Þjóðviljinn - 26.10.1974, Síða 3

Laugardagur 26. október. 1974 ÞJÓÐVILJINN — SIÐA 3
Veralegar hækkanir
innlendra iðnvara
vegna erlendra
hráefnishækkana
Athugasemd við orð verðlagsstjóra
í viðtali við Þjóðviljann í
gær upplýsti verðlagsstjóri
að framleiðendur hrein-
lætisvara hefðu fengið
allar þær hækkanir, sem
þeir hefðu beðið um. Þetta
viðtal við verðlagsstjóra
var tekið í tilefni af
kvörtunum Gunnars J.
Gunnar J. Friðriksson
Friðrikssonar, forstjóra,
um að ekki hefði fengist
fram hækkun vegna er-
lendra verðhækkana.
1 gær sendi Gunnar okkur at-
hugasemd vegna ummæla verð-
lagsstjóra og fer athugasemd for-
stjórans hér á eftir:
„Verðlagsstjóri segir i Þjóð-
viljanum 25. október að sam-
þykktar hafi verið allar umsóknir
um verðhækkanir frá hreinlætis-
vöruframleiðendum, sem stafi af
hráefnahækkunum. Þar sem hér
er rangt með farið hjá verðlags-
stjóra sendi ég hér með dæmi um
afgreiðslu úr siðustu umsókn til
verðlagsstjóra. Þessi umsókn er
eingöngu vegna hækkunar á hrá-
efnum á siðustu ellefu mánuöum.
Meðalhækkun á þeim tima er
148%. Mörg af þessum hráefnum
eru enn að hækka.
Þetta er þó aðeins hluti af
vandanum, þar sem iðnfyrirtæki
hafa engar hækkanir mátt gera á
vöru sinni þrátt fyrir gifurlegar
hækkanir launa, rafmagns, oliu
og margra annarra kostnaðar-
liða. Unilevermenn verða
væntanlega ánægðir, þegar búið
er að hjálpa þeim til að losna við
innlenda keppinauta.”
Gunnar var svo hugulsamur að
senda Þjóðviljanum samanburð á
þvi annars vegar sem farið var
fram á i verðhækkun siðast og
það sem leyft var. Munar þar satt
að segja litlu. Þar sem umbeðin
hækkun var 62 kr., fékkst 60 kr.
hækkun. Þar sem beðiö var um
hækkun á 85 kr. fékkst 83 kr., þar
sem beðið var um að vara
hækkaði i 78 kr. var leyft verð á
vörunni 75 kr. Þar sem beðið var
um að vara hækkaði i 428 kr.
einingin varð leyft verð 410 kr.
o.s.frv. Munur þess sem beðið
var um og þess sem fékkst var
yfirleitt innan við 1%, þannig að
ekki er mikið veður út af þvi ger-
andi. Hins vegar veit Þjóðviljinn
að fyrirtækið fékk 100% þær
hækkunarbeiðnir sem það lagði
fram þrisvar sinnum áður , fyrr á
þessu ári.
Hækkanir á þessu ári
Þjóðviljinn hefur einnig aflað
sér upplýsinga um hækkanir á
framleiðslu fyrirtækis Gunnars J.
Friðrikssonar á þessu ári. Miðað
er við annars vegar verðið —
heildsöluverðið 1. janúar sl. — og
hins vegar verð það sem leyft var
frá 14. okt. sl.:
Dofri 650 gr. kostaði 43 kr.,
kostar 60 kr.
Dofri 2,2lkostaði 130 kr., kostar
183 kr.
Dún 11. kostaði 57 kr., kostar 83
kr.
íva 360 gr. kostaði 31 kr., kostar
44 kr.
Sjálfgljái 440 gr. kostaði 45 kr.,
kostar 68 kr.
Sparr, 360 gr., kostaði 26,50 kr.
en kostar nú 44 kr.
Fleiri dæmi mætti nefna um
hækkanir á þessu ári.
Hækkanir hráefna
Á þeim tima, sem umliðinn er
frá þvi að oliukreppan hófst i
september sl., hefur oröið geysi-
leg hækkun á hráefnum til hrein-
lætisvöruiðnaðar. Samkvæmt
yfirliti, sem Gunnar J.
Friðriksson sendi Þjóðviljanum,
hafa hráefnin hækkað um nærri
150% á 11 mánuðum. Má það ljóst
vera að slik hækkun hefur gifur-
legan vanda i för með sér fyrir
iðnfyrirtækin. En viö þykjumst
hafa sýnt fram á að verðlagsyfir-
völd hafi heimilað þær verö-
hækkanir hreinlætisvara sem
farið var fram á á þeim grund-
velli sem verðhækkun hráefn-
anna segir til um.
Verðlagsmál hreinlætisiðnaðarins
Erlendur Patursson:
Fœreyskir bœndur
endurskoða
kjötsölumál sín
— Það vandræðaástand sem
rikt hefur I kjötsölumálum
færeyskra bænda i haust,
vegna ódýra islenska kjötsins
sem er á markaðnum hér, hef-
ur orðið til þess aö raddir eru
nú háværar um að bændur
endurskipuleggi öll sin mál,
m.a. stofni meö sér sterkt
landsfélag og einnig að þeir
taki kjötverðlagninguna i sin-
ar hendur en fram til þessa
hefur hún verið alveg frjáls,
sagði Erlendur Patursson rit-
stjóri, er við ræddum við hann
um þessi mál I gær, en sem
kunnugt er hefur niðurgreidda
islenska kjötið valdið bændum
i Færeyjum miklum erfiðleik-
um I haust. Þeim hefur gengiö
illa að selja sitt kjöt vegna
þess og um timá horfði mjög
alvarlega hjá þeim.
