Þjóðviljinn - 28.12.1983, Blaðsíða 12

12 SÍÐA - ÞJÓÐVILJINN Miðvikudagur 28. desember 1983
•C--É
Ný verslun við Vesturgötu
Nýlega var opnuð ný verslun við Vesturgötu 23. Hún ber það nýstárlega
nafn Zhita og verslar mcð gjafavörur. A boðstólum cru baðvörur ýmiss
konar, unnar úr náttúruefnum, þar er hægt að láta gera fyrir sig skrautsk-
rift og áhugasamir um poppsögu geta fcngið Stuðmannabókina keypta,
svo eitthvað sé nefnt.
,jSvif‘ í Portúgal
Um svipað leyti og forseti ís-
lands, Vigdís Finnbogadóttir, var
stödd í Portúgaí, tókust samningar
á milli Skífunnar og portúgalska
fyrirtækisins Promusix um útgáfu á
plötu Björns Thoroddsen, „Svifí
Portúgal.
„SviP‘ er plata í jass-fusion stíl.
Höfundur allra laga á plötunni er
Björn Thoroddsen fyrir utan eitt
lag, sem er eftir Mikael Berglund.
Um umsjón á upptöku plötunnar
sá Jónas R. Jónsson, en honum til
aðstoðar var Sigurður Bjóla.
(Fréttatilkynmng)
Móðir okkar, tengdamóðir og amma
Þorvalda Hulda Sveinsdóttir
Hellisgötu 21 Hafnarfirði
veröur jarðsungin frá Fossvogskirkju í dag miðvikudag 28.
desember kl. 13.30.
Baldur Guðmundsson
Gylfi Guðmundsson
Helgi Guðmundsson
Kristín Guðmundsdóttir
og barnabörn
Alda Vilhjálmsdóttir
Guðrún Jónsdóttir
Ragnheiður Benediktsdóttir
Bjarni Hauksson
Utför föður okkar
Ástþórs B. Jónssonar
Kleppsvegi 28
fer fram frá Fosvogskirkju miðvikudaginn 28. desember kl.
10.30.
Þeir sem vilja minnast hans eru vinsamlegast beðnir að láta
SÍBS njóta þess.
Ester Rut Astþórsdóttir
Reynir Ástþórsson
Móðir mín, tengdamóðir, amma og langamma,
Sveinborg Björnsdóttir,
Austurbrún 4,
verður jarðsungin frá Fossvogskirkju í dag, miðvikudaginn
28. desember kl. 3.
Þeir sem vildu minnast hennar vinsamlega láti Krabba-
meinsfélagið njóta þess.
Jónsteinn Haraldsson Halldóra Kristjánsdóttir
Borgar Jónsteinsson Hafdís Jónsteinsdóttir
Halldóra Ólafsdóttir.
Móðursystir mín
Vilborg Björnsdóttir
verður jarðsungin frá Nýju-Fossvogskapellunni miðviku-
daginn 28. desember kl. 15.
Hallgerður Pálsdóttir.
Minning
Guðjón Eggert
Einarsson
Stokkseyri
Fœddur 1. mars 1966
Dáinn 16. des. 1983.
Óumræðanlega var fréttin sár
föstudagskvöldið 16. þ.m. að
Guðjón frændi minn væri dáinn,
hefði látist í bílslysi þá um kvöldið.
Hann, sem var svo ungur, aðeins
17 ára, hlaðinn starfsorku, lífsgleði
og björtum framtíðarvonum.
Guðjón var fæddur 1. mars 1966
næst elsta barn hjónanna Hólm-
fríðar Hlífar Steinþórsdóttur og
Einars Páls Bjarnasonar skrifstofu-
stjóra Hraðfrystihúss Stokkseyrar.
Á Stokkseyri átti hann sín fáu ævi-
ár. Strax í barnæsku var þessi káti
og aðlaðandi drengur hugljúfi
allra, sem hann umgengust. Að
skyldunámi loknu stundaði hann
nám við Kvennaskólann í Reykja-
vík og síðan við Fjölbrautaskólann
á Selfossi.
Skólaslit fyrir jólafrí höfðu farið
fram á föstudag, og um kvöldið ætl-
uðu skólasystkinin að hittast og
skemmta sér. í þá ferð var Guðjón
að fara, ásamt unnustu sinni og
fleiru ungu fólki, þegar slysið
hörmulega skall yfir.
Guðjón var mikill efnispiltur,
reglusamur, prúður og vammlaus í
umgengni allri og framkomu. í fé-
lagsstörfum og íþróttum var áhug-
inn. I störfum Ungmennafélagsins
og á íþróttavellinum var tómstund-
unum varið. Hjálpsamur var hann
og viljugur. Ávallt tilbúinn að rétta
hönd til liðsinnis, hvenær, sem eftir
var leitað. Foreldrum sínum og
systkinum var Guðjón sannkallað-
urgleðigjafi öll sín hérvistarár.
I félags- og íþróttamálum ungs
fólks á Stokkseyri er stórt skarð
ófyllt. Þar er góður félagi og ötull
liðsmaður genginn. - En dýpst er
sárið og höggið þyngst fyrir hans
nánustu, foreldra, systkini og
unnustuna ungu, sem nú liggur
slösuð á sjúkrahúsi og fylgir í hug-
anum ástvininum síðasta spölinn.
