niðurstöðu bæjar-
ráðs í ÚA-málinu, hún sé
ásættanleg miðað við aðstæður,
enda mætti segja að á þessum
tímapunkti hefði varla verið
hægt að komast að annarri
skárri, eins og hann orðaði það.
„I fyrsta lagi var ljóst að Ak-
ureyrarbær myndi ekki nýta sér
forkaupsréttinn að þessu nýja
hlutafé og bein afleiðing af því
var að bærinn yrði minnihluta-
eigandi í fyrirtækinu. í öðru lagi
er ljóst að skuldir framkvæmda-
sjós verða ekki greiddar niður
nema með því að selja hlutabréf í
eigu Akureyrarbæjar. í þriðja
lagi hefur gengið á bréfunum
hækkað verulega að undanfömu
og til þess að fá sem mest fyrir
bréfin í sölu er sjálfsagt rétti tím-
inn til þess núna. Einnig er mik-
ilvægt að kom-
ast út úr allri
þeirri umræðu
sem verið hefur
um þessi bréf
og eignarhald
bæjarins í fyrir-
tækinu,“ sagði
Sigurður.
- Hvað um
þessa upphœð
sem á að selja?
„Mér finnst að annað hvort
eigi bærinn að marka sér þá
stefnu að eiga þarna 20% og láta
bæjarbúa vita að það sé stefnan,
eða þá að selja allt. Hins vegar
held ég að menn gangi til þessa
gjörnings núna með mjög mis-
jöfnu hugarfari, þ.e. sumir telja
þetta áfanga að því að selja allt
saman og aðrir vilja halda í þessi
20%. Mér finnst galli að ekki
skuli vera fastar tekið á því
hvemig menn vilja sjá hlutina í
nánustu framtíð, þó enginn geti
auðvitað skrifað upp á neitt til
lengri tíma,“ sagði Sigurður.
„Þessi forkaupsréttur til handa
almenningi á Akureyri er einhver
leið til að ná sáttum við þau
sjónarmið að Akureyrarbær ætti
áfram að eiga stóran hlut. í sjálfu
sér hef ég ekki athugasemd við
það en hef hins vegar áhyggjur
af því að það leiði ekki til þess
að menn fái hæsta mögulega
verð.
Það er auðvitað ákaflega mik-
ilvægt að koma framkvæmda-
sjóði út úr þeirri stöðu sem hann
hefur verið í og jafnframt ljóst að
önnur ráð en að selja hlrta ÚA-
bréfanna hafi ekki verið fyrir
hendi. Hins vegar hefur menn
greint á um leiðir og margt sem
bent hefur verið á í því sam-
bandi, sem til allrar hamingju
hefur ekki verið framkvæmt,“
sagði Sigurður. HA
Útfærslan skiptir máli
- segir Sigríður Stefánsdóttir, oddviti Alþýðubandaiagsins
„Það var lögð þarna fram til-
laga á fundinum sem ekki var
búið að kynna áður þannig að
henni var vísað til afgreiðslu
bæjarstjórnar. Það liggur auð-
vitað fyrir að meirihlutinn er
henni sammála. Ég aftur á
móti vil gjarnan ræða þessi mál
í flokknum áður en ég sker úr
um hvernig brugðist verður
við,“ sagði Sigríður Stefáns-
dóttir, oddviti Alþýðubanda-
lagsins í bæjarstjórn Akureyr-
ar, aðspurð um viðbrögð við
lendingunni í málefnum ÚA.
„Ég get sagt að þama kemur í
annað sinn á hálfu ári fram
stefnumótun meirihlutans. í fyrra
skiptið átti að
selja öll hluta-
bréfin, nú á að
selja helming-
inn. I þessari
tillögu er raunar
ekki nánari út-
listun á því
hvemig að því
skuli staðið eða
hvert framhald-
ið verður með eign bæjarins. Ég
á því von á að afstaða okkar ráð-
ist að nokkru leyti af því. Við
vorum á því í vetur að það hefði
verið farið ansi bratt af stað og
betra hefði verið að hugsa málið
aðeins betur áður. Þetta er því
meira í takt við það sem við vor-
um að segja þá.
