Þjóðviljinn - 04.06.1983, Blaðsíða 22

22 SÍÐA - ÞJÓÐVILJINN1 Helgin 4. - 5. júní 1983.______________________
9. sinfónía Beethovens -hornsteinn tónleikahúss
Einar Thoroddsen.
Einar Thoroddsen:
Gaman
Já-á, ég hef sungið með Fílharm-
óníunni með höppum og glöppum
nokkuð lengi, nú síðast í þrjá mán-
uði, sagði Einar Thoroddsen tenór
og læknir þegar við króuðum hann
af í mannþrönginni í salarkynnum
listamanna undir Háskólabíó-
sviðinu.
Þetta er ekki í fyrsta sinn sem ég
tek þátt í níundu, ég var með fyrir
um tíu árum þegar doktor Róbert
stjórnaði. Gaman. Við byrjuðum
að æfa þetta fyrir svona einum og
hálfum mánuði, útí Melaskóla þar
sem Fflharmónían æfir, og svo hafa
verið, bíddu við, ein tvær þrjár
fjórar, já fjórar samæfingar með
hljómsveitinni.
- Aðstaðan hérna niðri? Fín eftir
að það var bannað að reykja.
- Hugmyndirnar um tónleika-
hús? Jú, ég er að hugsa um að
byggja það, sagði Einar og skrifaði
nafnið sitt á eitt spjaldanna sem
lágu frammi og menn notuðu til að
gerast þátttakendur í samtökum
um byggingu tónleikahúss í
Reykjavík. Svo var rokið á svið.
Jón Asgeirsson tónskáld frammi í anddyri fyrir flutning niundu
sinfóníúfinar. Jón er að lesa yflr drög að reglugerð fyrir Samtök um
Tónlistarhús, en það er draumur áhugafólks og fagmanna um þessar
mundir.
Skafti Ólafsson söngvari og prent-
ari lét sig ekki vanta á níundu sin-
fóníuna á fimmtudagskvöldið. „Þú
birtir ekki þess mynd góðurinn,“
sagði Skafti við ijósmyndarann sem
stóð við heitið um að birta hana
samt.
Það er ekki beinlínis rúmt um listamennina í kaffístofunni og göngunum undir sviði Háskólabíós.
Andrúmsloftið er rafmagnað, sumir stilla hljóðfærin, aðrir renna gegnum erfiðustu kaflana, menn ræða
saman og einstaka laumast tii að kíkja á nafnið sitt í efnisskránni.
Valgerður Gunnarsdóttir.
Valgeröur
Gunnarsdóttir
fyrir flutning
níundu:________
h
hlakka til
Ég hlakka mikið til, sagði Val-
gerður Jóna Gunnarsdóttir sópr-
an, þegar hún var á leiðinni uppá
svið til að syngja í níundu á fimmtu-
dagskvöldið.
- Ég hef verið lengi í Þjóð-
leikhússkórnum, á sjötta ár. Það
hefur verið mjög skemmtilegt að
æfa fyrir þennan flutning.
' Nei, nei ég er ekkert spennt á
taugum, sagði Valgerður Jóna
hlæjandi um leið og hún rauk uppá
sviðið, þar sem kórarnir komu sér
stillilega fyrir og kórlimir vögguðu
sér einsog aðrir áheyrendur fram í
fjórða þátt, að þeir tóku lifandi og
kröftugan þátt í flutningi verksins.
Níunda sinfónía Beethovens var
verkefnið á áskriftartónleikum
Sinfóníunnar þennan starfsvetur.
Verkið var flutt á fimmtudags-
kvöld við fögnuð áheyrenda og
verður flutt aftur í dag, laugardag,
en ágóði af þeim tónleikum rennur
allur til byggingar tónleikahúss í
Reykjavík; allir flytjendur gefa
vinnu sína. Á tónleikunum á
fimmtudag gafst áheyrendum og
flytjendum kostur á að verða þátt-
takendur í nýstofnuðum sam-
tökum um byggingu slíks húss, og
sagði Ingi R. Helgason, einn af
frumkvöðlum þeirra samtaka, að
undirtektir hefðu verið frábærar og
greinilega mikill hugur í fólki.
Flytjendur 9. sinfóníunnar eru
Sinfóníuhljómsveit íslands, Söng-
sveitin Fílharmónía (kórstjóri
Guðmundur Emilsson), Þjóð-
leikhússkórinn (kórstjóri Agnes
Löve), Karlakórinn Fóstbræður
(æfingarstjórar Hjalti Guðmunds-
son og Þorsteinn Helgason) og ein-
söngvararnir Svala Nielsen, Sigríð-
ur Ella Magnúsdóttir, Jón Sigur-
björnsson og Sigurður Björnsson.
Stjórnandi herlegheitanna er Jean-
Pierre Jacquillat. Þjóðviljamenn
brugðu sér í Háskólabíó á fimmtu-
dagskvöldið og birtist uppskeran á
síðunni.
Texti: -óg/m.
Myndir Atli
Hluti flytjenda bíður þess að Jón Pétur Jacquillat hefji tónsprotann á loft.
Um 200 manns taka þátt í flutningi verksins.
Vopnin munduð glaðhlakkalega.
Helga
Þórarinsdóttir:
Alger
upplifun
r
Astar
bruniog
bylting
Innlifun manna við áheyrn ní-
undu sinfóníunnar er á ýmsa vegu.
Algeng er sú túlkun að ástarbrumi
og byltingargleði komi fram í sál-
artötrum agndofa áheyrenda, sér-
staklega undir iokaþættinum þar-
sem magnþrungnasti hluti verksins
hittir hvurn mann fyrir. „Dansið
heimar himinglaðir; hingað veröld,
þiggðu koss“, segir í þýðingu Matt-
híasar Jochumssonar á ljóði Schill-
ers, „An die Freude" eða Óðnum
til gleðinnar. Sú saga hefur heyrst
að það hafi átt að heita „An die
Freiheit“, eða Óðurinn til frelsis-
ins. Hins vegar hafi þýska rit-
skoðunin verið það öflug, að trygg-
ilegra þótti að breyta frelsi í gleði. í
sjálfu sér ekkert svo fjarskyld
hugtök.
Helga Þórarinsdóttir.
Það er alger upplifun að fá að
taka þátt í þessu, sagði Helga Þór-
arinsdóttir víóluleikari í Sinfóníu-
hljómsveitinni og gerði hlé á
flnstillingu fíðlunnar. Þetta hafa
verið strangar æfingar, en
skemmtilegar.
- Ég hef reyndar verið með í ní-
undu sinfóníunni einu sinni áður,
fyrir þrem árum með Jacquillat.
- Hvað mér finnst um aðstöðuna
í Háskólabíói? Þú sérð það nú,
þetta er óskaplega lélegt hérna.
- Tónleikahúsið? Ja, éggef vinnu
mína á laugardaginn þannig að ég
hlýt að vera með í samtökunum,
sagði Helga og mundaði aftur
bogann.
-m