Þjóðviljinn - 02.06.1984, Blaðsíða 16

16 SÍÐA - ÞjÖÐVILJÍNN • Helgin 2. - 3. júní 1984
Kjör'rn fara árversnandi
Spjallað við áhöfnina á Haraldi frá Akra-
nesi sem var aflahæstur heimabáta
„Við höfum verið með mun
færri trossur í sjó í vetur svo
að það er ekkert sambærilegt
við það sem var í fyrravetur,
vorum aldrei nema með 7 á
virkum dögum og 4 - 5 um
helgar. Þetta var gert gagn-
gert til að fá betra hráefni og
svo var allt ísað á hverjum
degi en það var svo skrýtið
að við fengum samt ekki
betra mat en áður. 40 - 60%
af næturgömlum fiski fór
kannski í annan flokk. Þetta
finnst okkur dálítið hart,
sögðu skipverjar á Haraldi
frá Akranesi er við spjölluð-
um við þá 18. maí sl. Haraldur
var aflahæsti báturinn á
vetrarvertíðinni á Akranesi
með 560 tonn.
Þeir sem einkum urðu fyrir
svörum voru þeir Kristófer Bjarna-
son skipstjóri, Gísli Hallbjörnsson
vélstjóri og Einar Einarsson stýri-
maður.
- Þið hafið ekki slegið slöku við?
- Nei, þetta var geysilegt úthaid,
við misstum ekki úr einn einasta
virkan dag í mars og apríl. Ef við
hefðum verið með fleiri trossur í
sjó hefði aflinn aldrei verið undir
650 - 700 tonnum.
- Hvernig kom kvótinn út?
- Okkar kvóti var löngu búinn
en síðast veiddum við með kvóta
frá Rauðsey og Höfrungi.
- En þið eruð sem sagt ekki
ánægðir með matið?
- Nei, það er eins misjafnt og
mennirnir eru margir, Þeir tína allt
til þessir skrattar. Við tökum t.d.
þátt í kostnaðinum við hringorm-
inn. Ef finnast 10 hringormar fer
fiskurinn í 2. flokk og síðan í úrkast
ef meira finnst.
- Hvað með kjaramálin?
- Þau fara árversnandi hjá sjó-
mönnum og reyndar er kaupið
alltof lágt hjá öllum. Hluturinn er
kominn niður í 21% ef allt er tekið
til, en var 35% áður en sjóðakerfið
komst á.
- Verður þetta þá ekki til þess,
að menn hætta á sjónum?
- Það fást ekki réttindamenn um
borð. Við höfum aldrei heyrt fyrr
að auglýst væri eftir stýrimönnum á
20 tonna bát eins og nu genst. feir
verða að auglýsa amk. þrisvar sinn-
um og þá fá þeir undanþágur fyrir
réttindalausa menn. Það er líka
minnkandi aðsókn í Stýrimanna-
skólann, nemendum hefur fækkað
um helming síðan 1981. Nú er útlit
fyrir að kennsla á 3. stigi leggist
niður. Þetta hangir saman: Kjörin
og undanþágumar.
- Eru undanþágumar ekki
beinlínis hættulegar?
- Það er alveg nauðsynlegt að
hafa réttindamenn um borð. Engin
stétt í landinu hefur látið fara eins
illa með sig og sjómenn og það er
fyrst og fremst samstöðuleysinu að
kenna. Þetta er svo margbrotinn
veiðiskapur. Sumir hafa það gott
um tíma og þá hugsa þeir ekkert
um hagsmuni hinna.
- Er þetta ekki ofveiðinni að
kenna?
- Það em sveiflur í sjónum eins
og alltaf hefur verið og við álítum
að þetta sé millibilsástand eins og
alltaf hefur komið öðm hverju. I
fyrravetur sást t.d. ekki ufsi en nú
er allt fullt af honum. Þetta er
spumingin um lífsskilyrðin í sjón-
um. Öllum ber saman um að lítið af,
fiski hafi hrygnt í vetur. Vonandi
fær sá sem hrygndi góð skilyrði.
- Emð þið að fara á veiðar|
núna?
