Þjóðviljinn - 26.01.1984, Qupperneq 24

wjúÐviu/m Aðalsími Þjóðviljans er 81333 kl. 9-20 mánudag til föstudags. Utan þess tima er hægt að ná í blaðamenn og aðra starfsmenn blaðsins í þessum simum: Ritstjórn Aöalsími Kvöldsími Helgarsími
Fimmtudagur 26. janúar 1984 j 81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná i afgreiðslu blaðsins í síma 81663. Prentsmiðjan Prent hefur sima 81348 i og eru blaðamenn þar á'vakt öll kvöld. 81333 81348 81663
Hagvangur skrifar svœðisveitunum bréf um yfirtöku á Rarik.
Sverrir vill
Sverrir Hermannsson iðnaðarráðherra hefur látið
einkafyrirtækið Hagvang senda bréf til forráðamanna
svæðisveitna úti á landi til að spyrja hvort þeir hafi
áhuga á að yfirtaka rekstur Rafmagnsveitna ríkisins á
viðkomandi svæðum. Framkvæmdastjórn og stjórn
Rafmagnsveitnanna munu ekki hafa verið látnar vita af
þessum ráðstöfunum. Pálmi Jónsson stjórnarformaður
hefur farið fram á afrit af öllum bréfum á vegum ráðu-
neytisins sem varða Rarik.
splundra Rarík
Þjóöviljinn hefur fregnað að
mikil ólga sé innan Rarik vegna
furðulegrar framkomu iðnaðarráð-
herra sem hefur fyrst gefið út yfir-
lýsingar um óeðlilegan rekstrar-
máta og síðan látið framkvæma
það sem hann kallar „allsherjar út-
tekt“. Síðast á alþingi í gær kvaðst
ráðherrann standa fyrir slíkri „alls-
herjar úttekt“.
Samkvæmt heimildum Þjóðvilj-
ans innan Rarik þykir „úttekt"
Hagvangs ekki vera ýkja fagleg og
liggja í augum uppi að fyrirtækið sé
að vinna eftir pólitískum réttlínum
þess sem biður um „úttektina".
Þá þykir mikilli furðu sæta að
stjórn Rafmagnsveitnanna skuli
ekki vera með í ráðum við könnun
á .rekstri og tillögum til úrbóta.
„Mér er ekki kunnugt um það“,
sagði Pálmi Jónsson stjórnarfor-
maður Rarik þegar Þjóðviljinn
spurði hvort hann hefði frétt um
bréfaskipti Hagvangs. „Hins vegar
hef ég farið formlega fram á það að
Rarik fái afrit af öllum bréfa-
skiptum á vegum ráðuneytisins
sem varða Rafmagnsveitur ríkis-
ins“, sagði Pálmi Jónsson stjórn-
arformaður Rarik en vildi ekki tjá
sig frekar um málið á þessu stigi.
-ekh/óg
Kvótanefnd klofnaði
Jón Sigurðsson þjóðhagsstjóri og sjómenn í minnihluta
Kvótanefndin svokallaða, sem
sjávarútvegsráðherra skipaði sér
til fulltingis í kvótamálinu skilaði í
gær til ráðherra tveimur tillögum
um útfærslu kvótakerfisins. Nefnd-
in klofnaði, eins og áður hefur ver-
ið skýrt frá í Þjóðviljanum og þrátt
fyrir ítrekaðar tilraunir tókst ekki
að samræma hugmyndir manna og
skila einu áliti. Það er Jón Sigurðs-
son, forstjóri Þjóðhagsstofnunar og
fulltrúar sjómanna, sem eru í
minnihluta í nefndinni.
Aðalágreiningsatriðið er hvort
nota eigi svókallaðan sóknarkvóta
eða aflakvóta þegar skipunum
verður skammtað aflamagn. Jón
Sigurðsson og fulltrúar sjómanna
vilja sóknarkvóta en hinir nefndar-
menn aflakvóta.
Óskar Vigfússon, formaður
Sjómannasambandsins orðaði það
svo í gær, að nefndin myndi benda
sjávarútvegsráðherra á tvær leiðir í
þessu máli, það væri svo hann einn
sem ákvörðunina tekur. Sagði
Óskar að sjómenn hefðu mjög ák-
veðinn fyrirvara á þeirri hugmynd
að nota aflakvóta.
Halldór Asgrímsson sjávarút-
vegsráðherra hefur látið hafa eftir
sér, að sennilegasta leiðin verði að
reyna að fara bil beggja í málinu.
Ljóst er að hvaða leið sem ráherra
velur, sóknarkvóta, aflakvóta eða
einhverja millileið, allir aðilar sem
málið snertir eru óánægðir, sumir
bara óánægðari en aðrir.
