Þjóðviljinn - 16.11.1982, Blaðsíða 4

4 SÍÐA — ÞJÓÐVILJINN Þriðjudagur 16. nóvember 1982
UOBVIUINN
Málgagn sósíalisma, verkalýös-
hreyfingar og þjóöfrelsis
Utgefindi: Útgáfufélag Þjóöviljans.
Framkvæmdastjóri: Eiður Bergmann.
Ritstjórar: Árni Bergmann, Einar Karl Haraldsson, Kjartan Ólafsson.
Umsjónarmaður Sunnudagsblaðs: Guöjón Friöriksson.
Augiýsingastjóri: Svanhildur Bjarnadóttir.
Afgreiðslustjóri: Baldur Jónasson.
Blaðamenn: Álfheiður Ingadóttir, Helgi Ólafsson, Lúövík Geirsson, Magnús
H. Gíslason, Ólafur Gíslason, Óskar Guömundsson, Sigurdór Sigurdórsson,
Þórunn Siguröardóttir, Valþór Hlööversson.
íþróttafréttaritari: Víðir Sigurösson.
Útlit og hönnun: Andrea Jónsdóttir, Guöjón Sveinbjörnsson.
Ljósmyndir: Einar Karlsson, Gunnar Eliasson.
Handrita- og prófarkalestur: Elías Mar, Gísli Sigurösson, Guömundur Andri
Thorsson.
Auglýsingar: Áslaug Jóhannesdóttir, Sigríöur H. Sigurbjörnsdóttir.
Skrifstofa: Guðrún Guðvaröardóttir, Jóhannes Haröarson.
Símavarsla: Sigríður Kristjánsdóttir, Kristín Pétursdóttir.
Húsmóðir: Bergljót Guöjónsdóttir.
Bílstjóri: Sigrún Bárðardóttir.
Innheimtumenn: Brynjólfur Vilhjálmsson, Gunnar Sigmundsson.
Pökkun: Anney B. Sveinsdóttir, Halla Pálsdóttir, Karen Jónsdóttir.
Otkeyrsla, afgreiðsla og auglýsingar: Síöumúla 6 Reykjavík, sími 8 13 33
Umbrot og setning: Prent.
Frentun: Blaöaprent h.f.
Þvílíkt
heimilisböl!
• Formaður Alþýðuflokksins hefur látið þau boð út
ganga í fjölmiðlum, að hann muni ekki mæta framar til
viðræðufunda við ráðherranefnd ríkisstjórnarinnar um
framgang þingmála og tímasetningu kosninga.
• Við lok síðasta viðræðufundar á þriðjudaginn var töldu
allir aðilar viðræðnanna hins vegar sjálfsagt að þeim yrði
haldið áfram, enda hafði verið tekið vel í hin svokölluðu
skilyrði Alþýðuflokksins.
• En nú hefur formaður Alþýðuflokksins kosið að söðla
skyndilega um og vill ólmur feta í fótspor Geirs Hall-
grímssonar, sem áður hafði hafnað öllum viðræðum við
ríkisstjórnina um afgreiðslu brýnustu þingmála. Og
Kjartan Jóhannsson ber því við að ekki hafi verið fallist á
öll skilyrði Alþýðuflokksins nú þegar.
• Hver voru þessi skilyrði:
1. - Að bráðabirgðalögin um efnahagsráðstafanir frá 21.
ágúst í sumar yrðu lögð fram á Alþingi án frekari
tafar. Þetta hefur nú þegar verið gert, svo ekki
strandar á því máli.
2. - Að störfum stjórnarskrárnefndar yrði hraðað og
reynt verði til þrautar á næstu vikum að ná samstöðu
allra þingflokka um nauðsynlegar breytingar á
stjórnarskránni. - Allir aðilar eru sammála um að
reyna að hraða störfum nefndarinnar eftir mætti, og
þar hefur verið mikið um fundarhöld að undanförnu.
í samþykkt Alþýðuflokksins, er talað um að reynt
verði að ná samstöðu í stjórnarskrárnefnd „á næstu
vikum“, svo varla getur það verið tilefni viðræðuslita
þótt þetta hafí ekki tekist strax á þeim fjórum dögum,
sem liðu frá því Kjartan Jóhannsson lagði skilyrðin
fram og þar til hann lýsti yfír að viðræðunum væri
lokið.
3. - Að nýjar alþingiskosningar fari fram eigi síðar en í
aprílmánuði næstkomandi.
• Þetta var þriðja og síðasta skilyrði Alþýðuflokksins.
Því fór fjarri að ríkisstjórnin hafnaði þessu skilyrði fremur
en hinum. Þvert á móti hafði ríkisstjórnin lýst því yfir, að
hún stefndi að alþingiskosningum á fyrri hluta næsta árs
og væri reiðubúin til viðræðna við Alþýðuflokkinn um
endanlega dagsetningu í þeim efnum. Um þetta átti að
ræða á fundinum, sem til stóð að halda í dag, en formaður
Alþýðuflokksins neitar þá að mæta.