- Við emm að fara á línu, úti-
Flutningur er okkar fag
EIMSKIP
Slmi 27100

Hluti áhafnarlnnar á Haraldl á vetrarvertíð 1984. Á myndlnnl eru Gfsll Hallb-
jörnsson vélstjórl, Krlstófer Bjarnason skipstjorl, Arl Aðalsteinsson 2. vélst-
jór, Vilberg Hauksson hásetl, Jón Hákon Vllbergsson 2. stýrimaður, Þröstur
Eðvarðsson háseti, Einar Einarsson stýrimaður og Sefán Benediktsson
hásetl. Ljósm.:GFr.
legu með beitingarvél vestur undir
Jökul eða lengra.
- Það er sem sagt ekki mjög
slæmt í ykkur hljóðið?
- Ekki meðan við höfum
eitthvað að gera. En kaupið mætti
vera betra.
- Hvað með atvinnuástandið á
Akranesi?
- Það er ekki glæsilegt með
vinnu í landi í sumar. Á árum áður
var rosavinna í humarvinnslunni en
síðan það datt upp fyrir hefur
atvinna verið léleg á sumrin.
- GFr
Magnús trillukarl á Sæljóni: Nel, ég er ekkl flsklnn. Ljósm: GFr.
„Ég er ekki fiskinn“
Rabbað við
Magnús Vilhjálmsson
trillukarl á Akranesi
„Ég er bara aö dingla hér í
kring og hef ekkert aö segja,“
sagöi Magnús Vilhjálmsson
trillukarl á Akranesi þegar
við svífum á hann á bryggj-
unni þar sem hann var að
huga að bát sínum, Sæljóni
AK 24. „Talaðu heldur við
þessa“, sagðí hann, og benti
á nokkra menn í skutbyggð-
um bát. Þeir koma með 5-6
tonn sem er helv. mikið.
- Hvað hefur þú fengið?
- Það er ekki neitt, rétt svona í
soðið og til að hengja upp.
- Það er mikill fjöldi trillubáta
hér í höfninni?
síðustu árin. Það eru líklega 80 - 90
bátar og helmingurinn af þeim er á
grásleppu.
- Hvar eru miðin?
- Þau eru alveg frá Skaga og
vestur á Mýrar, mikið í kringum
Hjörsey. Svo er líka farið í Borg-
arfjörð og Hvalfjörð.
- En þú fiskar ekki mikið?
- Nei, ég er ekki fiskinn.
- Ertu gamall sjómaður?
- Ég hef alla tíð verið á sjó, á
togurum, bátum og trillum.
- Ertu með mann með þér?
- Ég hef strák með mér.
- Er þetta ekki mikil vinna?
- Það er endalaus vinna, óend-
anleg, sérstaklega ef fiskast vel.
- Og sæmilegt upp úr þessu að
hafa?
- Ef fiskast, þá er þetta sæmi-
legt.
- GFr
Hátíðarhöld
sjómannadagsins
í Reykjavík
og Hafnarfirði
Að þessu sinni verður hátíðardagskrá sjómannadagsins í Reykja-
vík við Reykjavíkurhöfn en 14 ár eru síðan dagskráin var haldin þar
síðast.
Eftir minningarþjónustu í Dómkirkju kl. 11 þar sem minnst verður
drukknaðra sjómanna fara hvalbátar í skemmtisiglingu með börn og
fullorðna um stundin blá frá Faxagarði frá kl. 13.00.
Útihátíðarhöldin byrja kl. 13.30 með ávörpum sjávarútvegsráð-
herra, fulltrúa útgerðarmanna og sjómanna og sjómenn verða heið-
raðir. Þá verður keppt í kappróðri og sýnd björgun í höfninni. Kl. 16.30
verða atriði frá Listahátíð, látbragðsleikur og grín við höfnina.
Sjómannahófið verður að Hótel Sögu og hefst með borðhaldi kl.
19.30 um kvöldið.
Að Hrafnistu í Hafnarfirði sjómannamessa kl. 11 og síðan kaffisala
og sýning á handavinnu vistmanna frá kl. 15-17.
Ungum sem öldnum Göflurum verður boðið í skemmtisiglingu um
fjörðinn kl. 13.00 og kl. 14.15 verður lagöur blómsveigur að minnis-
merki um Örn Arnarson í tilefni 100 ára fæöingarafmælis hans. Kl.
14.30 hefst hátíðin við höfnina með ræðuhöldum og leikjum og sjóm-
annahóf verður í Skiphól um kvöldið.
Rétt er að minna á merki sjómannadagsins sem gildir sem að-
göngumiði fyrir fullorðna í skemmtisiglingarnar og einnig á veglegt
sjómannadagsblað sem sjómannadagsráð gefur út. _|q
'i