Þeim votta ég djúpa samúð.
Hér skal ekki getum leitt um til-
gang lífs og dauða. Örlögin eru oft
svo miskunnarlaus.
Oftar bónar Guðjón ekki bílinn
fyrir frænda sinn. Oftar léttir hann
ekki undir með mömmu sinni og
pabba í dagsins önn.
En minningarnar eigum við
eftir, - bjartar ylríkar minningar
um drenginn góða og hjálpsama.
Þær hugljúfu minningar létta syrgj-
endum sorgina þungu og lyfta hug-
um til hæða.
Þessi fátæklegu orð við leiðarlok
frænda míns hefi ég ekki fleiri.
Blessuð sé minning Guðjóns
Eggerts Einarssonar.
Björgvin Sigurðsson,
Stokkseyri.
Minning
Vilborg Bjömsdóttir
í dag verður jarðsungin frá Foss-
vogskapellu, ömmusystir okkar
Vilborg Björnsdóttir. Vilborg eða
Bogga frænka eins og við kölluðum
hana, var fædd að Narfastöðum í
Viðvíkursveit þann 23. janúar árið
1901. Hún var dóttir hjónanna
Björns Gunnlaugssonar og Hall-
dóru Magnúsdóttur og næst yngst 6
barna þeirra og þau systkinin nú öll
látin. Fyrstu æviárin var hún með
foreldrum sínum, en eftir að þau
brugðu búi og fóru í húsmennsku,
var hún sett í fóstur til móðursystur
sinnar að Miðgrund í Akrahreppi
og ólst þar upp.
Strax og kraftar leyfðu varð hún
að vinna fyrir sér og kynntist
snemma óblíðum lífskjörum ís-
lenskrar alþýðu á fyrri hluta þess-
arar aldar. Hún gat ekki unað
kjörum, sem misbuðu bæði sjálfs-
virðingu hennar og réttlætiskennd.
Því gekk hún snemma til liðs við
verkalýðshreyfinguna, var meðal
stofnfélaga Sóknar og sat þar í
stjórn um árabil.
Tæplega þrítug að aldri veiktist
Boggá af berklum og fór þá sem
sjúklingur að Vífilstöðum. Eftir
stutta legu fór hún að vinna á hæl-
inu. Þar vann hún óslitið til ársins
1969, ef undan er skilinn smátími,
sem hún starfaði hjá Ölgerðinni.
Vorið 1969 hætti hún störfum
vegna veikinda en dvaldi áfram á
Vífilstöðum fram til ársins 1980 þá
sem sjúklingur.
Eftir 50 ára dvöl á Vífilstöðum
varekki lengurplássfyrir hanaþar.
Þrjú síðustu æviárin var hún á
Grund og naut þar góðrar aðhlynn-
ingar.
Það sem okkur er minnisstæðast
í fari Boggu var lífsgleðin og ör-
lætið. Hún var að jafnaði kát og
hress, upplífgandi meðan hún hélt
fullri heilsu. Hún var alltaf kær-
kominn gestur og það var alltaf ein-
hver sérstök tilfinning, sem fylgdi
því að heimsækja hana suður að
Vífilstöðum. Bogga var í senn fé-
lagslynd og einræn. Hún gat verið
hrókur alls fagnaðar, en kunni oft
best við sig í fámenni. Hún var mik-
ill vinur vina sinna, en það var ekki
allra að eignast vináttu hennar.
Þó Bogga ynni hörðum höndum
svo lengi sem heilsan leyfði,
eignaðist hún aldrei neitt. Hún var
sérlega örlát og nutu þess margir.
Það sem hún ekki gaf hirti verð-
bólgan, en hún hafði engar áhyggj-
ur af því. Svo lengi sem hún gat
fullnægt sínum litlu þörfum, þjök-
uðu peningaáhyggjur hana ekki.
Ekki vitum við hversu kirkju-
rækin Bogga var, en hitt er víst að
fyrir henni var dauðinn ekki annað
en ferð yfir á annað tilverustig.
í dag kveðjum við Boggu. Við
þökkum ánægjulega samfylgd og
þær hlýju minningar, sem hún
skilur eftir.
Palli, Ásta,
Ella og Ólöf.
ALÞÝÐUBANDALAGIÐ
Alþýðubandalagið í Reykjavík
Árshátíð og þorrablót
Árshátíð og þorrablót Alþýðubandalagsins í Reykjavík verður laugardaginn
28. janúar 1984. Þegar eru bókanír farnar að berast og eru menn hvattir til
að skrá sig fyrir miðum sem allra fyrst. í fyrra komust færri að en vildu.
Dagskrá og skemmtiatriði auglýst síðar. - Skemmtinefnd ABR
Æskulýðsfylking Alþýðubandalagsins
Skrifstofan opin
Alla þriðjudaga og fimmtudaga verður skrifstofa Æskulýðsfylkingar-
innar opin frá kl. 17-18.30, í flokksmiðstöðinni, Hverfisgötu 105.
Áhugafólk er hvatt til að Ifta við eða hringja, síminn er 17500.
Stjórnin.
Notum ljós '
í auknum mæli
— í ryki, regni,þoku
og sól.
i MÍUMFOtOAR
wRÁC______________/