• Það leynir sér ekki, að formaður Alþýðuflokksins hef-
ur óttast það mest, að ríkisstjórnin byði upp á samkomu-
lag um kosningar í aprílmánuði eða fyrr, og féllist þar með
á öll þessi svokölluðu skilýrði Alþýðuflokksins!
• Flokksþing Alþýðuflokksins, sem haldið var fyrr í
þessum mánuði lagði forystu flokksins þá skyldu á herðar
að halda áfram viðræðum við ríkisstjórnina um afgreiðslu
brýnustu þingmála, að þeim skilyrðum uppfylltum, sem
hér voru rakin. Á flokksþinginu var greinilega verulegur
vilji fyrir því að semja við ríkisstjórnina um eðlilega af-
greiðslu mála. Þingflokur Alþýðuflokksins með þá Kjart-
an Jóhannsson og Sighvat Björgvinsson í broddi fylkingar
virðist hins' vegar ekki mega til slíkra samninga hugsa.
Þeir virðast ekki geta hugsað sér að víkja hænufet frá
samstöðunni með Geir Hallgrímssyni. Þess vegna er fund-
in upp tylliástæða til að slíta viðræðunum strax áður en
neitt fengi að reyna á málefni.
• Framkoma Kjartans Jóhannssonar í þessu máli er víta-
verð, en hún á sína skýringu í því algjöra upplausnará-
standi, sem nú ríkir í herbúðum Alþýðuflokksins.
• Sá þingmaður Alþýðuflokksins, sem fékk nær helming
atkvæða við varaformannskjör í flokknum fyrir fáum
dögum hefur nú lýst því yfír, að hann verði alls ekki í
framboði fyrir Alþýðuflokkinn í komandi kosningum og
hótar Kjartani og félögum með sprengiframboði!
• Meðan samningamálin ganga svona hörmulega í sand-
kassaleik forystusveitar Alþýðuflokksins, þá er kannski
ekki von að flokkurinn treysti sér í alvarlegar samninga-
viðræður við aðra flokka um meginmál.
• Þá er iíklega betra að allir séu bara á móti öllum! k.
klippt
Allt vald til
Vinnuveitenda-
sambandsins
Sjálfstæðisflokkurinn hefur á
hátíðarstundum þóst vera nokk-
uð sjálfstæður gagnvart sam-
tökum atvinnurekenda, en þegar
á reynir er sýnt að ekki gengur
hnífsblaðið á milli flokks og hags-
muna...Flokkurinn enda til orð-
inn til að verja og styrkja hags-
muni burgeisanna í þjóðfélaginu.
Þannig rúlla menn á milli bás-
anna í ofurveldi íhaldsins, á milli
starfa fyrir flokkinn og atvinnu-
rekendur.
Tilkynnt hefur verið að Þor-
steinn Pálsson framkvæmdastjóri
Vinnuveitendasambandsins fari í
prófkjör í Suðurlandskjördæmi.
Þorsteinn var áður ritstjóri Vísis.
Enn fremur var tilkynnt um helg-
ina að Ellert Schram sem einnig
hefur verið ritstjóri Vísis sé
reiðubúinn í prófkjör hjá íhald-
inu í Reykjavík. Það er gaman að
þessum frjálsu og óháðu fjöl-
miðlum.
Vinnuveitenda-
sambandið gegn
Haukdal
Hvað vill svo Sjálfstæðisflokk-
urinn með framkvæmdastjóra
Vinnuveitendasambandsins í ríki
Haukdals í Sunnlendingafjórð-
ungi?Það gengur fjöllunum
hærra að Geirsklíkan hafi loíað
Haukdal tiyggu þingsæti fyrirað
gerast liðhlaupi í sumar. Það gæti
orðið þröngt fyrir dyrum í efstu
sætum þessa framboðslista áður
en lýkur. Eða ætlar Geirsklíkan
að smygla Haukdal út um bak-
dyrnar af þingi? Þá færi illa fyrir
ráðherraefninu, sem áður hamp-
aði bréfi í túni.
Stéttasamvinna
um frjálshyggju
Alvarlegri eru þau tíðindi sem
berast frá stéttarfélagi verslunar-
manna hér í Reykjavík. Sagt er að
tímaritið Frjáls verslun, sem hef-
ur verið aukabúgrein Sjálfstæðis-
flokksins og atvinnurekenda-
valdsins um langa hríð, eigi nú að
rekast f sameiningu af Verslun-
armannafélagi Reykjavíkur og
Verslunarráði íslands ásamtmeð
fyrirtækinu Frjálst framtak sem
skrifað hefur verið fyrir þessari
útgáfu hingað til. Hvar gæti slíkt
gerst að menn rugluðu saman
hagsmunum þeirra sem kaupa og
þeirra sem selja vinnuafl annars
staðar en á íslandi?
