Þjóðviljinn - 11.05.1975, Page 2

2 SÍÐA — ÞJÓÐVILJINN Sunnudagur 11. mai 1975.
Umsjdn:Vilborg Haröardóttir.
58% norðfirskra
kvenna taka þátt
í atvinnulífinu
I Neskaupstaö eru tæp-
lega 25% starfandi ein-
staklinga í nefndum bæj-
arins kvenkyns og 58%
kvenna þar stunda atvinnu
utan heimilis. Þrátt fyrir
tvöfalt vinnuálag útivinn-
andi húsmæðra eru þær
meirihluti kvennanna sem
í nefndunum starfa.
Þetta kemur fram i könnun,
sem Hlin Aðalsteinsdóttir meina-
tæknir gerði og skýrði frá á ráð-
stefnu um kjör kvenna til sjávar
og sveita, sem haldin var i Nes-
kaupstað um siðustu helgi.
Hlin kvaðst hafa miðað við ald-
urinn 18-67 ára og kom i ljós, að
konur á þeim aldri i bænum voru
410 talsins. 239 þeirra eru laun-
þegar eða um 58%. 171 kona er
húsmóðir, sem ekki vinnur jafn-
framt utan heimilis.
Launþegunum 239 skipti hún i
þrjá hópa eftir stööu þeirra. 27
konur búa heima hjá foreldrum
sinum, þe. eru ekki húsmæður. 46
konur halda heimili einar, þe. eru
húsmæður og húsbændur i senn.
Þá eru eftir 166 konur, sem eru
húsmæöur og stunda jafnframt
atvinnu utan heimilis og eru það
40% norðfirskra kvenna á aldrin-
um 18-67 ára.
Starfandi nefndir á vegum bæj-
arfélagsins i Neskaupstað eru 47.
i þeim eru 40 konur, en 117 karlar,
þe. tæplega 25% starfandi ein-
staklinga i nefndunum eru konur.
En sumir eru i mörgum nefndum.
Þannig eru þessar 40 konur 63
sinnum i 47 nefndum eða að jafn-
aði 1.34 kona i hverri nefnd, þe.
22%. Karlarnir 117 eru 225 sinnum
i 47 nefndum eða 4,77 karlar að
jafnaði i nefnd.
Af konunum 40 i bæjarnefndun-
um eru 26 útivinnandi húsmæður
eða 65% kvennanna.
Viðhorfin
til fósturs
og barns
Þá minntist Hlin að lokum að-
eins á skiptingu i nefndir og kom
fram, að konur eiga fyrst og
fremst sæti i nefndum eins og
barnaheimilisnefnd, áfengis-
varnarnefnd, barnaverndar-
nefnd, leikvallanefnd, bókasafns-
nefnd æskulýðsráði o.s.frv. og
jafnvel er þeim treyst i skipulags-
nefnd og náttúruverndarnefnd, en
hinsvegar alls ekki i nefndum
sem ráðstafa sjóðum og meiri-
háttar fjármálum, og ekki á nein
kona sæti i iþróttanefnd né þjóð-
hátiðarnefnd á sjálfu kvennaár-
inu, sagði Hlin. —vh
Hlin Aðalsteinsdóttir.
Þessi teikning Sigrúnar Eldjárn prýöir baksiöu nýútkomins eintaks af
blaöi rauösokka, „Forvitin rauö” og lýsir vel því viðhorfi margra
gagnvart fóstri og barni, sem Hildur Scheving gerir aö umtalsefni f
belgnum ner neoar a siounm.
En enginn vill
sjá börnin...
Hildur Scheving hringdi og
sagðist vilja leggja orð i belg
útaf deilunum um fóstureyð-
ingafrumvarpið og þá einkum
vegna undirskrifta kvenna-
hóps gegn sjálfsákvörðunar-
rétti kvenna varðandi þessi
mál.
— Eg hef margoft rekið mig
á það i þjóðfélaginu, sagði
hún, að þessar sömu mann-
eskjur, sem ómögulega vilja
skilja aðstæður kvenna sem
óska fóstureyðingar, vilja
heldur ekki skilja aðstæður
þeirra kvenna sem standa ein-
ar uppi með börn sin.
Sjálf sagðist hún hafa verið i
þeirri aðstöðu fyrir nokkrum
árum að vera ein með barn og
þurfa að fá leigt hér i borginni.
Flestum umsóknum hennar
var alls ekki svarað. Og þegar
hringja átti og fá upplýsingar
gegnum sima var stundum
beinlinis skellt á hana siman-
um þegar hún sagði frá barni
sinu, eða þá bornar fram alls-
konar mótbátur, svosem að
barnið gæti skemmt blómin i
garðinum eða valdið hávaða á
nóttunni o.s.frv. o.s.frv....
— Einu sinni varð ég útúr
neyð aö taka á leigu til þriggja
mánaða litla ibúð með þvi
skilyrði að barnið væri þar
aldrei nema rétt yfir blánótt-
ina.
