Þjóðviljinn - 28.02.1984, Blaðsíða 2

2 SÍÐA - ÞJÓÐVIL.TINN Þriðjudagur 28. febrúar 1984
Bjarnfríður Leósdóttir um samning ASÍ og VSÍ:
Formannafundur ASÍ ályktar um
niðurskurð á verkamannabústöðum
Alvarleg
aðför að
launafólki!
„Formannafundur Alþýðusam-
bands íslands, haldinn 21. febrúar
1984,' mótmælir harðlega þeim
25% niðurskurði á nýbyggingar-
framkvæmdum á vegum stjórnar
verkamannabústaða, sem nú hefur
verið fyrirskipaður. Þessi niður-
skurður nær til allra þeirra fram-
kvæmda, sem þegar hafa verið
gerðir samningar um, og eru í
gangi.
Einnig varar fundurinn eindreg-
ið við því að fjármagn til nýverk-
efna á þessu sviði verði skorið nið-
ur, eða jafnvel fellt algerlega nið-
ur, eins og raddir hafa heyrst um.
Hér er um álvarlega aðför að
launafólki að ræða, sem skerðir
verulega möguleika þess til að
koma sér þaki yfir höfuðið, og
krefst fundurinn þess, að staðið
verði að fullu við áður gefin fyrir-
heit um að félagslegar íbúða-
byggingar nemi 1/3 af heildar-
byggingarmagningu og að fjár-
magn verði tryggt til þess.“
Grænlendingar
í Norðurlanda-
ráð og úr EBE
Frá fréttaritara Þjóðviljans á
þingi Norðurlandsráðs,
Árna Þór Sigurðssyni:
Norðurlandaráðsþing var sett í
gær í Stokkhólmi af Jo Benkov,
fráfarandi forseta, og Karin Söder
Svíþjóð var kjörin forseti. Páll Pét-
ursson er einn af varaforsetum
ráðsins og Guðrún Helgadóttir var
kjörin formaður upplýsinganefnd-
ar Norðurlandaráðs, og mun hún
vera eini sósíalistinn sem gegnir
nefndarformennsku að þessu sinni.
Það bar helst til tíðinda í gær að
fulltrúar Grænlendinga héldu
blaðamannafund í Stokkhólmi, og
sagði Jonathan Mosfeldt formaður
Landsstjórnarinnar í Grænlandi að
á fundi Grænlendinga með fulltrú-
um Efnahagsbandalagsins daginn
áður hefði endanlega verið gengið
frá úrsögn Grænlands úr banda-
laginu 1. janúar 1975. Á sama tíma
tækju Grænlendingar í fyrsta sinn
sæti með eigin fulltrúa á þingi
Norðurlandaráðs. Það gerðist því
samtímis að Grænlendingar væru
að ganga inn í norrænt samstarf og
út úr Efnahagsbandalaginu.
- ekh.
Tröppur hússins aS Vesturgötu 29 stórskemmdust þegar bifreið ók á þær í
gær. Mynd: -eik.
Ekið á tröppur
Tröppur hússins að Vesturgötu
29 skemmdust í gærmorgun þegar
bfl var ekið á þær. Atburðurinn átti
sér stað í morgunsárið eftir síðustu
élin og voru greinileg hjólför í
snjónum eftir fólksbfl. Bílstjórinn
ók á brott og lét engan vita af sér.
Auk trappanna skemmdist bfll sem
stóð fyrir utan húsið lítillega því
einnig var ekið utan í hann.
Þorsteinn Bergsson eigandi
hússins að Vesturgötu 29 sagði
Þjóðviljanum að bifreiðin sem ók á
tröppurnar hafi örugglega dældast
verulega við áreksturinn. Hann
sagðist ekki hafa séð atburðinn en
vitni eru beðin um að láta lögregl-
una vita. _ jp.
Bókmenntir
í kennslu:
Barna- og
unglinga-
bókmenntir
í kvöld
í kvöld, þriðjudaginn 28. febrú-
ar kl. 20.30 verður fundur í
kennslumiðstöðinni Laugavegi 166
á vegum skólasafnvarða og móður-
málskennara.
Hvert stefnir í íslenskum barna-
og unglingabókmenntum? nefnir
Silja Aðalsteinsdóttir erindi sem
hún flytur á fundinum og Þuríður
Jóhannsdóttir fjallar um þýðingar
á barna- og unglingabókmenntum.
Fundarstjóri er Rósa Þorbjarnar-
dóttir, endurmenntunarstjóri
KHf.
Skákþing
Hafnarfjarðar
hefst í kvöld
Skákþing Hafnarfjarðar hefst í
kvöld, þriðjudaginn 28. febrúar kl. 20 í
Öldutúnsskólanum.
Teflt verður á þriðjudags- og
fimmtudagskvöldum, samtals 9 um-
ferðir eftir Monrad-kerfi. Skráð verður
á mótið á skákstað kl. 19.30-20 í kvöld.
Keppni í unglingaflokk fyrir 15 ára og
yngri hefst sunnudaginn 4. mars kl. 14.
Þór samþykkti
Naumur meirihluti samþvkkti samn-
ingana hjá verkalýðsfélaginu Þór á Sel-
fossi á laugardaginn var. 21 sagði já, 13
sögðu nei og 9 sátu þjá.
Stjórn verkalýðsfélaganna ályktaði
ekki fyrir fundinn en mælti þó frekar
gegn samþykki samninganna. Fundur-
inn var ekki vel sóttur og var Þjóðvilj-
anum tjáð af skrifstofu Þórs að um 400
manns hefðu setið heima.