Ekki er það nú til að fegra
myndina að þetta tímarit hefur
verið einkar ógeðfellt auglýsinga-
rit fyrir forstjóra og hugmynda-
fræðin í þeim dúr sem nafngiftir
gefa til kynna; frelsi til að arð-
ræna náungann. Vonandi sér
Verslunarmannafélag Reykja-
víkur að sér áður en alvara verður
úr þessari fjarstæðukenndu
ákvörðun. Því jafnvel þótt Sjálf-
stæðisflokkurinn hafi tögl og
hagldir í verkalýðsfélagi er ekki
hægt að ætla því svo dapurleg ör-
lög, að daga uppi í þrotabúi
frjálshyggjunnar.
-óg
Vísindaferðir
ungra íhalds-
manna
í Vökublaði ungra íhalds-
manna í Háskóla íslands segir frá
því í gamansömum tón, að nú ætli
félagið þeirra að efla með sér dáð
og þjóðlega reisn:
„Alkunna er að vísindaferðir
deildarfélaga í H.í. hafa mælst
mjög vel fyrir. Stjórn Vöku
hyggst nú fara að fordæmi þeirra
og efna til vísindaferðar fyrir
Vökumenn. Áætlað er að farið
verði laugardaginn 6. nóv. n.k.
og stefnan tekin á aðsetur banda-
ríska varnarliðsins á Miðnes-
heiði. Munu Vökumenn kanna
gaumgæflega hvernig vörnum
landsins er háttað, skoða orust-
uþotur, ratsjárflugvélar og margt
fleira. Einnig er fyrirhugað að líta
á hvernig framkvæmdum miðar í
Helguvík. Svo er aldrei að vita
nema Vökumenn bregði sér í Of-
fiseraklúbbinn um kvöldið að
loknum vísindarannsóknum."
Frelsi gegn
frelsi
Komið er út á glanspappír 2.
hefti tímarits frjálshyggjumanna,
Frelsið undir ritstjórn Hannesar
Ilólmsteins Gissurarsonar. En
margt efni er í því um hann, með
tilvitnunum í hann og eftir hann.
í ritnefnd eru meðal annarra
Matthías Moggaritstjóri og Jónas
Haralz bankastjóri. Ráðgjafi er
titlaður sjálfur Friedrich A. Hay-
ek og forsíðumynd í lit er af Milt-
on Friedman í sjónvarpskassa.
Merkir dálkar í ritinu eru undir
samheitinu Fréttir af hugmynda-
baráttunni. Þar segir á einum
stað: „Islenskir samhyggjumenn
eru sjálfum sér verstir. Fyrst birt-
ir Morgunblaðið af dæmafáu
frjálslyndi sínu langan fyrirlestur
eftir Þorstein Gylfason B.A. 5.
og 6. september 1981, sem átti að
vera um frjálshyggju en var það
ekki“, Höfundareinkennin eru
nokkuð glögg, hér er Hannes að
gefa Matthíasi nótu fyrir frjáls-
lyndið auk þess sem hann er að
reyna að fá útrás fyrir innibyrgða
gremjuna út í Þorstein Gylfason
sem hefur á stundum snuprað
þennan lærisvein sinn eftirminni-
lega. Enda kemur í beinu fram-
haldi af tilvitnuðum orðum þetta:
„Hannes H. Gissurarson svaraði
honum í sama blaði 12. septemb-
er, eins og rakið erí 3. hefti Frels-
isins 1981“. Sýnt er að fáir eru
jafn vel að sér í greinaskrifum
Hannesar, hvort sem það er um
frjálshyggjuna eða annað ámóta
geðslegt, en einmitt Hannes
sjálfur.
Skotmark
sameignarsinna
Annars staðar í „fréttum af
hugmyndabaráttunni" stendur
þetta: „Indriði G. Þorsteinsson
hefur verið skotmark sam-
eignarsinna í mörg ár, enda er
hann framúrskarandi rithöfund-
ur, hefur aldrei lotið aga þeirra
og jafnvel leyft sér að svara
þeim“. Síðan segir að það hafi
komið mörgum á óvart „er
Skírnir gamalt og virðulegt tíma-
rit“ hafi birt „árásargrein" Vé-
steins Ólasonar bókmenntalektors
(umrædd grein heitr Frá upp-
reisn til afturhalds). Síðan er
spurt: „Var Þjóðviljinn ekki
heppilegri til þess?“ Eitt af mörg-
um dæmum sem í „Frelsinu“ má
finna um að beint og óbeint sé
hvatt til ritskoðunar - ein helsta
aðferðin er einmitt sú að segja,
að flest það sem lætur illa í eyrum
Frelsismanna eigi hvergi að fá
inni nema í einu tilteknu vinstri
dagblaði.
En sem fyrr segir: pappírinn er
glansandi, myndir eru margar til
að flikka upp á lata hugsun og
auglýsingar svo margar frá furð-
umörgum fyrirtækjum, að þetta
markaðshyggjutímarit er kannski
eina tímaritið á landinu sem ekki
þarf neina lesendur til að komast
af. ó8-