Þjóðviljinn - 17.01.1984, Blaðsíða 9

Þriðjudagur 16. janúar 1984 ÞJÓÐVILJINN — SÍÐA 13
Flugbjörgunarsveitin illa styrkt af borginni.
Fjárveiting borgarinnar til
Flugbjörgunarsveitarinnar
Fer á einum
óveðursdegi
björgunarsveitin væri ávallt reiðu-
búin til aðstoðar hvar sem væri en
þyrfti að eiga til peninga til að
standa straum af venjulegum út-
köllum.
í Flugbjörgunarsveitinni eru 140
virkir félagar. Þeir eiga 5 bíla, 4
snióbíla og 2 vélsleða. Af þessum
tækjum þurfa þeir að greiða trygg-
ingar og viðhald. í átökum eins og í
óveðrinu 4. janúar er ávallt
eitthvað um kostnað vegna slita á
keðjum og annarra smáóhappa.
Öll vinna er hins vegar unnin af
sjálfboðaliðum.
segir talsmaður
sveitarinnar
„Það átti að setja okkur út á kald-
an klakann hjá ríkinu í haust. Þjóð-
viijinn vakti fyrstur athygli á því
máli. Upp úr því fóru hjólin að snú-
ast og eftir mikla vinnu komumst
við inn á fjárlög fyrir árið 1984,“
sagði Ingvar F. Valdimarsson hjá
Flugbjörgunarsveitinni í samtali
við Þjóðviljann.
„Styrkveiting borgarinnar til okk-
ar er mjög lág, ekki nema 40 þús-
und krónur. Sú upphæð fer á ein-
um óveðursdegi, eins og nú um
daginn, aðallega í bensín á stóru
bílana okkar.“ Ingvar sagði að
rekstrarkostnaður væri mestur í
bensíni. Hann benti á að Flug-
Ingvar sagði að mikilvægt væri
að skilningur á starfseminni ríkti
hjá borgaryfirvöldum og ríki.
Reksturinn hefur verið fjármagn-
aður af þessum aðilum og hliðholl-
um einstaklingum. Merkjasala er
einnig mjög mikilvægur liður í fjár-
öfluninni. „Kraftar okkar nýtast
ekki nema við getum notað tækin
og rekið þau„.
-ÍP-
Safn til sögu Reykjavíkur
ekki styrkt
á þessu ári
Safn til sögu Reykjavíkur er rit-
röð sem Sögufélagið hefur séð um
útgáfu á. Styrkir hafa verið veittir
til þessa verks af borginni. Nú hefur
sú breyting orðið á að þeir hafa
verið felldir niður.
Þjóðviljinn hafði samband við
Einar Laxness forseta Sögufélags-
ins út af þessu máli. Hann sagði
okkur að samstarf félagsins og
borgarinnar hafi varað frá árinu
1968. Síðan hafa 5 bindi komið út í
ritröðinni Safn til sögu Reykjavík-
ur. Sagði hann að í haust hefði ver-
ið beðið um áframhaldandi styrk
Einar Laxness forseti Sögufélags-
ins.
vegna ákveðinna fræðirita sem þá
yrði farið að vinna.
Síðasta verkið í ritröðinni var fá-
tækrasaga Reykjavíkur 1786-1907
„Ómagar og utangarðsfólk“. Fyrir-
huguð var útgáfa tveggja fræðirita
enn, annað um konur í reykvísku
atvinnulífi, eftir Sigríði Erlends-
dóttur, og hitt um jarðrækt og
landbúnað í Reykjavík, eftir Þór-
unni Valdimarsdóttur.
„Svona rit seljast hægt því þau
byggja ekki á jólasölunni. Það þarf
því að koma styrkur frá opinberum
aðilum til heimildarita sem þess-
ara“, sagði Einar Laxness. Hann
benti á að Sögufélagið gefur mörg
söguleg og fræðileg rit út á ári
hverju, ýmist með eða án styrk-
veitinga. -jp.
Skilaboð til Söndru
flytja í Regnbogann
í dag hefjast í Regnboganum sýn-
ingar á nýjustu íslensku kvikmynd-
inni „Skilaboð til Söndru“, sem
undanfarið hefur verið sýnd í
Háskólabíói.
