Þjóðviljinn - 05.01.1984, Blaðsíða 10

10 SÍÐA — ÞJÓÐVILJINN Fimmtudagur 5. janúar 1984
Tíðindi
að norðan
Meðal verkefna Fjórðungssam-
bands Norðlendinga hefur verið að
stuðla að því, að norðlenskir aðilar
á sviði menningarmála bindist sér-
stökum samtökum. Nokkrar efa-
semdir voru um það í byrjun, að
samtökin gætu starfað án beins
stuðnings frá Fjórðungssamband-
inu. Reynslan hefur nú leitt í Ijós,
að þau eiga sér fullkominn tilveru-
rétt og eru þess megnug að standa á
eigin fótum. Þótt aldur þeirra sé
ekki hár dylst ekki, að þau hafa
orðið aflvaki í norðlensku menn-
ingarlífi.
Framtak
Menningarsamtakanna
f sambandi við aðalfund Sam-
takanna í haust gengust þau fyrir
samsýningu 22 myndlistarmanna.
Rithöfundafélag er starfandi innan
Samtakanna. Er það þegar farið að
gæta hagsmuna norðlenskra rithöf-
unda, bæði gagnvart almennri út-
hlutun listamannafjár til höfunda á
Norðurlandi og varðandi tengsl við
hina nýju útvarpsdeild á Norður-
landi. Hreyfing er meðal tónlistar-
manna innan fjórðungsins. Meðal
baráttumála þeirra er að norð-
lenskum tónlistarmönnum verði
gefinn kostur á að nýta krafta sína á
höfuðborgarsvæðinu til jafns við
aðra.
Iðnaðarfundir
í haust hélt Félag íslenskra iðn-
rekenda tvo fundi á Norðurlandi, í
samráði við Fjórðungssamband
Norðlendinga. Var annar þeirra á
Akureyri en hinn á Sauðárkróki. Á
fundunum mætti Hafþór Helga-
son, fulltrúi. Báðir voru fundir
þessir vel sóttir, einkum Akur-
eyrarfundurinn. Var þetta í annað
sinn sem Fjórðungssambandið og
Félag íslenskra iðnrekenda gangast
fyrir svona fundum norðanlands.
Mannafli í almennum
iðnaði á Norðurlandi
Á fundunum kynnti Hafþór
Helgason stöðu iðnaðar og hlut-
deild hans í mannafla á Norður-
landi.
Á árabilinu 1975-1981 hefur
mannafli í iðnaði á Norðurlandi
vestra næstum tvöfaldast. Á Norð-
urlandi eystra hefur hann hinsveg-
ar vaxið um 17% á sama tíma. í
þessum samanburði er ekki tekinn
með byggingaiðnaður og fiski-
ðnaður.
Þrátt fyrir þessa miklu aukningu
á Norðurlandi vestra er hlutur al-
menns iðnaðar þó aðeins 14,5% í
mannafla. Á Norðurlandi eystra er
hlutfallið 20% af vinnuafli en
aukningin mun minni, enda iðnað-
urinn rótgróinn eins og t.d. á Akur-
Iðntæknistofnun
■ I íslands
óskar eftir aö ráöa starfsmann í röntgen-
myndun og prófanir (NDT) við
Málmtæknideild frá og meö 1. mars n.k.
Meðal núverandi verkefna má nefna:
• röntgenmyndatöku á suðum
• sprunguleit í málmum
• ýmiskonar efnisprófanir
Eftirfarandi kröfur eru geröar til væntanlegs
starfsmanns: aldur 25-35 ár, stundvís og á-
reiöanlegur, eigi auðvelt meö að umgangast
fólk, hafi starfsreynslu úr málmiðnaöi, sé iön-
fræöingur eöa hafi sambærilega menntun.
Viö bjóðum þér fjölbreytilegt starf í nýjum
húsakynnum meö áhugasömum samstarfs-
mönnum.
Umsóknum á þar til gerðum eyöublööum,
skal skilað til löntæknistofnunar íslands,
Keldnaholti, 110 Reykjvík, fyrir 15. þessa
mánaðar, merkt Málmtæknideild. Umsókn-
areyöublöö fást hjá Iðntæknistofnun,
Keldnaholti, sími 85400.
Hlutverk Iðntæknistofnunar (sland er að vinna að tækniþróun
og aukinni framleiðni í tslenskum iðnaði með því að veita
iðnaðinum sem heild, einstökum greinum hans og iðnfyrir-
tækjum sérhæfða þjónustu á svið tækni og stjórnunar og
stuðla að hagkvæmari nýtingu íslenskra auðlinda til iðnaðar.
,.i7 ,
IÐNSKOLINN I REYKJAVIK
Stundaskrár vorannar veröa afhentar í skóla-
num föstudaginn 6. janúar kl. 13.00-16.00,
gegn greiöslu skólagjalda, hafi þau ekki verið
greidd áöur.
Kennsla hefst samkvæmt stundaskrá mánu-
daginn 9. janúar.
Kennarafundur verður haldinn í matstofu
kennara kl. 16.00, föstudaginn 6. janúar.
