Þjóðviljinn - 02.06.1984, Blaðsíða 2

2 SÍÐA - ÞJÓÐV ILJINN Helgin 2. 3. júní 1984
Ingimundur Magnússon hefur fest kaup á
10 tonna hát og œtlar sjálfur í smáútgerð
Treysti mér frekar
í þetta en vera
hásetiá góðum bát
„Þetta gekk hálfilla. Vertíð-
in var léleg hjá okkur. Nú ætla
ég að fara út í þetta sjálfur.
Athuga hvort ekki gangi bet-
ur“, sagði Ingimundur
Magnússon sem var að dytta
að 10 tonna bát sem hann
keypti nýlega. í vetur var
Ingimundur háseti á Vörðu-
nesinu GK en í sumar ætlar
hann að gera út sjálfur með
öðrum. Við verðum annað-
hvort á handfærum eða drag-
nót. Ég er að fríska uppá bát-
inn. Hann er í ágætisstandi
og hann fer að verða klár“,
sagði Ingimundur þegar
hann gaf sér tíma til að líta
upp frá störfum og spjalia
litillega við blaðamenn Þjóð-
viljans.
Ég er búinn að vera við þetta í 37
ár og ég treysti mér frekar til að
gera þennan bát út heldur en að
vera háseti ágóðum netabát. Þann-
ig er nú ástandið orðið.
Hreinlega ryksuga
þetta upp
Við fengum kvótann og aðeins
meira til á vertíðinni. Það var lítið
til skiptanna. Mér fannst vera al-
menn óánægja með kvótann en
hann var ágætur að vissu marki.
Hins vegar fannst mér aðlögunar-
tíminn ekki nógu langur. En aflinn
hefur óumræðilega farið
minnkandi og mér sýndist sumir
eiga nóg með að ná þessum kvóta.
Ástæðan fyrir þessu? Jú ég er
ekki í neinum vafa um að skuttog-
araævintýrið ræður þarna mestu
um. Ég sagði þetta fyrir 20 árum og
nú er þetta að rætast. Þeir hrein-
lega ryksuga þetta upp. Alveg ryk-
suga smáfiskinn upp.
Að lifa af vertíðinni? Nei bless-
aður vertu. Þetta er alveg búið spil.
Ég veit ekki annað en menn hafí
almennt verið með lítið annað en
trygginguna. Ég hafði sjálfur 120-
130 þúsund krónur fyrir 3l/i mánuð
og mikla vinnu. Tíðin var erfið í
vetur og það var hart sótt. Þetta
þykir ekki mikið fyrir þá vinnu.
Skiptahluturinn? Það er orðið
lítið eftir af honurr. fyrir okkur sjó-
menn. Það þarf að fara að gera
eitthvað í þeim efnum áður en
þetta verður allt tekið framhjá
okkur.
Nei það þýðir ekkert annað en
að reyna að kroppa þetta sjálfur.
ég er hræddur um að öllum þessum
stóru bátum verði lagt. Það fæst
enginn maður lengur upp á þessi
skipti.
Allir í
smábátaútgerð
Það er orðið mikið um það héma
í Grindavík að menn fari út í smá-
bátaútgerð. Ég gæti trúað að hérna
væru komnar um 100 trillur. Menn
hafa verið að kroppa þetta 1 tii 2
tonn á færin. Þeir eru héma í kring-
um Reykjanesið og út af Krísuvík-
urbjarginu. Hann er frekar smár
fískurinn núna á vorin, en hann
gefur sig samt. Við getum staðið í
þessu á smærri bátunum frá miðj-
um mars og fram í nóvember.
Stanslaus vertíð. Þetta er það eina
sem dugir orðið. Fara út í smábát-
aútgerðina.
Inglmundur Magnússon: Hafftl 120-130 þúsund krónur fyrlr vertíðlna. Það
þykja ekki há laun fyrlr þessa vlnnu og harða sókn. Mynd: Loftur.
Erfiður
fyrir utan
Aðstaðan? Nei hún er ekki alveg
nógu góð ennþá. Þett er skal ég
segja þér viðlagabryggjan svokall-
aða þar sem menn leggja að. Hún
var byggð þegar Eyjaflotinn kom
hingað eftir gosið. Hún er ekki al-
veg nógu góð fyrir þessa smærri
báta það þarf að bæta úr þessu.