Mér finnst skipta miklu máli
hvert framhaldið á að verða upp
á það t.d. hvaða verð fæst fyrir
bréfin. Ef meirihlutinn ætlar að
selja öll bréfin á kjörtímabilinu
þá væri e.t.v. skynsamlegra að
gera það allt í einu. Ef aftur á
móti á að skilja þama eftir eign,
sem við bentum á að væri skyn-
samlegt í bili, þá má vel vera að
þetta sé það sem heppilegast er
að gera. En mér finnst vanta ansi
mikla útfærslu á þetta og að okk-
ar afstaða hljóti að vera svolítið
bundin því hvemig staðið verður
að málum,“ sagði Sigríður. HA
Sigríður
Stefánsdóttir.
Framleiðsla á Glaönisvörum
hafin á ný á Siglufirði:
Sólarfilma tekur
aö sér söluna
Framleiðsla á minja-, skartgrip-
um og barmmerkjum er nú aftur
hafin af fullum krafti á Siglu-
firði í verksmiðju Glaðnis eftir
u.þ.b. árs hlé. Verksmiðjan er nú
orðin eign Glaðnis-listsmiðju
ehf. og fyrst um sinn verður
áherslan lögð á að framleiða þá
minjagripi og aðrar vörur, sem
best seldust af fyrri framleiðslu-
vörum verksmiðjunnar. Þá er og
verið að undirbúa framleiðslu á
vörum, sem byggja sérstaklega á
gamalli íslenskri menningu.
„Það er góður grundvöllur fyrir
þessari framleiðslu og heilmikið
að gera. Það eru framleiddir sömu
minjagripir og gert var áður og
við munum gera það út þessa
sumarvertíð. Við höldum okkar
striki í sumar og stokkum síðan
upp í haust. Það er þegar byrjað
að hanna nýja hluti og við ætlum
að ná þeim inn fyrir jólin,“ sagði
Sigurbjörg Sverrisdóttir, frá
Glaðni-listamiðju, í samtali við
Dag.
Verskmiðja félagsins er sem
fyrr á Siglufirði en markaðsskrif-
stofa í Reykjavík. Verksmiðjan er
sú eina sinnar tegundar hér á landi
en þar hefur m.a. verið framleitt
mikið úrval af skartgripum eftir
norrænum fyrirmyndum frá vík-
ingatíma.
Sólarfilma ehf., sem hefur sér-
hæft sig með góðum árangri í
framleiðslu og sölu á minjagripum
í 35 ár, hefur nú tekið að sér að
dreifa framleiðsluvörum Glaðnis-
listsmiðju ehf. utan höfuðborgar-
svæðisins og nýta til þess öflugt
sölukerfi sitt. En starfsmenn
Glaðnis munu sjálfir sjá um dreif-
ingu í Reykjavík og nágrenni og
hafa nýlega opnað söluskrifstofu í
Reykjavík. Þessa dagana er dreif-
ing Glaðnisvaranna að hefjast að
nýju. SH

KampczcMnátómHxlmeí
Kcudcdi^fjcju'i Rik dqe- jfduipA&ncjxl (Kj
mecfi culhœtii /IneJeku
K.ccjflf JecwujeJet
VeA& GxíeÍHl h/i. f.9SO,-
ÖnoaA KnHÍjáui oeAckiA, meí (foUatutl
luxnjHCuúhhutttúuk jjáAtiufoicfJzvölci ocf
flútiaCiePón, 0<ý jélaCfOCi nokka á
lcuufaActacfkoöld
ILLUGASTAÐIR
í FNJÓSKADAL
KAFFISALA
laugardaga og sunnudaga í sumar kl. 15 til 18.
Bjóðum upp á heimabakað brauð, flatbrauð, vöfflur með
rjóma og ástarpunga.
SIJNDLAUGIN
er opin alla daga frá kl. 10 til 19.
Þar eru heitir pottar og gufubað.
Frítt fyrir 5 ára og yngri, 6 til 12 ára kr. 70,
13 ára og eldri kr. 150.
MINIGOLF
á staðnum og er opið á sama tíma og sundlaugin.
Verið ávallt velkomin!
STARFSFÖLK ILLUGASTAÐA