Og þetta hefur ekki breyst.
Ég þekki núna yngri konu,
sem er einstæð móðir með tvö
börn, og hennar reynsla er ná-
kvæmlega sú sama og min,
simanum skellt þegar minnst
er á börnin og allskyns óað-
gengileg skilyrði sett.
Fóstrið, sem virðist svoná
innilega velkomið i orði, er
það sannarlega ekki á borði
Ekki heldur
kona þar
Félagi I Alþýöubandalaginu
hringdi og var heldur en ekki
óánægður með val ræðu-
manna á fundi Alþýðubanda-
lagsins að Hótel Borg 1. mai.
— Ekki af þvi að þeir ræðu-
menn væru ekki ágætir og
flyttu mál sitt vel, heldur af
hinu, að svo virtist sem fund-
arboðendum hefði alveg
gleymst — og ekki i fyrsta
sinn, sagði hann, — að konur
væru þónokkur hluti Alþýðu-
bandalagsins, stór hluti verk-
lýðshreyfingarinnar og helm-
ingur þjóðarinnar og hefði þvi
ekki verið óeðlilegt að heyra
frá þeim á baráttudegi verka-
lýðsins á sjálfu kvennaárinu.
Ungmennasambandiö
móti jafnréttisbar-
áttunni?
Og svo er hér að lokum bréf
að vestan ásamt þulu, sem við
getum reyndar ekki plássins
vegna birt alla, en tökum
nokkrar glefsur úr.
„Ungmennafélögin eiga
kost á að kaupa leikritamöppu
sem Ungmennasambandið
gefur út. Þar kennir margra
grasa og ekki laust við illgresi.
Þar á meðal er „Rauösokku-
þula karla”. Mér finnst þetta
lélegt framlag karlmanna til
jafnréttisbaráttunnar. Eða
hvað skyldi höfundurinn Theo-
dór Einarsson annars vera að
fara með þessu?
Ég vil benda rauðsokku-
hreyfingunni á að kynna starf
sitt betur, t.d. i kvenfélögun-
um úti á landi, ekki veitir af.
Dóra Halldórsdótlir,
Vifilsmýrum, önundarfiröi”.
Rauðsokkuþula karla
Fram, fram fyiking.
Heilir allir hildar til
þvi rauÖsokkur vilja
oss ráðast á.
Sýnum nú kjark,
tökum þátt i trimminu
þá munu engar rauðsokkur
roð viö okkur hal'a.
Rauðsokkur allar á
islandsgrundu,
ég ávarpa ykkur á þessari
stundu.
Þiö skcriö upp herör mcö
hroka og látum,
viljið gera alla karlmenn aö
undirsátum.
Og ef ykkur finnst þaö fjári
gaman,
þá farið á togara allar saman.
Og veriö þar alla ykkar daga
en hvort það fiskist, það er
önnur saga.
Þiö eruð ferlegar rauðsokka
rýjur
þið ráðist á karlmenn cins og
kriur
viljið ráða hvenær þeir fara á
fætur
og hvernig þeir liggi i rúminu
á nætur.
Þiö viljið láta þá eiga börnin
þá yrði fljótt tekin upp
neyöarvörnin.
Þiö gangið með soddan grillur
og dillur
getnaöarvarnartöfrapillur.
Rauösokkur, allar á okkar
landi
eru ægilegar og lágfreyöandi.
Kannski að þetta komist i
vana
eins og hassis og marijúana.
Þið ætlið að gjöra karlmenn að H
kokkum
en klifra sjálfar I rauðum
sokkum
upp á frægöar og frelsis
tindinn.
Þá fariö þið brátt aö losna viö
vindinn.
Þá horfum við á, hvar i heilum
flokkum
hrapar kvenfólk i rauöum
/ sokkum
og karlmenn munu um kaunin
binda
kannski meö rauðum
sáralinda.
En i rúminu ekki rauðsokku
rökin
ráöa hver hefur undirtökin.
Já, það er misjafnlega
smekklegt sem menn
skemmta sér við, en verst er
kannski þegar á að gera grin,
en tekst ekki fyrir hugmynda-
skort og kannski karlmann-
lega bræði (?). En leirburður
er þó alténd skárri en róg-
burður og ég býst nú ekki við,
að rauðsokkur kippi sér upp
við svonalagað. En tekið skal
undir með Dóru, að Rauð-
sokkahreyfingin þyrfti að
kynna starf sitt betur úti á
landi. og áreiðanlega stæði
ekki á henni ef einhverjir
heimamenn ættu frumkvæðið.
Reyndar hefur verið dálitið
um slikt, t.d. nú alveg nýlega i
Neskaupstað.
Næsta sunnudag kemur
ekkert blað út vegna prent-
arafrís á laugardag og þar-
með engin jafnréttissiða og
mættu lesendur hennar þá
gjarna nota timann til að
skrifa nokkur orð i belginn um
það sem þeir taka eftir og
snertir þessi mál, jákvætt eða
neikvætt.
—vh