Samkvæmt skipunarbréfi hefnd-
armanna í kvótanefndina á hún
næst að fjalla um rekstrargrundvöll
útgerðarinnar og reyna að finna
hann, en það ku vera erfitt. Þó hef-
ur verið bent á að það séu aðeins
örfá skip, hlaðin skuldum, sem nær
öllum erfiðleikunum valda við leit
að rekstrargrundvelli fyrir útgerð-
ina. _ S.dór
Óskar Vigfússon formaður Sjó-
mannasambandsins og Jón Sigurðs.
son forstjóri Þjóðhagsstofnunar:
Lentu saman í minnihluta í kvóta-
nefndinni Ljósm. eik.
Símahleranir______________________.
Auðveldasta sem tU er
segir Sigurður Þorkelsson verkfræðingur Pósts og síma
„Sannleikurinn er sá, að með
þeirri tækni sem nú þekkist er fátt
auðveldara en að hlera síma, ef
menn vilja leggja sig niður við
slíkt“, sagði Sigurður Þorkelsson
verkfræðingur Pósts og síma í sam-
tali við Þjóðviljann í gær. Vegna
símahlerunarmálsins sem upp
komst í fjölbýlishúsi á Akureyri
spurðist Þjóðviljinn fyrir um þess-
konar mál í gær.
Sigurður Þorkelsson sagði að
bæði væri hægt að fara í svo kall-
aða húskassa og einnig í jarðkapla,
svo dæmi væru nefnd til að hlera
síma. Tæknilega væri það svo ekk-
ert mál fyrir Póst og síma að fram-
kvæma slíkt ef úrskurður til þess
liggur fyrir.
í réttarfarslögum landsins er klá-
súla þar sem lögregla og fíkniefna-
dómstóllinn geta fengið leyfi til
símahlerana ef öryggi ríkisins er
talið vera í hættu ellegar stór saka-
mál eru í gangi. Til þess að fá leyfi
til símahlerana þarf dómsúrskurð.
Síðan fer Póst og símamálastjóri
með málið fyrir hönd stofnunar-
innar.
Hallvarður Einvarðsson, rann-
sóknarlögreglustjóri sagði að
síðan Rannsóknarlögregla ríkisins
tók til starfa 1977 hefði aldrei af
hennar hálfu verið farið fram á sím-
ahlerun.
Ásgeir Friðjónsson hjá fíkniefn-
adómstólnum sagði að á síðustu
tveimur árum hefði dómstóllinn
nokkrum sinnum farið fram á að fá
að hlera síma og fengið það. Það
væri þó innan við tíu sinnum.
Þegar þessir aðilar voru spurðir
hver bæri ábyrgð á því að símahler-
anir væru ekki misnotaðir svöruðu
allir því til að Póst- og síma-
málastjóri væri sá aðili. Því miður
tókst ekki að ná í Jón Skúlason
símamálastjóra út af þessu máli í
gær.
-S.dór

Hafnarfjarðarbíó kl. 20.00 í kvöld
Kappræöur Svav-
ars og Þorsteins
Ekkert svar borist frá Þorsteini um kapprœður í Reykjavík
í kvöld kl. 20.00 munu þeir Svav-
ar Gestsson formaður Alþýðu-
bandalagsins og Þorsteinn Pálsson
formaður Sjálfstæðisflokksins
mætast á kappræðufundi í Hafn-
arfjarðarbíói. Þetta er í fyrsta sinn
sem þessir tveir stjórnmálaleið-
togar leiða tveir einir saman hesta
sína á slíkum vettvangi.
Flokksformennirnir munu fyrst
flytja framsöguræður, svara skrif-
legum fyrirspurnum fundarmanna
sem verður að skila við upphaf
fundar í kvöld, og að lokum flytja
þeir lokaorð, en stefnt er að því að
. kappræðufundurinn standi til kl.
22.00.
Alþýðubandalagið í Reykjavík
og Æskulýðsfylking Alþýðubanda-
lagsins sendu Þorsteini Pálssyni
áskorun fyrir viku um að mæta Sva-
vari Gestssyni á kappræðufundí í
Reykjavík. Var óskað svars í síð-
asta lggi fyrir 25.þessa mánaðar.
Að sögn Kristjáns Valdimarssonar
framkvæmdastjóra Alþýðubanda-
lagsins í Reykjavík hafði síðdegis í
gær þann 25. ekkert svar borist frá
formanni Sjálfstæðisflokksins um
að hann væri tilbúinn til viðræðna
um kappræður við Svavar Gests-
son í Reykjavík. Það er ekki hægt
að túlka þetta á annan veg en Þor-
steinn treysti sér ekki til kappræðu
hér í Reykjavík, eða þá að hann
vilji fyrst sjá hvernig útkoman
verður úr kappræðunni í Hafnar-
firði áður en hann svarar áskorun
okkar", sagði Kristján Valdimars-
son í gær.
-'g-