Þjóðviljinn - 27.04.1984, Blaðsíða 16

UÚDVIUINN
Föstudagur 27. aprfl 1984
Aöalsimí Þjóðviljans er 81333 kl. 9 - 20 mánudag til föstudags. Utan þess tima er hægt aö ná i blaðamenn og aöra starfsmenn blaðsins í þessum simum: Ritstjórn Aöalsími Kvöldsími Helgarsími
81382, 81482 og 81527, uníbrot 81285, Ijósmyndir 81257. Laugardaga kl. 9 - 12 er hægt aö ná i afgreiðslu blaösins í sima 81663. Prentsmiöjan Prent hefur síma 81348 og eru blaðamenn þar á vakt öll kvöld. 81333 81348 81663
Blómlegt bú Iðnaðarbanka íslands á síðasta ári
27 miljónir í hagnað
Aœtlað að bankinn greiði 14.6 miljónir í skatta
Mikill hagnaður varð af rekstri Iðn-
aðarbanka íslands á síðasta ári eða
27.2 miljónir króna. Leggur banka-
ráðið til að 5% arður verði greiddur til
hluthafa eða 1.9 miljónir króna. Af-
ganginum á að verja til greiðslu tekju-
og eignaskatta að upphæð 14.6 miljónir
króna og er ákveðið að yfirfæra þá fjár-
hæð til næsta árs enda hetjast þá skatt-
greiðslur viðskiptabankanna. Tap á
rekstri Iðnlánasjóðs nam um 1.1 miljón
króna á árinu.
Fram kemur í ársskýrslu Iðnaðarbankans
að heildarinnlán jukust á milli áranna 1982
og 1983 um 88.4% og er það heldur meiri
innlánsaukning en hjá viðskiptabönkunum
almennt. Útlán jukust á árinu um 109.9%.
Heildartekjur bankans jukust um 116.1%
frá fyrra ári og heildargjöld um 111.9%.
Fyrir aðalfundinum í gær lá tillaga frá
Jóni Loftssyni hf. á þá leið að bankinn verði
lagður niður vegna breytinga á upphaf-
legum samþykktum, lélegrar arðsemi og
þeirrar yfirlýstu stefnu ríkisstjórnarinnar
að selja allt hlutafé ríkisins í bankanum,
eins og segir í tillögunni.
Hlutafé ríkissjóðs í Iðnaðarbankanum er
28% og hefur verið tilkynnt að lágmarks-
verð þess sé 25 miljónir króna. Segir JL að
vegna auglýstrar sölu bankans sé brostin
ein helsta forsendan fyrir stofnun félagsins
og einnig að með áframhaldandi aukningu
á yfirbyggingu bankans sé augljóst að arð-
semi og geta bankans muni minnka. Bendir
JL á að arðsemin hljóti að minnka verulega
á árinu. - v.
Deilt um vegaskatt
og niðurgreiðslur
Gatið
ekki
hálffyllt
Ekkert var fundað um stóra gat-
ið hjá stjórnarflokkunum í gær.
Sjálfstæðismenn hafa ekki enn náð
saman um þær skattatillögur sem
Framsóknarmenn eru tilbúnir að
leggja á bifreiðaeigendur til að
tryggja minnst 150 miljónir til
vegamála, sem annars yrði skorið
niður.
Harðar deilur urðu á þingflokks-
fundi sjálfstæðismanna í fyrradag
þar sem margir þingmenn lögðust
alfarið gegn öllum slíkum skattaá-
formum. Einnig eru margir lands-
byggðarþingmenn flokksins óá-
nægðir með tillögur um stórfellda
lækkun á niðurgreiðslum landbún-
aðarafurða. Hafa þeir óskað eftir
frekari skýringum á því hvaða áhrif
þær aðgerðir munu hafa á vöruverð
einstakra afurða en lítið verið um
svör.
Samkvæmt heimildum Þjóðvilj-
ans verður þingað um þessi deilu-
mál hjá sjálfstæðismönnum um
helgina en líklegast er talið að ekki
verði brúað upp í vegagatið og þar
með tekst ríkisstjórninni ekki einu
sinni að fylla upp í helming stóra
gatsins eftir tveggja mánaða þjark
og þras.
-lg-
Fékk
steikina
heim
Ekki varð úr að fulltrúi Kvenna-
lista í fjárveitinganefnd Kristín
Halldórsdóttir kæmi til árlegrar
veislu nefndarmanna sem haldin
var í fyrrakvöld, þar sem yfirstjórn
Kvennalistans hefur lagt blátt bann
við að fulltrúar flokksins sæki slík-
ar samkundur
Nefndarbræðrum Kristínar þótti
miður að hún fékk ekki að sækja
boðið og þar sem hin ágætasta
andasteik var á borðum tóku þeir
sig til og létu pakka velútlátnum
matarskammti inn og sendu heim
til þingmannsins um matmáls-
tímann. Með þessari hlýju kveðju
fylgdi kort þar sem á stóð: „Með
kveðju frá strákunum í nefndinni".