-jp-
Kj araskerð ingar samningur
og tilrœði við tryggingakerfi verkafólks
Það alvarlegasta við þessa samninga ASÍ og Vinnuveitenda-
sambandsins er að í þeim eru gefin eftir réttindi sem verkalýðs-
hreyfingin var áratugi að ávinna sér, sagði Bjarnfríður Leós-
dóttir í samtali við Þjóðviljann, en Bjarnfríður hefur starfað í
samtökum kvenna á vinnumarkaðnum og átti um skeið sæti í
stjórn Verkamannasambandsins.
Með þessum samningum er
verið að selja eftirvinnuna og
næturvinnuna á spottprís auk
þess sem gengið er á lífeyrissjóðs-
réttindi og atvinnuleysistrygg-
ingar verkafólks. Eftirvinnan
verður nú í sumum tilfellum
greidd með einungis 17% álagi og
næturvinnan fer niður í 50%. Það
er fáheyrt að kauptaxtar sem eru
fyrir neðan umsamin lágmarks-
laun skuli áfram vera-notaðir fil
viðmiðunar. Þetta gerðist
reyndar í fyrsta skipti í síðustu
samningum, sem Verkamanna-
sambandið stóð að gegn mótmæl-
um mínum og annarra. Það er
ekki bara yfirvinnan sem miðuð
er við þessa iágu taxta, heldur
líka lífeyrissjóðsgreiðslur, at-
vínnuieysisbætur, ellilífeyrir og
aðrar tryggingar verkafólks. Hér
er verið að fara aftan að fólki og
gera atlögu að tryggingakerfi
verkafólks með þeim hætti að ég
fæ ekki orða bundist. Þetta eru
hreinir kjaraskerðingarsamning-
ar.
Hafa samtök kvenna á vinnu-
markaðnum tekið' afstöðu til
samningsins?
Já, við í Samtökum kvenna á
vinnumarkaðnum teljum að
samningurinn feli í sér sérstakt
tilræði við konur, þar sem verið
er að festa í sessi lág laun fyrir
konur og ungt fólk á vinnumark-
aðnum, og þá sérstaklega í fisk-
iðnaðinum. Gagnvart konum
sem vinna í bónusvinnu í fiski-
ðnaðinum kemur þetta þannig út
að bönusinn er reiknaður af 20%
lægra kaupi en lágmarkslaunin
segja til um. Þetta kemur þannig
út að konur í fiskvinnu, sem
vinna samkvæmt 9. launaflokki á
bónus eða premíu, eru á 9%
lægra kaupi en Iágmarkslaunin
segja til um. Þá hefur ekkert tiilit
verið tekið til sérkrafna kvenna
um veikindafrí vegna barna og
engin leiðrétting fengin á
kauptryggingarsamningi kvenna
í frystihúsum, sem atvinnurek-
endur hafa misnotað á kostnað
atvinnuleysistryggingasjóðs.
í hverju er sú misnotkun fólg-
in?
Verkafólk í frystihúsum nýtur
ekki uppsagnarfrests eins og ann-
að fólk. Því er hægt að segja upp
með viku fyrirv; ra, næstum eftir
geðþótta atvinnurekenda, þar
sem oft er borið við tilbúnum hrá-
efnisskorti. Það kemur atvinnu-
rekendum oft betur að setja
verkafólk á atvinnuleysisbætur
án þess að segja upp vinnusamn-
ingi þar sem fara yrði að lögum
um uppsagnarfrest. Þetta þarf að
leiðrétta að mínu mati.
í hverju er atlagan að trygg-
ingakerfinu fólgin að þínu mati?
Það gerist með þeim hætti að
launatengd giöld atvinnurekenda
í tryggingakerfið - lífeyrissjóði,
atvinnuleysistryggingasjóð
o.s.frv. eru ekki miðuð við hin
umsömdu lágmarkslaun heldur
þá taxta sern eru þar fyrir neðan.
Jafnframt skerðast réttindi þessa
láglaunafólks til atvinnuleysis-
bóta og lífeyristryggingar í sam-
ræmi við það. Hér er verið að
selja mikilvæg umsamin réttindi
láglaunafólks. og með því að
halda þessu Ieyndu er verið að
fara aftan að þessu fólki á sví-
virðilegan hátt. Sú krafa á að
verða ófrávíkjanleg að ekki verði
látið viðgangast að gengið sé út
frá kauptöxtum undir lágmarks-
launum, þá á einfaldlega að
strika út.
Sem betur fer hefur Dagsbrún
nú fellt þessa samninga, og trú-
lega munu iðnaðarmenn ekki
samþykkja þá heldur. Fyrir
hverja eru þeir þá gerðir? Jú, þeir
eru til þess að festa í sessi lág laun
fyrir konur og ungt fólk. Verka-
lýðshreyfingin virðist nú heillum
horfin, samþykki hún þessa
samninga, en atkvæðagreiðslan í
Dagsbrún sýnir, að þegar foryst-
an sýnir ákveðni þá fylgir fólkið
henni eftir.
Samtök kvenna á vinnumark-
aðnum voru stofnuð nú í ársbyrj-
un til þess að veita konum vett-
vang til að fjalla um sín kjör. Við
höfum ekki samningsrétt og get-
Ljarnfríður Leósdóttir: Þeir sem eru á lægstu töxtunum njóta ekki
fullra réttinda hjá lífeyrissjóðum og atvinnuleysistryggingasjóði sam-
kvæmt hinum nýja samningi ASÍ og VSÍ. Með því að halda þessu
leyndu er verið að fara aftan að þessu fólki.
um í þetta skipti gert lítið annað greiða unt þá atkvæði í sínum fé-
en að skora á konur að skoða iögum.
samningana vel áður en þær - ólg.