Þjóðviljinn - 28.02.1984, Blaðsíða 12

16 SÍÐA — ÞJÓÐVILJINN Þriðjudagur 28. febrúar 1984
Norðurgata 2a stendur í
símaskránni. Þar er ríkisút-
varpið á Akureyri til húsa.
Við beygðum inn Norður-
götuna á Oddeyrinni og sjá:
á baklóð inni á milli húsa kúr-
ir pínulítið hús og á gafl þess
er ritað stórum stöfum:
Ríkisútvarpið. Við ætlum að
heimsækja þessa ágætu
stofnun sem með vissum
hætti hefur hleypt nýju lífi í
starfsemi útvarpsins, síðan
hún tók til starfa fyrir norðan
14. ágúst 1982. Þegar inn er
komið blasir við eitt stórt
herbergi og stigi upp á loft.
Hér situr Jónas Jónasson út-
varpsstjóri norðan fjalla og
býður okkur velkomna á sinn
elskulega og landsfræga
hátt. Hvernig líður ykkur?
spyr hann. Og við látum vel
af því.
Það er ekki mikið um að vera
þessa morgunstund. Björn Sig-
mundsson tæknimaður er með
þeim Maríönnu Traustadóttur og
Hrafnhildi Jónsdóttur norður á
Dalvík og Ólafsfirði og afla efnis en
RIKI5UTVARPID

1

Heimsókn
til Jónasar
útvarps-
stjóra
í Norður-
götuna
á Akureyri
Litla húsið við Norðurgötu og út-
varpsstjórinn í anddyrinu.
Hvernig líður ykkur?
að ofan berst ómur af söng Edith
Piaf. Þar situr Ingimar Eydal og er
að taka upp útvarpsþátt sinn Við
Pollinn með aðstoð Arna Jóhanns-
sonar sem er tæknimaður í afley-
singum. Jónas segir að það sé
óvenjulega rólegt því að stundum
sé svo margt um manninn að varla
sé pláss fyrir alla. Hann sjálfur hef-
ur hér skrifstofu fyrir hádegi en
heima hjá sér eftir hádegi. Sigrún
Sigurðardóttir, sem annast skrif-
stofuhald, tekur svo sæti hans eftir
hádegi. Pálmi Gestsson, fréttarit-
ari útvarpsins á Akureyri, er hér
gjarnan íyrir hádegi en hann vinn-
ur starfið aðeins í hjáverkum.
Hann er annars prestur í Glerár-
hverfinu. Og svo er hér oft
straumur af dagskrárgerðar-
mönnum. Þeir eru eins og er um 20
sem starfa að föstum þáttum frá
Akureyri.
- En eruð þið ekki aðfá nýtt hús
undir starfsemina, Jónas?
- Jú, það er komið undir þak og
verður helmingur þess tekinn í
notkun 1. júní nk. en seinni helm-
ingur væntanlega um leið og út-
varpið í Reykjavík flytur inn í sitt
nýja hús þar.
- Verða ekki mikil viðbrigði að
flytja inní nýtt hús?
- Jú, það verður góð aðstaða,
ma. stórt stúdíó, vinnupláss fyrir
tvo dagskrárgerðarmenn og frétt-
aritara sem vonandi verður þá fast-
ráðinn, einnig kaffistofa og skrif-
stofur. Húsrýmið tífaldast frá því
sem nú er. Við óttumst bara mest
að góði andinn sem ríkir hér verði
eftir. Við ætlum þó að reyna að
flytja hann með okkur, annaðhvort
með því að láta alla dagskrárgerð-
armenn blása honum í blöðrur og
hleypa úr þeim í nýja húsinu eða
taka með okkur líkan af gamla hús-
inu.
- Og þið fáið ný tœki í húsið?
- Já, það verður allt nýtt í hús-
inu, við fáum m.a. aðstöðu til að
hljóðrita í stereó þar. Við höfum
ákveðið að gera hlé á útsendingum
frá Akureyri í tvo mánuði í sumar
meðan við erum að koma okkur
þar fyrir. Þetta hlé merkir því alls
ekki að við séum að gefast upp
heldur ætlum við að safna liði og
hefja síðan útsendingar á fullum
krafti á tveggja ára afmælinu 14.
ágúst. Það verður þó sent áfram út
meðan hléið er það allra nauðsyn-
legasta t.d. fréttir og barnaefni.
- Hefur ekki Rúvak uppfyllt
vonir?
- Þessi stöð kom öllum á óvart.
Fyrst í stað gengu allir þegjandi
fram hjá og vissu ekki hvernig þeir
ættu að taka þessu en nú er eins og
Rúvak hafi alltaf verið hérna. Fólk
Nýja útvarpshúsið í Síðuhverfinu nyrst á Akureyri er risið af grunni og verður flutt í helming þess 1. júní nk. Ljósm.: Atli.
Ingimar Eydal við upptöku á þættinum Við Pollinn. Ljósm.: Atli.