— Ég á nú von á þvi að þetta
sé að leysast og að bændur hér
séu um það bil að verða búnir
að selja kjöt sitt eða i það
minnsta að það takist, sagði
Erlendur.
Um margra ára skeið var
ekki leyft að flytja inn kjöt til
Færeyja á sama tima og
bændur hér voru að slátra
sauðfé sinu og selja kjötið, en
nú i ein 2-3 ár hefur það hins
vegar verið gert og aukið á
erfiðleika bænda að losna við
kjöt sitt, sagði Erlendur.
Erlendur sagöi ennfremur
aö þetta mál hefði vakið upp
miklar umræður og deilur i
Færeyjum og stæðu þær raun-
ar enn. Kvað Erlendur liklegt
að málið yrði til þess að bænd-
ur stofnuðu með sér sterkt
landsfélag og hefðu raunar
tveir færeyskir bændur farið
til Islands að kynna sér þessi
mál þar og um leið yröi þá
sennilega verðlagningin, sem
til þessa hefur algerlega verið
frjáls og i höndum kaupmanna
tekin til endurskoðunar, enda
vildu nú bændur fá að hafa
hönd i bagga með henni llkt og
væri á tslandi.
—S.dór
Menntamála- en ekki
heilbrigðisráðuneyti
Margrét Margeirsdóttir hefur
beðið Þjóðviljann fyrir eftirfar-
andi:
Vegna viðtals sem birtist i
Þjóðviljanum i gær 25. október
vill undirrituð taka fram eftirfar-
andi:
Það er rangt eftir haft að heil-
brigðisráðuneytið hafi skipað
nefnd til að gera heildaráafetlun
um uppbyggingu sérstofnana fyr-
ir vangefin börn. Nefnd sú sem
hér um ræðir er skipuð af
menntamálaráðuneytinu. 1 annan
stað er villandi að tala um sér-
kennslustofnun á Akureyri fyrir
vangefna. Væntanlega er hér átt
við vistheimilið Sólborg, sem
starfrækt er af Styrktarfélagi
vangefinna á Noröurlandi.
A landinu er aðeins til einn sér-
skóli, sem sinnir einvörðungu
kennslu vangefinna barna:
Höfðaskólinn i Reykjavik.
Mánudagstnyndin
„Vinstúlkurnar” eftir
Claude Chabrol verður næsta
mánudagsmynd Háskólabiós.
Þessi mynd er i flokki þeirra
Chabrol-mynda, sem kallaöar
hafa verið „vináttumyndirn-
ar”.
Dómar manna hafa orðið
mjög á sama veg, um þessa
siðustu mynd. Gagnrýnendur
blaða eru hrifnir, m.a. sagöi
einn danskur: „Vinstúlkurnar
eru mjög aðlaðandi vegna
samruna sins á speki, háði,
blöndnu gamansemi, siðferði-
legri afstöðu og augljósri kyn-
lifsgleði”.—GG
RAGGI RÓLEGI
Parðaskot
Alþýðublaðamanns
Parþar eða Paröar (þýð. Helga Hálfdánárss.) voru frönsk fornþjóð,
sem geröu Róinverjum marga skráveifu. 1 hernaði náðu þeir mikilli
leikni I þeirri aðferð að leggja á flótta og skjóta síðan aftur fyrir sig á
óvinina, þegar þeir ráku flóttann. Þessi hernaðaraðferð, aðskjóta aftur
fyrir sig á flóttanum, hefur siðan verið kennd við þessa þjóð og nefnd
parðaskot (á ensku Parthian shot). Hefur margur kappinn orðið tii
þess að taka upp þessa aðferð á ýmsum timum og til dæmis um það
birtum við hér mynd af einu parðaskoti, sem einhver blaðamanna Al-
þýðublaðsins sendir Sighvati ritstjóra sinum á myndasögusiðu blaðsins
i gær.
dþ.
Sighvatur Björgvinsson
Alþýöubandalagiö
VERKALÝÐSMÁLA-
RÁÐSTEFNA
1. OG 2. NÓVEMBER
Verkalýðsmálanefnd miðstjórnar Alþýðubanda-
lagsins boðar til ráðstefnu um verkalýðsmál i
Reykjavik dagana 1. og 2. nóvember nk.
Tilgangur ráðstefnunnar er að veita Alþýðu-
bandalagsmönnum tækifæri til að hafa samráð um
verkalýðsmál og eru til ráðstefnunnar boðaðir þeir
flokksmenn, sem gegna trúnaðarstörfum innan
launþegasamtaka hvar sem er á landinu.
Ráðstefnan verður haldin að Hótel Loftleiðum og
hefst föstudaginn 1. nóvember klukkan fjögur sið-
degis. Gert er ráð fyrir að ráðstefnunni ljúki laug-
ardaginn 2. nóvember klukkan fimm siðdegis.
Þátttaka tilkynnist til skrifstofu Alþýðubanda-
lagsins, Grettisgötu 3, Reykjavik, simi 28655 i sið-
asta lagi miðvikudaginn 31. október.