Myndin verður sýnd á öllum sýn-
ingum, þ.e. kl. 3, 5, 7, 9 og 11.
Myndin sem gerð er eftir sam-
nefndri skáldsögu Jökuls Jakobs-
sonar, hefður hlotið bestu viðtökur
áhorfenda og m.a. eftirfarandi
blaðaummæli:
„Tvímælalaust merkasta jóla-
myndin í ár.“ (FRI-Tíminn).
„Skeinmtileg kvikmynd, full af
notalegri kímni og segir okkur
jafnframt þó nokkuð um okkur
sjálf og þjóðfélagið sem við búum
í.“ (IH-Þjóðviljinn).
„Skemmtileg og oft bráðfalleg
mynd.“ (GB-DV).
„Heldur áhorfanda spenntum og
flytur honum á lúmskan en hljóð-
látan hátt erindi sem margsinnis
hefur verið brýnt fyrir okkar gráu
skollaeyrum, ekki ósjaldan af höf-
undi sögunnar sem fiíman er sótt í,
Jökli Jakobssyni." (PBB-Helgar-
pósturinn).
„Bessi vinnur leiksigur í sínu
fyrsta stóra kvikmyndahlutverki.“
(HK-DV).
„Getur Bessi Bjarnason ekki leyft
sér ýmislegt sem við hin þorum
ekki einu sinni að stinga uppá í ein-
rúmi?“ (ÓMJ-Morgunblaðið).
Aðalhlutverkið, rithöfundinn
Jónas, leikur Bessi Bjarnason,
Ásdís Thoroddsen leikur Söndru,
og í öðrum hlutverkum eru m.a.
Bryndís Schram, Benedikt Árna-
son, Þorlákur Kristinsson, Bubbi
Morthens, Jón Laxdal, Rósa Ing-
ólfsdóttir, Andrés Sigurvinsson,
Birna Þórðardóttir og Elías Mar.
Leikstjóri er Kristín Pálsdóttir.
Tónlist myndarinnar er eftir Gunn-
ar Reyni Sveinsson og Bubba
Þorlákur (Þorlákur Kristinsson)
handtekinn af lögreglunni undir
stjórn Birnu Þórðardóttur
rannsóknarlögreglumanns. Jónas
(Bessi Bjarnason) horfir hjálpar-
vana á.
Morthens, en lokalag myndarinn-
ar, Maður hefur nú... eftir Gunnar
Reyni sem Bubbi syngur hefur þeg-
ar náð verulegum vinsældum.
Auk sýninga í Regboganum í
Reykjavík verða „Skilaboð til
Söndru" sýnd víða um land á næst-
unni.
27 stiga gaddur
í Mývatnssveit
Orkureikningarnir sliga menn,
segir Starri í Garði
Frá Starra í Garði:
Hér í Mývatnssveit hafa verið
stillur og hörkufrost undanfarna
daga, ekki undir 20 stigum nokkra
stund og allt uppí 27-28 stig. í
morgun var 27 stiga frost og 25 nú
um miðjan daginn, snjór yfir allt,
allmikill, en oft sést þó meiri.
Eiginlega er þetta ekki snjór, held-
ur harðfrosið hjarn yfir öllu,
hestfæri, ef ekki bílfæri á gaddin-
um.
Sluppum betur en margir við
fárviðri á dögunum, vegir allir
greiðfærir, heilsufar dágott, enda
allar bakteríur og veirur
steindauðar eins og á
heimskautinu, en þessar frost-
hörkur hafa marga margvíslega
erfiðleika í för með sér, vatn frýs í
útihúsun, bílar og vélar geta allt
eins átt það til að fara alls ekki í
gang og þar fram eftir götum.