Höfnin hérna er ein sú besta á
landinu, þegar inn er komið, en
hann getur verið erfiður hérna fyrir
utan.
Þreyttur á þessu? Jú, ég er nú
aðeins farinn að þreytast eftir þessi
37 ár. Þess vegna vil ég frekar vera í
þessu smádútli og geta þá ráðið
mínum tíma sjálfur. Tíðin í vetur
var alveg ferleg. Ég man bara ekki
eftir öðru í langan tíma. -tg.
Erling Ómar Erlingsson loðnusjómaður stundar skakveiðar í sumar
„ Maður verður að prófa
og treysta á gæfuna “
Það er mikið bjartara hljóð
í mönnum núna eftir loðnu-
vertíðina. Menn eru farnir að
gera sér vonir um að þetta
verði trygg veiði í framtíð-
inni. Það hefði verið mikil
blóðtaka ef ekki hefði verið
bætt við kvótann eftir ára-
mótin. Þessi viðbót bjargaði
alveg vertíðinni, segir ungur
maður Erling Ómar Erlings-
son sem verið hefur á loðnu í
fimm vertíðar og á trolli þess
í millum.
Þegar blaðamenn hittu Ómar að
máli var hann að taka upp vélina í
trillubát sem hann hefur nýlega
keypt sem hann ætlar að gera út
ásamt félaga sínum á handfæri í
sumar.
Norskur bassabátur
Ég er nýbúinn að fá þennan bát.
Þetta er norskur bassabátur og var
áður gerður út frá Kópavogi. Nei,
ég hef ekki áður verið á svona smá-
bát. Maður verður að prófa þetta
og treysta á gæfuna. Eg ætla að
reyna að komast út núna um helg-
ina (þ.e. sl. helgi) Þeir hafa verið
að gera það gott á handfærin með
þetta 11/2-2 tonn í róðri.
Þú ætlar aftur á loðnuna í haust?
- Já ég er alveg ákveðinn í því.
Okkur gekk ágætlega á Þórshamri
en það hefði mátt ganga betur.
Vertíðin fyrir áramót og janúar gaf
vel af sér. Febrúar var sæmilegur
en mars alveg glataður.
Menn kvörtuðu undan loðnu-
verðinu ekki satt?
- Jú þeir hljóta að geta greitt það
sama hérna og færeysku verk-
smiðjurnar gera. Sjómenn eru ekki
nógu harðir að stræka á þetta og fá
sín mál í lag eins og þegar Akur-
eyrarfundurinn var haldinn hérna
um árið.
Nú ertu kominn í trilluútgerð. Fá
menn einhverja fyrirgreiðslu til að
kaupa sér svona bát?
- Nei það þýðir ekki annað en
reyna í bönkunum. Faðir minn hef-
ur aðallega stutt mig í þessu.
Þú ert búinn að vera alla þína tíð
á sjó?
- Já ég er búinn að vera 6 ár á sjó
og alltaf á sumrin meðan ég var í
skóla. Ég er búinn að taka 1. stigið í
Vélaskólanum. Ætli ég láti það
ekki nægja og prófi seinna að fara í
eitthvað annað nám.
Fjarvistir frá heimili
- Það eru þessar löngu fjarvistir
frá fjölskyldunni. Það er ekkert
vafamál. Við erum að meðaltali
heima hjá okkur 2-3 daga í mánuði.
Þetta verður ágætt í sumar þá verð-
ur maður miklu meira heima við.
Finnst þér munur á fiskgengd frá
því þú byrjaðir á sjónum og eins og
staðan er í dag?
- Já það er mikill munur þar á.
Það er búiö að drepa þetta allt. Ég
er alveg inni á því að togararnir
drepa allt of mikið af smáfiski. Það
er alveg rosalegt hvemig farið er
með smáfiskinn á vestfjarðarmið-
um. Það verður að fara að stoppa
þetta, sagði Erlingur Ómar og
bograði sig síðan aftur yfír vélina.
-•g-
Erling Ómar Erllngsson: Alveg ákveðlnn í að fara aftur á loðnuna í haust. Mynd: Loftur.
/ miú
t-