Iðnskólinn í Reykjavík
eyri. Á Norðurlandi vestra voru
árið 1981 um 45% mannaflans í al-
mennum iðnaði í Húnavatnssýsl-
um en á Sauðárkróki 35,5%
mannaflans. Á Norðurlandi eystra
voru 80% mannaflans á Akureyri í
almennum iðnaði, o,3% á Húsavík
og 9,7% í Þingeyjársýslum. Vinnu-
afl í almennum iðnaði á Húsavík er
minna en heildarhlutfall iðnaðar í
kjördæminu og minna en á Sauðár-
króki og Siglufirði, ef miðað er við
Norðurlandskjördæmi vestra.
Atvinnuþróunar-
og orkumálanefnd
Á síðasta fjórðungsþingi Norð-
lendinga var kosin milliþinga-
nefnd, er fjalla skal um atvinnu-
þróun og orkumál. Á fyrsta fundi
nefndarinnar, sem haldinn var
snemma í nóvember, var meðal
annars rætt um ráðningu annars
iðnráðgjafa, störf núverandi iðn-
ráðgjafa að athugun á nýjum
atvinnumöguleikum og kynningar-
fundum um iðnþróun. Var ákveðið
að ganga fra skipulagi þeirra nú í
janúar. Rætt var og um iðnþróun-
arsjóði. Nauðsynlegt er að nefndin
og stjórn Iðnþróunarfélags Eyja-
fjarðar ræði sín á milli um þau
verkefni, sem skarast á milli félags-
ins og Fjórðungssambandsins.
Hagi hf. hættir störfum
Eitt af stærri innréttingafyrir-
tækjum á landinu, Hagi haf. á
Akureyri, hefur nú ákveðið að
hætta rekstri innan skamms. Á
Akureyri starfa 25 manns við fyrir-
tækið og 5 í Reykjavík. Hefur þeim
öllum verið sagt upp.
En ekki er öll sagan þar með
sögð. Margir hafa notið atvinnu af
ýmiss konar þjónustu í tengslum
við starfsemi Hagamanna. Má þar
nefna flutninga framleiðslunnar á
markað, sem eru umfansmiklir því
um 90% hennar seldir utan Akur-
eyrar.
Ástæðan fyrir því að Hagi hf.
hættir er samdráttur í sölu á sl. ári
og fyrirsjáanlegt framhald hans á
þessu ári. Fjármagn hefur ekki
fengist til að mæta rekstrarhalla.
Haukur Árnason, framkvæmda-
stjóri Haga hf., segir það og hafa
komið til að ekki hafi fengist fyrir-
greiðsla til að útfæra hugmyndir
um útflutning þrátt fyrir góðan
grundvöll fyrir útflutningi á
innréttingum. Haukur segir fram-
leiðsluna standa á sporði innflutt-
um innréttingum en markaðurinn
of þröngur þegar svo mikið væri
um innflutning sem nú.
Hagi hf. getur framleitt fastar
innréttingar í 2 íbúðir á dag og
auðvelt er að auka framleiðsluna
um meira en helming.
-mhg
Deílt um skósmið
Séð yfir hluta miðbæjarins og til Ingólfsbrekku 1852.
Árið 1853 átti bæjarstjórn
Reykjavíkur í miklum útistöðum
við fátækrastjórnina í Kaup-
mannahöfn. Var um það deild,
hvar danskur skósmiður, J. J. Bill-
enberg, sem dvalið hafði í Reykja-
vík í 10 ár, ætti framfærslusveit.
Billenberg þessi var hálfgert
hörslumenni þó að hann hafi
kannski smíðað sæmilega skó.
Hafði hann misþyrmt sjúkri éigin-
konu sinni og verið sektaður fyrir.
Nú var hann kominn til Hafnar og
hafði ekkert fyrir sig að leggja. Fá-
tækrastjórnin í Höfn hélt því fram,
að Reykjavík bæri að framfæra
Billenberg, en niðurstaðan varð þó
sú, eftir árlangt þref, að Danir sátu
uppi með sinn skósmið.
Þetta ár kom til Reykjavíkur
enskur peningamaður og heldur
betur færandi hendi. Afhenti hann
latínuskólanum að gjöf 1000 sterl-
ingspund. Skyldi fjárhæðinni varið
til þess að koma upp bókhlöðu fyrir
skólann. Þeirri hugmynd var þó
ekki hrint í framkvæmd fyrr en eftir
13 ár eða árið 1866. En söm var
gerð hins breska. - mhg
Hár og
fegurð
Út er komið 4.tbl., 3. árg. af
tímaritinu Hár & fegurð. Mikið er
að ske í hártískuheiminum.
Kynntar eru nýjar herralínur frá
Hár & fegurð og meistarafélagi
hárskera, nýjar tískulínur frá Stuhr
í Danmörku. Grein um skíði og
þjálfun eftir Hannes Kristjánsson.
Intercoiffure vinnur úr síðu hári.
Stílhreinar línur frá Bruno í París.
Allsráðandi í herralínunni virðast
vera strípur og permanent.
Fatnaðurinn var valinn í sam-
ræmi við herralínuna, en hann var
fenginn að láni úr eftirtöldum
verslunum: Flónni, Kjallaranum
og Tískuhúsi Stellu.
Hár &fegurö
Forsíðan er frá Stuhr í Dan-
mörku, sérstaklega gerð fyrir Hár
& fegurð.
Auglýsið í Þjóðviljanum