Hér eru öll hús hituð með raf-
magni, utan Reykjahlíðar og
Vogahverfis, sem hafa hitaveitu. I
þessum hörkum verður þar engum
sparnaði viðkomið og allt kynt í
toppi. Það þýðir víst ekki að nefna
tölur yfir slíkan feiknakostnað við
þá sem búa við hitaveitu, svo sví-
virðilegt er það rafmagnsverð sem
við verðum að greiða til að halda
lífi í húsum okkar. Þó menn hefðu
15 þúsund króna tekjur til jafnaðar
á mánuði, sem menn hafa engan
veginn allir, en það er sú upphæð
sem ríkisstjórnin hefur yfirlýst að
sé hreinn lúxus fyrir almenning, þá
myndu fáar krónur verða eftir þeg-
ar rafmagnsreikningurinn fyrir
þetta kuldatímabil væri greiddur.
Annars gengur mannlíf hér sinn
vanagang og er tíðindalítið að öðru
leyti.
Mannréttindanefnd E1
Salvador þarf aðstoð
Mannréttindanefnd El Salvador
er nú undir auknum þrýstingi
stjórnvalda og verður æ erfiðara
fyrir hana að starfa að sínum verk-
efnum. Nefndin hefur haft aðsetur
á biskupsskrifstofunum í San Sal-
vador og notið þar nokkurar frið-
helgi. Nú hefur crkibiskupinn í San
Salvador í þriðja sinn óskað eftir
því að mannréttindanefndin rými
skrifstofur sínar, en í hvert sinn
sem slík ósk hefur komið fram hef-
ur alþjóðlegur gagnþrýstingur orð-
ið þess valdandi að ekkert hefur
orðið úr hótunum um að kasta
nefndinni út á götu.
Fulltrúar Mannréttindanefndar
E1 Salvador á Norðurlöndum hafa
farið þess á leit við félög og einstak-
linga að hlutast verði til um þetta
mál og reynt að hafa áhrif til þess
að tryggja stöðu mannréttinda-
nefndarinnar. Hvatt er til þess að
símskeyti og bréf verði send til
biskupsins í San Salvador þar sem
þess er farið á leit að hann haldi
áfram að skjóta skjólshýsi yfir
nefndina og hið merka starf henn-
ar.
Texti símskeytis gæti hljóðað
svo:
„Mons Arturo Rivera Y Damas
Arzopispado de San Salvador
Uno Calle Poniente 3412
San-Salvador
El-Salvador
Please do not press the Human
Rights Commission of El Salvador
til leave the Archibishops Premises
in San Salvador.
-Undirskrift-"
Framkvœmdastjórn ísal
Krafan um
hækkun er
Framkvæmdasíjórn íslenska ál-
félagsins í Straumsvík hefur scnt út
dreifibréf til starfsmanna fyrirtæk-
isins þar sem m.a. eru gerðar at-
hugasemdir við fréttabréf Trún-
aðarráðs verkalýðsfélaganna í
fyrirtækinu. Þar segir að fullyrð-
ingar starfsmanna um að laun þurfi
nú að hækka um 40% til að mæta
kaupmáttarskerðngunni, séu rang-
ar. Laun í álverinu hafi hækkað
verulega umfram almenna
kauptaxta frá mcðaltali ársins 1982
til ársloka 1983. Sé því útilokað að
40% kaup-
fráleit
verða við kröfum um kauphækk-
un.
í dreifiriti framkvæmdastjórnar-
innar er fullyrt að nýtt bónuskerfi
þýði ekki Iækkun tekna starfs-
manna eins og þeir hafa fullyrt. Þá
er tekið vel í hugmyndir Vinnuveit-
endasambandsins um 4-5%
kauphækkun til launþega með sk.
hliðarráðstöfunum og talið eðlilegt
að reyna þá leið. Samningaleiðin sé
ekki fullreynd því aðeins hafi verið
haldnir 4 viðræðufundir við verka-
lýðsfélögin. ■ -v.
Laus staða
Verölagsstofnun óskar að ráöa starfsmann
til aö annast vélritun á íslensku, dönsku og
ensku og fl.
Starfið krefst góörar kunnáttu í vélritun.
Umsókn meö upplýsingum um aldur,
menntun og fyrri störí sendist Verölagsstofn-
un, Borgartúni 7,105 Reykjavík, fyrir 20. jan-
úar n.k.
Upplýsingar um staríið eru veittar í síma
27422.
Verðlagsstofnun