-*g
Austfirðingareru búniraðveraísólskinsskapiundanfarnadagaenda ekki furða þar sem sumarið hefur heilsað með glaðasólskini og um
tuttugu stiga hita. I Neskaupstað fengu þessir piltar sér smá kælingu og kunna greinilega vel að meta sumarkomuna. Veðurfræðingar spá
svipuðum hlýindum áfram um helgina, en það eru sunnanvindar frá Evrópu sem valda. Mynd.: Ólöf.
N or sk/bandarí ska
liðið of sterkt
Jón Sigurðsson, fyrlrllðl (slenska
landsliðsins í körfuknattlelk, iók
vel gegn Norðmönnum i gær-
kvöldi.
„Þetta er besta norska lið sem
ég hef séð og framfarirnar hjá því
frá I Polar-Cup í fyrra eru geysi-
lega miklar. Fjórir leikmanna
þess eru yfir tvo metra á hæð,
tveir þeirra eru Bandaríkjamenn
með tvöfalt vegabréf og hinir
tveir eru ungir Norðmenn sem
leikið hafa í Bandaríkjunum að
undanförnu“, sagði Hilmar Haf-
steinsson landsliðsþjálfari í
körfuknattleik í samtali við Þjóð-
viljann í gærkvöldi.
Isiand lék í gærkvöldi sinn
fyrsta leik í C-riðli Evrópukeppn-
innar í körfuknattleik sem hófst í
Osló í fyrrakvöld, gegn Norð-
mönnum. Noregur vann nokkuð
öruggan sigur. 84-63, en leikur-
inn var þó jafn lengi vel og mun-
urinn jókst um heil sex stig á síð-
ustu mínútunni. „Norðmenn eru
með langsterkasta liðið hérna, á
því er enginn vafi. Okkar menn
börðustu mjög vel og vörnin var
góð í fyrri hálfleik. fsíðari hálf-
leik héldu strákamir hins vegar
ekki haus í sóknarleiknum, þeir
útfærðu hann ekki eins og fyrir þá
var lagt. Þeim lá alltof mikið á,
það er dæmigert fyrir íslenska
körfuknattleiksmenn að þeir ætla
alltaf að jafna í hvelli þegar þeir
lenda undir í stað þess að gefa sér
tíma, gefa lykilmönnum ein-
hverja hvíld og leika yfirvegað“,
sagði Hilmar.
-Þið leikið við Portúgali í
kvöld. Hvað segirðu um þann
leik?
„Portúgalir leika allt öðruvísi
en Norðmenn , þeir em litlir en
snöggir. Við ættum að hirða flest
fráköst á móti þeim og ef sóknar-
leikurinn er spilaður af skynsemi
eigum við mikla möguleika á
sigri. Lið okkar, Porúgala, Skota
og Dana em öll áþekk að styrk-
ieika og úr þessu yrði ég ánægður
með annað sætið, ég geri mér
vonir um að við náum að sigra í
þeim fjórum leikjum sem eftir
eru“, sagði Hilmar Hafsteinsson
-VS
Sjá bls. 11
Skólaskákmót á
Reykjanesi:
Jón Þ. Ólafs-
son sigraði
Nýlega lauk kjördæmismóti
Reykjaneskjördæmis í skólaskák. I
eldri flokki, 13 - 15 ára sigraði Jón
Þór Ólafsson með fullt hús vinn-
inga, sex af sex mögulegum. Hann
mun því keppa fyrir Reykjanes-
kjördæmi á landsmótinu í skóla-
skák sem fer fram innan skamms í
Bolungarvík. í öðru og þriðja sæti í
eldri flokki urðu Halldór Ingólfs-
son með 5 vinninga og Björgvin
Hauksson með 4 Vi vinning.
1 yngri flokki sigraði Sigurður
Ingi, en í öðru sæti varð Ólafur Jó-
hannsson og í þriðja Eyjólfur
Gunnarsson. Mótið fór fram í
Öldutúnsskólanum í Hafnarfirði.
í stuttu spjalli við Þjóðviljann lét
Jón Þór lítið yfir sigrinum, kvaðst
ekki æfa nema einu sinni í viku og
þar sem hann færi að öllum líkind-
um í menntaskóla á næsta ári, þá
myndi tæpast gefast mikill tími til
mikiila æfinga. „Ætli ég Iáti mér
ekki nægja að vera stundarfyrir-
bæri í skáklífinu“, sagði hinn ungi
skákmeistari og glotti við tönn.
-ÖS.